Ichaía 3:11 - Tupanaarü Ore

¹¹ Natürü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃ i chixexü̃gu maxü̃xü̃. Rü ngẽma chixexü̃ i naxüxü̃gagu rü tá guxchaxü̃ naxca̱x ínangu. Erü Cori ya Tupana rü ngẽma chixexü̃ i naxüxü̃ca̱x tá nanapoxcu.

Ichaía 3:11 Referans Kwoze

Ngu̱xẽẽtaeruü̃arü ore 8:13

Natürü ngẽma chixexü̃gu maxẽxü̃ rü taxũtáma mexü̃wa nangẽxmagü rü taxũtáma mucü ya taunecü namaxẽ. Rü ñoma wüxi i gáuxchipetarüxü̃ paxa inarütaxu, erü tama Tupanaxü̃ namuü̃e.

Popera ga Chantiágu ümatüxü̃ 2:13

Erü guxãma ya yíxema tama tümamücügü tüxü̃́ ngechaü̃tümüü̃güxe, rü Tupana rü taxũtáma nüxü̃́ tangechaü̃tümüü̃güãcüma tüxna naca i tümaarü maxü̃chiga. Natürü yíxema tümamücügü tüxü̃́ ngechaü̃tümüü̃güxe, rü taxũtáma tamuü̃e i ngẽxguma Tupana tüxna caxgux, erü nüxü̃́ tangechaü̃tümüü̃güãcüma tá tüxna naca.

Wiyaegü 28:4

Rü ngẽmaca̱x, Pa Corix, rü name nax cunapoxcuexü̃ naxca̱x i ngẽma norü chixexü̃ i naxügüxü̃. ¡Rü ngẽma chixexü̃ i to̱xguã̱xmaxã naxügüxü̃ rü ngẽmatama chixexü̃ naxca̱x natáeguxẽxẽ!

Ichaía 65:20

Rü ngéma rü tataxuma ya buxe ya noxretama i ngunexü̃ maxü̃́xẽ rü paxa yuxe, rü bai ya yaxguã̱x ya tama mea rüyaexe. Rü yíxema 100 ya taunecü tüxü̃́ ngẽxmaxe yuxe rü tá ngextü̱xütama. Rü yíxema tama 100 ya taunecüwa nguxe nax tayuxü̃ rü tümaarü chixexü̃gagutama nixĩ i paxa tayuxü̃.

Ichaía 48:22

Natürü naxca̱x i ngẽma chixri maxẽxü̃ rü nataxuma i taãxẽ. Rü nüma ya Cori ya Tupana nixĩ i ngẽma ñacü.

Ucu̱xẽgüchiga 1:31

Nagagu i ngẽma pecüma i chixexü̃gü rü tá ngúxü̃ pingegü, rü düxwa tá namaxã penaxĩ̱xãchiãẽgü i ngẽma perü ĩnügü i chixexü̃.

2 Corintios 5:10

Erü guxãtáma i yixema rü Cristupe̱xewa tá tangugü nax wüxichigü nayaxuxü̃ca̱x i ngẽma tüxna üxü̃. Rü ngẽxgumarüxü̃ nax ñuxãcü mea imaxẽxü̃ rüe̱xna chixexü̃gu imaxẽxü̃ ga yexguma ñoma ga taxünewa iyexmagügu, rü ngẽmaãcü tá tüxna nanaxã ya wüxichigü.

Naanearü ügüchiga 18:25

Cha̱u̱xca̱x rü tama name nax cunada̱i̱xü̃ i ngẽma mea maxẽxü̃ i duü̃xü̃gü wüxigu namaxã i ngẽma chixexü̃ ügüxü̃, ñoma chi guxü̃ma naxügüxü̃rüxü̃ i ngẽma chixexü̃. Rü taxucürüwama ngẽma cuxü erü tama ngẽmagu curüxĩnü. Rü cuma nixĩ i guxãarü maxü̃maxã icucuáxü̃ ¿rü tama ẽ̱xna i ngẽma mea maxẽxü̃gagu nüxü̃ icurüngümaxü̃ nax cunadaiãcuxü̃ ya yima ĩane? —ñanagürü.

Yox 10:15

Rü ngẽxguma chi aixcüma chixexü̃ chaxüxgu rü marü icharütaxu. Rü woo ega taxuxü̃ma i chixexü̃ chaxüxgu rü taxucürüwa chataãxẽ, erü choxü̃ cuxãnexẽxẽ rü choxü̃ cunaxĩ̱xãchiãẽxẽxẽ.

Ucu̱xẽgüchiga 12:14

Wüxichigü rü nanayauxtanü i ngẽma ore i nüxü̃ yaxuxü̃, rü nanayauxtanü i ngẽma naxüxü̃.

Ichaía 13:11

Rü nüma ya Cori ya Tupana rü ñanagürü: —Tá chanapoxcue i ñoma i naanecüã̱x naxca̱x i ngẽma norü chixexü̃. Rü ngẽma duü̃xü̃gü i chixexü̃gu maxẽxü̃ rü tá chanapoxcu naxca̱x i ngẽma nax namáetagüxü̃. Rü tá ichayanaxoxẽxẽ i nacüma i namaxã nügü ínatagüxü̃ i ngẽma duü̃xü̃gü i nügü icua̱xüü̃güxü̃. Rü tá chanaxãneexẽxẽ i ngẽma nügü írütagüxü̃ rü ngẽma taxuwama toguexü̃ mexẽẽgüxü̃.

Ichaía 65:6

Natürü guxü̃ma i ngẽma naxügüxü̃ rü chope̱xegu naxümatü, rü ngẽmaca̱x rü taxũtáma chanangupetüxẽẽmare. Rü ngẽma chixexü̃ i naxügüxü̃gagu tá naxca̱x íchananguxẽxẽ i norü natanü.

Ichaía 65:7

Rü ngẽma nax namáetagüxü̃ca̱x rü nanatügü rü ta namáetagüxü̃ca̱x rü tá chanapoxcue. Rü nümagü rü poraãcü choxü̃ nanuxẽẽgü erü ma̱xpǘnegüwa naxchicüna̱xãgüca̱x pumarate̱xe ínagugü. Rü ngüchitaeruxü̃güwa choxü̃ tachoxü̃gagü rü yemaacü choxü̃́ nanangu̱xẽẽgü. Rü ngẽmaca̱x i choma rü tá chanapoxcue —ñanagürü. Rü nüma ya Cori ya Tupana nixĩ i ngẽma ñaxü̃.

Yeremía 21:14

Choma rü tá pexü̃ chapoxcue, erü ngẽma nixĩ i pexna üxü̃ nagagu i ngẽma chixexü̃gü i pexügüxü̃. Rü nawa tá chanangixichi i ngẽma perü naixnecügü. Rü yima üxüema rü tá nayaxaxẽxẽ i guxü̃ma i ngẽma naixnecügü i perü ĩanecüwawa ngẽxmagüxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ga Yeremía.

Yeremía 31:30

Erü wüxichigü i duü̃xü̃ rü nümatátama nanaxütanü i noxrütama pecadu. Rü ngẽmaãcü wüxichigü i pema rü tá penaxütanü i ngẽma chixexü̃ i pematama pexüxü̃ —ñanagürü.

Echequié 2:10

Rü guma naxme̱x rü chope̱xewa ínayawẽ ga yema popera. Rü yema popera rü taxrecüwawa naxãmatü. Rü ngechaü̃gü̃, rü ngúxü̃gü, rü ãxũnegü nagu naxümatü.

Echequié 18:20

Rü yíxema chixexü̃ üxexicatama tá tixĩ ya tümaarü chixexü̃gagu poxcuexe. Rü nüma ya yimá nane ya mecü rü taxũtáma nanatüarü chixexü̃ naxütanü. Rü wüxi i papa i mexü̃ rü taxũtáma nanearü chixexü̃ naxütanü. Rü yíxema mexü̃ ǘxe rü tá tanayaxu i tümaarü ãmare naxca̱x i ngẽma mexü̃ i taxüxü̃. Rü yíxema chixexü̃ ǘxe rü tá tanayaxu i tümaarü poxcu naxca̱x i ngẽma chixexü̃ i taxüxü̃.

Echequié 24:14

Rü ngẽma nagu charüxĩnüxü̃ rü taxũtáma chanaxüchicüxü, rü chomatátama chayanguxẽxẽ. Rü cuxü̃ tá chapoxcu nagagu ga cucüma ga nagu cumaxü̃xü̃ rü nagagu ga guxü̃ma ga yema chixexü̃ ga cuxüxü̃. Rü taxũtáma choxü̃́ cuxauxãchitümüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma chorü ore, rü ngẽmaãcü tá chanaxü —ñanagürü ga Cori ya Tupana.

Echequié 33:8

Rü ngẽxguma chi choma rü yu namaxã chaxuegugu i wüxi i duü̃xü̃ i chixexü̃ üxü̃, rü chi cuma rü tama namaxã nüxü̃ quixuxgu nax nüxü̃ naxoxü̃ca̱x i ngẽma nacüma i chixexü̃, rü nüma rü tama nüxü̃ naxoxgu, rü nüma rü düxwa norü pecadugagu tá nayu. Natürü i choma rü tá cuxna chaca naxca̱x i ngẽma duü̃xü̃ i norü chixexü̃gu yuxü̃.

Miquéa 3:4

Rü wüxi i ngunexü̃ rü tá nüxna pecagü ya Cori ya Tupana nax pexü̃ nangü̃xẽẽxü̃ca̱x, natürü i nüma rü taxũtáma pexü̃ nangãxü̃. Rü ngẽxguma i nüma rü tá pexcha̱xwa inicu̱x nagagu i ngẽma chixexü̃ i pexügüxü̃.

Miquéa 7:13

Rü ngẽma togüarü naanegü rü chianexü̃ tá nananguxuchi nagagu i ngẽma norü duü̃xü̃güarü chixexü̃gü.

Iraétanüxü̃arü muxchiga 32:23

Natürü ngẽxguma taxũtáma ngẽmaãcü penaxü̱xgux rü wüxi i taxü̃ i chixexü̃ tá pexüe Cori ya Tupanape̱xewa, rü nüma tá pexü̃ napoxcu ega tama peyanguxẽẽgu i ngẽma namaxã nüxü̃ pixuxü̃.

Ãẽ̱xgacügü ga guxchaxü̃güarü mexẽxẽruü̃gü 9:57

Rü Tupana rü Chiquéü̃cüã̱xgüxü̃ rü ta napoxcue naxca̱x ga yema máeta ga naxügüxü̃. Rü yemaacü ningu ga yema poxcu ga Yedeóü̃ nane ga Yotáü̃ yema duü̃xü̃gümaxã ueguxü̃.

2 Chamué 3:39

Rü ngẽmaca̱x i choma rü woo Tupana choxü̃ unetaxü̃ nax ãẽ̱xgacü chixĩxü̃ rü chaugü chacua̱x nax chaturaxü̃ nape̱xewa i ngẽma taxü̃ i chixexü̃ i naxüexü̃ i Cheruiá nanegü i tama chauga ĩnüexü̃. ¡Rü Cori ya Tupana tüxna naxã i tümaarü poxcu ya yíxema ñaa chixexü̃ üxe! —ñanagürü.

Nüxíraxü̃xü̃ ga popera ga ãẽ̱xgacügüchiga 21:21

Rü ngẽmaca̱x ya Cori ya Tupana rü ñanagürü cuxü̃: “Tá cuxca̱x íchananguxẽxẽ i taxü̃ i guxchaxü̃, rü cugagu tá ichayanaxoxẽxẽ i guxü̃ma i cutanüxü̃. Rü tá chanadai i guxü̃ma i cutanüxü̃ i yatüxü̃gü i Iraéanewa ngẽxmagüxü̃.

Ucu̱xẽgüchiga 11:31

Ngẽma duü̃xü̃gü i mexü̃gu maxẽxü̃ rü ñoma i naanewa tá nanayauxgü i natanü naxca̱x i ngẽma mexü̃ i naxügüxü̃. Rü ngẽxgumarüxü̃ ta i ngẽma duü̃xü̃gü i chixexü̃gu maxẽxü̃, rü tá nanayauxgü i natanü naxca̱x i norü chixexü̃ i naxügüxü̃.

Ucu̱xẽgüchiga 26:27

Texé ya wüxi i ãxmaxü̃ ǘxe rü tüma tátama nagu tingucuchi. Rü texé ya nuta ya tacüxü̃ cuxnetaxe nax yadixixü̃ca̱x, rü yimá nuta rü tá tümaétüwa nadixi.

Echequié 16:59

Rü choma ya Cori ya Tupana rü cuxü̃ ñachagürü: Cuxü̃ tá chapoxcu, erü tama cuyanguxẽxẽ ga yema chomaxã cuxueguxü̃, rü ñu̱xũchi tama cuyanguxẽxẽ ga yema uneta ga chomaxã cuxüxü̃.