Ichaía 28:2 - Tupanaarü Ore

^2-3 Rü ngẽmaca̱x nüma ya Cori ya Tupana rü ngéma tá nanamugü i norü uanügü i churaragü i poraxüchixü̃. Rü ñoma gáuxü̃ i dauxü̃wa rüyi̱xü̃rüxü̃ rü buanecü ya taxüchicü ya ĩpatagügu pogüxü̃rüxü̃ tá nixĩgü. Rü ñoma pucü ya taxüchicü ya guxü̃wama nanguanexẽẽcürüxü̃ ta nixĩgü i ngẽma churaragü. Rü ngẽma norü uanügü i churaragü rü tá nagu napogüe ya yima ĩane ya Chamária ya namaxã nügü yacua̱xüü̃güne i ngẽma duü̃xü̃gü i ngãxwa̱xegüxü̃ i Efraíü̃anewa ngẽxmagüxü̃.

Ichaía 28:2 Referans Kwoze

Naúü̃ 1:8

Natürü yíxema tama naga ĩnüexe rü tá tüxü̃ nadai ñoma dexá tümaétü iñaxü̃chiüxü̃rüxü̃. Rü yíxema norü uanügü rü ẽanexü̃wa tá tangexmagü.

Echequié 13:11

Rü ngẽma cómüxü̃maxã nachagüxü̃ i ngẽma naxtapü̱x, rü namaxã nüxü̃ ixu rü tá niwa̱x i ngẽma naxtapü̱x. Erü pucü ya tacü tá ínangu, rü gáuxü̃ i ñoma nutapütagürüxü̃ ixĩxü̃ tá narüyi. Rü wüxi ya buanecü ya tacü ya íxãũxẽmacü tá ínangu, rü tá niwa̱x i ngẽma naxtapü̱x.

Ichaía 30:30

Rü nüma ya Cori ya Tupana rü tá pexü̃ nüxü̃ naxĩnüxẽxẽ i naga i tagaxüchixü̃ rü tá pexü̃ nanawe̱x i norü pora. Rü perü uanümaxã tá poraãcü nanu. Rü üxüema i guxü̃xü̃ iguxü̃ tá naxca̱x nango̱xẽxẽ, rü ãẽmacügü tá naxca̱x nanaxüxẽxẽ rü taxüchicü ya pucü tá ínanguxẽxẽ rü gáuxü̃püta tá narüyixẽxẽ.

Ichaía 27:1

Rü ngẽma ngunexü̃gu rü nüma ya Cori ya Tupana rü norü tara i tacü i ãũcümacü rü pora ngĩxü̃wa ngẽxmacümaxã, tá nanacua̱xi i ngẽma ngo̱xo i Lebiatáü̃ i ãxtape i wü̃xü̃güãcü paxa ixũxü̃. Rü ñu̱xũchi nüma ya Tupana rü tá nayama̱x i ngẽma ngo̱xo i dragóü̃ i márwa ngẽxmaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:8

Rü ngẽmaca̱x tá nixĩ i wüxitatama i ngunexü̃gu ínanguxü̃ i ngẽma ĩanearü poxcu. Rü ngẽma ĩanecüã̱x rü ngúanemaxã tá nayue, rü poraãcü tá nangechaü̃gü, rü tá naxauxe rü poraãcü taiya tá nüxü̃́ nangu̱x, rü norü ĩane rü üxümaxã tá nigu. Erü naporaxüchi ya yimá Cori ya Tupana i ngẽma ĩanexü̃ poxcucü”, ñanagürü ga yema naga.

Ichaía 40:10

Rü marü norü poramaxã ínangu ya Cori ya Tupana, rü guxü̃táma i ngẽma norü poramaxã duü̃xü̃gümaxã inacua̱x. Rü marü ínananguxü̃xẽxẽ rü nanawoeguxẽxẽ i norü duü̃xü̃gü ga norü uanügü togü ga nachixü̃anewa gagüxü̃.

Ichaía 25:4

Rü yíxema ngearü poraã̱xgüxeca̱x rü cumax, Pa Corix, rü tümaarü poxü̃ruxü̃ quixĩ. Rü cuma rü tümaarü ngü̃xẽẽruxü̃ quixĩ ya yíxema taxúema tüxü̃ rüngü̃xẽẽgüxe. Rü cuma rü tümaétüwa cuchogü ya yíxema guxchaxü̃wa ngẽxmagüxe. Rü cuma rü tümaarü gáuxpechitaruxü̃ quixĩ ya yíxema üa̱xcüarü naiemaxü̃ tüxü̃ iguxe. Rü tüxü̃ ícupoxü̃ nüxna i ngẽma duü̃xü̃gü i poraãcü chixecümagüxü̃ i ñoma taxüchicü ya buanecü ya pucümaxã íngucürüxü̃ ixĩgüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:7

Rü yema nape̱xewa yexmaxü̃ ga Tupanaarü orearü ngeruxü̃ rü nüxíra nayacue ga norü cornéta. Rü yexgumatama ñoma ga naaneétügu narüyi ga gáuxü̃pütagü rü üxüẽma ga nagümaxã ãéü̃xü̃. Rü wüxi ga yema norü tomaepü̱xarü üye ga naane rü nixa. Rü yexgumarüxü̃ ta wüxi ga yema norü tomaepü̱xarü üye ga naixnecü rü nixa. Rü guxü̃ma ga natüane rü nixae.

Yochué 10:11

Rü yexguma Iraétanüxü̃cha̱xwa nabuxmügu ga yema Amoréutanüxü̃ nagu ga yema Bex-oróü̃arü tuãchixü̃, rü nüma ga Cori ya Tupana rü gáuxü̃ ga itapütaxü̃ naétügu nayixẽxẽ. Rü Iraétanüxü̃ daixü̃arü yexera yema gáuxü̃maxã nayue ga Amoréutanüxü̃.

Yox 22:16

Rü ngẽma duü̃xü̃gü i chixexü̃gu maxẽxü̃ rü paxãma nayue ñoma wüxi i natü i poraü̃chíüxü̃gu nayixgurüxü̃.

Ichaía 8:6

—Choma rü ngẽma dexá i meamare puchu i Chiloéwa ne yáxü̃rüxü̃ nüxü̃ charüngü̃xẽẽchaü̃ i ngẽma Yudáanecüã̱xgü, natürü choxü̃ naxoe erü ãẽ̱xgacügü ga Rechíü̃xü̃ rü Remaría nane ga Pécaxü̃ namuü̃e.

Ichaía 30:28

Rü ngẽma norü ngü̃ãcüxü rü ñoma wüxi i natü irübaixü̃ i guxü̃wama inanguanexẽẽxü̃rüxü̃ nixĩ. Rü ngẽma nachixü̃anegü i tama naga ĩnüexü̃, rü nüma ya Tupana rü tá guxchaxü̃ naxca̱x ínanguxẽxẽ nax ngẽmaãcü nüxü̃ nacua̱xgüxü̃ca̱x nax natüxü̃wa nangẽxmagüxü̃. Rü tá namaxã inacua̱x i norü uanügü nax ngẽmaãcü ínatüexü̃ca̱x.

Ichaía 32:19

Rü woo taxü̃ i gáuxü̃pütagü rüyixgu rü perü naixnecüxü̃ nachixexẽẽãgu, rü woo perü ĩanegu napogüegu, natürü i pema rü tá petaãẽ rü taxü̃ i dexá íngexmaxü̃gu tá petoegü. Rü ngéma tá penachibüexẽxẽ i perü woca rü perü búru.

Echequié 38:9

Rü cumax, Pa Góx, rü ngẽma nachixü̃anewa tá cungu rü ñoma wüxi i caixanexü̃ i waemaxü̃rüxü̃ tá curü muxü̃ma i churaragü i muxü̃ma i nachixü̃anewa ne ĩxü̃maxã cuyapaxẽxẽ i ngẽma nachixü̃ane”, ñachagürü.

Danié 9:26

Rü ngẽma 62 i yüxüwena rü tá nayama̱xgü ya yima ãẽ̱xgacü ya mecü. Rü ngẽmawena rü tá ningucuchi i wüxi i ãẽ̱xgacü. Rü ngẽma norü duü̃xü̃gü rü tá nagu napogüe ya Yerucharéü̃ rü yima Tupanapata ya taxü̃ne. Rü ngẽma Yerucharéü̃gu nax napogüexü̃ rü ñoma wüxi ya mucü ya ngürüãchi guxü̃wama inanguanexẽẽcürüxü̃ tá nixĩ. Rü ngẽma dai rü taxũtáma ínayachaxãchi rü ñu̱xmatáta mea nagu napogüe ya yima ĩane, yerü yemaacü nanaxuegu ga Tupana.