Ichaía 28:1 - Tupanaarü Ore

¹ Wüxi i ngechaü̃ tá nixĩ naxca̱x ya Chamária ya Efraíü̃anearü ĩane ya taxü̃ne ya namaxã nügü yacua̱xüü̃güne i ngẽma duü̃xü̃gü i ngãxẽxü̃. Yima ĩane ya Chamária ya metachinüxü̃ iyacuáxü̃arü ma̱xpǘnewa ngẽxmane, rü ñoma putüragü i mexü̃gü i paxãma rüñẽ̱xchacuxü̃rüxü̃ nixĩ, rü norü duü̃xü̃gü rü bínumaxã nangãxẽecha.

Ichaía 28:1 Referans Kwoze

Ochéa 7:5

Rü ngẽxguma nawa nanguxgu nax peta naxüxü̃ i nachixü̃anearü ãẽ̱xgacü, rü ngẽma norü ngü̃xẽẽruü̃gü rü bínumaxã nanangãxẽẽgü. Rü nüma ya ãẽ̱xgacü rü norü ngãxü̃maxã nüxü̃ narümoxẽ i duü̃xü̃gü i nüxü̃ cugüexü̃.

Ichaía 28:7

Natürü nangẽxma i togü i bínuarü ngu̱xmaxã ichü̱xatanücüüxü̃ rü axexü̃ i ngúxü̃maxã itaixteparatanücüüxü̃. Rü ngẽma chacherdótegü rü orearü uruü̃gü rü axexü̃ i ngúxü̃maxã nichü̱xatanücüxü rü nitaixteparatanücüxü. Rü bínumaxã naxãũãẽgü. Rü axeü̃ i ngúxü̃gagu nitaixteparatanücüxü. Rü toxicaxü̃ nixu rü ngéma namuga i ngẽxguma nango̱xetügu. Rü ngãxãcü nanaxuegu i poxcu.

Amúx 6:6

Rü taxü̃ i pexpáxü̃wa peyaxaxgü ya bínu. Rü pumara i yixichixü̃maxã pegü peyixemagü. Natürü tama nagu perüxĩnüe i ngẽma pechixü̃ane nax chixexü̃gu nanguxü̃.

Amúx 6:1

—¡Pegümaxã pengechaxü̃gü, Pa Chióü̃cüã̱x! Pema rü perü ĩanena perüyoü̃ rü petaãxẽgü erü nagu perüxĩnüe rü taxuxü̃táma pexü̃ nangupetü. Rü ngẽxgumarüxü̃ ta ¡pegümaxã pengechaxü̃gü i pema i Chamáriaarü ĩanena rüyoü̃xẽ! Pema rü nagu perüxĩnüe nax naporaxü̃ ya yima ĩane rü ngẽmaca̱x taxuxü̃táma pexü̃ nangupetü. Rü pema i Iraéanecüã̱x rü ngẽma ĩanearü ãẽ̱xgacügüaxü̃́ peyaxõ erü nagu perüxĩnüe rü tá pexü̃ ínapoxü̃gü.

Amúx 2:12

Rü ñanagürü ta: —Natürü ga pema rü penamu ga yema Nacharéugü nax bínu yaxaxgüãxü̃ca̱x. Rü yema chorü orearü uruü̃gü rü nüxna penachu̱xu nax chorü orexü̃ yaxugüexü̃.

Amúx 2:8

Rü ngexü̃rüüxü̃ i ãmarearü guruü̃cüwawa nagu pecagü i tümachirugü ya yixema pexü̃́ tangetanüxü̃ca̱x tüxna peyaxuxü̃. Rü penangõ̱x i ngẽma õnagü i tupananetachicüna̱xãgüxü̃ namaxã picua̱xüü̃güxü̃. Rü naxca̱x petaxe ya bínu ngĩmaxã i ngẽma diẽru i womüxẽẽãcüma duü̃xü̃güxü̃tawa ngĩxü̃ peyaucü nax perü tupananetagüpatawa peyaxaxgüxü̃ca̱x ya yima bínu.

Ochéa 6:10

Iraéanewa rü nüxü̃ chadau i ngẽma chixexü̃chixü̃. Ngẽma Efraíü̃tanüxü̃ rü tupananetagüxü̃ nicua̱xüü̃gü. Rü guxü̃ma i ngẽma Iraéanecüã̱xgü rü ta ngẽxgumarüxü̃ nixĩgü.

Ochéa 5:5

Rü ngẽma Iraéanecüã̱xgü rü nügü nicua̱xüü̃gü rü nügü ínarütagü. Rü ngẽmagagu rü tá naxca̱x ínangu i guxchaxü̃. Rü ngẽma Efraíü̃tanüxü̃ rü norü chixexü̃gu tátama nayi. Rü ngẽma Yudáanecüã̱xgü rü tá ta noxrütama chixexü̃gu nayi.

Ochéa 4:11

Rü ngẽma nax ngexü̃ i ngĩxü̃nemaxã taxegüxü̃maxã namaxẽxü̃gagu rü ñu̱xũchi nax bínumaxã nangãxẽxü̃gagu rü chorü duü̃xü̃gü nüxü̃ inarüngümae i ngẽma mexü̃ i ĩnü.

Ichaía 8:4

Rü yimá cune rü naxü̃pa nax nüxü̃ nacuáxü̃ nax “papa” rü “mama” ñaxü̃, rü yima ĩanegü ya Damácu rü Chamária rü tá norü uanügü nagu nachocu. Rü tá nanade i norü ngẽmaxü̃gü, rü Achíriaanearü ãẽ̱xgacüxü̃tawa tá nanana —ñanagürü.

Ichaía 5:22

¡Rü pegümaxã pengechaü̃gü erü taxúema pemaxã tawüxigu i bínuarü axwa, rü taxúema pemaxã tawüxigu i dearü üwa!

Ichaía 5:11

Rü pegümaxã pengechaü̃gü i pemax marü yangunechaü̃gu írüdagüxe nax pegü pengãxẽxẽẽxü̃ca̱x rü ñu̱xmata pechütaxü̃gümare.

Ucu̱xẽgüchiga 23:29

¿Texé tixĩ ya yíxema ngúxü̃ ingexe? ¿Texé tixĩ ya yíxema ngéma ixãĩnecüǘxe? ¿Texé tixĩ ya yíxema nuca̱x dauxe rü ngechaü̃ ínguxeẽ́xẽ? ¿Rü texé tixĩ ya yíxema natüca̱xma napíxe? ¿Rü texé tixĩ ya yíxema dauxetüxe?

Norü taxre ga to ga popera ga ãẽ̱xgacügüchiga ümatüxü̃ 28:6

Rü wüxitama ga ngunexü̃gu rü Chíriaanearü ãẽ̱xgacü ga Péca ga Remaría nane rü 120,000 ga Yudáanearü churaragü ga tama muü̃wa̱xegüxü̃xü̃ nadai. Rü yemaacü nangupetü yerü Acháx rü yima Cori ga norü o̱xigüarü Tupanana nixũgachi.

Norü taxre ga popera ga ãẽ̱xgacügüchiga 15:29

Rü yexguma Péca rü Iraéanearü ãẽ̱xgacü yixĩxgu rü yéma nangu ga Achíriaanearü ãẽ̱xgacü ga Tigáx-piréche. Rü nayapu ga guma ĩanegü ga Ióü̃ rü Abé-béx-maacá, rü Yanóa, rü Quédex, rü Achóx, rü Garaáx rü Gariréa, rü ñu̱xũchi guxü̃ma ga yema Netaríarü naane. Rü guxü̃ma ga yema duü̃xü̃gü ga yéma maxẽxü̃ rü Achíriaanewa nanagagü.

Lebítanüxü̃arü puracüchiga 26:19

Rü ngẽxguma pegü picua̱xüü̃güamagu rü choma rü yexera tá guxchaxü̃ pexca̱x íchanguxẽxẽ. Rü tá chanamu nax tama napuxü̃ca̱x nax ngẽmaãcü tama naxoxü̃ca̱x i penetügü i peanewa ngẽxmagüxü̃.

Ochéa 5:9

Pa Iraétanüxü̃x, ngẽma pemaxã nüxü̃ chixuxü̃ rü aixcüma tá nixĩ iyanguxü̃. Rü ngẽxguma nawa nanguxgu nax pexü̃ chapoxcuxü̃ rü ngẽma Efraíü̃ane rü natüchixica tá ínayaxü —ñanagürü.

Ichaía 9:8

Rü nüma ya Cori ya Tupana rü Acóbu nataagü i Iraétanüxü̃ca̱x nayamu ga norü ore. Rü guxü̃ma i Efraíü̃tanüxü̃ i ĩane i Chamáriagu ãpatagüxü̃ rü nüxü̃ nicua̱xãchitanü. Natürü nümagü rü nügü ínatagüãcü rü nügü yacua̱xüü̃güãcü ñanagürügü:

Ichaía 9:11

Natürü nümatama ya Cori ya Tupana rü tá ngéma nanamu i ãũcümaxü̃chixü̃ i uanügü nax Iraétanüxü̃ca̱x íyaxüãchixü̃.

Amúx 4:1

¡Iperüxĩnüe, Pa Ngexü̃gü i Íngüexü̃ i Chamáriawa Maxẽxü̃x! Pema rü chixri tümamaxã ipecua̱x ya yíxema ngearü diẽruã̱xgüxe. Rü yíxema ngü̃xẽẽca̱x pexna caxemaxã rü chixri tümamaxã pixĩxgü. Rü petegüxü̃ pemu nax perü axruxü̃ ya bínuwa naxĩxü̃ca̱x.

Amúx 6:4

Pema rü perü pechicagü i marfíxmaxã nanga̱xãẽxü̃wa pepee, rü perü toruxü̃ i mexẽchixü̃gu pecagü, rü ngẽxma perüngü̃gü. Rü ngéma penangõ̱x i õna i mexẽchixü̃ i carnéruxacümachi rü wocaxacü i ngüexü̃machi.

Amúx 6:8

Rü nüma ya Cori ya Tupana rü nügüégagu nanaxuegu. Rü Cori ya Tupana ya Guxãétüwa Ngẽxmacü rü nüxü̃ nixu rü ñanagürü: —Choma rü naxchi chaxai nax nügü yacua̱xüü̃güxü̃ i ngẽma Acóbuarü duü̃xü̃gü. Rü tama namaxã chataãxẽ ya yima norü ãẽ̱xgacüpatagü ya mexẽchine. Rü norü uanügüme̱xẽwa tá chanangexmagüxẽxẽ ya yima norü ĩane namaxã i guxü̃ma i ngẽma nawa ngẽxmaxü̃ —ñanagürü.