Ichaía 27:9 - Tupanaarü Ore

⁹ Natürü nüma ya Cori ya Tupana rü tá nüxü̃́ nüxü̃ inayarüngüma i ngẽma Iraétanüxü̃arü chixexü̃gü rü tá ínanapi i norü pecadugü i ngẽxguma nagu napogüegu i norü tupananetagüarü ãmarearü guruü̃güarü nutagü, ñoma nuta ya cal íxraxü̃gu pocürüxü, rü ngẽxguma ínawogüãgu i ngẽma naigü i Acheráchicüna̱xãgü i namaxã natupanaã̱xgüxü̃ rü nagu napogüegu i ngẽma guruü̃gü i nawa norü tupananetagüca̱x pumarate̱xe ínagugüxü̃.

Ichaía 27:9 Referans Kwoze

Romanos 11:27

Rü aixcüma norü pecaduwa tá íchananguxü̃xẽxẽ i ngẽma Yudíugü. Rü ngẽxguma tá nixĩ nax chayanguxẽẽxü̃ i ngẽma chorü uneta”, ñanagürü ga Tupana.

Ichaía 48:10

Rü tama ñoma diẽrumü üxüwa iguxü̃rüxü̃ pexü̃ chimexẽẽgü, natürü i choma rü pexü̃ chimexẽẽgü namaxã i ngẽma ngúxü̃ i pexü̃ chingexẽẽxü̃.

Danié 11:35

Rü ngẽxgumarüxü̃ ta i ñuxre i ngẽma nüxü̃ icuáxü̃ nax duü̃xü̃güxü̃ nangúexẽẽxü̃, rü norü uanügü rü tá nawe ningexü̃tanü. Rü ngẽmaãcü Tupana tá nüxü̃ naxü nax nape̱xewa yamexü̃ca̱x. Rü ngẽmaãcü nixĩ rü ñu̱xmata nawa nangu i ngẽma ngunexü̃ ya Tupana nagu unetaxü̃.

Ichaía 17:8

Rü taxũtáma nagu narüxĩnü i ngẽma ãmarearü guruü̃gü rüe̱xna ta̱xacü i to i nümatama naxme̱xmaxã naxüxü̃ nax norü tupanagüxü̃ yacua̱xüü̃güxü̃ca̱x. Rü taxũtáma nagu narüxĩnü i ngẽma naixmena̱xãgü i namaxã natupanaã́xü̃ rü ngẽma ãmarearü guruü̃gü i nawa norü tupananetagüca̱x yaguxü̃ i pumarate̱xe.

Popera ga Yudíugü ga yaxõgüxü̃ca̱x ümatüxü̃ 12:6

Erü nüma ya Cori ya Tupana rü tüxü̃ inayarüwe̱xãchixẽxẽ ya yíxema tüxü̃ nangechaü̃xẽ. Rü tüxna nanacua̱i̱xca ya yíxema naxacüxü̃ tüxü̃ nayaxúxe”, ñanagürü.

1 Corintios 11:32

Natürü ngẽxguma tórü Cori ñoma i tórü maxü̃wa tüxü̃ poxcugu, rü ngẽmaãcü tüxü̃ inayarüwe̱xãchixẽxẽ nax tama yixcüra naanearü gu̱xgu tüxü̃ napoxcuxü̃ca̱x wüxigu namaxã i ngẽma duü̃xü̃gü i tama yaxõgüxü̃.

Chacaría 13:2

Rü guxü̃wama i ñaa nachixü̃anewa rü tá ichayanaxoxẽxẽ i woo i naégagü i ngẽma tupananetachicüna̱xãgü nax ngẽmaãcü tama nüxü̃ yacua̱xüü̃güxü̃ca̱x i duü̃xü̃gü. Rü ñaa nachixü̃anewa rü ngẽxgumarüxü̃ tá ta ichayanaxoxẽxẽ i ngẽma tupananetagüarü orearü uruü̃gü rü guxü̃ma i chixexü̃ i naãẽgü. Rü choma ya Cori ya Tupana nixĩ i ngẽma ñachaxü̃.

Ochéa 14:8

Rü Efraíü̃tanüxü̃ rü tá ñanagürügü: “Marü taxuwama choxü̃́ name i ngẽma tupananetachicüna̱xãgü”, ñanagürügü tá. Rü choma rü tá nüxü̃ charüngü̃xẽxẽ rü nüxna chadau i chorü duü̃xü̃gü. Rü guxü̃gutáma namaxã chamecüma ñoma wüxi i pinu i guxü̃guma ya̱u̱xtanüxü̃rüxü̃. Rü chorü duü̃xü̃gü rü chaugu tá nüxü̃ nayangau i maxü̃ i mexü̃ —ñanagürü.

Echequié 20:38

Rü ngẽma nachixü̃ane i ñu̱xma nawa pemaxẽxü̃wa tá pexü̃ íchagaxü̃, natürü ngẽma tama chauga ĩnüexü̃ rü tá íchananuxü̃ rü taxũtáma Iraéarü naaneca̱x nawoegu. Rü ngẽxguma i pema rü tá nüxü̃ picua̱xãchie nax choma ya Cori chixĩxü̃ i perü Tupana —ñachagürü.

Echequié 11:18

Rü nümagü rü nachixü̃aneca̱x tá nawoegu rü tá nagu napogüe i guxü̃ma i ngẽma naxchicüna̱xãgü ga ü̃pa nüxü̃ yacua̱xüü̃güxü̃. Rü ngẽmaãcü tá nüxü̃ narüxoe ga yema nacümagü ga chixexü̃ ga nagu namaxẽxü̃.

Ichaía 4:4

Rü nüma ya Cori ya Tupana rü taxü̃ i norü ngechaü̃maxã rü norü poramaxã tá ínanapi namaxã ga yimá nagü ga Yerucharéü̃cüã̱xgü inabaxẽẽgücü, rü tá nanayaxu i norü ãũãchixü̃ i ngẽma Chióü̃cüã̱xgü i ngexü̃gü.

Ichaía 1:29

Rü pema rü tá na̱xcha̱xwa pexãnee i ngẽma naigü i taxü̃ rü putüraanecügü i perü me ixĩxü̃ i nawa nüxü̃ picua̱xüü̃güxü̃ i ngẽma tupananetachicüna̱xãgü.

Ucu̱xẽgüchiga 20:30

Ngẽma chixexü̃ i nacüma rü cuaxi i nawa rüpíxü̃maxã inarüwe̱xãchi. Rü ngẽma cua̱xi rü naxca̱x nayataanexẽxẽ i norü maxü̃.

Wiyaegü 119:71

Rü choxü̃́ name ga yema choxü̃ nax cuxucu̱xẽxü̃. Erü yemaacü nixĩ i nüxü̃ chacuáxü̃ nax naga chaxĩnüxü̃ i ngẽma curü mugü.

Wiyaegü 119:67

Rü naxü̃pa ga choxü̃ nax cuxucu̱xẽxü̃ rü muxü̃ma ga chixexü̃ chaxü. Natürü i ñu̱xma rü naga chaxĩnü i ngẽma curü mugü.

Norü taxre ga to ga popera ga ãẽ̱xgacügüchiga ümatüxü̃ 36:19

Rü guma Tupanapata ga taxü̃ne rü nayagugü. Rü yema Yerucharéü̃arü poxeguxü̃ rü nagu napogüe. Rü guma ãẽ̱xgacüpatagü ínanagu. Rü guxü̃ma ga ta̱xacü ga tatanüxü̃ ga guma ĩanewa yexmaxü̃ rü nagu napogüe.

Norü taxre ga to ga popera ga ãẽ̱xgacügüchiga ümatüxü̃ 34:4

Rü ñu̱xũchi nüma ga Yochía rü norü duü̃xü̃güxü̃ namu nax nagu napogüexü̃ca̱x ga yema Baáxarü ãmarearü guruü̃gü rü nagu napogüexü̃ ga yema guruü̃gü ga pumarate̱xe naétüwa yagugüxü̃. Rü ñu̱xũchi íxraxü̃gu nanapoü̃gü ga yema Acheráchicüna̱xãgü. Rü íxraxü̃gu nanapo ga yema naxchicüna̱xãgü ga bróũche naca rü yema togü ga naxchicüna̱xãgü ñu̱xmata naxãte̱xe. Rü yemawena rü yema ü̃pa ãmare naxca̱x íguxü̃chiqu̱e̱xegu nayagügü ga yema nachicute̱xe.

Norü taxre ga to ga popera ga ãẽ̱xgacügüchiga ümatüxü̃ 14:5

Rü guxü̃nema ga Yudáanearü ĩanegüwa nayanaxoxẽxẽ ga yema nachicagü ga nawa tupananetagüxü̃ yacua̱xüü̃güxü̃, rü yema norü ãmarearü guruü̃gü ga ma̱xpǘnegüwa yexmagüxü̃. Rü yexguma Achá ãẽ̱xgacü ixĩxgu rü taãẽwa nayexma ga nachixü̃ane.

Norü taxre ga popera ga ãẽ̱xgacügüchiga 25:9

Rü nayagu ga guma Tupanapata ga taxü̃ne rü ãẽ̱xgacüpata rü napatagü ga yema ãẽ̱xgacügü ixĩgüxü̃. Rü yemaacü ínanagu ga guxü̃nema ga ĩpatagü ga guma ĩanewa yexmagüne.

Ínachoxü̃xü̃chiga 34:13

Rü chanaxwa̱xe nax nagu nüxü̃́ pepogüexü̃ i ngẽma norü ãmarearü guruü̃gü rü noxtacüma peyanaxoxẽẽxü̃ i ngẽma norü nutagü rü naigü i namaxã natupanaã̱xgüxü̃.

Lebítanüxü̃arü puracüchiga 26:30

Rü choma rü tá nagu chipogügü i ngẽma nachicagü i nawa perü tupananetaxü̃ picua̱xüü̃güxü̃. Rü taxregu tá chanamate i perü pumarate̱xearü guruü̃gü. Rü wüxigu tá chananutaque̱xe i pexene i yuexü̃ naétügu i ngẽma tupanachicüna̱xãgü i ngearü maxü̃ã́xü̃. Rü ngẽmawa tá pexü̃ chanawe̱x nax pexü̃ chaxoxü̃.

Wenaxarü naxümatü ga Tupanaarü mugü 12:3

¡Rü nagu pepogüe i norü ãmarearü guruü̃gü, rü íxraxü̃gu penapo ya yima nutagü ya namaxã natupanaã̱xgücü. Rü ípenagu i ngẽma Acheráchicüna̱xã i nainaxca̱x i nüxü̃ yacua̱xüü̃güxü̃. Rü nagu pepogüe i norü tupanachicüna̱xãgü! ¡Rü ípenapigü i naégagü i ngẽma norü tupanagü nax taxuwama nüxna nacua̱xãchiegüxü̃ca̱x!

Echequié 6:4

Rü íxraxü̃gu tá chanapoü̃gü i ngẽma nachicagü i nawa perü ãmaregü pigugüxü̃ rü perü pumarate̱xe i yixichixü̃ nawa pigugüxü̃. Rü ngẽma curü duü̃xü̃gü i ngéma maxẽxü̃ rü tá chanadai nape̱xegu i ngẽma tupananetachicüna̱xãgü.

Norü taxre ga popera ga ãẽ̱xgacügüchiga 23:14

Rü yemawena rü guma nutagü ga duü̃xü̃güca̱x üünegücü rü nagu nipogügü, rü guma naigü ga naxca̱x üünegüne rü nayawa̱xgüxẽxẽ. Rü yema nachicagü ga yema nutagü rü naigü nawa yexmagüchiréxü̃ rü duü̃xẽchina̱xãmaxã nanapaxẽxẽ.

Ichaía 30:22

Rü ñoma wüxi i ãũãchixü̃rüxü̃ tá nüxü̃ cuxo i ngẽma curü naxchicüna̱xãgü i diẽrumünaxca̱x rü ngẽma curü tupananetachicüna̱xãgü i úirumaxã ichagüétüxü̃. Rü ñoma ta̱xacü i ãũãchixü̃rüxü̃ tá nüxü̃ cuxo rü cuxca̱x rü guxchirerüxü̃ tá nixĩ.

Ichaía 40:2

¡Rü nüxü̃ pengechaü̃ãcüma ngẽma Yerucharéü̃cüã̱xgümaxã pidexagü! ¡Rü namaxã nüxü̃ pixu nax marü iyacuáxü̃ nax togüme̱xẽwa nangẽxmagüxü̃ rü marü nanaxütanü i norü chixexü̃gü! Rü guxü̃ma ga yema norü chixexü̃ ga naxügüxü̃ca̱x, rü taxree̱xpü̱xcüna nüxü̃ chanaxütanüxẽxẽ —ñanagürü ga Tupana.

Miquéa 5:11

Rü tá nagu chipogügü ya yima perü ĩanegü, rü guxü̃táma ya yima ĩanegüarü poxeguxü̃ rü tá chayawa̱xgüxẽxẽ.