Ichaía 27:7 - Tupanaarü Ore

⁷ ¿Ẽ̱xna Tupana rü Iraétanüxü̃xü̃ napoxcuexü̃ yema norü uanügüxü̃ napoxcuexü̃rüxü̃? ¿Rüe̱xna Iraétanüxü̃xü̃ nada̱i̱xü̃ yema norü uanügüxü̃ nada̱i̱xü̃rüxü̃?

Ichaía 27:7 Referans Kwoze

Naúü̃ 3:19

Pa Nínibex, ngẽma nax cunapíxü̃ rü nangearü üxü̃ã̱x. Rü ngẽma curü o̱xri rü nataxuma i norü üxü̃. Rü guxü̃ma i ngẽma togü i duü̃xü̃gü i nüxü̃ cuáxchigagüxü̃ nax chixexü̃ cuxü̃ ngupetüxü̃ rü norü taãẽmaxã tá napexme̱xgü. Erü nataxuma ga nachixü̃ane ga nawa iñaxü̃ ga yema chixexü̃ ga guxü̃guma cuxüxü̃ —ñanagürü ya Cori ya Tupana.

Naúü̃ 1:14

Rü Cori ya Tupana rü Nínibearü ãẽ̱xgacüxü̃ ñanagürü: —Cuma rü taxũtáma cuxü̃́ nangema i cutaagü i nüxí cuchicüxü ãẽ̱xgacü ixĩgüxü̃. Rü yima curü tupaucawa ngẽxmagüxü̃ i curü tupananetachicüna̱xãgü rü tá nagu chipogügü. Rü ngẽxma tátama cuxü̃ chata̱x, erü cuma rü wüxi i duü̃xü̃ i chixexü̃arü üruxü̃ quixĩ —ñanagürü.

Yeremía 51:24

Natürü i ñu̱xmax, Pa Iraétanüxü̃, rü pepe̱xewa tá chanapoxcue i guxü̃ma i ngẽma Cadéugü i Babiróniacüã̱x naxca̱x ga yema chixexü̃ ga Chióü̃wa naxügüxü̃. Rü choma ya Cori ya Tupana nixĩ i ngẽma ñachaxü̃.

Yeremía 50:40

Rü yima Babirónia rü ñoma Chodómarüxü̃, rü Gomórarüxü̃, rü guxü̃nema ga guma ĩanegü ga nüxna ngaicamagünerüxü̃ tá inarütaxu. Rü tagutáma texé ngéma tamaxẽ rü bai texé nachicawa taxüpetü. Rü choma ya Cori ya Tupana nixĩ i ngẽma ñachaxü̃ —ñanagürü.

Ichaía 17:14

Rü yáuanecü rü poraãcü naxãũcüma i ngẽma uanügü, natürü naxü̃pa nax yangóonexü̃ rü marü nayue. Rü ngẽma tá nüxü̃ nangupetü i ngẽma duü̃xü̃gü i tórü ngẽmaxü̃gü dexü̃ rü tüxü̃ daixü̃.

Ichaía 17:3

Rü Efraíü̃anewa rü tá inayarüxo ya yima norü ĩanegü ya ípoxegugüne. Rü yima ĩane ya Damácu rü ngẽxgumarüxü̃ tá ta inayarüxo. Rü ngẽma Chíriaanewa íyaxügüxü̃ i duü̃xü̃gü rü norü ngẽmaxü̃gü rü Iraétanüxü̃arü tá nixĩgü. Rü Cori ya Tupana ya Guxãétüwa Ngẽxmacü nixĩ ya ngẽma ñacü.

Ichaía 10:12

Rü ngẽxguma Cori ya Tupana yanguxẽẽgu i ngẽma poxcu naxca̱x i ngẽma duxü̃xü̃gü i ma̱xpǘne ya Chióü̃wa maxẽxü̃ rü yima ĩane ya Yerucharéü̃wa maxẽxü̃, rü tá Achíriaanearü ãẽ̱xgacüxü̃ napoxcu naxca̱x nax nügü ínataxü̃ rü nügü yacua̱xüxü̃xü̃.

Ichaía 10:17

Rü nüma ya Cori ya Tupana ya üünecü ya Iraétanüxü̃arü omü ixĩcü, rü üxüemaü̃ tá nügü nixĩxẽxẽ. Rü wüxi i ngunexü̃gu rü tá ínanagu i ngẽma Achíriaanearü churaragü ñoma tuxunecü rü maxẽnecü iguxü̃rüxü̃.

Ichaía 30:31

Rü ngẽxguma nüxü̃ naxĩnüegu i ngẽma Cori ya Tupanaga rü nüxna nanguxgu i ngẽma norü poxcugü, rü nüma i Achíriaanecüã̱xgü rü tá poraãcü namuü̃e.

Ichaía 31:8

Rü ngẽma Achíriaanecüã̱x rü taragu tá nayue, natürü taxũtáma duü̃xü̃güarü poragagu nayue, erü choma nixĩ i nüxü̃ charüporamaexü̃. Rü ngẽma daigagu rü norü churaragü rü tá nibuxmü, rü ngẽma norü ngextü̱xüxü̃gü i íyaxügüxü̃ rü perü puracütanüxü̃ tá nixĩgü.

Ichaía 31:9

Rü ngẽma norü ãẽ̱xgacü rü muü̃maxã tá niña, rü ngẽma norü churaragüerugü rü norü wonerana tá ngéma nibuxmü. Rü ngẽma nixĩ i nüxü̃ yaxuxü̃ ya Cori ya Tupana nax Yerucharéü̃wa nüxü̃́ nangẽxmaxü̃ ya wüxi ya taxü̃ne ya üxü nax namaxã napoxcuãxü̃ca̱x i norü uanügü.