Ichaía 27:13 - Tupanaarü Ore

¹³ Rü ngẽma ngunexü̃gu rü tá nagu nicue ya yimá cornéta ya tagane. Rü ngẽma Iraétanüxü̃ i Achíriaanegu woonexü̃ rü ñu̱xũchi ngẽma Equítuanewa gagüxü̃ rü tá Yerucharéü̃ca̱x nawoegu. Rü yima ma̱xpǘne ya üünenewa tá Cori ya Tupanaxü̃ nicua̱xüü̃gü.

Ichaía 27:13 Referans Kwoze

Ore i mexü̃ ga Matéu ümatüxü̃ 24:31

Rü nüma rü tá nanamu i norü orearü ngeruü̃gü i daxũcüã̱x nax yacuegüãxü̃ca̱x ya norü cornétagü nax ngẽmaãcü naxĩtaque̱xexẽẽãxü̃ca̱x i guxü̃ma i ngẽma duü̃xü̃gü i nadexü̃ i guxü̃wama ngẽxmagüxü̃ ñu̱xmata naane iyacuáxü̃wa ngẽxmagüxü̃.

Lebítanüxü̃arü puracüchiga 25:9

Rü yimá norü 7 ya tauemacüarü 10 i ngunexü̃gu tá penaxü i Pecaduarü Mexẽxẽchiga. Rü ngẽma ngunexü̃gu tá peyacuegü ya cornétagü i guxü̃wama i pechixü̃anewa.

Popera ga Yudíugü ga yaxõgüxü̃ca̱x ümatüxü̃ 12:22

Erü ñu̱xma i pema rü marü nüxna pengaicamagü ya yima ma̱xpǘne ya Chióü̃ ya yimá Tupana ya Maxü̃cüarü ĩane ya daxũgune ya Yerucharéü̃. Rü marü nüxna pengaicamagü i ngẽma muxũchixü̃ma i norü orearü ngeruü̃gü i daxũcüã̱x i Tupanaxü̃ icua̱xüü̃güxü̃.

Ore i mexü̃ ga Luca ümatüxü̃ 4:18

“Cori ya Tupanaãxẽ rü chowa nangẽxma. Rü nüma rü choxü̃ naxuneta nax nüxü̃ chixuxü̃ca̱x i ore i mexü̃ namaxã i ngẽma duü̃xü̃gü i ngearü diẽruã̱xgüxü̃. Rü choxü̃ namu nax yema duü̃xü̃gü ga norü uanügü to ga nachixü̃anewa gagüxü̃maxã nüxü̃ chixuxü̃ca̱x rü tá nax ínanguxü̃xü̃. Rü choxü̃ namu nax ngẽma ingexetügüxü̃ chidauuchixẽẽxü̃ca̱x rü nax íchananguxü̃xẽẽxü̃ca̱x i ngẽma duü̃xü̃gü i togüme̱xẽwa ngẽxmagüxü̃.

Chacaría 14:16

Rü yema uanügü ga ü̃pa Yerucharéü̃maxã nügü daixü̃ rü íyaxügüxü̃, rü guxcüma ya taunecügu tá Yerucharéü̃wa naxĩĩxü̃ nax Ãẽ̱xgacü ya Cori ya Tupana ya Guxãxétüwa Ngẽxmacüxü̃ nayanacua̱xüü̃güxü̃ca̱x rü naxüchigagüãxü̃ca̱x i düxenüchigaarü peta.

Ichaía 11:16

Rü ngẽxguma Achíriaanewa nawoegu̱xgu i ngẽma noxretama i Tupanaarü duü̃xü̃gü i íyaxügüxü̃ rü tá namaxã inayarüxĩ i wüxi i nama i taxü̃ ga yexguma norü o̱xigü ga Iraétanüxü̃ Equítuanewa ichoxü̃gu nagu naxĩxü̃raxü̃xü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:7

Rü ngẽxguma tá nawa nanguxgu nax yacueãxü̃ ya norü cornéta i ngẽma norü 7 i Tupanaarü orearü ngeruxü̃, rü ngẽxguma tá nixĩ i yanguxü̃ ga yema noxri ẽxü̃guxü̃ ga Tupanaarü uneta, yema nũxcümaü̃güxü̃ ga norü orearü uruü̃gümaxã nüxü̃ yaxuxü̃ ga Tupana”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:14

Rü yema naga rü nanamu ga yema orearü ngeruxü̃ ga cornétaã́xü̃, rü ñanagürü nüxü̃: “¡Yawẽgüxü̃ i ngẽma ãgümücü i orearü ngeruü̃gü i daxũcüã̱x i taxtü i Eufrátegu ngãxü̃güxü̃!” ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:6

Rü yexguma ga yema 7 ga Tupanaarü orearü ngeruü̃gü ga daxũcüã̱x ga icornétaã́xü̃, rü nügü ínamexẽẽgü nax nagu yacuegüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:2

Rü ñu̱xũchi nüxü̃ chadau ga yema 7 ga Tupanaarü orearü ngeruü̃gü ga daxũcüã̱x ga yexma Tupanape̱xegu chigüxü̃. Rü wüxichigüna nanaxã ga norü cornéta.

1 Tesalonicenses 4:16

Erü nümatama ya Cori rü daxũwa tá ínarüxĩ, rü tá nüxü̃ taxĩnüe i wüxi i naga i daxũwa inaxũxü̃ i tüxü̃ muxü̃, rü naga i Tupanaarü orearü ngeruxü̃güarü ãẽ̱xgacü. Rü tá nüxü̃ taxĩnüe nax yacuexü̃ ya Tupanaarü cornéta. Rü ngẽxguma i ngẽma yuexü̃ i Cristuaxü̃́ yaxõgüxü̃ rü tá nüxíra ínarüdagü.

Romanos 10:18

Natürü i ñu̱xma rü pexna chaca, ¿ẽ̱xna ngẽma Yudíugü rü taguma nüxü̃ naxĩnüe i ngẽma ore i mexü̃ i Cristuchiga? Ngẽmáacü, marü nüxü̃ naxĩnüe. Erü Tupanaarü ore i ümatüxü̃wa rü ñanagürü: “Ngẽma Tupanaarü orearü uruü̃gü, rü guxü̃wama i ñoma i naanewa rü nüxü̃ nixugüe i norü ore”, ñanagürü i ngẽma ore.

Maraquía 1:11

Rü guxü̃ma i nachixü̃anegü i ñoma i naanecüã̱x rü duü̃xü̃gü choxü̃ nicua̱xüü̃gü, rü pumarate̱xe cha̱u̱xca̱x nigugü rü ãmare choxna naxãgü.

Ochéa 11:11

Rü ñoma werigürüxü̃ tá nidu̱xruãcü Equítuanewa ne naxĩ. Rü ñoma muxtucurüxü̃ Achíriaanewa tá ne naxĩ. Rü choma rü tá wena napatagüwa chanagagü nax wena nawa yamaxẽxü̃ca̱x. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ochéa 9:3

Rü pemax, Pa Iraéanecüã̱xgüx, rü wena táxarü Equítuaneca̱x pewoegu. Rü Achíriaanewa tá penangõ̱x i õna ya Tupana pexna chu̱xuxü̃. Rü marü taxũtáma nawa pemaxẽ i ngẽma naane ya Tupana pexna ãxü̃.

Ochéa 8:13

Rü nümagü rü norü me nixĩ nax ãmare cha̱u̱xca̱x nada̱i̱xü̃ rü nax nangõ̱xgüãxü̃ i namachi i ngẽma naxü̃nagü i cha̱u̱xca̱x ínaguxü̃. Natürü i choma ya Cori ya Tupana rü tama namaxã chataãxẽ. Rü choma rü nüxü̃ chacua̱x i ngẽma norü pecadugü, rü ngẽmaca̱x tá chanapoxcue rü wena táxarü Equítuanecüã̱xgüme̱xẽwa chanangexmagüxẽxẽ.

Yeremía 44:28

Rü noxre tátama tixĩ ya yíxema naétüwa maxẽxe i ngẽma dai rü ñu̱xũchi woeguxe nüxna i Equítuane nax wena Yudáanewa taxĩxü̃ca̱x. Rü guxü̃ma ga yema duü̃xü̃gü ga Yudáanewa íyaxügüxü̃ rü Equítuanewa ĩxü̃ nax ngéma namaxẽxü̃ca̱x, rü tá nüxü̃ nadaugü nax texéarü ore tá aixcüma inguxü̃, choxrü ore, rüe̱xna ngẽma duü̃xü̃güarü̃ ore.

Ichaía 66:18

Erü choma rü nüxü̃ chacua̱x i ngẽma nagu naxĩnüexü̃ rü ngẽma naxügüxü̃ i ngẽma duü̃xü̃gü. Rü ngẽmaca̱x i choma rü tá chanangutaque̱xexẽxẽ i guxü̃ma i nachixü̃anecüã̱xgü i duü̃xü̃gü i to i nagawa idexagüxü̃. Rü tá nua nangugü rü tá nüxü̃ nadaugü i chorü pora.

Ichaía 56:8

Rü choma rü tá nachixü̃aneca̱x chanawoeguxẽxẽ i ngẽma Iraétanüxü̃ i taxũta nachixü̃aneca̱x woeguxü̃. Rü tá chananutaque̱xe wüxigu namaxã i togü i nachixü̃anecüã̱x i duü̃xü̃gü. Rü choma ya Tupana nixĩ i nüxü̃ chixuxü̃ i ngẽma —ñanagürü.

Ichaía 25:6

Rü nüma ya Cori ya Tupana rü ma̱xpǘne ya Chióü̃wa tá guxü̃ma i duü̃xü̃gü i ñoma i naanewa maxẽxü̃ca̱x nanaxü i wüxi i õna i taxü̃. Rü ngẽma õna rü maixcuraxü̃ i chi̱xichixü̃ rü bínu ya marü ñuxgumama ixügücü rü namachi i chíxü̃ rü bínu ya rümemaegücümaxã naxca̱x nanamexẽxẽ.

Ichaía 19:21

Rü nüma ya Cori ya Tupana rü tá Equítuanecüã̱xgüxü̃ nügü nacua̱xẽxẽ, rü nümagü rü tá nüxü̃́ nayaxõgü. Rü tá naga naxĩnüe rü tá naxca̱x nangutaque̱xegü nax nüxü̃ yacua̱xüü̃güxü̃ca̱x. Rü tá naxü̃nagü naxca̱x nadai nax ngẽmaãcü ãmare nüxna naxãgüxü̃. Rü Cori ya Tupanamaxã tá inaxunetagü rü ñu̱xũchi aixcüma tá nayanguxẽẽgü i ngẽma uneta i Cori ya Tupanamaxã nüxü̃ yaxugüxü̃.

Ichaía 18:3

Rü guxãma i pemax, Pa Ñoma i Naanecüã̱xgü Ixĩgüxe, rü ma̱xpǘnechitaeruwa tá nüxü̃ pedau ya yima wonera ya ngéma wã̱ĩ̱xnagücü, rü tá nüxü̃ pexĩnüe i ngẽxguma naxãgagu ya yima cornéta.

Ichaía 11:12

Rü nüma ya Cori rü guxü̃ i nachixü̃anegüxü̃ tá nüxü̃ nadauxẽxẽ i wüxi i cua̱xruxü̃. Rü tá nanangutaque̱xexẽxẽ i ngẽma Iraétanüxü̃ i woonexü̃. Rü naanearü guxü̃wama tá ne nanagagü nax nanutaque̱xeãxü̃ i ngẽma duü̃xü̃gu i Yudáanecüã̱x ga woonemarexü̃.

Ichaía 2:11

Rü ngẽma ngunexü̃ i nagu ínanguxü̃ ya Cori ya Tupana, rü ngẽma nügü icua̱xüü̃güxü̃ rü nape̱xewa tá naxãnee, rü ngẽma nügü írütagüxü̃ rü nape̱xewa rü tá taxuwama nime. Rü nüxicatama ya Cori ya Tupana rü tá inanawe̱x i norü pora i ngẽma ngunexü̃gu.

Ichaía 2:3

Rü muxü̃tama i duü̃xü̃gü tá ínangugü rü ñanagürügü tá: —¡Ngĩxã, rü yima ma̱xpǘne i Cori ya Tupana íngexmaxü̃gu taxĩgü rü yima Acóbuarü Tupanapata ya taxü̃nena tangaicamagü nax nüma ngéma tüxü̃ nangúexẽẽxü̃ca̱x i norü ngúchaü̃ rü ngẽmaãcü nüma nanaxwa̱xexü̃ãcüma imaxẽxü̃ca̱x! —ñanagürügü tá. Erü yima ma̱xpǘne ya Chióü̃wa tá nango̱x i Cori ya Tupanaarü ngu̱xẽẽtae rü Yerucharéü̃wa tá ínaxũxũ i norü ore.

Wiyaegü 89:15

Pa Corix, nataãẽgü i ngẽma duü̃xü̃gü i nüxü̃ cuáxü̃ nax taãẽãcü cuxü̃ yacua̱xüü̃güxü̃ rü aixcüma curü oregu namaxẽxü̃ nax ngẽmaãcü curü ngóonexü̃wa nangẽxmagüxü̃.

Wiyaegü 81:3

Rü ngẽxguma ngexwaca nango̱xgux ya tauemacü ¡rü peyacue ya cornéta! Rü ngẽxgumarüxü̃ ta i ngẽxguma tüema yixĩxgu ¡rü peyacue! Rü ngẽma nixĩ i ngunexü̃ i nagu naxüchigaxü̃ nax Tupanaxü̃ icua̱xüü̃güxü̃.

Wiyaegü 47:5

Rü nüma ya Cori ya Tupana rü dauxü̃ naxĩ nax norü tochicaxü̃wa namaxã inacuáxü̃ca̱x i guxü̃ma. Rü duü̃xü̃gü yoxni taãẽãcüma nüxü̃ nicua̱xüü̃gü rü cornétamaxã nanapaxpünegü.

Norü taxre ga popera ga ãẽ̱xgacügüchiga 17:6

Rü yexguma 9 ga taunecü marü ãẽ̱xgacü yixĩxgu ga Ochéa, rü nüma ga Achíriaanearü ãẽ̱xgacü rü nanapu ga guma ĩane. Rü Achíriaarü naanewa nanagagü ga yema Iraéanecüã̱xgü. Rü ĩane ga Arágu nayanu ga natü ga Abócutüwa ga Gocháü̃anewa. Rü togü rü Médiatanüxü̃arü ĩanegügu nayanu.

Ichaía 2:2

Ngẽma ngunexü̃gü i nawa iyacua̱xgüxü̃gu, rü yima ma̱xpǘne i Cori ya Tupanapata ya taxü̃ne íngẽxmaxü̃wa rü guxü̃ne ya naigü ya ma̱xpǘnearü yexera tá poraãcü natachiga. Rü guxü̃ i nachixü̃anecüã̱x i duü̃xü̃güaxü̃́ tá nangúchaü̃ nax íyadaugüãxü̃. Rü guxü̃ma i nachixü̃anegücüã̱x i duü̃xü̃gü rü tá ngéma naxĩ.

Ichaía 19:22

Rü Cori ya Tupana rü tá Equítuanearü duü̃xü̃güca̱x ngúxü̃ ínanguxẽxẽ. Natürü yixcama rü tá nanaxoxẽxẽ i ngẽma ngúxü̃ i yangegüxü̃. Rü nüma i Equítuanecüã̱xgü rü tá Cori ya Tupanaca̱x nawoegu, rü nüma rü tá nüxü̃́ nangechaü̃tümüü̃gü rü tá nayanaxoxẽxẽ i ngẽma ngúxü̃ i yangegüxü̃.

Ichaía 49:7

Rü nüma ya Iraétanüxü̃arü Tupana ya Üünecü ya nüxü̃ rüngü̃xẽẽcü rü ñanagürü ta: —Pa Iraétanüxü̃x, ñu̱xma rü ngẽma togü i nachixü̃anecüã̱xgü rü poraãcü pexü̃ nacugüe, rü pexchi naxaie rü nügüme̱xẽwa penangexmagüxẽxẽ rü norü ãẽ̱xgacügüarü puracütanüxü̃ pixĩgü. Natürü wüxi i ngunexü̃ rü wenatáxarü peporae rü ngẽxguma pexü̃ nadaugügu i ngẽma togü i nachixü̃anegüarü ãẽ̱xgacügü rü pepe̱xegu tá nacaxã́pü̱xügü erü choma ya perü Tupana ya üünecü nax chixĩxü̃ rü pexü̃ chaxuneta nax chorü duü̃xü̃gü pixĩgüxü̃ca̱x. Rü choma rü guxü̃guma chayanguxẽxẽ i ngẽma nüxü̃ chixuxü̃ —ñanagürü.

Ichaía 66:23

Rü wüxichigü ya tauemacüarü ügügu rü ñu̱xũchi wüxichigü i yüxüarü chabadugu rü guxü̃ma i duü̃xü̃gü rü tá nua naxĩ nax choxü̃ yacua̱xüü̃güxü̃ca̱x. Rü choma ya Cori ya Tupana nixĩ i ngẽma ñachaxü̃ —ñanagürü.

Echequié 20:34

Rü choma rü tá pexü̃ chade natanüwa i ngẽma duü̃xü̃gü rü nachixü̃anegü i ñu̱xma nagu pewoonexü̃. Rü chorü poramaxã rü chorü numaxã tá pexü̃ chapoxcu rü ngẽmaãcü tá pemaxã ichacua̱x.

Echequié 20:41

Rü ngẽxguma pexü̃ íchagaxü̃gu nawa i ngẽma nachixü̃anegü rü yima ĩanegü i ñu̱xma nagu pewoonene, rü tá pexü̃ chayaxu ñoma ãmare i chi̱xemaxü̃rüxü̃. Rü ngẽmaãcü guxü̃ i togü i nachixü̃anecüã̱xpe̱xewa tá ichanawe̱x i chorü üüne i petanüwa tá chango̱xẽxẽxü̃.

Echequié 39:25

Natürü i ñu̱xma i choma ya Cori ya Tupana rü nüxü̃ chixu rü ñachagürü: Ñu̱xma rü tá choxü̃́ naxãũxãchitümüxü̃gü i guxü̃ma i ngẽma Iraétanüxü̃ i Acóbutaagü ixĩgüxü̃. Rü ñu̱xma rü tá yáxna namaxã chaxĩnü nax ngẽmaãcü nüxü̃ yacua̱xüü̃güxü̃ca̱x i chauéga i üünexü̃.

Danié 11:45

Rü ñu̱xũchi ngẽma metachinüxü̃ i Yerucharéü̃arü rü márpechinüarü ngãxü̃wa ngẽxmaxü̃gu tá nayatexechigü i norü churaragüpatagü i naxchirunaxca̱x. Natürü ngẽxma tátama nixĩ i nayuxü̃, rü taxúetama nüxü̃ tarüngü̃xẽxẽ —ñanagürü.

Chacaría 8:7

Rü choma rü tá íchananguxü̃xẽxẽ i chorü duü̃xü̃gü naxme̱xwa i ngẽma nachixü̃ane i éstewaama ngẽxmaxü̃ rü ngẽma nachixü̃ane i oéstewaama ngẽxmaxü̃.

Ichaía 11:11

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü nüma ya Cori ya Tupana rü tá wena inanawe̱x i norü pora. Rü wena tá nanangutaque̱xexẽxẽ i norü duü̃xü̃gü i Achíriaanewa, rü Equítuanewa, rü Patróxanewa, rü Etiopíaanewa, rü Eráü̃anewa, rü Chináxanewa, rü Amáanewa rü nachixü̃anegü i márcutüwa ngẽxmagüxü̃wa. Rü tá wena Iraéaneca̱x nanawoeguxẽxẽ.

Ichaía 43:6

Rü ngẽma nachixü̃anegü i Nórtewa ngẽxmagüxü̃xü̃ rü ngẽma nachixü̃anegü i Súrwa ngẽxmagüxü̃xü̃ tá ñacharügü: “¡Penamuegutanü i ngẽma chorü duü̃xü̃gü! Rü guxü̃ma i chorü duü̃xü̃gü i guxü̃wama i ñoma i naanewa ngẽxmagüxü̃ rü chauéga ingegüxü̃ rü tá penawoeguxẽxẽ. Yerü choma nixĩ ga chanangóexẽxẽxü̃ nax choxü̃ yacua̱xüü̃güxü̃ca̱x” ñachagürü tá.

Yeremía 31:6

Rü tá ínangu i ngunexü̃ i nagu aita naxüexü̃ i ngẽma dauxü̃taegüxü̃ i Efraíü̃anearü ngüchitaeruxü̃güwa dauxü̃taegüxü̃, rü ñanagürügü tá: “¡Nua pexĩ, Pa Duü̃xü̃güx, rü ngĩxã Chióü̃wa taxĩ nax Cori ya Tupanaxü̃ yarücua̱xüü̃güxü̃ca̱x!” ñanagürügü tá.

Miquéa 7:14

¡Pa Cori ya Tupanax, curü naixmena̱xãmaxã nüxna nadau i ngẽma curü duü̃xü̃gü i curü carnérugü ixĩgüxü̃! Ñu̱xma rü nüxicatama naixnecüwa nangẽxmagü i naane i mexü̃wa. ¡Ẽcü ü̃parüxü̃ Bacháü̃anewa rü Garaáxanewa nagagü i ngextá õna íngẽxmaxü̃wa!