Ichaía 27:11 - Tupanaarü Ore

¹¹ Rü ngẽma naixchacüxügü rü ngẽxguma yapagügu rü ngẽma ngexü̃gü rü norü üxüxü̃ nanade nax ngẽmamaxã naxãxü̃xü̃güxü̃ca̱x. Rü ngẽma duü̃xü̃gü rü nataxuma i norü cua̱x rü ngẽmaca̱x ya Tupana ya norü ngo̱xẽẽruxü̃ rü taxũtáma yáxna namaxã naxĩnü rü bai tá i namaxã yaxãũxãchixü̃.

Ichaía 27:11 Referans Kwoze

Yeremía 8:7

Rü woo ngẽma cówa i dauxü̃gu iñaxü̃ rü nüxü̃ nacua̱x nax ñuxgu tá íyaxexü̃ i dexá. Rü ngẽma muxtucugü, rü ngẽma chirugü, rü ngẽma togü i werigü rü nüxü̃ nacua̱xgü nax ñuxgu tá to i nachicawa naxĩxü̃. Natürü i pema, Pa Chorü Duü̃xü̃güx, rü tama nüxü̃ pecua̱xgü i ngẽma chorü mugü rü tama chauga pexĩnüe.

Ichaía 44:24

Rü nüma ya Tupana ya pexü̃ ínguxü̃xẽẽcü rü pexü̃ ücü naxü̃pa ga nax pibuexü̃ rü ñanagürü: —Choma nixĩ ya Tupana chixĩxü̃, rü choma nixĩ i chanangóexẽẽxü̃ i guxü̃ma i ñoma i naanewa ngẽxmagüxü̃. Rü choma nixĩ ga chanaxüxü̃ ga daxũguxü̃ ga naane rü ñoma ga naane. Rü taxúema choxü̃ tarüngü̃xẽxẽ.

Ichaía 43:1

Natürü i ñu̱xmax, Pa Iraétanüxü̃ i Acóbuarü Duü̃xü̃gü Ixĩgüxe, rü yimá Cori ya Tupana ya pexü̃ ngo̱xẽẽcü rü ñanagürü pexü̃: —¡Taxṹ i pemuü̃exü̃! Erü choma nixĩ i pexü̃ íchanguxü̃xẽẽxü̃. Rü choma nixĩ i peégamaxã pexna chacaxü̃ rü pema rü chorü duü̃xü̃gü pixĩgü.

Ichaía 1:3

Rü ngẽma woca rü norü yoraxü̃ nacua̱x, rü ngẽma búru rü nüxü̃ nacua̱x i norü chibüchica i norü yora naxca̱x üxü̃, natürü ngẽma chorü duü̃xü̃gü i Iraétanüxü̃ rü tama choxü̃ nacua̱xgü rü tama naãẽxü̃ nicua̱x —ñanagürü ya Tupana.

Popera ga Chantiágu ümatüxü̃ 2:13

Erü guxãma ya yíxema tama tümamücügü tüxü̃́ ngechaü̃tümüü̃güxe, rü Tupana rü taxũtáma nüxü̃́ tangechaü̃tümüü̃güãcüma tüxna naca i tümaarü maxü̃chiga. Natürü yíxema tümamücügü tüxü̃́ ngechaü̃tümüü̃güxe, rü taxũtáma tamuü̃e i ngẽxguma Tupana tüxna caxgux, erü nüxü̃́ tangechaü̃tümüü̃güãcüma tá tüxna naca.

1 Tesalonicenses 2:16

Rü ngẽxguma ngẽma duü̃xü̃gü i tama Yudíugü ixĩgüxü̃maxã nüxü̃ tixuxchaü̃gu i Tupanaarü ore nax nümagü rü ta nüxü̃́ nangẽxmagüxü̃ca̱x i maxü̃, rü ngẽma Yudíugü rü toxna nanachu̱xu. Rü ngẽmaãcü i ngẽma Yudíugü rü poraãcüxüchima chixexü̃ naxügü. Rü ngẽmaca̱x i ñu̱xma rü düxwa marü nüxna nangu i ngẽma Tupanaarü poxcu i ãũcümaxü̃chixü̃.

Romanos 1:31

Rü tama inarüxĩnüechaü̃. Rü tama aixcüma nayanguxẽxẽ i ngẽma nüxü̃ yaxugüxü̃. Rü taxúexü̃ma nangechaü̃gü. Rü tama toguã̱x nüxü̃́ tangechaü̃tümüü̃gü.

Ore i mexü̃ ga Cuáü̃ ümatüxü̃ 15:6

Rü texé ya tama chowa yaxṹẽchaxe rü tá ítata̱xüchi. Rü wüxi i úbachacüxü i daexü̃ rü ipaxü̃ rü üxüwa iguxü̃rüxü̃ tá tixĩ.

Ore i mexü̃ ga Matéu ümatüxü̃ 13:19

Rü gumá triguchire ga namagu yixü̃nerüxü̃ tixĩgü ya yíxema nüxü̃ ĩnüexe i ore i mexü̃ nax ñuxãcü ãẽ̱xgacü yixĩxü̃ ya Tupana, natürü tama nüxü̃ cua̱xgüxe i ñuxũ ñaxü̃chiga nax yixĩxü̃ i ngẽma ore. Rü tümaxü̃tawa nangu i Chataná, rü tüxü̃ nüxü̃ inarüngümaxẽxẽ i ngẽma ore i tümaãẽwa ngẽxmaxü̃.

Ore i mexü̃ ga Matéu ümatüxü̃ 13:15

Erü ngẽma duü̃xü̃gü rü tama nüxü̃ nacua̱xgüchaü̃ i chorü ore, rü ñoma napetamachi̱xegüxü̃rüxü̃ nixĩgü rü naxcha̱xwa napexetügü nax tama nüxü̃ nadaugüxü̃ca̱x i ngẽma mexü̃ i naxca̱x chaxüxü̃. Rü tama nüxü̃ naxĩnüechaü̃ i chorü ore, rü tama nüxü̃ nacua̱xgüchaü̃ nax choma chanaxwa̱xexü̃ãcüma namaxẽxü̃, rü tama cha̱u̱xca̱x nadaugüchaü̃ nax choma naxca̱x chayataanexẽẽgüxü̃ca̱x”, —ñanagürü.

Ore i mexü̃ ga Matéu ümatüxü̃ 3:10

Rü Tupanaarü yuema rü marü íimemare nax naxchúma̱xãgu nadaxü̃xü̃ca̱x i ngẽma nanetügü i tama mexü̃. Rü guxü̃ma i nanetügü i chixearü oóxü̃ rü tá nadaxü̃, rü ñu̱xũchi tá üxüwa niwocu.

Ochéa 4:6

Rü chorü duü̃xü̃gü rü chixexü̃gu nayi rü nayue erü tama chorü mugüxü̃ nacua̱xgü. Rü ngẽma rü cugagu nixĩ, Pa Chacherdótex, erü cuma rü ta nüxü̃ cuxo i chorü mugü. Rü ngẽmaca̱x i choma rü ta cuxü̃ chaxo nax chorü chacherdóte quixĩxü̃. Erü cumax rü nüxü̃ icurüngüma i chorü ucu̱xẽgü rü ngẽmaca̱x i choma rü tá ta nüxü̃ icharüngüma i ngẽma cutaagü.

Echequié 20:47

¡Rü namaxã nüxü̃ ixu i ñaa chorü ore i ñaxü̃! Pa Naixnecü i Súrwaama Ngẽxmaxü̃x, choma rü cuwa tá chayanaixẽxẽ ya wüxi ya üxü ya tá ínaguxü̃ne ya guxü̃nema ya curü naigü ya maxẽne rü yuene. Rü yima üxü rü tá niyaura rü taxũtáma nixo. Rü nórtewa rü ñu̱xmata súrwa tá nangu nax yaxãxü̃ i ngẽma naane.

Echequié 9:10

Natürü taxũtáma choxü̃́ nangechaü̃tümüxü̃ i ngẽma duü̃xü̃gü, rü nüxna tá chaca naxca̱x ga yema chixri nax namaxẽxü̃ —ñanagürü.

Yeremía 4:22

Rü nüma ya Cori ya Tupana rü ñanagürü: —Ngẽma chorü duü̃xü̃gü rü tama naãẽxü̃ nicua̱x, rü tama choxü̃ nacua̱xgü. Rü ñoma nanegü i taxuwama imexü̃ rü tama nagu rüxĩnüexü̃rüxü̃ nixĩgü. Rü nüxü̃ nicua̱xüchi nax chixexü̃ naxügüxü̃, natürü tama nüxü̃ nacua̱xgü nax mexü̃ naxügüxü̃ —ñanagürü.

Ichaía 44:2

Rü choma nixĩ i perü Tupana ga pexü̃ changóexẽẽxü̃ naxü̃pa ga nax pibuexü̃. Rü choma nixĩ i pexü̃ charüngü̃xẽxẽxü̃. ¡Rü taxṹ i pemuü̃exü̃, Pa Chorü Duü̃xü̃güx, erü pema i Acóbutanüxü̃ nixĩ i chorü duü̃xü̃gü i pexü̃ chaxunetaxü̃!

Ichaía 9:17

Rü nüma ya Cori ya Tupana rü ngẽmaca̱x tama namaxã nixauxãchi i ngextü̱xüxü̃gü, rü ñu̱xũchi tama nüxü̃́ tangechaü̃tümüxü̃ ya taxcutagü rü yutegüxe. Erü guxü̃ma i duü̃xü̃gü rü chixexü̃arü üruü̃gü nixĩgü rü naechitamare chixexü̃ i dexamaxã nidexagü. Rü guxü̃ma ga yema chixexü̃ ga naxügüxü̃gagu rü nüma ya Cori ya Tupana rü tama Iraéanecüã̱xgümaxã inarüngüxmü, rü yexeraãcü nayaxãxũnechigüama.

Wiyaegü 106:40

Rü nüma ga Tupana rü poraãcü namaxã nanu ga yema norü duü̃xü̃gü. Rü yemaca̱x noxtacüma nüxü̃ naxo.

Wenaxarü naxümatü ga Tupanaarü mugü 4:6

¡Rü peyanguxẽxẽ rü aixcüma nagu pexĩ i ngẽma mugü nax ngẽmaãcü i ngẽma togü i duü̃xü̃gü nüxü̃ yacua̱xãchitanüxü̃ca̱x nax aixcüma petanüwa nangẽxmaxü̃ i cua̱x! Rü ngẽxguma nümagü nüxü̃ naxĩnüegu i ñaa mugü rü ñanagürügü tá: “Rü nataxuma i to i duü̃xü̃gü i ñaa Iraétanüxü̃rüxü̃ nüxü̃ icua̱xüchixü̃”, ñanagürügü tá.

Romanos 1:28

Rü yema nax tama Tupanaxü̃ nacua̱xgüchaü̃xü̃, rü yemaca̱x ga nüma ga Tupana rü düxwa nanayexrü ga yema duü̃xü̃gü nax norü chixexü̃gu naxĩnüexü̃ca̱x rü naxügüã̱xü̃ca̱x ga yema chixexü̃.

Ichaía 5:13

Rü ngẽma nax tama chauga naxĩnüechaü̃xü̃ i chorü duü̃xü̃gü, rü ngẽmagagu to i nachixü̃anewa tá nagagü. Rü guxü̃ma i duü̃xü̃gü rü wüxigu norü ãẽ̱xgacügümaxã tá ngẽma nachixü̃ane i nawa nagagüãxü̃gu taiyamaxã rü ta̱xawamaxã nayue.

Ichaía 18:5

Rü ngẽxguma marü nangupetügu nax yaxãchacuxü̃ i úbagü i nanecüwa, rü ngẽma nachacu rü norü oxü̃ nanguxü̃ rü ñu̱xũchi norü dauwa nangu. Natürü naxü̃pa nax nabuxuxü̃ i ngẽma norü o, rü cüxchimaxã nanawiü̃tanügü rü ñu̱xũchi ínayawogü i ngẽma natanügü.

Yeremía 11:16

Rü choma ya Cori ya Tupana rü wüxi i oribu i baxcaxü̃ imearü oṍxü̃ãcü pexü̃ chaxu. Natürü i ñu̱xma rü ãẽmacü ya poracümaxã tá íchanagu i cuatügü, rü tá nixae i cuchacüügü.

Yeremía 13:14

Rü ngẽmawena i choma rü tá nügü chanadaixẽxẽ i ngẽma duü̃xü̃gü. Rü ñoma tüxü̃ yapuxẽẽxü̃rüxü̃ tá nügü nixĩgüxẽxẽ. Rü ngẽxgumarüxü̃ ta i ngẽma nanatügü rü nanegümaxã tá nügü nadai. Rü taxũtáma choxü̃́ nangechaxü̃tümüxü̃gü. Rü taxũtáma nüxü̃́ nüxü̃ charüngüma i norü chixexü̃ i naxügüxü̃. Rü choma rü tá ichayanaxoxẽxẽ, rü taxũtáma nüxü̃ changechaü̃. Rü chomatama ya Cori ya Tupana nixĩ i nüxü̃ chixuxü̃ i ngẽma’ ” —ñanagürü ya Cori ya Tupana.

Yeremía 16:5

Rü nüma ya Cori ya Tupana rü ñanagürü ta choxü̃: —¡Taxṹ i nagu cuxücuxü̃ ya wüxi ya ĩpata ya ngechaü̃ nawa ngẽxmane naxca̱x i wüxi i yuxü̃! ¡Rü taxṹ i cuxaxuxü̃ naxca̱x i ngẽma yuxü̃ rü taxṹ icunango̱xẽẽxü̃ nax naxca̱x cungechaxü̃xü̃ i ngẽma yuxü̃! Erü ñaa duü̃xü̃gü rü nüxna chayaxũgachixẽxẽ i chorü taãxẽ, rü chorü ngechaü̃, rü chorü ngechaü̃tümüxü̃. Rü choma ya Cori ya Tupana nixĩ i nüxü̃ chixuxü̃ i ngẽma.

Yeremía 25:37

Rü nüma ya Cori ya Tupana rü poraãcü nanu, rü ngẽmaca̱x nayagu ga yema mexü̃ ga norü naanegü rü ñu̱xma rü chianexü̃xü̃ nixĩ.

Echequié 19:12

Natürü numaxã nanabe̱xgü, rü niwa̱x. Rü yimá buanecü ya éstewaama ne ũcü rü nayapaxẽxẽ, rü narüyi i norü o. Rü nachacüügü ga noxri poraexü̃ rü nipagü rü üxüxü̃ ínanagu.

Ochéa 4:14

Natürü i choma rü taxũtáma chanapoxcue i ngẽma pexacügü rü ngẽma peneã̱xgü naxca̱x nax togü i yatügümaxã namaxẽxü̃, erü pemax rü ta namaxã pemaxẽ i ngẽma togü i ngexü̃gü i ngẽxguma ngẽma tupananetagüxü̃ picua̱xüü̃gügu. Rü ngẽmaãcü ngẽma duü̃xü̃gü i cua̱x nüxü̃́ taxuxü̃ rü guxchaxü̃gu nayi.