Ichaía 27:10 - Tupanaarü Ore

¹⁰ Rü yima ĩane ya ípoxegune rü nagu napogüe ñoma wüxi ya ĩpata ya ngéma ta̱xmarenerüxü̃. Rü ñoma naane i taxúema ixãpataxü̃warüxü̃ nixĩ. Rü wüxi i nachica i wocagü nawa chibüexü̃ rü naixchacüügü nawa nangõ̱xgüxü̃ rü ñu̱xũchi nagu nacagüxü̃ nixĩ.

Ichaía 27:10 Referans Kwoze

Ichaía 17:2

Rü yima ĩane rü ngéma nata̱xmare rü maxẽnecüxü̃ tá nixĩ i nachitaxü̃. Rü naxü̃nagü rü ngéma tá mea nayachibüe rü taxúema tá tanachixewe.

Miquéa 3:12

Pa Ãẽ̱xgacügüx, pegagu rü yima ma̱xpǘne ya Chióü̃ rü wüxi i naane i ngẽxma maxẽmaxã rüxümarexü̃ tá nixĩ. Rü yima ĩane ya Yerucharéü̃ rü naxtapü̱xgüxica tá ngẽxma naxãũxchita —ñanagürü.

Ichaía 17:9

Rü ngẽma ngunexü̃gu ya yima Iraéanearü ĩanegü ya meama ípoxegugüne rü tá nangeãcu. Rü ngẽma duü̃xü̃gü i nagu ãpatagüxü̃ rü tá naxĩgü, yexguma Iraétanüxü̃cha̱xwa norü ĩanegüna naxĩgügurüxü̃ ga Ebéutanüxü̃ rü Amoréutanüxü̃. Rü guxü̃nema ya yima ĩanegü rü nachica i chianexü̃mare nixĩgü,

Echequié 36:4

Rü ngẽmaca̱x, Pa Iraéanearü Ma̱xpǘnegüx, ¡iperüxĩnüe i Cori ya Tupanaarü ore i pexca̱x ixĩxü̃, Pa Ma̱xpǘnegüx, rü Pa Máxpü̱xanexü̃güx, rü Pa Natügüx, rü Pa Doxonexü̃güx, rü Pa Ĩanechicagü i Ngearü Duü̃xü̃ã̱xgüxü̃x, rü Pa Ĩanegü ya Perü Uanügü Pexü̃ Deãcune rü Pegu Dauxcüraxü̃güne!

Auxexü̃chiga 5:18

Rü ñu̱xma ya yima ma̱xpǘne ya Chióü̃wa rü ĩpatachicagüxica nawa nayaxügü. Rü ngéma naxĩĩxü̃ rü nawoeguxü̃ i ngowagü.

Auxexü̃chiga 1:4

Rü ngẽma Chióü̃arü namagü rü taxü̃ i ngechaü̃ nixĩgü erü nachianemare. Rü nataxuma i duü̃xü̃gü i petagü ga Tupana nüxü̃ unetaxü̃wa ĩxü̃. Rü ngẽma Yerucharéü̃arü poxeguxü̃arü ĩã̱xgüwa rü nachianemare. Rü ngẽma chacherdótegü rü naxauxe. Rü ngẽma paxü̃gü rü nanaxĩ̱xãchiãẽgü. Rü yima ĩane ya Yerucharéü̃ rü guxchaxü̃wa nangẽxma.

Ichaía 64:10

Rü yima curü ĩanegü ya üünegüne rü nachica i taxúema nagu ãpataxü̃ nixĩgü. Rü Chióü̃ rü wüxi i chianexü̃ nixĩ. Rü Yerucharéü̃ rü nagu napogüe rü taxuwama name.

Ichaía 25:2

Rü yima ĩanegü rü nutapütagüxü̃ cunanguxü̃xẽxẽ, rü yima ĩanegü ya mea ípoxegugüne rü nagu quipogügü. Rü yima uanügüarü ãẽ̱xgacügüpatagü rü cuyanaxoxẽxẽ rü tagutáma wena marü nimexẽẽgü.

Ichaía 7:25

Rü yima ma̱xpǘnegü ga nũxcüma lampamaxã nagu itoegüne rü tá maxẽmaxã rü tuxunecümaxã narüxü, rü taxúetama nawa taxũ nax nagu tatoexü̃ca̱x. Rü wocachitaü̃waxica rü carnéruchitaxü̃waxica name.

Ichaía 7:21

Rü ngẽma ngunexü̃gu rü yíxema tüxü̃́ ngẽxmaxe i wüxi i woca rü taxre i carnérugü rü tagutáma tüxü̃́ nataxu i lechi, rü lechi ya itaixü̃nemaxã taxãwemü. Rü guxãma ya yíxema duü̃xẽgü íyaxügüxe nawa i ngẽma dai rü tá lechi ya itaixü̃nemaxã rü beruremaxã taxãwemügü.

Ichaía 32:19

Rü woo taxü̃ i gáuxü̃pütagü rüyixgu rü perü naixnecüxü̃ nachixexẽẽãgu, rü woo perü ĩanegu napogüegu, natürü i pema rü tá petaãẽ rü taxü̃ i dexá íngexmaxü̃gu tá petoegü. Rü ngéma tá penachibüexẽxẽ i perü woca rü perü búru.

Ichaía 35:1

Ngẽma chianexü̃ i pamarexü̃ i taxúema íxãpataxü̃wa rü wenatáxarü nawa nangẽxma i taãxẽ. Rü ngéma chianexü̃wa tá narüxügü i putüragü i líriugü rü guxü̃watáma nangẽxma i taãxẽ. Rü nüma ya Cori ya Tupana rü wenatáxarü nanamexẽxẽ i Iraéane i chianexü̃, rü ñoma Líbanuanerüxü̃ tá namexẽchi. Rü ñoma Carméruane i mexechixü̃rüxü̃ rü Charóü̃arü metachinüanerüxü̃ rü ngẽma Iraéanewa tá nabaxca i nanetügü. Rü guxãtáma nüxü̃ tadaugü i Cori ya Tupanaarü pora rü ñuxãcü nax namexẽchixü̃ i nümax.

Ichaía 49:21

Rü ngẽxguma i pema Pa Yerucharéü̃cüã̱xgüx, rü tá peãẽwa ñaperügügü: “¿Texé tixĩ ya tüxna namugüxe i ñaa tanegü? Yixemagü rü tingexacügüchire̱x rü taxuacüma tixãxacü rü tüxü̃xica nua nawogü. ¿Rü texé tixĩxü̃ ya nayaexẽẽ́xẽ i ñaa tanegü? ¿Rü ngextá ne naxĩ?” ñaperügü tá —ñanagürü ya Tupana.

Yeremía 25:37

Rü nüma ya Cori ya Tupana rü poraãcü nanu, rü ngẽmaca̱x nayagu ga yema mexü̃ ga norü naanegü rü ñu̱xma rü chianexü̃xü̃ nixĩ.

Ichaía 24:10

Rü yima ĩane ya duü̃xü̃gü noxri chixexü̃gu maxẽxü̃ nawa maxẽne rü ñu̱xma rü nangeãcu rü narüwãtagü ya ĩpatagü nax taxúema texe nagu ücuxü̃ca̱x.