Ichaía 26:9 - Tupanaarü Ore

⁹ Chütacü rü guxü̃ma i chorü ngúchaü̃maxã cugu charüxĩnü. Rü aixcüma chorü maxü̃nemaxã cuxca̱x chadau. Rü ngẽxguma cuma ñoma i naanewa cuxũxgu nax nüxna cucaxü̃ca̱x i duü̃xü̃gü naxca̱x i norü maxü̃, rü ngẽxguma tá nixĩ i aixcüma nüxü̃ nacua̱xgüxü̃ i ta̱xacü nixĩ i ngẽma cupe̱xewa mexü̃.

Ichaía 26:9 Referans Kwoze

Ore i mexü̃ ga Matéu ümatüxü̃ 6:33

Rü ngẽmaca̱x guxü̃arü yexera penaxwa̱xe nax naga pexĩnüexü̃ ya Tupana ya daxũwa ãẽ̱xgacü ixĩcü, rü penaxüxü̃ i ngẽma nüma pexü̃́ nanaxwa̱xexü̃. Rü ngẽxguma i nüma rü naétü tá pexna nanaxã i guxü̃ma i ngẽma pexü̃́ taxuxü̃.

Wiyaegü 119:62

Rü ngãxü̃cüxü ícharüda nax moxẽ cuxna chaxãxü̃ca̱x naxca̱x i ngẽma curü mugü i aixcüma mexü̃.

Wiyaegü 63:1

Pa Chorü Tupanax, cuma nixĩ i aixcüma chorü Tupana quixĩxü̃. Rü guxü̃ma i chorü ngúchaü̃maxã cuxca̱x chadau erü poraãcüxüchi chanaxwa̱xe i chauxü̃ta cungexmaxü̃. Rü guxü̃ma i chorü maxü̃nemaxã chanaxwa̱xe nax chauxü̃ta cungexmaxü̃, ñoma paanexü̃ rü dexá naxwa̱xexü̃rüxü̃.

Ore i mexü̃ ga Márcu ümatüxü̃ 1:35

Rü ngunetüxü̃ ga tauta yangóonegu, rü inaxũãchi ga Ngechuchu. Rü ínaxũxũ ga ĩpatawa, rü wüxi ga nachica ga taxúema íxãpataxü̃wa naxũ nax yéma yayumüxẽxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:13

Rü yexgumatama poraãcü naxĩã̱xãchiane. Rü wüxi ga yema norü 10 arü üye ga guma ĩane, rü niwa̱xgü. Rü 7,000 ga duü̃xü̃gü nayue namaxã ga yema ĩã̱xãchiane. Rü yema togü ga duü̃xü̃gü ga maxẽxü̃ rü poraãcüxüchi namuü̃e. Rü Tupana ya daxũguxü̃ i naanewa ngẽxmacüxü̃ nicua̱xüü̃gü.

Ore i mexü̃ ga Luca ümatüxü̃ 6:12

Rü yexguma ga Ngechuchu rü wüxi ga ma̱xpǘnewa naxũ nax yéma yayumüxẽxü̃ca̱x. Rü guxü̃ ga yema chütaxü̃gu rü norü yumüxẽwa Tupanamaxã nidexa.

Ichaía 55:6

¡Rü naga pexĩnüe ya Cori ya Tupana rü ñoma rü ta pexna naxu! ¡Rü nüxna peca rü ñoma rü ta pexna nangaicama!

Ucu̱xẽgüchiga 8:17

Choma i cua̱x rü tüxü̃ changechaü̃ ya yíxema choxü̃ ngechaü̃güxe, rü yíxema cha̱u̱xca̱x daugüxe, rü choxü̃ itayangaugü.

Wiyaegü 58:11

Rü duü̃xü̃gü rü ñanagürügü tá: —Ngẽma mea Tupanape̱xewa maxẽxü̃ rü aixcüma nüxü̃́ nangẽxma i norü natanü. Rü aixcüma nixĩ nax nangẽxmaxü̃ ya Tupana ya ñoma i naanemaxã icuácü —ñanagürügü tá.

Ochéa 5:15

Rü ñu̱xũchi chopataca̱x tá chataegu, rü ngéma tá changexma ñu̱xmatáta nümatama nüxü̃ yacua̱xãchitanü nax chixexü̃ naxügüxü̃. Rü ngẽxguma ngúxü̃ yangegügu rü tá aixcüma cha̱u̱xca̱x nada̱u̱xgu —ñanagürü ga Tupana.

Ichaía 27:9

Natürü nüma ya Cori ya Tupana rü tá nüxü̃́ nüxü̃ inayarüngüma i ngẽma Iraétanüxü̃arü chixexü̃gü rü tá ínanapi i norü pecadugü i ngẽxguma nagu napogüegu i norü tupananetagüarü ãmarearü guruü̃güarü nutagü, ñoma nuta ya cal íxraxü̃gu pocürüxü, rü ngẽxguma ínawogüãgu i ngẽma naigü i Acheráchicüna̱xãgü i namaxã natupanaã̱xgüxü̃ rü nagu napogüegu i ngẽma guruü̃gü i nawa norü tupananetagüca̱x pumarate̱xe ínagugüxü̃.

Wiyaegü 130:6

Choma rü ñoma dauxü̃taegüxü̃ i ngóonexü̃ ínangu̱xuxẽẽgüxü̃arü yexera cuxü̃ íchanangu̱xẽxẽ, Pa Cori Pa Tupanax. Rü Pa Iraéanecüã̱xgüx, rü ngẽma dauxü̃taegüxü̃ i ngóonexü̃ ínangu̱xuxẽẽgüxü̃rüxü̃ rü name nixĩ i ípenangu̱xẽxẽ i norü ngü̃xẽxẽ ya Cori ya Tupana. Erü nüma rü tüxü̃ nangechaü̃ rü tüxü̃ ínanguxü̃xẽxẽ naxme̱xwa i tórü uanügü.

Wiyaegü 64:9

Rü ngẽxguma ngẽmaxü̃ nadaugügu i duü̃xü̃gü rü tá Tupanaxü̃ namuü̃e. Rü tá nüxü̃ nixugügü i ngẽma Tupana üxü̃ rü tá nüxü̃ nicua̱xãchitanü nax ta̱xacüchiga yixĩxü̃.

Wiyaegü 83:18

Rü ngẽmaãcü tá nüxü̃ nacua̱xgü nax cuxicatama yixĩxü̃ i Cori ya Tupana quixĩxü̃, rü cuxicatama yixĩxü̃ i Guxãétüwa Cungexmaxü̃ i ñoma i naanewa.

Wiyaegü 78:34

Rü yexguma Tupana napoxcueguama ga yema duü̃xü̃gü rü yexgumama poraãcü naxca̱x nadaugü rü naxca̱x nawoegu. Rü nüxna nacua̱xãchie ya yimá Tupana ya Guxü̃étüwa Ngẽxmacü ga norü dauruxü̃ rü norü poxü̃ruxü̃ ixĩcü.

Wiyaegü 63:5

Rü choma rü cumaxã tá chataãẽxü̃chi ñoma wüxi i duü̃xü̃ i õna i taxü̃maxã taãẽxü̃rüxü̃. Rü taãẽãcü cha̱u̱a̱xmaxã tá cuxü̃ chicua̱xüxü̃.

Wiyaegü 105:7

Rü nüma nixĩ i Cori ya tórü Tupana yixĩxü̃. Rü nüma nixĩ i ñoma i naanemaxã inacuáxü̃.

Wiyaegü 119:55

Pa Cori Pa Tupanax, rü woo chütacü rü cugu charüxĩnü. Erü chanaxwa̱xe i nagu chamaxü̃ i curü ngu̱xẽẽtae.

Ichaía 50:10

Rü pema nax Tupanaxü̃ pemuü̃exü̃ rü norü duü̃xü̃ga pexĩnüexü̃, rü ngẽxguma waanexü̃wa i omü ínataxuxü̃wa pexĩxgu rü ¡Tupanagu perüxĩnüe rü nüxü̃́ peyaxõgü!

Auxexü̃chiga 2:19

¡Írüda! ¡Rü wüxichigü i chütaxü̃ rü wüxichigü i ora nayumüxẽ! ¡Rü Cori ya Tupanamaxã nüxü̃ ixu i curü guxchaxü̃gü! ¡Rü cugüwa ínaxũxü̃xẽxẽ i guxü̃ma i ngẽma nagu curüxĩnüxü̃, ñoma dexá iyáxü̃rüxü̃! Rü Tupanaca̱x dauxü̃ naxunagü rü curü yumüxẽwa curü buxü̃güca̱x ínaca nax tama ĩanearü namagügu taiyamaxã nayuexü̃ca̱x.

Auxexü̃chiga 3:25

Rü nüma ya Cori ya Tupana rü tümamaxã namecüma ya yíxema nüxü̃́ yaxõgüxe rü norü ngü̃xẽẽca̱x daugüxe.

Echequié 5:15

Rü ngẽxguma chorü numaxã perü chixexü̃gagu taxü̃ i poxcumaxã pexü̃ chapoxcuegu, rü guxü̃ma i ngẽma togü i duü̃xü̃gü rü tá pemaxã naguxchigagü rü pexü̃ nacugüe. Rü guxü̃ma i ngẽma togü i nachixü̃anegü i pexna ngaicamaxü̃arü dauxcüraxü̃ruxü̃ tá pixĩgü. Rü choma ya Cori ya Tupana nixĩ i nüxü̃ chixuxü̃ i ngẽma.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:14

Rü nüma nixĩ i Cori ya tórü Tupana yixĩxü̃. Rü nüma nixĩ i ñoma i naanemaxã inacuáxü̃.