Ichaía 26:7 - Tupanaarü Ore

⁷ Yíxema aixcüma Tupanape̱xewa mea maxẽ, rü tümacüma rü nawe̱xgu. Rü cumax, Pa Cori Pa Tupanax, rü tüxü̃ curüngü̃xẽxẽ nax yawéxü̃ca̱x i tümacüma.

Ichaía 26:7 Referans Kwoze

Efesios 2:10

Rü Tupana nixĩ ga tüxü̃ ngo̱xẽẽcü rü tüxü̃ maxẽxẽẽcü. Rü ñu̱xma rü Cristugagu tüxna nanaxã i ngẽma maxü̃ nax mexü̃ ixügüxü̃ca̱x. Rü ngẽmaãcü i ñu̱xma rü nagu taxĩ i ngẽma nacüma ga nũxcüma Tupana taxca̱x nagu rüxĩnüxü̃.

Nüxíraxü̃xü̃ ga popera ga Cuáü̃ ümatüxü̃ 3:7

Pa Chauxacügüx, ¡taxṹ i naga pexĩnüexü̃ i ngẽma duü̃xü̃gü i pexü̃ womüxẽẽgüchaü̃xü̃! Yíxema mexü̃ ǘxe rü aixcüma mecü tixĩ, ngẽxgumarüxü̃ ya Cristu nax aixcüma mecü yixĩxü̃rüxü̃.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

Ichaía 42:16

Rü ngẽma ngexetügüxü̃ rü tá chanagagü nawa i namagü i taguma nüxü̃ nacua̱xgüxü̃ rü taguma nagu naxĩxü̃. Rü ngẽma waanexü̃ i nawa namaxẽ rü tá ngóonexü̃xü̃ chayaxĩxẽxẽ. Rü ngẽma naane i chixri i weanexü̃ rü tá mea ichanawe̱xãchianexẽxẽ. Rü guxü̃ma i ngẽma rü tá chanaxü erü tama nüxna chixũgachi i chorü duü̃xü̃gü i Iraétanüxü̃.

Nüxíraxü̃xü̃ ga popera ga Cuáü̃ ümatüxü̃ 3:10

Rü marü nüxü̃ tacua̱x nax texé tixĩgüxü̃ ya Tupanaxacügü rü texé tixĩgüxü̃ ya Chatanáxacügü. Erü yíxema tama mexü̃ ǘxe rü tama tümaenexẽxü̃ ngechaü̃xe, rü tama Tupanaxacü tixĩ.

Ucu̱xẽgüchiga 20:7

Tupanape̱xewa tame ya yíxema ngearü chixexü̃ã́xe. Rü ngẽma tümaxacügü i tümacümagu ĩxü̃ rü nataãẽgü.

Wiyaegü 11:7

Rü nüma ya Cori ya Tupana rü ixaixcümacü nixĩ, rü nüxü̃ nangechaü̃ i ngẽma aixcüma ixĩxü̃. Rü ngẽmaca̱x ya yíxema ixaixcümagüxe rü tá Tupanachiwexü̃ tadaugü.

1 Corintios 4:5

Rü ngẽmaca̱x tama name nax yaxtacüma texéxü̃ pengugüarü maxü̃ã́xü̃. Natürü name nixĩ i ípenangu̱xẽxẽ nax núma naxũxü̃ ya tórü Cori. Rü nüma tá nixĩ i nango̱xẽẽãxü̃ i guxü̃ma i ngẽma ñu̱xma icúxü̃ rü guxü̃ma i ngẽma duü̃xü̃gü naãẽwa nagu rüxĩnüexü̃. Rü ngẽxguma tá nixĩ ya Tupana i tüxü̃ yacua̱xüxü̃ ya wüxichigü ya yíxema aixcüma mexü̃ ügüxe.

Ichaía 35:8

Ngéma tá nangẽxma i wüxi i nama i “Nama i Üünexü̃gu” ãégaxü̃. Rü yíxema tama Tupanape̱xewa tügü mexẽẽ́xe rü taxucürüwa nagu tixũ. Rü ngẽxgumarüxü̃ ta i ngẽma chixexü̃arü üruü̃gü rü taxucürüwa nagu naxĩ.

Wiyaegü 1:6

Erü nüma ya Cori ya Tupana rü meama tüxna nadau ya yíxema aixcüma naga ĩnüexe, natürü ngẽma chixexü̃ i duü̃xü̃gü i tama naga ĩnüechaü̃xü̃ rü nagagutama poxcuwa naxĩ.

Yox 31:6

Rü chanaxwa̱xe nax Tupana meama choxü̃ ngugüxü̃, rü ngẽmawa tá nüxü̃ nacua̱x nax taguma chixexü̃ chaxüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:17

Pa Chorü Tupanax, choma nüxü̃ chacua̱x nax guxü̃guma mea cunangugüxü̃ i torü ĩnü rü namaxã cutaãẽxü̃ nax tixaixcümagüxü̃. Rü ngẽmaca̱x aixcüma mexü̃gu charüxĩnüãcüma chorü ngúchaü̃maxã cuxna chanana i guxü̃ma i ñaa ãmaregü. Rü ñu̱xma rü chataãxẽ erü nüxü̃ chadau i ñaa curü duü̃xü̃gü i nuxã ngutaque̱xexü̃ rü guxü̃ma i norü ngúchaü̃maxã cuxna nanana i ngẽma norü ãmaregü.

Chofonía 3:5

Natürü nüma ya Cori ya Tupana rü yima ĩanewa nangẽxma. Rü nüma rü mexü̃ naxü rü tama i chixexü̃. Rü wüxichigü i ngunexü̃gu rü meama duü̃xü̃gümaxã inacua̱x. Natürü ngẽma chixexü̃ üxü̃ rü tama ãnexü̃ nacua̱x.

Wiyaegü 11:4

Natürü nüma ya Cori ya Tupana rü napata ya üünenewa nangẽxma. Rü nüma ya Cori rü daxũguxü̃ i naanewa nüxü̃́ nangẽxma i norü tochicaxü̃, rü ngéma meama ínadawenü rü nanangugü i duü̃xü̃gü.

Wiyaegü 25:4

Pa Corix ¡choxü̃ nawe̱x i cucümagü rü ngẽma cucümagügu choxü̃ ixũxẽxẽ!

Wiyaegü 25:5

¡Rü chomaxã inacua̱x rü choxü̃ nangu̱xẽxẽ i ngẽma curü ore i aixcüma ixĩxü̃! Erü cuma nixĩ i chorü Tupana rü chorü maxẽẽruxü̃ quixĩxü̃. Rü guxü̃ma i oragu rü cuxü̃́ chayaxõ.

Wiyaegü 27:11

Pa Corix ¡choxü̃ nawe̱x i cumaxü̃ rü chorü uanügücha̱xwa choxü̃ nüxü̃ nacua̱xẽxẽ i ngẽma nama i mexü̃ nax nagu chixũxü̃ca̱x!

Ucu̱xẽgüchiga 4:18

Ngẽma mexü̃ i duü̃xü̃gücüma rü ñoma ngexwaca yangunegurüxü̃ nixĩ nax nangóxü̃, rü ngẽmaãcü yexera ningóchigü ñu̱xmata yangóonexü̃chi.

Ichaía 52:12

¡Natürü taxuca̱xma ñu̱xãẽãcü ípechoxü̃ rü pibuxmü! Erü nüma ya perü Tupana i pema i Iraétanüxü̃ rü tá pexna nadau i guxü̃ma i ãũcümaxü̃wa.

Ichaía 57:2

Rü ngẽma duü̃xü̃gü i aixcüma Tupanaga ĩnüexü̃ rü ngẽxguma nayuegu rü nüxna narüngü̃gü i chixexü̃.

Yeremía 10:23

Pa Corix, choma nüxü̃ chacua̱x nax wüxichigü i duü̃xü̃ rü tama norü maxü̃arü yora nax yixĩxü̃, rü tama nüxü̃ nacua̱x nax ta̱xacü tá nüxü̃ ngupetüxü̃.

Ochéa 14:9

Rü yíxema cua̱x tüxü̃́ ngẽxmaxe rü yíxema aixcüma tümaãẽxü̃ cuáxe rü name i naga taxĩnü i ñaa ore. Rü ngẽma nacüma ya Cori ya Tupana rü aixcüma nawe̱xgu. Rü ngẽma duü̃xü̃gü i aixcüma naga ĩnüexü̃, rü ngẽma nacümagu naxĩ. Natürü ngẽma tama Tupanaga ĩnüexü̃ca̱x, rü ngẽma nacüma rü wüxi i guxchaxü̃ nixĩ.

Wiyaegü 5:9

Erü ngẽma chorü uanügü rü taguma ñuxgu aixcümaxü̃ nixugü. Rü chixexü̃guxicatama narüxĩnüe. Rü ngẽma naã̱x rü ñoma wüxi i yuetamaxü̃ i ngenaxü̃rüxü̃ nixĩ. Rü yimá norü conü rü nidorata̱a̱x.

Ucu̱xẽgüchiga 3:6

¡Guxü̃ma i ta̱xacü icuxüxü̃wa rü Tupaname̱xẽgu naxǘ, rü nüma rü tá cumaxã inacua̱x rü mea tá cuxü̃́ ínanguxuchi i ngẽma cuxüxü̃!

Ucu̱xẽgüchiga 11:5

Ngẽxguma mexü̃ i nacümagu yaxũxgu i wüxi i duü̃xü̃, rü mexü̃wa nanaga, natürü ngẽma chixexü̃gu maxü̃xü̃ i duü̃xü̃, rü ngẽma norü chixexü̃gagutama napoxcu.

Ucu̱xẽgüchiga 21:8

Ngẽma nacüma i ngẽma duü̃xü̃ i chixexü̃gu maxü̃xü̃ rü ínitóxü. Natürü ngẽma nacüma i ngẽma duü̃xü̃ i mea maxü̃xü̃, rü aixcüma nawe̱xgu.

Ichaía 30:18

Natürü nüma ya Cori ya Tupana rü pexü̃ ínanangu̱xẽxẽ nax naxca̱x pewoeguxü̃ nax ngẽmaãcü nüxü̃́ pengechaü̃tümüxü̃güxü̃ca̱x. Rü nüma rü ínamemare nax pexü̃ nawéaxü̃ nax poraãcü pexü̃ nangechaü̃xü̃. Erü nüma ya Cori ya Tupana rü aixcüma mexü̃ namaxã naxuegu i ngẽma naga ĩnüexü̃. Rü tá taãẽgü ya guxãma ya yíxema nüxü̃́ yaxõgüxe.