Ichaía 26:3 - Tupanaarü Ore

³ Rü cumax, Pa Corix, rü tüxü̃ curüngü̃xmügüxẽxẽ ya yíxema mexü̃ i tümacüma tüxü̃́ ngẽxmaxe rü cuxna rüyoü̃xẽ.

Ichaía 26:3 Referans Kwoze

Filipenses 4:7

Rü ngẽmaãcü nüma ya Tupana rü tá pexna nanaxã i norü taãxẽ i guxü̃ma i taãxẽ i nüxü̃ icuáxü̃arü yexera mexẽchixü̃. Rü ñu̱xma nax Ngechuchu ya Cristuarü duü̃xü̃gü pixĩgüxü̃, rü ngẽma taãxẽ ya Tupana pexna ãxü̃ rü tá ínanapoxü̃ i perü maxü̃negü rü perü ĩnügü nüxna i ngẽma chixexü̃.

Ore i mexü̃ ga Cuáü̃ ümatüxü̃ 16:33

Rü guxü̃ma i ñaa ore rü pemaxã nüxü̃ chixu nax chaugagu petaãẽgüxü̃ca̱x. Rü ñoma i naanewa rü tá ngúxü̃ pinge. ¡Natürü peporae! Erü choma rü marü nüxü̃ charüyexera i guxü̃ma i ñoma i naane —ñanagürü.

Ore i mexü̃ ga Cuáü̃ ümatüxü̃ 14:27

Rü ñu̱xma nax pexna íchixũxü̃, rü pexna chanaxã i taãxẽ. Natürü ngẽma taãxẽ i pexna chaxãxü̃, rü tama ñoma i naanecüã̱x pexna ãxü̃ i taãẽrüxü̃ nixĩ. Rü tama chanaxwa̱xe i penaxĩ̱xãchiãẽgü rü pemuü̃e.

Wiyaegü 9:10

Pa Corix, yíxema cuxü̃ cua̱xgüxe rü cuxü̃́ tayaxõgü. Rü taguma tüxü̃ icuyarüngüma ya yíxema cuxca̱x daugüxe.

Romanos 5:1

Rü ñu̱xma rü Tupanape̱xewa time erü tayaxõgü. Rü ngẽmaca̱x marü tama Tupanamaxã taxuanüã̱xgü i ñu̱xmax, erü tórü Cori ya Ngechuchu ya Cristu rü marü tamaxã nanangüxmüexẽxẽ ya Tupana.

Ichaía 31:1

Wüxi i taxü̃ i ngechaü̃ nixĩ naxca̱x i ngẽma Iraétanüxü̃ i Equítuanegu ngü̃xẽẽca̱x yadaugüxü̃. Nümagü rü nagu nayaxõgü ya yima muxũchine ya Equítuanearü carugü rü muxũchixü̃ i churaragü i cowaruétügu ĩxü̃. Natürü tama naga naxĩnüechaü̃ ya yimá norü Tupana ya üünecü, rü tama norü ucu̱xẽca̱x nadaugü.

Miquéa 5:5

Rü nüma ya yimá ãẽ̱xgacü rü tá nanangüxmüexẽxẽ i duü̃xü̃gü. Rü ngẽxguma ngẽma Achíriaanecüã̱xgü tachixü̃anegu chocuxgu nax nagu napogüexü̃ca̱x i tórü ĩanegü ya ípoxegugüne rü yima tórü ãẽ̱xgacü tá naxca̱x inanamuãchitanü i 7 i duü̃xü̃güarü dauruü̃gü rü 8 i Iraétanüxü̃arü ãẽ̱xgacügü.

Norü taxre ga to ga popera ga ãẽ̱xgacügüchiga ümatüxü̃ 16:8

¿Rü tama ẽ̱xna nüxna cucua̱xãchi ga yema namaxã ngupetüxü̃ ga yema Etiopíaanecüã̱xgü rü Líbiaanecüã̱xgüarü churaragü ga iporaxüchixü̃ ga yexguma guxü̃ma ga norü cowarugümaxã rü carugü ga cowaru itúgünemaxã cuxca̱x íyaxüãchigu? Natürü nüma ga Cori ya Tupana rü cuxü̃ narüngü̃xẽxẽ rü cuxme̱xgu nanayixẽxẽ, yerü nüxü̃́ cuyaxõ.

Norü taxre ga to ga popera ga ãẽ̱xgacügüchiga ümatüxü̃ 13:18

Rü yemaacü ga yema ngunexü̃gügu ga Iraéanecüã̱x rü narümaachitanü, natürü ga yema Yudáanearü churaragü rü nügü ínarüporagü, yerü nüxü̃́ nayaxõgü ga Cori ga norü o̱xigüarü Tupana.

Ichaía 48:2

Pema rü nüxü̃ pixu nax yima ĩane ya üünene ya Yerucharéü̃wa pemaxẽxü̃ rü Iraéarü Tupana ya Guxãétüwa Ngẽxmacüarü duü̃xü̃gü pixĩgüxü̃, rü ngẽmaãcü pegü ípepoxü̃.

Ichaía 50:1

Nüma ya Tupana rü ñanagürü nüxü̃: —Pa Iraétanüxü̃x, ¡Taxṹ i nagu perüxĩnüexü̃ nax íchanatáxü̃ i perü mama i Iraéane ñoma wüxi ya yatü naxma̱xü̃ ítáxü̃rüxü̃! ¡Rü taxṹ i nagu perüxĩnüexü̃ nax pemaxã chataxexü̃ nax togüarü mugüruxü̃ pixĩgüxü̃ca̱x rü yemaacü chanaxütanüxü̃ca̱x ga wüxi ga chorü ngetanü! Rü pemaxã chataxe nagagu ga yema perü pecadugü yerü tama chauga pexĩnüechaü̃. Rü perü mama i Iraéane rü íchanata̱x yerü pema rü tama chauga pexĩnüe.

Wiyaegü 119:165

Rü yíxema curü ucu̱xẽgüga ĩnüexe rü tataãẽgü. Rü taxuxü̃táma i ta̱xacü i chixexü̃gu tüxü̃ nayixẽxẽ.

Ichaía 12:2

Rü Tupana nixĩ ya choxü̃ maxẽẽcü, rü ngẽmaca̱x nüxna charüyoe rü taxuca̱xma tü̱xcüü̃ chamuü̃. Rü nüma ya Cori ya Tupana nixĩ i chorü cu̱xchicaxü̃ rü chorü poraxẽẽruxü̃. Rü nüma nixĩ i chorü maxẽẽruxü̃ —ñacurügü tá.

Ichaía 26:12

Pa Cori ya Tupanax, cuma nixĩ i mexü̃ toxca̱x ícunguxẽẽxü̃, rü cuma nixĩ i toxü̃ curüngü̃xẽẽxü̃ nawa i guxü̃ma i torü puracügü.

Ichaía 27:5

Rü ngẽxguma ngẽma Iraétanüxü̃ naxwa̱xegügu nax choma nüxü̃ charüngü̃xẽẽgüxü̃ca̱x, ẽcü cha̱u̱xca̱x nawoegu rü chomaxã inangüxmüe —ñanagürü tá ya Tupana.

Ichaía 32:18

Rü ngẽma chorü duü̃xü̃gü rü wüxi i nachica i nu nawa taxuxü̃gu tá naxãchiü̃gü. Rü ĩpatagü ya itaixü̃newa tá namaxẽ. Rü yima ĩpatagüwa rü tá nataãẽgü.

Ichaía 42:6

Rü choma ya Tupana nixĩ i cuxca̱x chacaxü̃ rü pora cuxna chaxãxü̃ nax duü̃xü̃gümaxã nüxü̃ cuyarüxuxü̃ca̱x nax mea nügümaxã inacuáexü̃ca̱x. Rü choma rü tá cuxme̱xgu chingĩ rü tá cuxna chadau. Rü cuxü̃ chamu nax chope̱xewa duü̃xü̃güétüwa cuchogüxü̃ca̱x rü ngẽmaãcü wüxi i omü nax quixĩxü̃ca̱x nape̱xewa i guxü̃ma i nachixü̃anegü.

Ichaía 42:19

Rü Iraétanüxü̃ nixĩ ga Tupana nüxü̃ unetaxü̃ nax norü duü̃xü̃gü yaxĩgüxü̃ca̱x rü norü orexü̃ nax yaxugüexü̃ca̱x. Natürü nataxuma i to i duü̃xü̃gü i Iraétanüxü̃arü yexera ngauxchiẽgüxü̃ rü ngexetügüxü̃.

Ichaía 49:8

Rü nüma ya Cori ya Tupana rü ñanagürü ta: —Yexguma nawa nanguxgu ga ngunexü̃ nax chorü ngü̃xẽẽca̱x ípecaxü̃ rü choma rü pexü̃ chanawe̱x nax pexü̃ changechaü̃xü̃. Rü yexguma penaxwa̱xegu nax pexü̃ íchapoxü̃xü̃ rü pexü̃ charüngü̃xẽxẽxü̃. Rü ñu̱xma i choma rü tá pexna chadau nax wüxi i ngü̃xẽxẽ nüxü̃́ pixĩgüxü̃ca̱x i togü i duü̃xü̃gü. Rü ngẽmaca̱x i pemax, Pa Iraétanüxü̃x, rü wena tá nawa pemaxẽ i ngẽma naanegü ga perü uanügü chixexẽẽgüxü̃ rü ngẽmaãcü tá wena penamexẽxẽ i pechixü̃ane.

Ichaía 66:12

Erü choma ya Cori ya Tupana rü ñachagürü: “Choma rü ñoma wüxi i natüarü dexá i mea iyaxü̃rüxü̃ tá Yerucharéü̃wa chananguxẽxẽ i taãxẽ. Rü togü i nachixü̃anegüarü ãmaregü rü tá paxa pexca̱x íchanangugüxẽxẽ ñoma wüxi i natü i poraü̃chíüxü̃rüxü̃. Rü ngẽmaãcü i pema, Pa Yerucharéü̃cüã̱xgüx, rü ñoma wüxi i õxchana i meama maixü̃rüxü̃ tá pengãxpütüwegü. Rü choma rü tá chauchacüxügu pexü̃ chigagü rü choperemawa tá pexü̃ chameãxẽ.

Danié 3:17

Rü yimá torü Tupana ya nüxü̃ ticua̱xüü̃gücü rü nüxü̃́ natauxcha nax toxü̃ ínanguxü̃xẽxẽxü̃ nawa ya yima üxü rü nawa i guxü̃ma i ngẽma poxcu i tomaxã cuxueguxü̃, Pa Ãẽ̱xgacüx.

Danié 3:28

Rü yexgumatama ga nüma ga Nabucudonochó rü ñanagürü: —¡Ngĩxã nüxü̃ ticua̱xüü̃gü ya norü Tupana i Chadrá rü Mechá rü Abex-negó ya núma namucü i ngẽma dauxü̃cüã̱x nax íyapoxü̃ãxü̃ca̱x i norü duü̃xü̃gü i tama ãẽ̱xgacüga ĩnüechaü̃xü̃! Yerü yema tomaepü̱xca̱x rü narümemae nax nayuexü̃ naxü̃pa nax togümare ga tupanaxü̃ yacua̱xüü̃güxü̃.

Danié 6:23

Rü yexguma ga nüma ga ãẽ̱xgacü rü poraãcü nataãxẽ rü norü duü̃xü̃güxü̃ namu nax Daniéxü̃ ínamuxũchigüxü̃ca̱x leóü̃tanüwa. Rü yexguma marü ínanguxuchigu ga Danié, rü nüxü̃ nadaugü ga taxuwama nax napíxü̃ yerü aixcümama norü Tupanaaxü̃́ nayaxõ.

Wiyaegü 125:1

Ngẽma Cori ya Tupanaaxü̃́ yaxõgüxü̃ rü yima ma̱xpǘne ya Chióü̃ ya taxúema ixũgachixẽẽnerüxü̃ nixĩgü. Rü guxü̃guma nangẽxmagüecha.

Ichaía 32:17

Rü ngẽma nax mea nügümaxã inacuáexü̃ i duü̃xü̃gü rü nataxutama i nu. Rü duü̃xü̃gü rü tá nataãẽgü rü guxü̃gutáma nügüxü̃́ nayaxõgü.

Ichaía 50:10

Rü pema nax Tupanaxü̃ pemuü̃exü̃ rü norü duü̃xü̃ga pexĩnüexü̃, rü ngẽxguma waanexü̃wa i omü ínataxuxü̃wa pexĩxgu rü ¡Tupanagu perüxĩnüe rü nüxü̃́ peyaxõgü!

Yeremía 39:18

Rü aixcüma tá cuxü̃ íchapoxü̃ nax tama cuxü̃ yamáxü̃ca̱x. Rü tá quiña rü tá cumaxü̃ erü choxü̃́ cuyaxõ. Rü choma ya Cori ya Tupana nixĩ i nüxü̃ chixuxü̃ i ngẽma, ñanagürü ga Tupana’ ” —ñanagürü.