Ichaía 26:20 - Tupanaarü Ore

²⁰ Dücax, Pa Chorü Duü̃xü̃güx, rü name nixĩ i nagu pechocu ya yima pepatagü rü penawãtagü i perü ĩã̱xgü. ¡Rü paxaãchi ngẽxma picu̱xgü ñu̱xmata nüxü̃́ nangupetü i norü nu ya Cori ya Tupana!

Ichaía 26:20 Referans Kwoze

Wiyaegü 30:5

Erü ngẽma norü nu rü paxaãchimare nixĩ, natürü ngẽma norü ngü̃xẽxẽ rü taguma inayagu̱x. Rü woo chütacü ixauxegu, natürü moxü̃ãcü rü taãẽãcü tingunexü̃gü.

Wiyaegü 27:5

Rü ngẽxguma guxchaxü̃ cha̱u̱xca̱x ínguxgu rü nüma ya Cori rü napatawa tá choxna nadau. Rü nügümaxã tá choxü̃ natüxchipeta rü choxü̃ ínapoxü̃. Rü wüxi ya nuta ya tacüétügu tá choxü̃ namunagü nax taxuxü̃ma choxü̃ imáxü̃ca̱x.

Ore i mexü̃ ga Matéu ümatüxü̃ 6:6

Natürü ngẽxguma cuyumüxẽgu, rü name nixĩ i curü ucapugu cuxücu, rü cunawãxta i curü ĩã̱x, rü ngéma quidexa namaxã ya Cunatü ya cumaxãxicatama ngéma ngẽxmacü. Rü ngẽxguma ya yimá Cunatü ya nüxü̃ daucü i ngẽma bexma cuxüxü̃, rü tá cuxna nanaxã i curü ãmare.

Wiyaegü 91:4

Rü nüma rü tá nügüpe̱xátütüü̃wa cuxü̃ nangẽxmaxẽxẽ rü ngéma rü taxuxü̃táma cuxü̃ nangupetü. Rü nüma rü tá aixcüma cuxna nadau rü tá cuxü̃ ínapoxü̃.

Ucu̱xẽgüchiga 18:10

Naéga ya Cori ya Tupana, rü wüxi i poxü̃ruxü̃ i poraxü̃ nixĩ. Rü ngẽmaca̱x ngẽma mexü̃gu maxü̃xü̃ i duü̃xü̃, rü naxca̱x nixũ nax naxü̃tagu nügü yanacúxü̃ca̱x.

Wiyaegü 17:8

¡Rü choxna nadau ñoma cugüpü̱xüxetüna cudauxü̃rüxü̃! ¡Rü choxü̃ ídüxü namaxã ya cuxpe̱xatügü!

2 Corintios 4:17

Erü ngẽma ngúxü̃ i ñu̱xma torü maxü̃wa tingexü̃, rü wüxi i paxaãchimare nixĩ rü paxa tá nangupetü. Natürü ngẽma ngúxü̃gagu rü tá tanayaxu i wüxi i maxü̃ i mexẽchixü̃ i tagutáma gúxü̃.

Ichaía 10:25

Erü marü noxretama i ngunexü̃ nataxu nax naxca̱x íchananguxẽẽxü̃ i norü poxcu, rü ngẽma chorü numaxã tá chanadai.

Wiyaegü 32:7

Rü cumax rü chorü dauruxü̃ quixĩ, rü cuma nixĩ i choxü̃ ícupoxü̃xü̃ i ngẽxguma ãũcümaxü̃wa changexmagu. Rü ngẽxguma nüxü̃ charüporamaegu i chorü uanügü, rü chorü guxü̃cüwawa tá taãẽãcü cunawiyaegüxẽxẽ i duü̃xü̃gü.

Ichaía 51:4

Rü ñanagürü ta ga Tupana: —Pa Chorü Duü̃xü̃güx ¡choxü̃́ iperüxĩnüe! ¡Rü chauga pexĩnüe, Pa Iraétanüxü̃x! Rü choma rü tá chanango̱xẽxẽ i ngẽma chorü ore. Rü chorü mugü rü guxü̃ i nachixü̃anegüarü nangóonexẽẽruxü̃ tá nixĩ.

Wiyaegü 91:1

Tataãxẽ ya yíxema naxme̱xwa ngẽxmaxe ya Yimá Guxãétüwa Ngẽxmacü ya Tupana, erü nüma rü tüxna nadau.

Wiyaegü 31:20

Rü yíxema mexü̃gu rüxĩnüxe rü cuma rü cupata ya üünenewa tüxü̃ ícupoxü̃ nüxna i ngẽma duü̃xü̃gü i tümachi aiexü̃ rü chixri tümachiga idexagüxü̃.

Echequié 11:16

Natürü i cumax, Pa Echequiéx, rü tá ngẽma Iraétanüxü̃ i to i nachixü̃anegüwa gagüxü̃maxã nüxü̃ quixu i chorü ore i ñaxü̃: “Woo ngẽma to i nachixü̃anegügu pexü̃ chawoone, natürü taxũtáma guxü̃guca̱x nixĩ. Erü ngẽma nachixü̃anegü i nagu pewoonexü̃wa rü chomatátama nixĩ i pemaxã changexmaxü̃” —ñachagürü.

Ichaía 51:16

Rü choma nixĩ ga cumaxã nüxü̃ chixuxü̃ ga yema chanaxwa̱xexü̃ nax nüxü̃ quixuxü̃, rü choma rü tá chorü poramaxã cuxna chadau. Rü choma nixĩ ga chanaxüxü̃ ga daxũguxü̃ ga naane rü ñoma i naane, rü ñu̱xma rü ñacharügü: “Pa Chióü̃cüã̱xgüx, pema nixĩ i chorü duü̃xü̃gü pixĩgüxü̃”, ñachagürü —ñanagürü ga Tupana.

Wiyaegü 143:9

Pa Cori Pa Tupanax ¡nüxna choxü̃ ínanguxuchixẽxẽ i ngẽma chorü uanügü! Erü cuxca̱x nixĩ i chiñaxü̃ nax cuxü̃tagu chaugü chicúxü̃ca̱x.

Wiyaegü 57:1

¡Cuxü̃́ changechaü̃tümüxü̃, Pa Chorü Tupanax, cuxü̃́ changechaü̃tümüxü̃! Erü cuxca̱x chiña nax choxü̃ ícupoxü̃xü̃ca̱x. Rü cuxpe̱xatütüü̃gu chaugü chicúxchaü̃ ñu̱xmatáta nangupetü i ngẽma ãũcümaxü̃.

Naanearü ügüchiga 7:1

Rü yemawena ga Tupana rü Noéxü̃ ñanagürü: —Natanüwa i guxü̃ma i ñaa duü̃xü̃gü rü cuxicatama nixĩ i chorü ngúchaü̃ãcüma cumaxü̃xü̃. ¡Rü ngẽmaca̱x guxü̃ma i cunegümaxã nagu ixüe ya yima wapuru!

Yeremía 31:14

Rü ngẽma chacherdótegü rü tá nüxna chanaxã i ngẽma rümemaexü̃ i õna nax ngẽma nangõ̱xgüxü̃ca̱x. Rü chorü duü̃xü̃güna tá chanaxã i muxũchixü̃ i chorü ngẽmaxü̃gü, rü nümagü rü tá ngẽmamaxã nataãẽgü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Naanearü ügüchiga 7:16

Rü nawüxiraxü̃xü̃ ga naeü̃güwa rü nichoü̃ ga taxrechigü rü wüxi ga yatüxü̃ rü wüxi ga ngexü̃, yerü yemaacü nixĩ ga Tupana ga Noémaxã nüxü̃ yaxuxü̃. Rü yemawena rü nüma ga Cori ya Tupana rü nanawãxta ga ĩã̱x.

Ore i mexü̃ ga Matéu ümatüxü̃ 23:37

Rü ñanagürü ta ga Ngechuchu: —Pa Yerucharéü̃cüã̱x, pema penadai i Tupanaarü orearü uruü̃gü, rü nutamaxã ípenamuxũchigü i ngẽma orearü ngeruü̃gü ya Tupana pexü̃tawa mugüxü̃. Rü ñuxree̱xpü̱xcüna wüxigu chaugüxü̃tagu pexü̃ chanutaque̱xexẽẽchaü̃ ñoma wüxi i ota i naxacüxegü nügütüü̃gu tüxü̃ nutaque̱xexü̃rüxü̃. Natürü pema rü tama penaxwa̱xe.

Yeremía 7:23

Natürü yema namaxã nüxü̃ chixuxü̃ nixĩ nax chauga naxĩnüexü̃ca̱x nax ngẽmaãcü i choma rü norü Tupana chixĩxü̃ca̱x, rü ñu̱xũchi i nümagü rü chorü duü̃xü̃gü yaxĩgüxü̃ca̱x. Rü yema namaxã nüxü̃ chixuxü̃ nixĩ nax choma chanaxwa̱xexü̃ãcü namaxẽxü̃ nax yemaacü mea nüxü̃ nangupetüxü̃ca̱x.

Yox 14:13

Rü chierüx yuexü̃ íngexmagüxü̃gu choxü̃ quicu̱xgu ñu̱xmata cuxü̃ nangupetü i ngẽma curü nu. Rü ñu̱xũchi ngẽmawena chanaxwa̱xe i nüxü̃ cuxuneta i ngunexü̃ i nagu tá choxna cucua̱xãchixü̃.

Ucu̱xẽgüchiga 22:3

Ngẽma naãẽxü̃ cuáxü̃, rü ngẽxguma nape̱xewa nangẽxmagu i wüxi i ãũcümaxü̃, rü naxcha̱xwa nixũgachi, natürü ngẽma naechitamare maxü̃xü̃ rü nawa naxũãma i ngẽma ãũcümaxü̃, rü nagagutama nagu nangu.

Ichaía 10:5

Rü Cori ya Tupana rü ñanagürü: —Achíriaanearü ãẽ̱xgacü nixĩ ya chorü naixmena̱xã ya Iraétanüxü̃xü̃ namaxã chapoxcune. Rü yima nixĩ ya chauxne ya namaxã tá chorü numaxã chacuaixetane.

Ichaía 13:5

Rü ngẽma churaragü rü nachixü̃ane i yáxü̃wa ngẽxmaxü̃wa ne naxĩ i ñaa naanearü tuãchiarü yexerawa. Rü Cori ya Tupana rü norü churaragümaxã ngéma ne naxũ nax norü numaxã napoxcuãxü̃ca̱x i guxü̃ma i Babiróniaarü naane.

Ichaía 34:2

Erü nüma ya Cori ya Tupana rü guxü̃ma i nachixü̃anegümaxã nanu. Rü ngẽxgumarüxü̃ ta namaxã nanu i guxü̃ma i norü churaragü. Rü ngẽmaca̱x namaxã nanaxuegu nax nadaiaxü̃ nax nayuexü̃ca̱x.

Ichaía 66:14

Rü ngẽxguma tá ngẽmaxü̃ pedaugügu, rü perü maxü̃newa rü tá petaãẽgü. Rü ñoma maxẽ i ngexwaca̱xü̃xü̃rüxü̃ tá pexü̃́ nangẽxma i ngexwaca̱xü̃xü̃ i maxü̃. Rü nüma ya Cori ya Tupana rü tá norü duü̃xü̃güxü̃ nanawe̱x i norü pora. Natürü norü uanügüxü̃ rü tá nanawe̱x i norü nu.

Danié 11:36

Rü ngẽma Nórtearü ãẽ̱xgacü rü guxü̃ma i ngẽma nüma nanaxwa̱xexü̃ tá naxümare. Rü tá nügü nicua̱xüxü̃ rü tá nügügu nayaxõ nax guxü̃ma i tupananetagüarü yexera naporamaexü̃. Rü Tupanamaxã tá naguxchiga. Rü guxü̃táma i ngẽma naxüxü̃wa rü mea tá nüxü̃́ ínanguxuchi rü ñu̱xmata Tupana naxca̱x ínanguxẽxẽ i norü poxcu. Erü ngẽma Tupana ueguxü̃ rü tá nayanguxẽxẽ.

Chofonía 2:3

Rü ngẽmaca̱x name nixĩ i Cori ya Tupanaca̱x pedaugü, Pa Guxãma i Aixcüma Nape̱xewa Mecümagüxe rü Naga Ĩnüexe i Norü Mugüx. ¡Rü nape̱xewa pixaixcümagü rü tama pegü picua̱xüü̃gü! Rü bexmana ngẽmaãcü nüma ya Cori ya Tupana rü tá pexü̃ ínapoxü̃ i ngẽma ngunexü̃ i nagu norü numaxã poxcu ínangu̱xẽẽxü̃.

Wiyaegü 57:2

Rü ñu̱xma rü tá nüxna chaca ya yimá Tupana ya Guxãétüwa Ngẽxmacü, erü nüma nixĩ i choxü̃ ínapoxü̃ rü choxü̃ nangü̃xẽẽxü̃.

Wiyaegü 94:13

Erü ngẽxguma aixcüma tanayaxu̱xgu i curü ucu̱xẽ rü tá tümaãẽxü̃ tacua̱x i ngẽxguma guxchaxü̃gü tümaca̱x ínguxgu. Natürü ngẽma chixexü̃arü üruxü̃ rü cuma rü naxca̱x cunamexẽxẽ i wüxi i ãxmaxü̃ nax ngẽmagu yangucuchixü̃ca̱x.