Ichaía 26:19 - Tupanaarü Ore

¹⁹ Natürü curü duü̃xü̃gü tixĩgü rü woo tanoxree̱xpü̱x i ñu̱xmax, natürü wena tá timu. Rü woo togü tomaxã inacua̱x i ñaa naanewa, natürü wüxi i ngunexü̃ tá nüxna ítanguxü̃ rü taãẽmaxã tá tawiyaegü. Rü cuma rü tá toxü̃ quimuxẽxẽ rü maxü̃ tá toxna cuxã ñoma cherena rü pa̱xmama tonetüna maxü̃ ãxü̃rüxü̃.

Ichaía 26:19 Referans Kwoze

Danié 12:2

Rü guxü̃ma i marü yuexü̃ rü tá ínarüdagü. Rü nümaxü̃ rü maxü̃ i taguma gúxü̃ca̱x tá ínarüdagü, rü togü rü ãneca̱x rü poxcuca̱x tá ínarüdagü.

Efesios 5:14

Erü guxü̃ma rü ngẽxguma ngóonexü̃wa nangẽxmagu, rü meama nango̱x nax nañuxraxü̃xü̃. Rü ngẽmaca̱x i Tupanaarü orewa rü ñanagürü: “¡Naba̱i̱xãchi i cuma nax cupexü̃, rü írüda i cumax nax icuyarütaxuxü̃! Rü Cristu tá cuxca̱x nanangóonexẽxẽ”, ñanagürü i ngẽma ore.

Ore i mexü̃ ga Matéu ümatüxü̃ 27:52

Rü yuetamaü̃gü rü ningẽnagü. Rü wena namaxẽ ga muxü̃ma ga duü̃xü̃gü ga yuechiréxü̃ ga Tupanaaxü̃́ yaxõgüxü̃.

Ochéa 13:14

¿Rü pema nagu perüxĩnüegu nax pexmaxü̃wa tá pexü̃ íchanguxü̃xẽxẽxü̃? ¿Rü pema nagu perüxĩnüegu nax yuwa tá pexü̃ íchanguxü̃xẽxẽxü̃? ¿Rü cumax, Pa Yux, rü ngexü̃ nixĩ i curü pora? ¿Rü cumax, Pa Naxmaxü̃x, rü ngexü̃ nixĩ i curü pora? Rü ñu̱xmax i choma rü marü taxũtáma choxü̃́ nangechaü̃tümüxü̃gü i ñaa duü̃xü̃gü.

Ochéa 6:2

Rü ngẽmaãcü paxa tá inayanaxoxẽxẽ i ngẽma ngúxü̃ i ingegüxü̃ rü tá tüxü̃ ínarüdagüxẽxẽ nax mea nape̱xewa imaxẽxü̃ca̱x.

Wiyaegü 71:20

Rü woo muxü̃ma ga guxchaxü̃gü rü ĩ̱xãchiãẽgüwa choxü̃ cuxüpetüxẽxẽ, natürü wenatáxarü choxü̃ cutaãẽxẽxẽ. Rü tá choxü̃ ícurüdaxẽxẽ nawa i chorü guxchaxü̃gü, ñoma waixü̃mütüü̃wa írüdaxgurüxü̃.

Ichaía 25:8

Rü nüma ya Cori ya Tupana rü noxtacüma tá inayanaxoxẽxẽ i ngẽma yu, rü tá guxẽxü̃tama ínapixetü. Rü ñu̱xũchi guxü̃ i naanewa tá inayaxoxẽxẽ i ngẽma ãne i ñu̱xma norü duü̃xü̃gü ingegüxü̃. Rü nüma ya Cori ya Tupana nixĩ i ngẽma ñacü.

Filipenses 3:21

Rü ñaa taxü̃ne i yuxwa̱xexü̃ rü nüma ya Cristu tá nanaxüchicüxü nax naxü̃ne i üünexü̃rüxü̃ yixĩxü̃ca̱x. Rü ngẽma norü pora i namaxã guxü̃étüwa nangẽxmaxü̃maxã tá nixĩ i naxüchicüüãxü̃ i ngẽma taxü̃ne nax noxrürüxü̃ yixĩxü̃ca̱x.

Chacaría 8:12

Erü petanüwa rü tá nangẽxma i meãxẽ. Rü ngẽma perü úbanecü rü tá meama nixo. Rü dauxü̃guxü̃ i naanewa tá narüngu ya pucü nax ngẽmaãcü i penetügü i peanewa ipetogüxü̃ namuarü oṍxü̃ca̱x. Rü ngẽma duü̃xü̃gü i daa ĩanewa íyaxügüxü̃na tá chanaxã i guxü̃ma i ngẽma nax noxrü yixĩxü̃ca̱x.

1 Corintios 15:20

Natürü aixcümaxü̃chi nixĩ ga Cristu ga yuwa nax ínadaxü̃. Rü natanüwa i guxü̃ma i ngẽma yuexü̃ i yixcüra tá írüdagüxü̃, rü Cristu nixĩ ga namaxã inaxügücü nax ínadaxü̃, yerü nüma nixĩ ga nüxíra wena namaxü̃xü̃.

Ochéa 14:5

Rü ñu̱xma i choma rü tá nüxü̃ charüngü̃xẽxẽxü̃ i ngẽma Iraéanecüã̱xgü ñoma cherena ya nanetügüxü̃ iwaixẽẽcürüxü̃. Rü ngẽma Iraéanecüã̱xgü rü tá nataãẽgü ñoma putüra i líriu meama ixãchacuxü̃rüxü̃. Rü yima ma̱xpǘne ya Líbanuarü ocayiwagü ya guxü̃guma ngẽxmaechanerüxü̃ tá nixĩ i ngẽma Iraéanecüã̱xgü nax guxü̃gutáma nachixü̃anewa nangẽxmagüxü̃.

Filipenses 3:10

Rü ngẽma ñu̱xma chanaxwa̱xexü̃ nixĩ nax aixcüma Cristuxü̃ chacuáxü̃ rü chowa nax nangẽxmaxü̃ i Tupanaarü pora ga wena Cristuxü̃ írüdaxẽẽxü̃. Rü yema ngúxü̃ nax yangexü̃ ga nüma rü nax nayuxü̃ rü ngẽxgumarüü̃tama i choma rü íchamemare nax naxca̱x ngúxü̃ chingexü̃ rü naxca̱x chayuxü̃ nax yixcaama choma rü ta yuwa ícharüdaxü̃ca̱x.

Wiyaegü 22:15

Rü chaua̱x rü nipamare ñoma waixü̃mü i paxü̃rüxü̃. Rü yimá chorü conü rü chauxmanaxãwa nayaxũ̱x. Rü waixü̃müte̱xegu choxü̃ cuta̱x ñoma chayuxü̃rüxü̃.

Wenaxarü naxümatü ga Tupanaarü mugü 33:28

Rü pemax, Pa Iraétanüxü̃x, rü taxuxü̃táma pexü̃ nachixewe i perü naanewa. Rü petaagü rü taãẽãcüma tá nawa namaxẽ. Rü perü naanewa rü tá pexü̃́ nangẽxma i perü triguchitaü̃gü rü úbachitaxü̃gü. Rü tagutáma pexü̃́ nataxu ya pucü ya dauxü̃wa ne ũcü.

Ngechuchuarü ngúexü̃gü ga yamugüxü̃arü puracüchiga 24:15

Rü choma rü ta yema nũxcümaü̃güxü̃rüxü̃ Tupanaaxü̃́ chayaxõ. Rü naxrüxü̃ chayaxõ rü tá wena nax namaxẽxü̃ i ngẽma yuexü̃ i mexü̃gü rü chixexü̃gü.

Ichaía 51:17

¡Peba̱i̱xãchie Pa Yerucharéü̃cüã̱xgüx! ¡Peba̱i̱xãchie rü íperüdagü i pema nax Tupana pemaxã nuxü̃! Rü poraãcü ngúxü̃ pingexü̃ rü ñu̱xma rü pengearü poraã̱x.

Wenaxarü naxümatü ga Tupanaarü mugü 33:13

Rü Moiché rü Yúchetanüxü̃chiga nidexa rü ñanagürü: —Cori ya Tupana tá pexü̃ narüngü̃xẽxẽ, rü ngẽma perü naanegu tá nananguxẽxẽ i cherena i daxũguxü̃ i naanewa ne ũxü̃. Rü ñu̱xũchi tá pexna nanaxã i ngẽma dexá i waixü̃mütüü̃wa ngẽxmaxü̃.

Wenaxarü naxümatü ga Tupanaarü mugü 32:2

Rü chorü ngu̱xẽẽtae rü ñoma pucürüxü̃ tá mea petanüwa nangu. Rü chorü ore rü ñoma cherena i maxẽétügu nguxü̃rüxü̃ tá nixĩ. Rü tacü ya pucü ya nanetügüétügu ngucürüxü̃ tá nixĩ.

Ore i mexü̃ ga Matéu ümatüxü̃ 27:58

Rü nüma ga Yúche rü Pirátuxü̃tawa naxũ rü nüxna naxca̱x nayaca ga Ngechuchuxü̃ne. Rü Pirátu nanamu nax nüxna naxãgüãxü̃ca̱x ga Ngechuchuxü̃ne.

Wiyaegü 110:3

Rü ngẽma ngunexü̃ i curü uanügüxü̃ curüporamaegu rü curü duü̃xü̃gü rü tá cuxme̱xwa nügü nangẽxmagüxẽxẽ. Rü nimexchiruãcüma tá cupe̱xewa nangugü. Rü ngẽma curü pora rü guxü̃gutáma nitachigü ñoma pucü ya guxü̃guma pa̱xmama rüngucürüxü̃.

Yox 29:19

Rü choma rü ñoma wüxi i nai i natüpechinüwa rüxüxü̃ rü chütacü meama cherenamaxã iwaiátüxü̃rüxü̃ chixĩ.

1 Chamué 2:6

Rü nüma ya Cori ya Tupana rü duü̃xü̃güna nanayaxu i maxü̃ rü ngẽxgumarüxü̃ tá nüxna nanaxã. Rü wüxi i naxmaxü̃gu nayaxǘcuchi rü ngẽmawa wenaxarü ínanadaxẽxẽ.

Wiyaegü 22:29

Rü guxãma i pema ya diẽruã̱xgüxe rü Cori ya Tupanape̱xegu tá pecaxã́pü̱xügü nax nüxü̃ picua̱xüü̃güxü̃ca̱x. Rü guxãma i pema i ñoma i naanewa maxẽxe rü wena tá waixü̃müxü̃ pixĩgü, erü pewa rü nataxuma i maxü̃.

Ichaía 18:4

Rü Cori ya Tupana rü ñanagürü choxü̃: —Choma i dauxü̃wa íchangexmaxü̃wa meama ichadawenü. Rü choma íchangexmaxü̃wa rü ñoma üa̱xcü ya taunecügu poraãcü ibáxichigurüxü̃ chixĩ, rü ñoma cherena i buxetagüyane nanetüétügu nguxü̃rüxü̃ chixĩ.

Yox 14:8

Rü ngẽxguma woo marü waixü̃müanegu nanga̱u̱xgu i ngẽma nachime, natürü ngẽma naxchúma̱xã i yaxü̃ ega dexá nawa nguxgu rü tá narüxüama, rü ñoma wüxi i nai i ngexwaca rüxüxü̃rüxü̃ tá narüxügüchacüxü.

Wiyaegü 88:11

Rü ngẽxguma chayu̱xgu rü cho̱xma̱xü̃wa changexmagu ¿rü ñuxũcürüwa duü̃xü̃gümaxã nüxü̃ chixu nax quixaixcümaxü̃ rü toxü̃ cungechaxü̃xü̃?