Ichaía 26:14 - Tupanaarü Ore

¹⁴ Rü ngẽma togü i nachixü̃anegüarü ãẽ̱xgacügü rü marü nayue, rü taxũtáma wena namaxẽ. Rü ñoma naxchipetagürüü̃mare nixĩ rü taxũtáma wena ínarüdagü. Rü cuma rü marü cunapoxcue rü ñu̱xũchi cunadai. Rü ñu̱xma rü taxúema nüxna tacua̱xãchigü.

Ichaía 26:14 Referans Kwoze

Ucu̱xẽgüchiga 10:7

Yimá yatü ya mea maxü̃cü, rü mexü̃maxã nüxna tacua̱xãchi, natürü ngẽma yatü i chixexü̃gu maxü̃xü̃, rü duü̃xü̃gü rü paxa nüxü̃ inarüngümae.

Ichaía 8:19

Rü bexmana ngürüãchi i duü̃xü̃gü rü tá pexü̃ ñanagürügü: —¡Ngĩxã nüxna taca i ngẽma yuüxü̃ rü ngẽma nüxü̃ cuáxü̃ nax ígaãcüma yuetaãẽmaxã yadexagüxü̃! ¿Rü tama ẽ̱xna inamexü̃ nax wüxi ya ĩanecüã̱x i duü̃xü̃gü naxca̱x nadauxü̃ i norü tupanagüarü ucu̱xẽgü rü yuetagüarü ucu̱xẽgü nachiga i ngẽma maxẽxü̃?

Wiyaegü 106:28

Rü yema tórü o̱xigü rü tupananeta ga Baá-peúme̱xẽwa nügü nayexmagüxẽxẽ. Rü nanangõ̱xgü ga õna ga yema norü tupananetachicüna̱xãgü i ngearü maxü̃ã́xü̃ca̱x nada̱i̱xü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:5

Rü yemagü nixĩ ga nüxíra írüdagüxü̃. Natürü ga yema togü ga yuexü̃ rü taxũtá wena namaxẽ ñu̱xmatáta yimá 1,000 ya taunecüguwena.

Ore i mexü̃ ga Matéu ümatüxü̃ 2:20

—Pa Yúchex, ¡írüda, rü pechiü̃aneca̱x pewoegu namaxã ya yimá bucü rü naé! Erü marü nayue i ngẽma yama̱xgüchaxü̃xü̃ ya yimá bucü —ñanagürü.

Ichaía 10:3

¿Rü ta̱xacü tá pexügüxü̃ i ngẽxguma Tupana pexna caxgux naxca̱x i guxü̃ma i ngẽma chixexü̃ i pexüxü̃ rü ngẽxguma nüxü̃ peda̱u̱xgu nax yáxü̃wa pexca̱x ne naxũxü̃ i poxcu? ¿Rü texéca̱x tá pibuxmüxü̃ nax ngü̃xẽẽca̱x ípecaxü̃ca̱x? ¿Rü ngextá tá peyacu̱xgü i perü ngẽmaxü̃gü i ngẽxguma ínangugügu i perü uanügü?

Wiyaegü 109:13

¡Rü noxtacüma guxü̃ yue i nataagü nax ngẽmaãcü yanaxoxochixü̃ca̱x i nape̱xeégagü!

Wiyaegü 9:6

Rü ngẽma chorü uanügü rü marü inayarüxo, rü yima norü ĩanegü rü nagu cupogü. Rü ngẽmaãcü i ñu̱xma rü taxúema nüxna tacua̱xãchi.

Wenaxarü naxümatü ga Tupanaarü mugü 4:28

Rü ngéma tá nixĩ i nüxü̃ picua̱xüü̃güxü̃ i tupananetachicüna̱xãgü i duü̃xü̃gümare naiwa rü nutawa ügüxü̃ i tama tüxü̃ dauxü̃, rü tama tüxü̃ ĩnüxü̃, rü tama chibüxü̃, rü tama ingü̃ãcüüxü̃.

Ínachoxü̃xü̃chiga 14:30

Rü yemaacü nixĩ ga yema ngunexü̃gu ga Cori ya Tupana ga ínapoxü̃xü̃ ga yema Iraétanüxü̃ naxme̱xwa ga yema Equítuanecüã̱xgü. Rü yema Iraétanüxü̃ rü nüxü̃ nadaugü ga naxü̃negü ga yema Equítucüã̱xgü ga márpechinügu íyachaxãchitanüxü̃.

Ichaía 26:19

Natürü curü duü̃xü̃gü tixĩgü rü woo tanoxree̱xpü̱x i ñu̱xmax, natürü wena tá timu. Rü woo togü tomaxã inacua̱x i ñaa naanewa, natürü wüxi i ngunexü̃ tá nüxna ítanguxü̃ rü taãẽmaxã tá tawiyaegü. Rü cuma rü tá toxü̃ quimuxẽxẽ rü maxü̃ tá toxna cuxã ñoma cherena rü pa̱xmama tonetüna maxü̃ ãxü̃rüxü̃.

Wiyaegü 36:12

Dücax, ngẽxma nayayitanü i ngẽma chixexü̃arü üruü̃gü. Nayayitanü rü marü taxucürüwa inachigü.

Wiyaegü 59:5

Pa Cori ya Guxãétüwa Ngẽxmacü ya Iraétanüxü̃arü Tupana Ixĩcüx, ¡írüda rü paxa napoxcue i guxü̃ma i ngẽma togü i nachixü̃anecüã̱x! ¡Rü taxṹ i cuxü̃́ nangechaü̃tümüxü̃güxü̃ i ngẽma chixexü̃ ügüxü̃ rü taechitawa̱xegüxü̃!

Wiyaegü 135:17

Rü nixãpachinüchire̱x natürü tama tüxü̃ naxĩnüe. Rü nangearü maxü̃ã̱x.

Ngu̱xẽẽtaeruü̃arü ore 9:5

Rü ngẽma duü̃xü̃gü i maxẽxü̃ rü nüxü̃ nacua̱xgü nax wüxi i ngunexü̃gu rü tá nayuexü̃. Natürü ngẽma marü yuexü̃ rü taxuxü̃ma nacua̱xgü rü taxuguma narüxĩnüe erü ngẽma nachica i nagu nüxü̃ iyanangü̃maexü̃wa nayata̱xgü.

Yox 7:9

Rü ñoma caixanexü̃ i üpetüemaxü̃ rü iyarütaxuxü̃rüxü̃ tixĩ ya yíxema yuxe ega ngẽxguma tüxü̃ yata̱xgügu. Rü tagutáma tümapataca̱x tataegu, rü ngẽma tümatanüxü̃ rü tagutáma wena tüxü̃ nadaugü.

Yox 18:17

Rü nachiga rü tá inayarüxo i ñoma i naanewa, rü tagutáma ñuxgu texé nüxna tacua̱xãchi i naéga.

Yox 24:20

Rü woo ya naé rü nüxü̃ itarüngüma. Rü õxmigü rü tá nanangõ̱xgü, rü bai i texé tá ñuxgu nüxna tacua̱xãchi. Rü ngẽma duü̃xü̃ i chixexü̃gu maxü̃xü̃ rü ñoma nai ya tuxunerüxü̃ tá niwa̱x.