Biblia Todo Logo
Bib sou entènèt

- Piblisite -




Ichaía 25:3 - Tupanaarü Ore

3 Rü ngẽmaca̱x wüxi i nachixü̃ane i poraxü̃ rü tá cuxü̃ nicua̱xüxü̃, Pa Tupanax, rü ngẽma duü̃xü̃gü i taxúxexü̃ma ngechaü̃xü̃ rü tá cuxü̃ namuü̃e.

Gade chapit la Kopi




Ichaía 25:3
16 Referans Kwoze  

Rü yema uanügü ga ü̃pa Yerucharéü̃maxã nügü daixü̃ rü íyaxügüxü̃, rü guxcüma ya taunecügu tá Yerucharéü̃wa naxĩĩxü̃ nax Ãẽ̱xgacü ya Cori ya Tupana ya Guxãxétüwa Ngẽxmacüxü̃ nayanacua̱xüü̃güxü̃ca̱x rü naxüchigagüãxü̃ca̱x i düxenüchigaarü peta.


Rü ngẽma ngunexü̃gu rü nüma ya Cori ya Tupana rü ãẽ̱xgacü tá nixĩ nawa i ñoma i naane. Rü nüxica tátama nixĩ ya Tupana yixĩxü̃ rü nataxutama i to i naéga i duü̃xü̃gü nüxü̃ icua̱xüü̃güxü̃.


Rü yexgumatama poraãcü naxĩã̱xãchiane. Rü wüxi ga yema norü 10 arü üye ga guma ĩane, rü niwa̱xgü. Rü 7,000 ga duü̃xü̃gü nayue namaxã ga yema ĩã̱xãchiane. Rü yema togü ga duü̃xü̃gü ga maxẽxü̃ rü poraãcüxüchi namuü̃e. Rü Tupana ya daxũguxü̃ i naanewa ngẽxmacüxü̃ nicua̱xüü̃gü.


Rü ngẽmaãcü tá nixĩ i muxü̃ma i duü̃xü̃güxü̃ chanawéxü̃ nax choma rü guxü̃étüwa changexmaxü̃ rü chaxüünexü̃. Rü ngẽmaãcü tá chaugü nüxü̃ chacua̱xẽxẽ i duü̃xü̃gü. Rü nümagü rü tá nüxü̃ nicua̱xãchitanü nax choma yixĩxü̃ ya Cori ya Tupana” —ñachagürü.


Rü nüma ya Cori ya Tupana rü ñanagürü: —Tá chanapoxcue i ñoma i naanecüã̱x naxca̱x i ngẽma norü chixexü̃. Rü ngẽma duü̃xü̃gü i chixexü̃gu maxẽxü̃ rü tá chanapoxcu naxca̱x i ngẽma nax namáetagüxü̃. Rü tá ichayanaxoxẽxẽ i nacüma i namaxã nügü ínatagüxü̃ i ngẽma duü̃xü̃gü i nügü icua̱xüü̃güxü̃. Rü tá chanaxãneexẽxẽ i ngẽma nügü írütagüxü̃ rü ngẽma taxuwama toguexü̃ mexẽẽgüxü̃.


¡Rü Tupanamaxã nüxü̃ pixu rü ñapegügü: —Pa Tupanax, ngẽma cuxüxü̃ rü namexẽchi. Rü ngẽma cumaxã rüxuanügüxü̃ rü curü poragagu muü̃maxã cuxme̱xgu nügü nayixẽxẽ. Rü guxü̃wama i ñoma i naanewa rü duü̃xü̃gü cuxü̃ nicua̱xüü̃gü rü norü wiyaegümaxã cuxü̃ nataxẽẽgü —ñapegügü!


Rü éstewaama rü ñu̱xũchi ngẽma nachixü̃anegü i márpechinüwa ngẽxmagüxü̃wa rü Cori ya Iraétanüxü̃arü Tupanaxü̃ tá nicua̱xüü̃gü.


Natürü ngẽxguma tátama ngürüãchimare Cori ya Tupana ya Guxãétüwa Ngẽxmacü rü taxü̃ i duruanegümaxã, rü ĩã̱xãchianegümaxã, rü ãẽmacü i tagacümaxã, rü buanecü ya íxã̱ũ̱xẽmacümaxã, rü pucü ya tacümaxã, rü üxüema i tüxü̃ imáxü̃maxã tá nanapoxcue i ngẽma curü uanügü. Rü ngẽma muxũchixü̃ i curü uanügü i cuxca̱x íyaxüãchixü̃ rü ñoma waixü̃müchicute̱xerüxü̃ tá nixĩgü. Rü ñoma maxẽ ya pacü ya buanecü ngextá cuegücürüxü̃ tá nixĩgü.


Rü ngẽma duü̃xü̃gü rü ñoma ãxtaperüxü̃ waixü̃müte̱xe tá nadexgü, ngẽma togü i waixü̃mügu nügü itúgüxü̃rüxü̃. Rü ngẽma íyacu̱xgüxü̃wa tá ínachoxü̃ rü norü muü̃maxã tá cuxca̱x naxĩ, Pa Cori, Pa Torü Tupanax.


Swiv nou:

Piblisite


Piblisite