Ichaía 24:6 - Tupanaarü Ore

⁶ Rü ngẽmaca̱x nixĩ i chixexü̃ naxca̱x ínguxü̃ i ñoma i naane rü ngẽma duü̃xü̃gü i nawa maxẽxü̃ rü ngúxü̃ yangegüxü̃. Rü ngẽmaca̱x nixĩ i ínagu̱xü̃ i ngẽma duü̃xü̃gü i ñoma i naanewa maxẽxü̃ rü ínaxĩxü̃ i norü mu, rü noxretama íyaxügüxü̃.

Ichaía 24:6 Referans Kwoze

Maraquía 4:1

Rü nüma ya Cori ya Tupana ya Guxãétüwa Ngẽxmacü rü ñanagürü: —Rü ningaica i ngẽma ngunexü̃ i ãũcümaxü̃ i nagu tá chanapoxcuexü̃ i ngẽma chixexü̃ ügüxü̃ ñoma üxüemawa yaxaexü̃rüxü̃. Rü guxü̃ma i ngẽma duü̃xü̃gü i nügü írütagüxü̃ rü chixexü̃ ügüxü̃ rü ñoma maxẽ i pacü i üxüxétüwa yata̱xcuchichapa̱xacürüxü̃ tá nixĩgü. Rü ngẽma ngunexü̃gu rü guxü̃táma nixae rü taxuxü̃táma ínayaxügü.

Ore i mexü̃ ga Matéu ümatüxü̃ 7:14

Natürü marü naxíra i ngẽma ĩã̱x rü naxímaxü̃ i ngẽma nama i maxü̃wa tüxü̃ gaxü̃, rü noxretama nixĩ i duü̃xü̃gü i nüxü̃ iyangaugüxü̃.

Romanos 9:27

Rü Iraétanüxü̃chiga rü ta nidexa ga Tupanaarü orearü uruxü̃ ga Ichaía rü ñanagürü: “Rü woo namuxũchichire̱x i Yudíugü yimá naxnücü ya márpechinüwa yimácürüxü̃, natürü noxre tátama nixĩ i aixcüma nayauxgüxü̃ i maxü̃ i taguma gúxü̃. Rü paxa tá ínangu ya tórü Cori nax napoxcueãxü̃ca̱x i guxü̃ma i ngẽma tama noxrü ixĩgüxü̃”, ñanagürü ga Ichaía.

Maraquía 4:6

Rü nüma ya Ería rü duü̃xü̃gümaxã tá nüxü̃ nixu i chorü ore nax papagü rü nanegümaxã nangüxmüexü̃ca̱x, rü nüma i nanegü rü nanatügümaxã nangüxmüexü̃ca̱x. Erü ngẽxguma tama nügümaxã nangümüegu rü chixexü̃ naxüeamagu rü choma rü tá ngéma chaxũ rü noxtacüma tá chanapoxcue i ngẽma duü̃xü̃gü, rü noxtacüma tá chayanaxoxẽxẽ i ngẽma nachixü̃ane —ñanagürü ya Cori ya Tupana.

Lebítanüxü̃arü puracüchiga 26:22

Rü tá pexca̱x íchayachoõchixẽxẽ i naeü̃gü i düraexü̃ nax pexacügüxü̃ nangõ̱xcuxü̃ca̱x rü ngẽmaãcü pingexacügüxü̃ca̱x. Rü perü wocagügu tá nawagüe, rü pegu tá nawagüe ñu̱xmatáta pigú rü ngẽmaãcü taxúetama namagu tixũ.

Norü taxre ga popera ga Pedru ümatüxü̃ 3:10

Natürü ngẽma ngunexü̃ i tórü Cori nagu ínguxü̃, rü ngürüãchimare tá ínangu ñoma wüxi i ngĩ́ta̱xaxü̃ ínguxü̃rüxü̃. Rü ñu̱xũchi guxü̃ma i ta̱xacü i daxũguxü̃ i naanewa ngẽxmagüxü̃ rü tá tagaãcü niwã̱ĩ̱xgü rü ngẽmaãcü tá üxüwa inayarütauxe. Rü yimá üa̱xcü rü tauemacü rü ẽxtagü rü woramacurigü rü tá nixae rü ngẽxma tá nayarüxogü. Rü ngẽxgumarüxü̃ ta i ñoma i naane rü tá nixa namaxã i guxü̃ma i ta̱xacü i nawa ngẽxmagüxü̃.

Maraquía 3:9

Rü guxãma i pema i ñaa nachixü̃anecüã̱xgü rü choxü̃́ pengĩ́e, rü ngẽmaca̱x tá chixexü̃ pemaxã chaxuegu. Rü choma i Cori ya Tupana ya Guxãétüwa Ngẽxmaxe nüxü̃ chixu i ngẽma.

Maraquía 2:2

“Rü dücax, rü name nixĩ i chauga pexĩnüe. Rü chanaxwa̱xe i aixcüma choxü̃ pengechaü̃gü. Rü ngẽxguma taxũtáma chauga pexĩnüegu rü choma rü tá guxchaxü̃ pemaxã chaxuegu. Rü ñu̱xma nax tama aixcüma choxü̃ pengechaü̃güxü̃ rü ngẽma perü natanü i peyauxgüxü̃ naxca̱x nax chacherdótegü pixĩgüxü̃ rü choma rü tá perü guxchaxü̃ruxü̃ chayanguxuchixẽxẽ” —ñanagürü ya Cori ya Tupana ya Guxãétüwa Ngẽxmacü.

Echequié 5:3

¡Rü ngẽma nayáegüwa rü ñuxre i nayae nade rü ñu̱xũchi cuxchirupechinüwa yana̱i̱xgü!

Ichaía 1:31

Rü yimá yatü ya poracü rü ñoma maxẽ ya ipacürüxü̃ tá nixĩ, rü ngẽma chixexü̃ i naxüxü̃ rü üxüarü ya̱u̱xraxü̃rüxü̃ tá nixĩ. Rü ngẽma taxre rü tá wüxigu niyaura, rü taxucürüwa tá texé tayaxoxẽxẽ —ñanagürü ga Tupana.

Wenaxarü naxümatü ga Tupanaarü mugü 28:62

Rü cumax, Pa Iraéx, ga cutanüxü̃ ga noxri ñoma ẽxtagü i daxũwa ngẽxmagüxü̃rüxü̃ muxũchixü̃, rü wüxi i natücumü i íxraxü̃xü̃ tá nixĩ. Rü ngẽma tá nangupetü namaxã i cutanüxü̃ erü tama Cori ya curü Tupanaga cuxĩnü.

Wenaxarü naxümatü ga Tupanaarü mugü 4:27

Rü nüma ya Cori ya Tupana rü guxü̃ma i nachixü̃anegügu tá pexü̃ nawoone. Rü noxretátama i pema tá nixĩ i ngẽma nachixü̃anegüwa peyaxüxgüxü̃.

Ore i mexü̃ ga Matéu ümatüxü̃ 27:25

Rü guxü̃ma ga yema duü̃xü̃gü nanangãxü̃gü, rü ñanagürügü: —Togagu rü toxocügügagu tá nixĩ i nayuxü̃ —ñanagürügü.

Ichaía 5:24

Rü ngẽmaca̱x i pema rü ñoma maxẽ i paxü̃ i üxüemawa ixaxü̃rüxü̃ tá iperüxo. Rü ñoma nai i yixchúma̱xaxü̃rüxü̃ rü ñoma nachacu i waixü̃müchicute̱xe yanguxuchixü̃rüxü̃ tá pixĩgü. Erü nüxü̃ pexo i norü ngu̱xẽẽtaegü rü norü mugü ya Cori ya Iraéarü Tupana ya Üünecü ya Guxãétüwa Ngẽxmacü.

Ichaía 9:19

Rü yimá Cori ya Tupana ya Guxãétüwa Ngẽxmacüarü nugagu nixĩ i yaxãxü̃ i Iraétanüxü̃arü naane, rü ngẽma üxüema nixĩ i yaguxü̃ ya ĩane. Rü duü̃xü̃gü rü taxũtáma nügüenexẽmaxã nügü nangechaü̃gü. Rü taiyamaxã tá nanaxĩ̱xãchiãẽgü. Rü yíxema norü tügünecüwagu ãchixü̃xẽ rü tá tümawemüca̱x nangĩ̱x rü noxtacüma nayaga, natürü tá nataiyaama. Rü ngẽma to rü tá yíxema norü to̱xwecüwagu ãchiü̃xẽ rü tá tüxna nanapu i tümaarü õna, natürü taxũtáma nüxü̃́ ningu. Rü duü̃xü̃gü rü düxwa tá naxacügümaxã nixãwemü.

Ichaía 34:5

Rü daxũwa tá nango̱x i Cori ya Tupanaarü tara. Rü natanügu tá nangu i Edóü̃anearü duü̃xü̃gü ya Tupana yu namaxã ueguxü̃.

Ichaía 43:28

Rü ngẽma perü ãẽ̱xgacügü rü chixexü̃ nawa naxügü ga chopata ya taxü̃ne. Rü yemaca̱x nixĩ ga nüxna chixũgachixü̃ ga Acóbuarü duü̃xü̃gü ga Iraétanüxü̃ nax norü uanügü nada̱i̱xü̃ca̱x rü chixexü̃ namaxã yaxugüexü̃ca̱x —ñanagürü ya Tupana.

Norü taxre ga popera ga ãẽ̱xgacügüchiga 24:12

Rü yexguma nüma ga Yoaquíü̃ ga Yudáanearü ãẽ̱xgacü rü wüxigu ngĩmaxã ga naé, rü namaxã ga norü churaragüerugü, rü norü ngü̃xẽẽruü̃gü, rü togü ga ãẽ̱xgacügü, rü Babiróniaanearü ãẽ̱xgacüna nügü nana. Rü nüma ga yema Babiróniaanearü ãẽ̱xgacü rü ínanayauxü̃. Rü yexguma yema ngupetügu rü 8 ga taunecü ninge nax ãẽ̱xgacü yixĩxü̃ ga Nabucudonochó.

Norü taxre ga popera ga ãẽ̱xgacügüchiga 25:12

Rü guxema duü̃xẽgü ga ingearü yemaxü̃ã̱xgüxexicatama yéma tüxü̃ nayaxüxẽxẽ nax úba itatogüxü̃ca̱x rü ñu̱xũchi nax taxüanegüxü̃ca̱x.

Ichaía 1:9

Ega ngẽxguma Cori ya Tupana ya Guxãétüwa Ngẽxmacü taxũchima ñuxre i yixema nua tüxü̃ yaxügüxẽẽgu, rü Yerucharéü̃ rü Chodómarüxü̃ rü Gomórarüxü̃ nixĩ.

Yeremía 12:4

¿Rü ñuxgura tá ta iyanaxoxü̃ nax yapagüanexü̃, rü nayuexü̃ i maxẽgü i naanewa rüxügüxü̃? Rü naeü̃gü, rü werigü rü niyueetanü nagagu i ngẽma chixexü̃ i ñaa nachixü̃anecüã̱xgü ügüxü̃. Rü nümagü nagu naxĩnüegu rü tama nüxü̃ cudau i ngẽma chixexü̃ i naxügüxü̃ —ñanagürü ga Yeremía.