Ichaía 24:21 - Tupanaarü Ore

^21-22 Rü ngẽma ngunexü̃gu ya Cori ya Tupana rü tá nanapoxcue i ngẽma naãẽgü i chixexü̃ i dauxü̃wa ngẽxmagüxü̃ rü ñu̱xũchi ngẽma ñoma i naanewa ngẽxmagüxü̃ i ãẽ̱xgacügü i chixexü̃gü. Rü tá nanangutaque̱xexẽxẽ, rü wüxi i poxcuchicaxü̃gu tá nanawocu rü ngẽxma tá nanawãxtaxü̃. Rü ñu̱xũchi muxü̃tama i ngunexü̃güwena rü tá namaxã nanaxuegu i norü poxcu.

Ichaía 24:21 Referans Kwoze

Wiyaegü 76:12

Rü ngẽma ãẽ̱xgacügü i duü̃xü̃gümaxã icua̱xgüxü̃ rü nüma ya Tupana rü nanadai. Rü ngẽmaãcü nanamuü̃exẽxẽ i ngẽma nachixü̃anegüarü ãẽ̱xgacügü.

Ichaía 10:12

Rü ngẽxguma Cori ya Tupana yanguxẽẽgu i ngẽma poxcu naxca̱x i ngẽma duxü̃xü̃gü i ma̱xpǘne ya Chióü̃wa maxẽxü̃ rü yima ĩane ya Yerucharéü̃wa maxẽxü̃, rü tá Achíriaanearü ãẽ̱xgacüxü̃ napoxcu naxca̱x nax nügü ínataxü̃ rü nügü yacua̱xüxü̃xü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:9

Rü ngẽma togü i nachixü̃anegüarü ãẽ̱xgacügü ga guma ĩanewa poraãcü chixexü̃ yaxügüxü̃ rü meruü̃güwa yexmagüxü̃, rü tá poraãcü norü ngechaü̃maxã yima ĩaneca̱x naxauxe i ngẽxguma nüxü̃ nadaugügu i ngẽma üxüema i namaxã yaxãxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:14

Rü ñu̱xũchi i ngẽma ãẽ̱xgacügü rü ngẽma ngo̱xo rü tá nügü nadai namaxã ya yimá Carnéruxacü. Natürü ya yimá Carnéruxacü rü tá nüxü̃ narüyexera, erü nüma rü guxü̃ i corigüarü Cori nixĩ, rü guxü̃ i nachixü̃anegüarü ãẽ̱xgacügüarü Ãẽ̱xgacü nixĩ. Rü yíxema namücügü ixĩgüxe, rü yíxemagü tixĩgü ya Tupana tümaca̱x caxe rü tüxü̃ nadexe rü naga ĩnüexe”, ñanagürü choxü̃.

Joel 3:19

Rü Equítuane rü tá nachixe, rü Edóü̃ane rü wüxi i naane i ngextá taxúema íxãpataxü̃warüxü̃ tá nixĩ. Yerü Yudáchixü̃aneca̱x ínayaxüãchi rü nanadai ga duü̃xü̃gü ga taxuxü̃ma chixexü̃ ügüxü̃.

Ichaía 2:12

Rü ngẽma ngunexü̃gu rü nüma ya Cori ya Tupana rü tá nanaxãneexẽxẽ i guxü̃ma i ngẽma nügü icua̱xüü̃güxü̃ rü ngẽma nügü írütagüxü̃ rü ngẽma togüétüwa nügü ngẽxmagüxẽẽxü̃.

Ichaía 13:11

Rü nüma ya Cori ya Tupana rü ñanagürü: —Tá chanapoxcue i ñoma i naanecüã̱x naxca̱x i ngẽma norü chixexü̃. Rü ngẽma duü̃xü̃gü i chixexü̃gu maxẽxü̃ rü tá chanapoxcu naxca̱x i ngẽma nax namáetagüxü̃. Rü tá ichayanaxoxẽxẽ i nacüma i namaxã nügü ínatagüxü̃ i ngẽma duü̃xü̃gü i nügü icua̱xüü̃güxü̃. Rü tá chanaxãneexẽxẽ i ngẽma nügü írütagüxü̃ rü ngẽma taxuwama toguexü̃ mexẽẽgüxü̃.

Ichaía 24:4

Rü guxü̃ i naanewa tá nipagüane rü tá narüñẽẽxgü i naigü rü nanetügü. Rü ngẽma nügü írüporagüxü̃ rü tá ningearü poraa̱x.

Ichaía 60:11

Rü ngẽma Yerucharéü̃arü ĩã̱xgü rü ngunecü rü chütacü rü taxũtáma narüwãxta. Rü ngẽmaãcü i ngẽma togü i nachixü̃anecüã̱xgüarü ãẽ̱xgacügü rü tá núma nanana i norü ngẽmaxü̃gü i mexẽchixü̃.

Chofonía 1:8

Rü nüma ya Cori ya Tupana rü ñanagürü: —Ngẽma ngunexü̃ i nagu tá nadaiaxü̃ i ngẽma duü̃xü̃gü rü tá chanapoxcue i ngẽma Yudáanearü ãẽ̱xgacügü rü ngẽma ãẽ̱xgacügü nanegü rü guxü̃ma i ngẽma chorü duü̃xü̃gü i to i nachixü̃anearü tupananetaxü̃ icua̱xüü̃güxü̃.

Echequié 39:1

—Cumax, Pa Yatüx, ¡Chauégagu Góxmaxã nüxü̃ ixu i norü poxcuchiga rü ñacurügü nüxü̃! “Cori ya Tupana rü ñanagürü, ‘Pa Góx ya Ĩanegü ya Méchemaxã rü Tubáxmaxã Icuáxex, choma rü chaugü chixu nax curü uanü chixĩxü̃.

Echequié 39:5

Rü guxãma i pema rü tá waixü̃müanegu piwaagümare. Rü ngẽma nixĩ i pemaxã chaxueguxü̃. Rü choma ya Cori ya Tupana nixĩ i nüxü̃ chixuxü̃ i ngẽma.