Ichaía 24:19 - Tupanaarü Ore

¹⁹ Erü ñoma i naane rü poraãcütama naxĩã̱xãchiane, rü tá nawǘxcuane rü tá narüwĩ́ẽmüane.

Ichaía 24:19 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 20:11

Rü ñu̱xũchi nüxü̃ chadau ga wüxi ga taxü̃ ga tochicaxü̃ ga cómüxü̃, rü nüxü̃ chadau ga gumá nawa rütocü. Rü gumácha̱xwa nibuxmü ga ñoma ga naane rü guxü̃ma ga daxũwa nüxü̃ idauxü̃, rü inayarütauxe.

Naúü̃ 1:5

Rü yima ma̱xpǘnegü rü na̱xcha̱xwa nidu̱xrugü rü nape̱xewa inagü. Rü guxü̃ma i ñoma i naane rü guxü̃ma i duü̃xü̃gü i nawa maxẽxü̃ rü nape̱xewa niyoyogü norü muü̃maxã.

Wenaxarü naxümatü ga Tupanaarü mugü 11:6

Rü pema rü nüxü̃ pedaugü ta ga yema Tupana namaxã üxü̃ ga Datáü̃ rü Abiráü̃ ga Eriá nanegü ga Rubéü̃tanüxü̃ ga yexguma naxca̱x yange̱xgu ga waixü̃mü rü yemagu nax nayixcuxü̃ wüxigu namaxã ga naxacügü rü napatagü rü guxü̃ma ya norü yemaxü̃gü. Rü guxü̃ma ga Iraétanüxü̃pe̱xewa nixĩ ga nangupetüxü̃ ga yema.

Ore i mexü̃ ga Matéu ümatüxü̃ 24:3

Rü ñu̱xũchi Oribunecüarü Ma̱xpǘnewa naxĩ. Rü yexguma guma ma̱xpǘnewa nato̱xgu ga Ngechuchu rü norü ngúexü̃gü naxü̃tawa naxĩ nax nüxicatama nüxna nacagüexü̃ca̱x. Rü ñanagürügü: —Tanaxwa̱xe i tomaxã nüxü̃ quixu nax ñuxgu tá nangupetüxü̃ i ngẽma nüxü̃ quixuxü̃. ¿Rü ta̱xacü tá nixĩ i norü cua̱xruxü̃ i nawa nüxü̃ tacuáxü̃ nax wena núma cuxũxü̃ rü nagúxü̃ i naane? —ñanagürügü.

Abacú 3:6

Rü ngẽxguma iyachiãchigu ya nüma ya Tupana, rü ñoma i naane rü nidu̱xruane. Rü ngẽxguma ñoma i naanegu nadawenügu rü ngẽma nachixü̃anegü rü naxĩã̱xãchigü, rü yima nũxcümaü̃güne ya ma̱xpǘnegü rü nabu rü nangĩãchi. Natürü ngẽma Cori ya Tupana nagu rüxĩnüxü̃ rü taguma inarüxo.

Norü taxre ga popera ga Pedru ümatüxü̃ 3:10

Natürü ngẽma ngunexü̃ i tórü Cori nagu ínguxü̃, rü ngürüãchimare tá ínangu ñoma wüxi i ngĩ́ta̱xaxü̃ ínguxü̃rüxü̃. Rü ñu̱xũchi guxü̃ma i ta̱xacü i daxũguxü̃ i naanewa ngẽxmagüxü̃ rü tá tagaãcü niwã̱ĩ̱xgü rü ngẽmaãcü tá üxüwa inayarütauxe. Rü yimá üa̱xcü rü tauemacü rü ẽxtagü rü woramacurigü rü tá nixae rü ngẽxma tá nayarüxogü. Rü ngẽxgumarüxü̃ ta i ñoma i naane rü tá nixa namaxã i guxü̃ma i ta̱xacü i nawa ngẽxmagüxü̃.

Norü taxre ga popera ga Pedru ümatüxü̃ 3:12

Rü name nixĩ i mea ípenangu̱xẽxẽ i ngẽma ngunexü̃ i nagu tá ínanguxü̃ ya tórü Cori. Rü ngẽma ngunexü̃gu rü guxü̃ma i daxũwa nüxü̃ idauxü̃ rü tá nixa rü tá inachaxichigü. Rü ñoma i naane rü üa̱xcü rü tauemacü rü ẽxtagü rü woramacurigü rü yima üxümaxã tá inachaxichigü.

Iraétanüxü̃arü muxchiga 16:31

Rü yexguma Moiché yagúegagu ga nax yadexaxü̃, rü ga waixü̃mü rü ninge̱x natüü̃wa ga yema duü̃xü̃gü.

Iraétanüxü̃arü muxchiga 16:32

Rü yexma nayicu ga yema duü̃xü̃gü ga Coréweama rüxĩxü̃, wüxigu namaxã ga naxacügü rü naxma̱xgü rü guxü̃ma ga norü yemaxü̃gü.

Wiyaegü 75:3

Rü ngẽxguma naxĩã̱xãchigu i ñaa naane guxü̃ma i norü duü̃xü̃gümaxã, rü chomatama nixĩ i namaxã ichacuáxü̃ nax tama yaxũgachixü̃ca̱x i namaxü̃wa —ñanagürü.

Ichaía 2:19

Rü ngẽxguma Cori ya Tupana inaxügügu nax yaxĩã̱xcüüxẽẽãxü̃ i ñoma i naane, rü ngẽma duü̃xü̃gü i chixexü̃ ügüxü̃ rü norü muü̃maxã tá nutaarü ãxmaxü̃gu rü waixü̃müarü ãxmaxü̃gu nicu̱xgü na̱xcha̱xwa ya Cori ya Tupana ya üünecü rü poraãcü ãũcümacü.

Ichaía 13:13

Rü ngẽxguma tá nawa nanguxgu i ngẽma ngunexü̃ rü choma rü chorü numaxã tá chayadu̱xruxẽxẽ i daxũguxü̃ i naane. Rü chorü nugagu rü ñoma i naane rü tá nixũgachi i nachicawa.