Ichaía 24:16 - Tupanaarü Ore

¹⁶ Rü guxü̃ma i ñoma i naanearü tagu nüxü̃ taxĩnü nax ñaxü̃gu nawiyaegüxü̃: —Name ya Tupana ya aixcüma mexü̃gu rüxĩnücü —ñaxü̃gu nawiyaegüxü̃. Natürü i choma rü ñachagürü: —Poraãcü chaugümaxã changechaü̃, erü ngẽma taechitawa̱xegüxü̃ rü taxü̃ i chixexü̃ naxügü rü taxúema nüxü̃́ tangechaü̃tümüxü̃ —ñachagürü.

Ichaía 24:16 Referans Kwoze

Ichaía 21:2

Rü naxãũcümaxü̃chi nixĩ i ngẽma Cori ya Tupana choxü̃ wéxü̃. Rü ngẽma taechitawa̱xexü̃ rü nanaxü i ngẽma nagu naxĩnüxü̃. Rü ngẽma máxwa̱xexü̃ rü nayama̱x. ¡Pa Eráü̃cüã̱x, rü Pa Médiacüã̱x, paxa ipexĩãchi nax Babiróniaanearü ĩaneca̱x ípeyaxüãchixü̃! Rü choma rü tá chayacua̱xẽxẽ nax Babirónia ngúxü̃ nüxü̃ ingexẽẽgüxü̃ ya naigü ya ĩanegü.

Yeremía 5:11

Rü ngẽma Iraéanecüã̱xgü rü Yudáanecüã̱xgü rü marü tama chomaxã nixaixcümagü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü ya Cori ya Tupana.

Ichaía 33:1

Pa Achíriaanex, wüxi i ngechaü̃ tá nixĩ i cuxca̱x. Cuma rü cunadaiãcu i togü i ĩanegü, natürü taguma togü curü ĩane nadaiãcu. Cuma rü cutogüechitawa̱xe, natürü taguma togü nacuechitawa̱xegü. Natürü nawena nax togüxü̃ cuda̱i̱xü̃ rü cuma rü tá ta cuxü̃ nima̱xgü. Rü nawena nax cutogüechitawa̱xexü̃ rü cuma rü tá ta nacuechitawa̱xegü.

Yeremía 3:20

Natürü i pema rü ñoma wüxi i ngexü̃ i natena ngeãẽxü̃rüxü̃ pixĩgü nax choxna pexĩgachixü̃ nax tupananetagüxü̃ picua̱xüü̃güxü̃ca̱x. Rü chomatama ya Cori ya Tupana nixĩ i nüxü̃ chixuxü̃ i ngẽma

Yema Cuáü̃ nüxü̃ dauxü̃ i yixcüra tá ngupetüxü̃chiga 15:3

Rü nagu tawiyaegü ga Moiché ga Tupanaarü duü̃arü wiyae. Rü yexgumarüxü̃ ta nagu tawiyaegü ga gumá Carnéruxacüarü wiyae ga ñaxü̃: “Pa Torü Cori ya Tupana ya Guxü̃étüwa Ngẽxmacüx, nataxüchi rü namexẽchi i guxü̃ma i ngẽma cuxüxü̃. Rü curü ĩnü rü aixcüma nawe̱xgu rü taguma quidora, Pa Guxü̃ i Nachixü̃anegümaxã Icuácü.

Ngechuchuarü ngúexü̃gü ga yamugüxü̃arü puracüchiga 13:47

Yerü yemaacü toxü̃ namu ga Cori, rü ñanagürü: “Duü̃xü̃gü i tama Yudíugü ixĩgüxü̃arü nangóonexẽẽruxü̃ marü cuxü̃ chixĩxẽxẽ, nax guxü̃wama i ñoma i naanewa cunangexü̃ca̱x i chorü ore i maxẽxẽẽruxü̃”, —ñanagürü.

Ore i mexü̃ ga Márcu ümatüxü̃ 13:27

Rü tá nanamu i norü orearü ngeruü̃gü i daxũcüã̱x nax tüxü̃ nanutaque̱xexü̃ca̱x ya yíxema Tupana tüxü̃ idexechixe ya guxü̃wama ngẽxmagüxe ñu̱xmatáta ñoma i naane íyacuáxü̃wa nangu rü daxũguxü̃ íyacuáxü̃wa nangu.

Abacú 1:3

¿Rü tü̱xcüü̃ choxü̃ nüxü̃ cudauxẽxẽ i ñaa taxü̃ i guxchaxü̃ rü chixexü̃ i guxü̃wama ngẽxmaxü̃? Rü choxü̃ ínachomaegu i duü̃xü̃gü i chixexü̃ ügüxü̃ rü máetagüxü̃. Rü guxü̃wama i duü̃xü̃gü rü nügümaxã nanue rü nügü nadai.

Miquéa 5:4

Rü nüma ya yimá Iraétanüxü̃arü ãẽ̱xgacü ya ínguxchaü̃cü rü Cori ya Tupanaarü poramaxã rü norü üünemaxã tá ngẽma norü duü̃xü̃gümaxã inacua̱x. Rü ngẽma norü duü̃xü̃gü rü taxuca̱xtama namuü̃e erü norü pora ya yima ãẽ̱xgacü rü guxü̃ i naanewa tá nangu.

Ochéa 6:7

Natürü i pemax i chorü duü̃xü̃gü nax pixĩgüxü̃ rü Adáü̃rüü̃tama pixĩgü. Rü tama chauga pexĩnüe rü tama peyanguxẽxẽ i ngẽma uneta i chomaxã pexüxü̃.

Ochéa 5:7

Rü nümagü i Iraétanüxü̃ rü tama Cori ya Tupanaxü̃ nangechaü̃gü. Rü togüaxü̃́ ãxãcüxü̃rüxü̃ nixĩgü erü tupananetagüxü̃ nicua̱xüü̃gü. Rü ngẽmagagu wüxitama ya tauemacügu rü ngẽma norü naanewa ngẽxmagüxü̃ i nanetügü rü tá nayue.

Auxexü̃chiga 1:2

Rü daa ĩanecüã̱x rü ñu̱xma rü poraãcü ngechaü̃ nüxü̃́ nangu̱x, rü chütacü rü naxauxe. Rü guxü̃ma ga yema nachixü̃anegü ga noxri daa ĩane nüxü̃́ ngúchaü̃güxü̃tanüwa rü nataxuma i wüxi i nataãẽxẽẽxü̃ rü bai i wüxi. Rü guxü̃ma ga yema nachixü̃anegü ga noxri daa ĩanemaxã ãmücügüxü̃ rü ñu̱xma rü tama ínanapoxü̃gü rü norü uanügü nügü nixĩgüxẽxẽ.

Yeremía 12:6

Rü woo ngẽma cuenexẽgü rü woo cupatacüã̱xgü rü cuechita chixexü̃ cumaxã nixugüe. ¡Rü taxṹ i nüxü̃́ cuyaxõxü̃ ega woo mexü̃ i dexamaxã cumaxã yadexagügu! —ñanagürü ga Cori ya Tupana.

Ichaía 60:21

Rü guxü̃ma i ngẽma Yerucharéü̃wa maxẽxü̃ rü duü̃xü̃gü i aixcüma mexü̃gu rüxĩnüexü̃ tá nixĩgü. Rü guxü̃gutáma nachixü̃anearü yora tá nixĩgü. Rü ngẽma duü̃xü̃gü rü ñoma wüxi i nanetü i chomatama ichatoxü̃rüxü̃ tá nixĩgü rü ngẽmatanüwa tá nango̱x i chorü pora.

Ichaía 52:10

Rü Tupana rü guxü̃ i nachixü̃anegüxü̃ nanawe̱x i norü pora. Rü guxü̃ i nachixü̃anegüwa tá nüxü̃ nacua̱xgü nax tórü Tupana tüxü̃ ínguxü̃xẽẽxü̃.

Ichaía 48:8

Rü pema rü taguma nüxü̃ pexĩnüechiga rü tama nüxü̃ pecua̱x i ngẽma, erü choma rü nüxü̃ chacua̱x nax tama chomaxã pixaixcümagüxü̃, rü noxritama pengóegu rü taguma chauga pexĩnüexü̃.

Ichaía 28:5

Rü ngẽma ngunexü̃gu rü nüma ya Cori ya Tupana ya Guxãétüwa Ngẽxmacü, rü norü ãẽ̱xgacü ya mexẽchicü tá nixĩ naxca̱x i ngẽma norü duü̃xü̃gü i íyaxügüxü̃.

Ichaía 26:15

Pa Corix, cuma nixĩ i toxü̃ quimuxẽẽxü̃ nax ngẽmaãcü cuxü̃ ticua̱xüü̃güxü̃ca̱x. Rü ñu̱xũchi toxü̃́ nüxü̃ cutaneta i guxü̃ma i tochixü̃anearü üyeanegü.

Ichaía 17:4

Rü ngẽma ngunexü̃gu ya Chamária ya Iraéanearü ĩane ya porane, rü tá nangearü poraã̱x, rü tá inayarütauxe i norü ngẽmaxü̃gü.

Ichaía 10:16

Rü ngẽmaca̱x ya Cori ya Tupana ya Guxãétüwa Ngẽxmacü rü ngẽma ãẽ̱xgacüca̱x rü norü churaragüca̱x tá ínananguxẽxẽ i wüxi i da̱xaweane i poraxü̃, rü wüxi i axüne i ñoma üxüwa ixaxü̃rüxü̃, rü ngẽmaãcü tá nanangearü poraã̱x i ngẽma uanügü i nügü írüporaexü̃.

Wiyaegü 106:15

Rü nüma ga Tupana rü naga naxĩnü, rü nanaxü ga yema naxca̱x ínacagüxü̃. Natürü yemawena rü naxca̱x ínananguxẽxẽ ga da̱xaweane ga namaxã nayuexü̃.

Wiyaegü 98:3

Erü nüma rü tüxü̃ nangechaü̃ rü tama nüxü̃ narüngüma ga norü uneta ga Iraétanüxü̃maxã nüxü̃ yaxuxü̃. Rü yema nax tórü uanügüxü̃ naporamaexü̃ rü guxü̃ i naanewa nanguchiga.

Wiyaegü 67:7

¡Rü aixcüma nixĩ nax nüma ya Tupana rü tá tüxü̃ nangü̃xẽxẽxü̃! Rü guxü̃ma i duü̃xü̃gü i guxü̃ i naanewa ngẽxmagüxü̃ rü name nixĩ nax nüxü̃ namuü̃exü̃ rü naga naxĩnüexü̃.

Wiyaegü 58:10

Rü ngẽxguma daigu nayuegu i ngẽma chixexü̃ ügüxü̃, rü ngẽma duü̃xü̃gü i Tupanaga ĩnüexü̃ rü tá nataãẽgü. Rü ngẽma mea maxẽxü̃ rü nawa tá nangagü i nagü i ngẽma chixexü̃ ügüxü̃.

Wiyaegü 2:8

¡Rü choxna naxca̱x naca nax cuxme̱xwa chanangexmagüxẽxẽxü̃ca̱x i guxü̃ma i nachixü̃anegü i ñoma i naanewa ngẽxmagüxü̃ nax cuxrü yixĩxü̃ca̱x! Rü choma rü tá cuxna chanaxã.

Ínachoxü̃xü̃chiga 15:11

Pa Chorü Cori ya Tupanax, rü ngẽma duü̃xü̃gü namaxã tupanaã́xü̃tanüwa rü nataxuma i ta̱xacü i cumaxã wüxiguxü̃. Rü nataxuma i ta̱xacü i cuxrüxü̃ üünexü̃ rü nüxü̃ cua̱xüchixü̃. Rü cuma cunaxü i ngẽma mexü̃gü i duü̃xü̃gü poraãcü namaxã baixãchiexü̃.

Yeremía 12:1

Rü Yeremía rü Cori ya Tupanaxü̃ ñanagürü: —Pa Corix, ngẽxguma cumaxã chaporagagu, rü cuma rü guxü̃guma nawe̱xgu i ngẽma namaxã choxü̃ cungãxü̃xü̃. Rü ngẽmaca̱x cuxna chacaxchaü̃ nachiga i ngẽma ñoma i naanewa ngupetüxü̃. ¿Rü ta̱xacüca̱x nixĩ i mea nüxü̃ nangupetügüxü̃ i ngẽma chixexü̃gu maxẽxü̃? ¿Rü ta̱xacüca̱x nataãẽgü i ngẽma chixri maxẽxü̃?

Lebítanüxü̃arü puracüchiga 26:39

Rü pema nax ngéma peyaxügüxü̃ rü pemaxẽxü̃ nawa i perü uanügüarü naane, rü perü chixexü̃gagu tá peyue. Rü wüxigu penatügümaxã tá peyue nagagu i norü pecadugü.

Wiyaegü 65:8

Rü woo ngẽma yáxü̃wa ngẽxmagüxü̃ i duü̃xü̃gü rü namuü̃e i ngẽxguma nüxü̃ nadaugügu i ngẽma taxü̃ i mexü̃gü i curü poramaxã cuxüxü̃. Rü guxü̃wama i duü̃xü̃gü i éstewa rü ñu̱xmata oéstewa nangu rü ngẽma cuxüxü̃gagu nataãẽgü.

Wiyaegü 119:158

Rü tama yáxna namaxã chaxĩnü i ngẽma taechitawa̱xegüxü̃ i tama naga ĩnüexü̃ i curü mugü.

Ichaía 11:12

Rü nüma ya Cori rü guxü̃ i nachixü̃anegüxü̃ tá nüxü̃ nadauxẽxẽ i wüxi i cua̱xruxü̃. Rü tá nanangutaque̱xexẽxẽ i ngẽma Iraétanüxü̃ i woonexü̃. Rü naanearü guxü̃wama tá ne nanagagü nax nanutaque̱xeãxü̃ i ngẽma duü̃xü̃gu i Yudáanecüã̱x ga woonemarexü̃.

Ichaía 42:10

Rü ñanagürü ga Ichaía: —¡Tupanaxü̃ picua̱xüü̃gü wüxi i ngexwaca̱xü̃xü̃ i wiyaemaxã! Rü guxü̃ma i nachixü̃anecüã̱x i ñoma i naanewa ngẽxmagüxü̃, rü guxü̃ma i duü̃xü̃gü i yáxü̃wa márcutüwa maxẽxü̃, rü guxü̃ma i duü̃xü̃gü i márgu yarüxĩĩxü̃, rü guxü̃ma i márwa maxẽxü̃, rü name nixĩ i Tupanaxü̃ nicua̱xüü̃gü.

Abacú 1:13

Rü cumax, Pa Tupanax, nax aixcüma üünecü quixĩxü̃ rü tama yáxna namaxã cuxĩnü i ngẽma chixexü̃ rü tama namaxã cutaãxẽ i ngẽma duü̃xü̃gü i chixexü̃ ügüxü̃. ¿Rü ñuxũcürüwa i cunangexrü rü taxu ñacurügümare i ñu̱xma nax toxü̃ nada̱i̱xü̃ i ngẽma Cadéuanecüã̱xgü i torü yexera chixexü̃ ügüxü̃?

Ichaía 6:5

Rü yexguma ga chomax rü ñaxü̃gu charüxĩnü: —Ñu̱xmawaxix rü chaugümaxã changechaü̃ erü tá chayu. Erü choma nax duü̃xü̃ chixĩxü̃ rü chauxetümaxã nüxü̃ chadau ya yimá ãẽ̱xgacü ya Cori ya Guxãétüwa Ngẽxmacü. Rü chaua̱x rü naxãũãchi rü duü̃xü̃gü i ãũãchiarü dexaã̱xgǘxü̃tanüwa chamaxü̃ —ñaxü̃gu charüxĩnü.