Ichaía 24:12 - Tupanaarü Ore

¹² Rü yima ĩane rü marü nagu napogüe, rü ngẽma norü poxeguxü̃arü ĩã̱x rü marü niwa̱x rü napoü̃gü.

Ichaía 24:12 Referans Kwoze

Miquéa 1:12

Rü ngẽma Maróxcüã̱xgü i duü̃xü̃gü rü ngẽma ngúxü̃ i yangegüxü̃maxã tá nügü narüxãũxü̃gü. Rü ínanangu̱xẽẽgü nax texé nüxü̃ rüngü̃xẽẽgüxü̃ erü nüma ya Cori ya Tupana rü marü Yerucharéü̃ca̱x íxücuxü̃wa nanangugüxẽxẽ i ngẽma ĩanearü uanügü,

Miquéa 1:9

Erü ngẽma Chamáriacüã̱xgüarü chixexü̃ rü nataxüchi rü taxúema tanamexẽxẽ. Rü yima ĩane rü tagutáma wena noxrirüxü̃ nixĩ. Rü ngẽma norü chixexü̃ rü Yudáanewa nangu rü ñu̱xmata nawa nangu ya yima ĩane ya Yerucharéü̃ i chautanüxü̃ nagu ãchiü̃ne.

Auxexü̃chiga 5:18

Rü ñu̱xma ya yima ma̱xpǘne ya Chióü̃wa rü ĩpatachicagüxica nawa nayaxügü. Rü ngéma naxĩĩxü̃ rü nawoeguxü̃ i ngowagü.

Auxexü̃chiga 2:9

Rü yemaacü ga guma ĩane rü nüxü̃́ nataxuma ga norü ĩã̱xgü rü nüxü̃́ nataxuma ga norü chotaruü̃gü yerü naxtapü̱xmaxã wüxigu niwa̱xgü ga ĩã̱xgü rü nipue ga norü chotaruü̃gü. Rü Yerucharéü̃arü ãẽ̱xgacü rü norü ngü̃xẽẽruü̃gü rü duü̃xü̃gü i tama yaxõgüxü̃me̱xẽwa nangẽxmagü. Rü ngẽma Cori ya Tupanaarü mugü rü marü nataxuma i natanüwa. Rü ngẽma Tupanaarü orearü uruü̃gü rü nüma ya Tupana rü marü tama nanango̱xetüxẽẽgü.

Auxexü̃chiga 1:4

Rü ngẽma Chióü̃arü namagü rü taxü̃ i ngechaü̃ nixĩgü erü nachianemare. Rü nataxuma i duü̃xü̃gü i petagü ga Tupana nüxü̃ unetaxü̃wa ĩxü̃. Rü ngẽma Yerucharéü̃arü poxeguxü̃arü ĩã̱xgüwa rü nachianemare. Rü ngẽma chacherdótegü rü naxauxe. Rü ngẽma paxü̃gü rü nanaxĩ̱xãchiãẽgü. Rü yima ĩane ya Yerucharéü̃ rü guxchaxü̃wa nangẽxma.

Auxexü̃chiga 1:1

Ñu̱xma rü nangeãcumare ya daa ĩane ya Yerucharéü̃ ga ü̃pa muãcuchiréne. Rü ñoma wüxi i ngexü̃ i yutexü̃rüxü̃ nixĩ ya daa ĩane ga guxü̃nema ga Yudáanearü ĩanegüétüwa üchiréne. Rü guma ĩane ga tachirénearü duü̃xü̃gü rü ñu̱xma rü norü uanügüme̱xẽwa nangẽxma nax ngẽmagü poraãcü napuracüexẽẽxü̃ca̱x.

Yeremía 9:11

Rü Tupana rü ñanagürü: —Nutagüxü̃ tá chayanguxuchixẽxẽ ya Yerucharéü̃, rü wüxi i ngowagüarü pegüchicaxü̃ tá chayaxũxẽxẽ. Rü yima Yudáanearü ĩanegü rü chianexü̃xü̃ tá chananguxuchixẽxẽ, rü taxuxü̃táma i duü̃xü̃gü nawa namaxẽ —ñanagürü.

Ichaía 32:14

Rü yima ãẽ̱xgacüpata rü ngéma tá nata̱xmare. Rü yima ĩane ga noxri muxü̃ma i duü̃xü̃gü nawa maxẽne rü tá nachianemare. Rü ngẽma norü poxeguxü̃tápü̱xgü rü guxü̃gutáma ngéma nawogümare. Rü ngéma rü taãẽãcü tá namaxẽ i búrugü i tama iyapuexü̃ rü ñu̱xũchi ngéma tá nachibüe i naxü̃nagü.

Ore i mexü̃ ga Matéu ümatüxü̃ 22:7

Rü yexguma ga gumá ãẽ̱xgacü rü poraãcü nanu. Rü norü churaragüxü̃ yéma namugü nax yadaiãxü̃ca̱x ga yema duü̃xü̃gü ga máetagüxü̃, rü nax yagugüãxü̃ca̱x ga gumá norü ĩane.

Ichaía 14:31

¡Rü pegümaxã pengechaü̃güx, Pa Firitéutanüxü̃arü Ĩanegüx, rü wáita pexüe naxcha̱xwa i ngẽma ngúxü̃ i tá pexca̱x ínguxü̃, rü muü̃maxã pidu̱xrue! Erü nórtewaama ne naxĩ i churaragü i ñoma buanecü i wanagüemaxü̃rüxü̃ ixĩxü̃. Rü ngẽma churaragü i ngéma ne ĩxü̃ rü ínamemaregü nax pexü̃ nada̱i̱xü̃.

Ichaía 32:19

Rü woo taxü̃ i gáuxü̃pütagü rüyixgu rü perü naixnecüxü̃ nachixexẽẽãgu, rü woo perü ĩanegu napogüegu, natürü i pema rü tá petaãẽ rü taxü̃ i dexá íngexmaxü̃gu tá petoegü. Rü ngéma tá penachibüexẽxẽ i perü woca rü perü búru.

Ichaía 45:2

Rü nüma ga Tupana rü Chíruxü̃ ñanagürü: —Choma rü tá cupe̱xegu chixũ, rü yima ma̱xpǘnegü rü tá chanadoxõchixẽxẽgü. Rü ngẽma ĩã̱xgü i bróũchenaxca̱x rü tá nagu chapogü. Rü ngẽma norü fierumena̱xãgü rü íxraxü̃gu tá ichanapóü̃gü.