Ichaía 24:11 - Tupanaarü Ore

¹¹ Rü ngẽma duü̃xü̃gü rü namagüwa naxauxe erü marü nataxuma ya bínu. Rü guxü̃ma i ngẽma taãxẽ rü marü nüxü̃́ inayacua̱x rü marü inarüxo i ñoma i naanewa.

Ichaía 24:11 Referans Kwoze

Ochéa 7:14

Rü ngẽxguma yada̱xaweegu rü ngúxü̃ yangegügu, rü norü pechicaxü̃güwa ngü̃xẽẽca̱x choxna nacagüe, natürü tama aixcüma norü ngúchaü̃maxã choxna nacagüe. Rü nügü nayapiexẽxẽ nax ngẽmaãcü tríguca̱x rü bínuca̱x ínacagüxü̃ca̱x. Natürü tama aixcüma chauga naxĩnüe.

Ore i mexü̃ ga Luca ümatüxü̃ 16:25

Natürü Abraáü̃ rü ñanagürü nüxü̃: “Pa Chaunex, ¡nüxna nacua̱xãchi nax taxuxü̃ma cuxü̃́ taxuxü̃ ga yexguma cumaxü̱̃xgu! Natürü Lácharo rü poraãcü guxchaxü̃wa nayexma. Rü ngẽmaca̱x i ñu̱xma rü nua mexü̃wa nangẽxma i Lácharo, rü cuma rü ngéma poxcuchicawa ngúxü̃ quinge.

Joel 1:15

Erü marü ningaica i Tupanaarü poxcu. Rü ngẽma ngunexü̃ rü poraãcü tá naxãũcüma erü Yimá Guxãétüwa Ngẽxmacü rü tá taxü̃ i poxcu taxca̱x ínanguxẽxẽ.

Yeremía 48:33

Rü ñu̱xma i Moáanearü naanegü i mexü̃wa rü marü tama nüxü̃ taxĩnüe nax taãẽmaxã aita naxügüxü̃ i duü̃xü̃gü. Rü yima bínu rü marü nataxuma i nachiü̃wa. Rü taxúema tayapumügü i úbagü nax bínu taxügüxü̃ca̱x. Rü tataxuma nax texé taãẽãcü tawiyaegüxü̃.

Ichaía 32:13

Rü chauchixü̃anearü naanegüwa rü tá narüxügü i tuxugü rü chixexü̃ i maxẽgü. Rü yima ĩane ga noxri taãxẽ nawa yexmanewa rü guxü̃nema ya ĩpatagü ga noxri taãxẽ nawa yexmanewa rü tuxugü rü maxẽgü i chixexü̃ tá nawa narüxügü.

Ichaía 16:10

Rü marü tama nüxü̃ taxĩnüe i duü̃xü̃gü i naanewa tagatanüxü̃ norü taãẽmaxã. Rü yema úbanecügüwa rü marü tama nüxü̃ taxĩnüe i duü̃xü̃gü i norü taãẽmaxã wiyaegüxü̃, rü taxuxü̃ma tadau i duü̃xü̃gü i úba i ñúxcharaxü̃ rü ínayo̱xpetüxü̃ nax bínu ínaxüãxü̃. Rü guxü̃ma i ngẽma duü̃xü̃güarü taãxẽ rü marü inayacua̱x.

Ichaía 9:19

Rü yimá Cori ya Tupana ya Guxãétüwa Ngẽxmacüarü nugagu nixĩ i yaxãxü̃ i Iraétanüxü̃arü naane, rü ngẽma üxüema nixĩ i yaguxü̃ ya ĩane. Rü duü̃xü̃gü rü taxũtáma nügüenexẽmaxã nügü nangechaü̃gü. Rü taiyamaxã tá nanaxĩ̱xãchiãẽgü. Rü yíxema norü tügünecüwagu ãchixü̃xẽ rü tá tümawemüca̱x nangĩ̱x rü noxtacüma nayaga, natürü tá nataiyaama. Rü ngẽma to rü tá yíxema norü to̱xwecüwagu ãchiü̃xẽ rü tá tüxna nanapu i tümaarü õna, natürü taxũtáma nüxü̃́ ningu. Rü duü̃xü̃gü rü düxwa tá naxacügümaxã nixãwemü.

Ichaía 8:22

Rü ñu̱xũchi tá ñaa waixü̃müanegu narüdaunü, rü ngẽma nüxü̃ nadaugüxü̃ tá nixĩ nax nataxuma i ta̱xacürü õna. Rü ẽanexü̃xü̃xica tá nadaugü rü ngúxü̃ tá ningegü. Rü guxü̃watáma nachüta rü nawaanemare.

Ucu̱xẽgüchiga 31:6

¡Nüxü̃ rüxo nax cuyaxaxüxü̃ ya bínu ya ngúcü rü ngúxü̃ i a̱xchixü. Rü nüe yaxaxgüã i ngẽma naechita maxẽxü̃, rü ngẽma ngechaü̃güxü̃ nax ngẽmagu nüxü̃ yanangümaexü̃ca̱x nax nangearü diẽruã̱xgüxü̃ rü ngúxü̃ yangegüxü̃!

Wiyaegü 144:14

Rü tórü wocagü nixãxacügü rü mea nabue i naxacügü. Rü tórü ĩanemaxü̃güwa rü taxúema ãũcümaxü̃gagu aita taxü.

Yeremía 14:2

—Yudáanecüã̱xgü rü nangechaü̃gü rü naxauxe. Rü norü ĩanegücüã̱x i duü̃xü̃gü rü nanaxĩ̱xãchiãẽgü rü waixü̃müanegu nicama. Rü ngẽma Yerucharéü̃cüã̱xgü rü ngúxü̃ ningegü rü ngẽmaca̱x aita naxüe.

Yeremía 46:12

Rü guxü̃ma i ngẽma togü i nachixü̃anegü rü tá nüxü̃ nacua̱xgü nax perü uanü rü marü pexü̃ rüporamaexü̃. Rü guxü̃wama nüxü̃ taxĩnüe nax aita pexüexü̃. Rü perü churaragü rü nügü nadai rü wüxigu waixü̃müanegu nayi —ñanagürü ya Tupana.

Joel 1:12

Rü perü úbanecügü rü nipagü rü nayue ga perü igunecü. Rü nipagü ga perü ori̱xgü ga boxragü, rü cucugü, rü mansánagü rü guxü̃ma ga perü nanetügü ga peanewa yexmagüxü̃. Rü yemaacü nüxü̃́ inarüxo ga norü taãxẽ ga guxü̃ma ga duü̃xü̃gü.

Ichaía 32:10

Ñu̱xma rü petaãẽgü, natürü wüxi ya taunecüarü yexeraguwena tá pexoegaãẽgü, erü nigu̱xgü tá i nanetügüarü buxgü rü marü taxũtáma úba pibuxgü.