Ichaía 24:1 - Tupanaarü Ore

¹ Dücax, Cori ya Tupana rü tá chianexü̃xü̃ nananguxuchixẽxẽ i ñaa naane, rü ngẽma duü̃xü̃gü i nawa maxẽxü̃ rü tá nanawoonexẽxẽ.

Ichaía 24:1 Referans Kwoze

Naúü̃ 2:10

Rü Nínibe rü tá nagu napogüe rü nataxutama i duü̃xü̃gü. Rü nachicaxicatama ínayaxü. Rü norü duü̃xü̃gü rü poraãcü tá namuü̃e. Rü tá nidu̱xruxparagü. Rü tá ningearü poraã̱x, rü tá nayacho̱xõchichametügü.

Ichaía 2:19

Rü ngẽxguma Cori ya Tupana inaxügügu nax yaxĩã̱xcüüxẽẽãxü̃ i ñoma i naane, rü ngẽma duü̃xü̃gü i chixexü̃ ügüxü̃ rü norü muü̃maxã tá nutaarü ãxmaxü̃gu rü waixü̃müarü ãxmaxü̃gu nicu̱xgü na̱xcha̱xwa ya Cori ya Tupana ya üünecü rü poraãcü ãũcümacü.

Ichaía 42:15

Rü tá ichayanaxoxẽxẽ ya ma̱xpǘnegü rü ngüchitaerugü. Rü tá chayapagüxẽxẽ i guxü̃táma i naigü rü maxẽgü i ngéma ngẽxmagüxü̃. Rü guxü̃ma i natügü rü tá naxnecüxü̃ chayaxĩgüxẽxẽ, rü yima naxtaagü rü tá chayapagüxẽxẽ.

Ichaía 24:20

Rü ñoma i naane rü wüxi i ngãxü̃xü̃rüxü̃ tá nichü̱xacüxü, rü ñoma wüxi ya ĩpata ya chixri ipugüparanerüxü̃ tá nixĩã̱xcüxü. Erü norü duü̃xü̃güarü chixexü̃ rü poraãcü nataxüchi rü ngẽmaca̱x i ñoma i naane rü tá inayangu rü tagutáma wena ínarüda.

Echequié 35:14

Rü ngẽmaca̱x i choma ya Cori ya Tupana rü ñacharügü: Ngẽxguma choma ñoma i naanewa cuxü̃ charüxoxẽẽgu rü guxü̃ma i ñoma i naane rü tá nataãxẽ.

Echequié 12:20

Rü guxü̃nema ya daa ĩanegü i nawa namaxẽne i ngẽma duü̃xü̃gü rü tá inayarüxogü. Rü ñaa nachixü̃ane rü tá chianexü̃xü̃ nayanguxuchi. Rü ngẽxguma tá nixĩ i pemax rü nüxü̃ picua̱xãchitanüxü̃ nax choma chixĩxü̃ ya Cori ya Tupana’ ” —ñanagürü.

Ore i mexü̃ ga Luca ümatüxü̃ 21:24

Rü norü uanügü rü taramaxã tá nanadai i ñuxre. Rü togü, rü tá ínanayauxü̃ nax to i nachixü̃anewa nagagüãxü̃ca̱x. Rü ñu̱xũchi i ngẽma norü uanügü rü tá nagu napogüe ya yima ĩane ya Yerucharéü̃. Rü ngẽmaãcü tá nangupetü ñu̱xmatáta nawa nangu i ngẽma ngunexü̃ i nagu Tupana ínawoxü̃xü̃ i ngẽma uanügü.

Echequié 6:6

Rü guxü̃ma i ngẽma naane i nawa pemaxẽxü̃arü ĩanegü rü tá inayarüxo. Rü ngẽma perü tupananetagüarü ãmarearü guruü̃gü rü tá nagu nipogügü. Rü ngẽmaãcü i ngẽma ãmarearü guruü̃gü rü tá noxtacüma nayarüxo. Rü ngẽma perü tupananetachicüna̱xãgü rü íxraxü̃gu tá napoü̃gü. Rü ngẽma perü pumaraarü guruü̃gü rü tá niwa̱xgü. Rü guxü̃táma i ngẽma pema pexügüxü̃ rü tá inayarüxo.

Echequié 5:14

Rü chomax, Pa Yerucharéü̃cüã̱xgü rü tá nagu chapogü ya yima perü ĩane. Rü ĩpata ya iwa̱xgünexica tá ngéma nayaxügü. Rü ngẽmaãcü tá guxü̃ i togü i nachixü̃anegüpe̱xewa pexü̃ chaxãneexẽxẽ. Rü guxü̃ma i duü̃xü̃gü i ngéma chopetüxü̃ tá nüxü̃ nadaugü i ngẽma chixexü̃ i pexü̃ ngupetüxü̃.

Echequié 5:2

Rü ngẽxguma marü yapugüãgu ya yima ĩane ya Yerucharéü̃ ¡rü ngẽma tomaepü̱xtücumü i cuyaewa nayaxu i wüxitücumü, rü ĩanearü ngãxü̃wa yagu! ¡Ngẽmawena rü nayaxu i ngẽma norü taxretücumü i cuyae! ¡Rü wüxi ya cüxchimaxã yima ĩanecüwagu yawíü̃güchigü! ¡Rü ngẽma norü tomaepü̱xtücumü i cuyae rü buanecügu nawogü! Rü choma rü yimá ĩanecüã̱xgü i duü̃xü̃güweama tá chixũchigü namaxã i wüxi i tara i cho̱xme̱xgu tá chingexü̃.

Yeremía 9:16

Rü nagu tá chanawoone i nachixü̃anegü i nümagü rü nanatügü rü woo norü o̱xigü tama nüxü̃ cua̱xgüxü̃. Rü norü uanügü rü taramaxã tá nawe changegüxẽxẽ nax nadaiaxü̃ca̱x nax ngẽmaãcü bai i wüxi íyaxüxü̃ca̱x” —ñanagürü ga Cori ya Tupana.

Ichaía 33:9

Rü Iraétanüxü̃ rü namae erü ngechaü̃wa nangẽxmagü. Rü Líbanuarü naixnecügü rü nipagü. Rü Charóü̃arü metachinüxü̃ rü naxnücüanexü̃ nayanguxuchi. Rü Bacháü̃wa rü ma̱xpǘne ya Carméruwa rü nabáianemare

Ichaía 29:16

¿Rü tü̱xcüü̃ ípeyatóxẽxẽ i ngẽma mexü̃ ya Tupana pexca̱x üxü̃? Rü ngẽma waixü̃mü rü taxucürüwama ngẽma üwechiruü̃maxã nügü nawüxiguxẽxẽ. Rü wüxi i tü̃xü̃ rü taxũtá norü üruxü̃xü̃ ñanagürü: —Cuma rü tama nixĩ i choxü̃ cuxüxü̃ —ñanagürü. Rü ngẽma tü̃xü̃ rü taxucürüwama norü üruü̃xü̃ ñanagürü: —Cuma rü tama cuãẽxü̃ cucua̱x nax ñuxãcü choxü̃ cuxüxü̃ —ñanagürü.

Ichaía 27:10

Rü yima ĩane ya ípoxegune rü nagu napogüe ñoma wüxi ya ĩpata ya ngéma ta̱xmarenerüxü̃. Rü ñoma naane i taxúema ixãpataxü̃warüxü̃ nixĩ. Rü wüxi i nachica i wocagü nawa chibüexü̃ rü naixchacüügü nawa nangõ̱xgüxü̃ rü ñu̱xũchi nagu nacagüxü̃ nixĩ.

Ichaía 5:6

Rü ñu̱xũchi tá íchanata̱x i ngẽma úbanecü. Rü taxúetama tayayoatü rü taxúetama tanangĩxcanecü rü ngẽmaãcü tá chuxchuxü̃gü rü chixexü̃ i natüane nanecüwa narüxügü. Rü tá nüxna chaxãga i caixanexü̃ nax tama nanecügu napuxü̃ca̱x —ñanagürü ya Tupana.

Wiyaegü 146:9

Rü nüma ya Cori ya Tupana rü nüxna nadau i ngẽma duü̃xü̃gü i tama Iraétanüxü̃ ixĩgüxü̃ i to i nachixü̃anewa ne ĩxü̃. Rü ngẽxgumarüxü̃ ta tüxü̃ narüngü̃xẽxẽ ya taxcutagü rü yutegüxe. Natürü ngẽma duü̃xü̃gü i chixexü̃ ügüxü̃arü ĩnü rü nagu nayanachixexẽxẽ.

Neemía 1:8

¡Rü nüxna nacua̱xãchi i curü ore i Moichémaxã nüxü̃ quixuxü̃! Erü cuma rü nüxü̃ quixu rü ngẽxguma toma chixexü̃ cupe̱xewa taxü̱xgu rü tá togü i nachixü̃anegügu toxü̃ cuwoonemare, natürü ngẽxguma chi wena cuxca̱x tawoeguxgu rü aixcüma nagu tamaxẽgu i curü mugü, rü woo ñoma i naane íyacuáxü̃gu tawoonegu, rü cuma rü chi tochixü̃aneca̱x toxü̃ cuyagagü, rü ngẽma nachica i üünexü̃ i cumatama nüxü̃ cuxunetaxü̃ nax nawa cungexmaxü̃wa wenaxarü toxü̃ cugagüxü̃ca̱x.

Norü taxre ga popera ga ãẽ̱xgacügüchiga 21:13

Rü ngẽma Chamáriamaxã, rü Acáxtanüxü̃maxã chaxüxü̃ i poxcu tá nagu changu̱xẽxẽ ya yima ĩane ya Yerucharéü̃. Rü taxuxü̃táma i ta̱xacü nawa chayaxüxẽxẽ, ñoma wüxi ya poratu ega nabia̱xü̃magu rü nangaeguxgu nax taxuxü̃ma i ta̱xacü nawa yaxüxü̃rüxü̃ tá chayaxĩxẽxẽ ya yima ĩane ya Yerucharéü̃.

Wenaxarü naxümatü ga Tupanaarü mugü 32:26

Rü ngẽma nagu charüxĩnüxü̃ nixĩ nax chanawoanemarexü̃ i ngẽma duü̃xü̃gü nax ngẽmaãcü iyanaxoxü̃ca̱x i naéga i ñoma i naanewa.

Wenaxarü naxümatü ga Tupanaarü mugü 28:64

Rü nüma ya Cori ya Tupana rü togü i nachixü̃anegü i yáxü̃wa ngẽxmagüxü̃gu tá nanawoone. Rü ngẽma nachixü̃anegüwa rü tá nüxü̃ nicua̱xü̃gü i tupananetagü i nainaxca̱x rü nutanaxca̱x ga woo cuma rü woo curü o̱xigü taguma nüxü̃ cua̱xgüxü̃.

Wenaxarü naxümatü ga Tupanaarü mugü 4:27

Rü nüma ya Cori ya Tupana rü guxü̃ma i nachixü̃anegügu tá pexü̃ nawoone. Rü noxretátama i pema tá nixĩ i ngẽma nachixü̃anegüwa peyaxüxgüxü̃.

Echequié 24:11

Rü ngẽxguma marü nangeãcugu ya yimá panera rü üxüxétügu naxǘ ñu̱xmatáta nadau ya yimá panera ya cobrenaxca̱x. Rü ngẽmaãcü i ngẽma namata rü tá ínayi.

Yeremía 40:15

Rü ñu̱xũchi Caréa nane ga Yoanáü̃ rü bexma Guedaríaxü̃ ñanagürü: —¡Choxü̃ namu nax ngéma chaxũxü̃ca̱x rü Ismaéxü̃ chimáxü̃ca̱x! Rü taxúetama nüxü̃ tacua̱x nax texé yamáxü̃. ¿Rü tü̱xcüü̃ tá nüxü̃́ tanatauxchaxẽxẽ nax cuxü̃ yamáxü̃? Rü ngẽxguma cuxü̃ yama̱xgu rü wena tá nawoone i guxü̃ma i ngẽma duü̃xü̃gü i ñu̱xma cuxme̱xwa ngẽxmagüxü̃, rü yexera tá guxchaxü̃wa nangẽxmagü i ngẽma duü̃xü̃gü i ñu̱xma Yudáanewa yaxügüxü̃ —ñanagürü

Popera ga Chantiágu ümatüxü̃ 1:1

Pa Chautanüxü̃ i 12 i Iraétücumügü i Ngechuchuaxü̃́ Yaxõgüxü̃ i Guxü̃ i Naanewa Nawogüxü̃x, choma i Chantiágu pexü̃ charümoxẽ. Rü choma nixĩ i Tanatü ya Tupanaaxü̃́ rü tórü Cori ya Ngechuchu ya Cristuaxü̃́ chapuracüxü̃.

Ngechuchuarü ngúexü̃gü ga yamugüxü̃arü puracüchiga 17:6

Natürü yexguma tama yexma nüxü̃ yangaugügu, rü Yachóü̃xü̃ niyauxgü, rü ñuxre ga yaxõgüxü̃xü̃ rü ta ínayauxü̃. Rü nayagáuxü̃tanü, rü guma ĩanearü ãẽ̱xgacügüpe̱xewa nanagagü. Rü tagaãcü ñanagürügü: —Ngẽma Pauru rü Chíra i guxü̃ i naanewa duü̃xü̃güxü̃ chixexẽẽgüxü̃, rü núma rü ta nangugü.

Yeremía 50:17

Ngẽma Iraétanüxü̃ rü ñoma wüxi i carnéru i rütaxuxü̃ i leóü̃gü nawe ingẽxü̃tanüxü̃rüxü̃ nixĩgü. Rü noxri rü yema Achíriaanearü ãẽ̱xgacü nanadai. Rü yemawena rü Babiróniaanearü ãẽ̱xgacü ga Nabucudonochó rü nanadai ga yema duü̃xü̃gü ga yéma yaxǘgüxü̃.

Yeremía 4:7

Rü ngẽma uanü rü ñoma leóü̃ i naxmaxü̃wa ixũxũxü̃rüxü̃ marü ínaxũxũ i nachixü̃anewa. Rü ngẽma uanü ga togü ga nachixü̃anegüxü̃ rüxoxẽẽxü̃ rü marü inaxũãchi nax pechixü̃aneca̱x íyagoõchixü̃ca̱x. Rü ngẽma uanü rü tá nagu napogüe i perü ĩanegü rü ngẽmaãcü nachitaxü̃güxica tá ngéma nayaxügüxẽxẽ.

Ichaía 13:5

Rü ngẽma churaragü rü nachixü̃ane i yáxü̃wa ngẽxmaxü̃wa ne naxĩ i ñaa naanearü tuãchiarü yexerawa. Rü Cori ya Tupana rü norü churaragümaxã ngéma ne naxũ nax norü numaxã napoxcuãxü̃ca̱x i guxü̃ma i Babiróniaarü naane.

Ichaía 13:13

Rü ngẽxguma tá nawa nanguxgu i ngẽma ngunexü̃ rü choma rü chorü numaxã tá chayadu̱xruxẽxẽ i daxũguxü̃ i naane. Rü chorü nugagu rü ñoma i naane rü tá nixũgachi i nachicawa.

Ichaía 24:19

Erü ñoma i naane rü poraãcütama naxĩã̱xãchiane, rü tá nawǘxcuane rü tá narüwĩ́ẽmüane.

Ichaía 30:32

Rü nüma ya Cori ya Tupana rü Achíriaanecüã̱xmaxã tá nügü nadai. Rü ngẽxguma wüxichigüarü cua̱i̱xca nüxna naxãxgu ya Tupana, rü tá naxãga i paü̃dérugü rü árpagü.

Ichaía 34:2

Erü nüma ya Cori ya Tupana rü guxü̃ma i nachixü̃anegümaxã nanu. Rü ngẽxgumarüxü̃ ta namaxã nanu i guxü̃ma i norü churaragü. Rü ngẽmaca̱x namaxã nanaxuegu nax nadaiaxü̃ nax nayuexü̃ca̱x.

Ichaía 34:10

Rü woo ngunecü rü chütacü rü tagutáma nixo, rü guxü̃gutáma ngéma nicaixqueecha. Rü ngẽma naane rü mucüma ya taunecü tá ngéma natáechamare, rü taxúetama wena ngéma taxüpetü.

Yeremía 51:34

Rü yima ĩane ya Yerucharéü̃ rü ñanagürü: —Nüma ga Babiróniaanearü ãẽ̱xgacü ga Nabucudonochó rü chaugu napogü rü nayagagü ga chorü duü̃xü̃gü rü nayana ga chorü ngẽmaxü̃gü rü ñoma wüxi i poratu ya ngeãcucürüxü̃ yéma choxü̃ nata̱x. Rü ñoma wüxi i ngo̱xo i márcüã̱xrüxü̃ choxü̃ ínaga rü nanayaxu ga guxü̃ma ga mexü̃gü ga choxü̃́ yexmaxü̃ ga nüxü̃́ ngúchaü̃xü̃ rü ñu̱xũchi ínanawogü ga yema íyaxügüxü̃. Rü ñu̱xma chanaxwa̱xe nax Babirónia naxütanüxü̃ naxca̱x ga yema chixexü̃ ga chomaxã naxüxü̃. Rü ñu̱xma chanaxwa̱xe nax ngẽma Cadéugü naxütanüxü̃ naxca̱x ga chorü duü̃xü̃gü ga nada̱i̱xü̃ —ñanagürü ya Yerucharéü̃.

Naúü̃ 1:5

Rü yima ma̱xpǘnegü rü na̱xcha̱xwa nidu̱xrugü rü nape̱xewa inagü. Rü guxü̃ma i ñoma i naane rü guxü̃ma i duü̃xü̃gü i nawa maxẽxü̃ rü nape̱xewa niyoyogü norü muü̃maxã.

Ichaía 32:12

¡Perümaãchitanü rü pexauxe naxca̱x i perü naanegü ga noxri mexü̃ rü perü úbanecügu ga noxri oxochiréxü̃!

Echequié 6:14

Rü choma rü chorü numaxã tá chawexnagüchacüxü nax chanapoxcuexü̃ca̱x i ngẽma duü̃xü̃gü i íyaxügüxü̃. Rü ngẽma nachixü̃ane rü nachicagü i duü̃xü̃gü nawa ngẽxmagüxü̃ rü tá chianexü̃xü̃ chayanguxuchixẽxẽ. Rü chianexü̃ i súrwaama ngẽxmaxü̃wa tá ichanaxügü rü ñu̱xmata yima ĩane ya Ribá ya nórtewa ngẽxmanewa nangu. Rü ngẽxguma i ngẽma duü̃xü̃gü rü tá nüxü̃ nicua̱xãchitanü nax choma chixĩxü̃ ya Cori ya Tupana —ñanagürü.

Echequié 7:12

Marü nawa nangu i ngẽma ngunexü̃, rü ínangu i ngẽma ora. Rü ngẽma taxetanüxü̃ rü taxuca̱xma ta̱xacüca̱x nataãxẽ, rü ngẽma naxca̱x taxexü̃ rü taxuca̱xma ta̱xacüca̱x nangechaxü̃. Erü chorü numaxã tá chanapoxcu i guxü̃ma i ngẽma Iraétanüxü̃ i ñu̱xma nügü icua̱xüü̃güxü̃.

Echequié 7:14

Rü nayacuegü tá ya cornéta nax daiwa naxĩxü̃ca̱x, rü guxü̃táma nügü nimexẽẽgü, natürü taxuxü̃táma daiwa naxũ. Rü chorü numaxã tá chapoxcue i guxü̃ma i ngẽma Iraétanüxü̃.