Ichaía 23:9 - Tupanaarü Ore

⁹ Rü Cori ya Tupana ya Guxãétüwa Ngẽxmacü nixĩ i namaxã naxuegucü i ngẽma ñu̱xma namaxã ngupetüxü̃ nax ngẽmaãcü naxãneexẽẽxü̃ca̱x i guxü̃ma i ngẽma duü̃xü̃gü i nügü írütagüxü̃ rü nüxna nax nayauxãxü̃ca̱x i norü pora i ngẽma duü̃xü̃gü i ñoma i naanewa nügü írüporaexü̃.

Ichaía 23:9 Referans Kwoze

Popera ga Chantiágu ümatüxü̃ 4:6

Natürü Tupana rü tüxü̃ narüngü̃xẽxẽ nax tama nagu iyixü̃ca̱x i ngẽma ngúchaü̃gü i chixexü̃gü i ñoma i naanewa ngẽxmagüxü̃. Rü ngẽmaca̱x norü orewa rü ñanagürü: “Tupana rü tümamaxã nanu ya yíxema tügü icua̱xüü̃güxe, natürü tüxü̃ narüngü̃xẽxẽ ya yíxema tügüna daugüxe nax tama tügü ticua̱xüü̃güxü̃ca̱x”, ñanagürü.

Ichaía 13:11

Rü nüma ya Cori ya Tupana rü ñanagürü: —Tá chanapoxcue i ñoma i naanecüã̱x naxca̱x i ngẽma norü chixexü̃. Rü ngẽma duü̃xü̃gü i chixexü̃gu maxẽxü̃ rü tá chanapoxcu naxca̱x i ngẽma nax namáetagüxü̃. Rü tá ichayanaxoxẽxẽ i nacüma i namaxã nügü ínatagüxü̃ i ngẽma duü̃xü̃gü i nügü icua̱xüü̃güxü̃. Rü tá chanaxãneexẽxẽ i ngẽma nügü írütagüxü̃ rü ngẽma taxuwama toguexü̃ mexẽẽgüxü̃.

Ichaía 2:11

Rü ngẽma ngunexü̃ i nagu ínanguxü̃ ya Cori ya Tupana, rü ngẽma nügü icua̱xüü̃güxü̃ rü nape̱xewa tá naxãnee, rü ngẽma nügü írütagüxü̃ rü nape̱xewa rü tá taxuwama nime. Rü nüxicatama ya Cori ya Tupana rü tá inanawe̱x i norü pora i ngẽma ngunexü̃gu.

Danié 4:37

Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Efesios 3:11

Rü Tupana rü yemaacü nanaxü, yerü woetama nũxcüma nagu narüxĩnü nax tórü Cori ya Ngechuchu ya Cristuwa tá yangu̱xẽẽãxü̃ ga yema norü ĩnü.

Efesios 1:11

Yerü woetama nũxcüma ga Tupana rü tamaxã nanaxuegu nax Cristugagu tá nayauxgüxü̃ i maxü̃ i taguma gúxü̃, yerü yema nixĩ ga nagu naxĩnüxü̃ ga Tupana ya norü ngúchaü̃ãcü naxücü i guxü̃ma.

Ngechuchuarü ngúexü̃gü ga yamugüxü̃arü puracüchiga 4:28

Rü yemaacü ga yema ãẽ̱xgacügü rü nayanguxẽxẽ ga guxü̃ma ga yema cuma nũxcümama nagu curüxĩnüxü̃ rü nüxü̃ quixuxü̃ rü tá nax yanguxü̃.

Maraquía 4:1

Rü nüma ya Cori ya Tupana ya Guxãétüwa Ngẽxmacü rü ñanagürü: —Rü ningaica i ngẽma ngunexü̃ i ãũcümaxü̃ i nagu tá chanapoxcuexü̃ i ngẽma chixexü̃ ügüxü̃ ñoma üxüemawa yaxaexü̃rüxü̃. Rü guxü̃ma i ngẽma duü̃xü̃gü i nügü írütagüxü̃ rü chixexü̃ ügüxü̃ rü ñoma maxẽ i pacü i üxüxétüwa yata̱xcuchichapa̱xacürüxü̃ tá nixĩgü. Rü ngẽma ngunexü̃gu rü guxü̃táma nixae rü taxuxü̃táma ínayaxügü.

Yeremía 51:62

Rü ñu̱xũchi ñacurügü tá: “Pa Cori Pa Tupanax, cuma rü nüxü̃ quixu rü tá nagu cupogü ya daa ĩane rü tá nachitaxü̃xica ínayaxü. Rü ngẽmaãcü tá taxúetama nagu taxãxchiü̃ i ngẽma nachica rü bai i duü̃xü̃gü rü bai i naeü̃gü. Rü ngẽmaãcü guxü̃gutáma wüxi i chianexü̃xü̃ nixĩ”, ñacurügü tá.

Ichaía 14:27

Rü nüma ya Cori ya Tupana ya Guxãétüwa Ngẽxmacü rü aixcüma tá nayanguxẽxẽ i ngẽma naxüxchaü̃xü̃. Rü taxúetama texé tá nüxna tachogü nax tama naxüaxü̃ca̱x i ngẽma naxüxchaü̃xü̃.

Ichaía 14:24

Cori ya Tupana ya Guxãétüwa Ngẽxmacü rü nanaxuegu rü ñanagürü: —Ngẽma choma chaxüxchaü̃xü̃ rü aixcüma tá chanaxü rü taxũtáma dora nixĩ. Rü ngẽma nagu charüxĩnüxü̃ rü aixcüma tá ningu.

Ichaía 10:33

¡Rü dücax, nüxü̃ pedau ya Cori ya Tupana ya Guxãétüwa Ngẽxmacü rü taxü̃ i norü poramaxã tá Achíriaanearü churaragüxü̃ niwa̱xtanüxẽxẽ ñoma wüxi i naixnecü iyexü̃ rü iwa̱xtanüxü̃rüxü̃! Rü woo i ngẽma norü churaragüerugü rü ñoma naigü ya itaxü̃ne rü iyexü̃nerüxü̃ tá niwa̱xgü. Rü ngẽma Achíriaanearü ãẽ̱xgacügü rü ñoma imáchanexü̃chine ya naigü iyexü̃nerüxü̃ tá niwa̱xgü.

Ichaía 9:15

Rü ngẽma naeru rü nachiga nixĩ i Iraéanearü ãẽ̱xgacügü rü norü ngü̃xẽẽruü̃gü. Rü ngẽma narexü̃ rü nachiga nixĩ i orearü uruü̃gü i doramaxã ngu̱xẽẽtaegüxü̃.

Ichaía 5:13

Rü ngẽma nax tama chauga naxĩnüechaü̃xü̃ i chorü duü̃xü̃gü, rü ngẽmagagu to i nachixü̃anewa tá nagagü. Rü guxü̃ma i duü̃xü̃gü rü wüxigu norü ãẽ̱xgacügümaxã tá ngẽma nachixü̃ane i nawa nagagüãxü̃gu taiyamaxã rü ta̱xawamaxã nayue.

Ichaía 2:17

Natürü wüxi i ngunexü̃gu rü tá poraãcü naxãnee i ngẽma nügü icua̱xüü̃güxü̃ rü ngẽma nügü írütagüxü̃. Rü ngẽma ngunexü̃gu rü duü̃xü̃gü rü tá Cori ya Tupanaxü̃xicatama nicua̱xüü̃gü.

Yox 12:21

Rü nüma ya Tupana rü nanaxãnexẽxẽ i ngẽma nügü írütagüxü̃. Rü nüxna nanayaxu i norü pora i ngẽma ãẽ̱xgacügü i nügü írüporaexü̃.

Ichaía 14:26

Rü ngẽma nixĩ i chorü ĩnü i guxü̃ma i nachixü̃anegü i ñoma i naanewa ngẽxmagüxü̃maxã tá chaxüxü̃. Rü daa cho̱xme̱x rü nanaxãxũne i guxü̃ma i nachixü̃anegü —ñanagürü ya Cori ya Tupana.

Ichaía 23:10

¡Pa Duü̃xü̃gü i Tárchixcüã̱xgüx, name nixĩ ipenaxügüe nax naanewa pepuracüexü̃ rü pitoegüxü̃, erü ngẽma türe i nawa wapurugü ngugüxü̃ rü marü nataxuma!

Ichaía 32:13

Rü chauchixü̃anearü naanegüwa rü tá narüxügü i tuxugü rü chixexü̃ i maxẽgü. Rü yima ĩane ga noxri taãxẽ nawa yexmanewa rü guxü̃nema ya ĩpatagü ga noxri taãxẽ nawa yexmanewa rü tuxugü rü maxẽgü i chixexü̃ tá nawa narüxügü.

Abdía 1:2

Rü nüma ya Tupana rü Edóü̃anecüã̱xgüxü̃ ñanagürü: —Tá pexü̃ chaxãneexẽxẽ nape̱xewa i ngẽma togü i nachixü̃anegü rü taxuwatáma pexü̃ chamexẽxẽ.

Ínachoxü̃xü̃chiga 8:4

Rü ngẽma cururugü rü tá cuxna niyuxgüetanü. Rü curü ngü̃xẽẽruü̃gü i ãẽ̱xgacügüna rü guxü̃ma i curü duü̃xü̃güna tá niyuxgüetanü’, ñanagürü cuxü̃ ya Cori ya Tupana” —ñanagürü ga Tupana.

Ichaía 2:12

Rü ngẽma ngunexü̃gu rü nüma ya Cori ya Tupana rü tá nanaxãneexẽxẽ i guxü̃ma i ngẽma nügü icua̱xüü̃güxü̃ rü ngẽma nügü írütagüxü̃ rü ngẽma togüétüwa nügü ngẽxmagüxẽẽxü̃.