Ichaía 23:12 - Tupanaarü Ore

¹² Rü ĩane ya Chidóü̃xü̃ ñanagürü: —¡Pa Ĩane ya ñoma wüxi i paxü̃ i chixri maxü̃xü̃rüxü̃ nax quixĩxü̃, rü marütama nax petagu icurüxã́ũxü̃! Rü woo tá Chíprewa naxĩ i curü duü̃xü̃gü nax ngẽxma nüxü̃ yanangümaexü̃ca̱x i norü guxchaxü̃gü, natürü ngẽxma rü ta rü tagutáma taãẽxü̃ nayangaugü —ñanagürü.

Ichaía 23:12 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 18:22

Rü tagutáma wena curü namagüwa texé nüxü̃ taxĩnü i paxetaruü̃gü i árpagü rü quenagü rü cornétagü. Rü ngẽxgumarüxü̃ ta cuwa nataxutáma i puracütanüxü̃ i ta̱xacüwa puracüexü̃, rü tagutáma texé cuwa nüxü̃ taxĩnü nax namaxã ínapuracüexü̃ ya yimá nuta ya tríguarü caruxü̃.

Ichaía 47:1

Rü ñanagürü ga Tupana: —Pa Babiróniacüã̱xgüx, noxri rü muxü̃ma ga nachixü̃anegümaxã ipecua̱xgü natürü i ñu̱xma rü marü peturae rü waixü̃müte̱xewa tá perütogü. Rü yima perü ĩane ga noxri wüxi i pacü i mexẽchicürüxü̃ ixĩxü̃ne rü duü̃xü̃gü rü marü tagutáma nüxü̃ nixugüe nax namexẽchixü̃.

Echequié 27:6

Rü yima cuxẽ̱xmügü rü Bacháü̃wáü̃güxü̃ ga roblenaxca̱x nixĩgü. Rü ngẽma mürapewagü i namaxã cutüétüxü̃ rü Chíprewaü̃güxü̃ i nainaxca̱x nixĩ. Rü guxü̃ma i ngẽma rü marfíxmaxã nanga̱xãẽgü.

Auxexü̃chiga 4:15

Rü duü̃xü̃gü rü nüxna nacagüe rü tagaãcü nüxü̃ ñanagürügü: —¡Toxna pixĩgachi rü ípechoxü̃ i nua! Duü̃xü̃gü i ãũãchixü̃ pixĩgü. ¡Rü taxṹ i toxü̃ pingógüxü̃! —ñanagürügü. Rü ngẽma togü i nachixü̃anecüã̱xgü i tama Tupanaaxü̃́ yaxõgüxü̃ rü nüxü̃ ñanarügügü: —Pemax rü duü̃xü̃gü i naxĩanemarexü̃ pixĩgü. Rü taxucürüwa daa ĩanegu pixãpatagü —ñanagürügü.

Auxexü̃chiga 1:15

Rü Cori ya Tupana rü yáxü̃wa nanawogü ga guxü̃ma ga chorü churaragü ga iporaexüchixü̃ ga choxü̃ ípoxü̃güchiréxü̃. Rü cha̱u̱xca̱x nua nanamugü ga to ga nachixü̃anearü churaragü nax nadaiaxü̃ca̱x ga chorü churaragü ga tama muü̃wa̱xegüxü̃. Rü choma nax guxü̃nema ga Yudáanearü ĩanegüétüwa chaxüxü̃ rü nüma ya Cori ya Tupana rü chaugu napúgü ñoma úbagü i pu̱xcutanüxü̃rüxü̃ ega bínu naxü̱xgu.

Auxexü̃chiga 1:3

Rü ñu̱xma i ngẽma Yudáanecüã̱xgü rü ngúxü̃ ningegü rü taxü̃ i guxchaxü̃wa nangẽxmagü. Rü ngẽmaétüwa rü norü uanügü rü to ga nachixü̃anewa nanagagü. Rü yima ĩane ya Yerucharéü̃ ga ü̃pa guxü̃nema ga naigü ga Yudáanearü ĩanegüétüwa yexmane rü ñu̱xma i norü duü̃xü̃gü rü taguma inarüngü̃gü nax guxchaxü̃wa nangẽxmagüxü̃. Rü yema norü uanügü ga nawe ingẽxü̃tanüxü̃ rü marü nüxü̃ inayangaugü rü naxme̱xgu nayi rü chixri namaxã inacua̱xgü.

Yeremía 46:11

Pa Equítuanecüã̱x ¡Garaáxanewa pexĩ nax ngẽxma naxca̱x peyadaugüxü̃ca̱x i üxüxü̃! Natürü woo muxü̃ i üxüxü̃maxã pexüxüxü̃gu rü taxuwatáma pexü̃́ name. Erü nataxuma i üxüxü̃ i pexca̱x mexü̃.

Yeremía 14:17

¡Rü cumax, Pa Yeremíax, rü duü̃xü̃gümaxã nüxü̃ ixu i ñaa ore rü ñanagürü nüxü̃! “Choma rü taguma íchayachaxãchi nax ngunecü rü chütacü chaxaxuxü̃ nagagu i ngẽma taxü̃ i ãũcümaxü̃ i tá chorü duü̃xü̃güxü̃ ngupetüxü̃. Erü ngẽma guxchaxü̃ i tá nüxü̃ ngupetüxü̃ rü nataxüchi.

Ichaía 47:5

Rü nüma ya Cori ya Tupana rü ñanagürü ta: —¡Bexma iperücho, Pa Babiróniaanecüã̱xgüx, rü ẽanexü̃wa pebuxmü! Erü marü tagutáma wena ngẽma togü i nachixü̃anegüétüwa pexügü.

Ichaía 37:22

Rü ñaagü nixĩ i ngẽma ore ya Cori ya Tupana nüxü̃ ixuxü̃ nachiga i ngẽma Achíriaanearü ãẽ̱xgacü: “Dücax, Pa Chenáquerix, rü yima Tupanaarü ĩane ya Chióü̃arü duü̃xü̃gü rü ñoma wüxi i pacü cuxü̃ cugüxü̃rüxü̃ tá cuxü̃ nacugüe. Rü ngẽxguma nüxna quixũgachigu rü ngẽma Yerucharéü̃cüã̱xgü rü tá nanexáerugüãcüma cugu nidauxcüraxü̃gü.

Ichaía 23:7

Rü ĩane ya Tíru nixĩ ga nũxcümaxü̃ne ga ĩane ga duü̃xü̃gü guxü̃guma taãẽgu nawa irüchoxü̃ne. Rü ngẽma ĩanecüã̱x ga duü̃xü̃gü nixĩ ga yáxü̃arü naanewa ne ĩxü̃ nax yexma yaxãpatagüxü̃ca̱x.

Yochué 11:8

Rü nüma ga Cori ya Tupana rü nanaporamaexẽxẽ ga Iraétanüxü̃. Rü yemaca̱x norü uanügüxü̃ nibuxmüxẽxẽ rü nawe nangẽgü ñu̱xmata guma ĩane ga taxü̃ne ga Chidóü̃wa rü Mirepóx-maíü̃wa nangugü rü ñu̱xmata Mispáarü éstewaama yexmaxü̃ ga doxonexü̃wa nangugü. Rü bai ga wüxi ga maxü̃xü̃ ga íyaxüxü̃, rü guxü̃xü̃ma nadai.

Iraétanüxü̃arü muxchiga 24:24

Rü Chípreanewa tá ne naxĩ ya wapurugü, rü guxü̃netáma ya Achíriaanearü ĩanegügu rü Ébeanearü ĩanegügu rü tá napogüe —ñanagürü.

Naanearü ügüchiga 49:13

“Rü Chaburóü̃ rü márcutügu tá naxãpata. Rü ngéma tá nangẽxma i türegü i wapurugü nawa ngugüxü̃. Rü ngẽma norü naanearü üye rü tá Chidóü̃wa nangu”.

Yeremía 2:10

¡Rü ẽcü ngẽma nachixü̃anegü i yáxü̃wa ngẽxmagüxü̃wa pexĩ, rü peyangugü rü aixcüma ngẽma nachixü̃anecüã̱xgü rü norü tupanachicüna̱xãxgüxü̃ naxoe, ngẽma pema choxü̃ nax pexoexü̃rüxü̃! Rü woo ngẽma capaxũgü i oéstewa ngẽxmagüxü̃wa pexĩxgu, rüe̱xna Quedáxarü chianexü̃ i éstewa ngẽxmaxü̃wa pexĩxgu, rü ngéma rü taxũtáma nüxü̃ ipeyangau nax ngẽma nachixü̃anecüã̱xgü norü tupanachicüna̱xãxgüxü̃ naxoexü̃ woo tama aixcüma Tupanaxü̃chi nax yixĩxü̃. Natürü i pema i chorü duü̃xü̃gü nax pixĩgüxü̃ rü woo perü Tupana ya üünecü nax chixĩxü̃ rü choxü̃ pexoe naxca̱x i ngẽma tupananetachicüna̱xãgümare i taxuwama mexü̃.

Danié 11:30

Erü churaragü i wapurugu Oéstewa ne ĩxü̃ tá naxca̱x ínayaxüãchi i ngẽma Nórteanearü churaragü. Rü ngẽmamaxã tá naba̱i̱xãchie rü norü muü̃maxã tá nibuxmü. Rü ngẽmaca̱x i ngẽma Nórteanearü ãẽ̱xgacü rü norü numaxã tá chixexü̃ naxü namaxã i ngẽma Tupanaarü duü̃xü̃gü i Iraétanüxü̃. Natürü ngẽma Iraétanüxü̃ i Tupanana ixĩgachixü̃ rü tá ngẽma ãẽ̱xgacüétüwa naxügü.

Naanearü ügüchiga 10:4

Rü Yabáü̃ nanegü nixĩ ga Erichá, rü Tárchix, rü Quitíü̃ rü Rodaníü̃.