Ichaía 23:11 - Tupanaarü Ore

¹¹ Rü nüma ya Cori ya Tupana rü márwa inanawe̱x i norü pora, rü nachixü̃anegüxü̃ namuü̃xẽxẽ. Rü nanamu nax nagu napogüexü̃ca̱x ya Canaáü̃arü ĩanegü ya meama ípoxegugüne.

Ichaía 23:11 Referans Kwoze

Ínachoxü̃xü̃chiga 14:21

Rü yexguma ga Moiché rü márétügu nawe̱xchacüxü. Rü nüma ga Cori ya Tupana rü yema chütaxü̃gu rü inanaxǘxẽxẽ ga wüxi ga poracü ga buanecü ga éstewaama ne ũcü ñu̱xmata yangunexü̃mare. Rü yemaacü ga yema már rü taxregu niyauxyexü̃chiü. Rü yemaacü nixĩ ga Cori ya Tupana ga yapayechitamaxẽẽãxü̃ ga már.

Ore i mexü̃ ga Cuáü̃ ümatüxü̃ 2:16

Rü yema muxtucugümaxã taxegüxü̃xü̃ ñanagürü: —¡Ípeyana i ngẽma perü muxtucugü i nua! Tama name i taxepataü̃xü̃ peyaxĩxẽxẽ ya daa Chaunatüpata —ñanagürü.

Ore i mexü̃ ga Márcu ümatüxü̃ 11:17

Rü inanaxügü nax nangúexẽẽtaexü̃, rü ñanagürü: —Tupanaarü ore i ümatüxü̃wa rü: “Chopata rü yumüxẽpataxü̃ tá nixĩ naxca̱x i guxü̃ma i nachixü̃anecüã̱xgü”, ñanagürü. Natürü i pema rü ngĩ́ta̱a̱xgüxü̃pataxü̃ peyaxĩxẽxẽ —ñanagürü.

Chacaría 14:21

Rü guxü̃ma i ngẽma buetaregü i Yerucharéü̃wa rü Yudáanewa ngẽxmagüxü̃, rü Cori ya Tupana ya Guxãétüwa Ngẽxmacüarü tá nixĩgü. Rü texé ya naxü̃na Tupanaca̱x imáxẽ, rü yimawa tá tanamuxra i ngẽma namachi i Cori ya Tupanana taxãxü̃. Rü ngẽma ngunexü̃gu rü marü taxũtáma Cori ya Tupana ya Guxãxétüwa Ngẽxmacüpata ya taxü̃newa texé ta̱xacümaxã ngéma tataxe.

Naúü̃ 1:14

Rü Cori ya Tupana rü Nínibearü ãẽ̱xgacüxü̃ ñanagürü: —Cuma rü taxũtáma cuxü̃́ nangema i cutaagü i nüxí cuchicüxü ãẽ̱xgacü ixĩgüxü̃. Rü yima curü tupaucawa ngẽxmagüxü̃ i curü tupananetachicüna̱xãgü rü tá nagu chipogügü. Rü ngẽxma tátama cuxü̃ chata̱x, erü cuma rü wüxi i duü̃xü̃ i chixexü̃arü üruxü̃ quixĩ —ñanagürü.

Echequié 31:16

Rü ngẽxguma chanayuxẽẽgu ya yima ocayiwa rü tá niwa̱x rü tá natagaxüchi. Rü ngẽxguma ngẽmaxü̃ naxĩnüegu i ngẽma nachixü̃anegü rü norü muü̃maxã tá nidu̱xruxe. Rü ngẽma waixü̃mütüü̃wa ngẽxmagüxü̃ i chorü naigü i Edéü̃cüã̱xgü rü ngẽxma tá nayacua̱x nax nangechaxü̃güxü̃. Rü ngẽxgumarüxü̃ tá ta ya yima naigü ya mexẽchigüne i líbanucüã̱x ya mea mepǘnegüne rü ngẽxma tá nayacua̱x nax nangechaxü̃güxü̃.

Echequié 26:10

Rü ngẽxguma Babiróniaanearü ãẽ̱xgacü curü ĩã̱xwa yaxücuxgu nax cuxü̃ yapuxü̃ca̱x, rü ngẽma norü muxü̃ i cowarugü rü tá poraãcüma nanacaixanexẽxẽgü rü ngẽma waixü̃müte̱xe tá guxü̃wama cuétü nangu. Rü ngẽma nax natagatanüxü̃ i norü cowarugü rü carugü rü curü poxeguxü̃tápü̱xgü rü tá niyoyo.

Yeremía 47:7

¿Natürü cumax, Pa Tarax, rü ñuxãcü tá ícuyachaxãchixü̃ ega Cori ya Tupana cuxna ãgagu rü cuxü̃ namuxgu nax naxca̱x ícuyagoõchixü̃ ya ĩane ya Acharóü̃ rü guxü̃ma i ngẽma duü̃xü̃gü i márcutüwa ngẽxmagüxü̃?

Ichaía 25:2

Rü yima ĩanegü rü nutapütagüxü̃ cunanguxü̃xẽxẽ, rü yima ĩanegü ya mea ípoxegugüne rü nagu quipogügü. Rü yima uanügüarü ãẽ̱xgacügüpatagü rü cuyanaxoxẽxẽ rü tagutáma wena marü nimexẽẽgü.

Ichaía 23:3

Rü yema már nüxü̃́ nanatauxchaxẽxẽ nax togü ga nachixü̃anegüxü̃ namaxã nataxegüxü̃ ga norü yemaxü̃gü. Rü yema trigu ga Equítuanewa naxca̱x nataxegüxü̃wa rü taxü̃ ga diẽru nayauxgü.

Ichaía 10:6

Rü choma tá nixĩ i Achíriaanearü ãẽ̱xgacüxü̃ chamuxü̃ nax duü̃xü̃gü i chixexü̃gu maxẽxü̃ca̱x rü wüxi i nachixü̃ane i choxü̃ nuẽẽxü̃ca̱x íyagoõchixü̃ca̱x nax nüxü̃́ nangĩ́xü̃ca̱x rü nüxna napuxü̃ãxü̃ca̱x i norü ngẽmaxü̃gü rü nagu napugüexü̃ca̱x ñoma ĩanearü namagüwa ngẽxmaxü̃ i ãcharaxü̃gu napugüexü̃rüxü̃.

Ichaía 2:19

Rü ngẽxguma Cori ya Tupana inaxügügu nax yaxĩã̱xcüüxẽẽãxü̃ i ñoma i naane, rü ngẽma duü̃xü̃gü i chixexü̃ ügüxü̃ rü norü muü̃maxã tá nutaarü ãxmaxü̃gu rü waixü̃müarü ãxmaxü̃gu nicu̱xgü na̱xcha̱xwa ya Cori ya Tupana ya üünecü rü poraãcü ãũcümacü.

Wiyaegü 71:3

Rü cuma nixĩ i nuta ya tacü ya chorü cu̱xchicaxü̃ quixĩxü̃. Rü guxü̃gutáma cuxü̃tagu charücúxü̃. Rü cuma nixĩ i nüxü̃ quixuxü̃ nax choxü̃ tá ícupoxü̃xü̃. Erü cuma nixĩ i nuta ya tacü ya chorü cu̱xchicaxü̃ quixĩxü̃.

Wiyaegü 46:6

Rü ngẽma nachixü̃anegü rü nügümaxã nanue rü nügü naxãxũnegü. Natürü ngẽxguma Tupana idexagu rü ngẽma ãẽ̱xgacügü rü nidu̱xrue rü ngẽma waixü̃mü rü inachaxichi.

Naanearü ügüchiga 9:25

Rü yemaca̱x Canaáü̃maxã chixexü̃ naxuegu rü ñanagürü: —Canaáü̃tanüxü̃ rü tá naenexẽgütanüxü̃arü mugüruü̃mare nixĩ —ñanagürü.

Ichaía 5:25

Rü ngẽmaca̱x nixĩ ya Cori ya Tupana i norü duü̃xü̃gümaxã nanuxü̃ rü düxwa napoxcueãxü̃. Rü ma̱xpǘnegü rü nidu̱xrugü, rü duü̃xẽgü ya yuexe rü ñoma guxchirerüxü̃ ĩanearü namagu tawoone. Natürü ya Cori ya Tupana rü tama inarüngü̃xmü rü nayadaxẽẽãma nax duü̃xü̃güxü̃ naxãxũnexü̃.

Ichaía 13:13

Rü ngẽxguma tá nawa nanguxgu i ngẽma ngunexü̃ rü choma rü chorü numaxã tá chayadu̱xruxẽxẽ i daxũguxü̃ i naane. Rü chorü nugagu rü ñoma i naane rü tá nixũgachi i nachicawa.

Ichaía 14:26

Rü ngẽma nixĩ i chorü ĩnü i guxü̃ma i nachixü̃anegü i ñoma i naanewa ngẽxmagüxü̃maxã tá chaxüxü̃. Rü daa cho̱xme̱x rü nanaxãxũne i guxü̃ma i nachixü̃anegü —ñanagürü ya Cori ya Tupana.

Ichaía 19:5

Rü ngẽma taxtü i Níru rü tá niiche, rü guxü̃watáma nipatama.

Ichaía 23:10

¡Pa Duü̃xü̃gü i Tárchixcüã̱xgüx, name nixĩ ipenaxügüe nax naanewa pepuracüexü̃ rü pitoegüxü̃, erü ngẽma türe i nawa wapurugü ngugüxü̃ rü marü nataxuma!

Ichaía 50:2

¿Rü ta̱xacüca̱x tama texéxü̃ nua chayangau ga yexguma nua chaxũxgu? ¿Rü yexguma nua ichacagügu rü ta̱xacüca̱x taxúema choxü̃ tangãxü̃? ¿Ẽ̱xna nagu perüxĩnüe nax tama chaporaxü̃ nax togüme̱xẽwa pexü̃ chapuxü̃xü̃? ¿Ẽ̱xna nagu perüxĩnüe nax tama chaporaxü̃ nax pexü̃ íchanguxü̃xẽxẽxü̃ naxme̱xwa i perü uanü? Rü aixcüma pemaxã nüxü̃ chixu rü choma choxü̃́ nangẽxma i pora nax chanamuxü̃ i már rü natügü nax yachegüxü̃ca̱x rü ngẽmaãcü naxnücüane nax yaxĩgüxü̃ca̱x rü choxnigü rü ngearü dexáã́xü̃maxã nayuexü̃ rü yayixexü̃.

Echequié 26:4

Rü ngẽma nachixü̃anegü rü tá nayawa̱xẽxẽgü i ngẽma curü poxeguxü̃tápü̱xgü. Rü ngẽxgumarüxü̃ tá ta nayawa̱xgüxẽxẽ i ngẽma curü dauxü̃taechicagü i poxü̃ruü̃gü. Rü yima curü ĩane rü tá nabáianemare rü nutaxica tá ínayaxü.