Ichaía 23:10 - Tupanaarü Ore

¹⁰ ¡Pa Duü̃xü̃gü i Tárchixcüã̱xgüx, name nixĩ ipenaxügüe nax naanewa pepuracüexü̃ rü pitoegüxü̃, erü ngẽma türe i nawa wapurugü ngugüxü̃ rü marü nataxuma!

Ichaía 23:10 Referans Kwoze

Ichaía 23:14

¡Pa duü̃xü̃gü i wapurugu rüxĩĩĩxü̃ i Tárchixcüã̱xgü rü pexauxe, erü ngẽma Tíruarü türe i nawa pengugüüxü̃ rü marü nataxuma!

Wiyaegü 18:32

Rü Tupana nixĩ ya yimá choxü̃ poraxẽẽcü. Rü yimá nixĩ i yanawe̱xãchixẽẽcü i chaucüma nax taxuwama nachixexü̃ca̱x i chorü maxü̃.

Yox 12:21

Rü nüma ya Tupana rü nanaxãnexẽxẽ i ngẽma nügü írütagüxü̃. Rü nüxna nanayaxu i norü pora i ngẽma ãẽ̱xgacügü i nügü írüporaexü̃.

1 Chamué 28:20

Rü yexguma yema Chamuéarü orexü̃ naxĩnügu ga Chaú, rü poraãcü namaxã naba̱i̱xãchiãxẽ rü yexma niyuãchi rü niwa̱x. Rü naétü rü naturaxü̃ne yerü taguma nachibü ga wüxi ga ngunexü̃ rü wüxi ga chütaxü̃.

Romanos 5:6

Rü yexguma taxucürüwama yigütama imaxẽxẽẽgu, rü nawa nangu nax Tupana yanguxẽẽxü̃ ga yema norü uneta. Rü yexguma nixĩ ga ñoma ga naanewa namuaxü̃ ga Cristu nax pecaduã̱xgüxü̃ca̱x nayuxü̃ca̱x.

Aguéu 2:22

Rü guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü rü tá ichayanaxoxẽxẽ i norü pora. Rü tá nagu chapogü i ngẽma ãẽ̱xgacügüarü tochicaxü̃gü. Rü tá chanangüegutanü i norü carugü i daiwexü̃ wüxigu namaxã i norü ũxẽẽruü̃gü. Rü tá nayue i norü cowarugü wüxigu namaxã i ngẽma nagu ĩxü̃. Rü wüxichigü rü tá naenexẽarü taragu tátama nayu.

Auxexü̃chiga 1:6

Rü yema nax cumexẽchichiréxü̃, Pa Chióü̃x, rü ñu̱xma rü cuxü̃́ inayarüxo. Rü ngẽma curü ãẽ̱xgacügü rü ñoma cowü i nawemüca̱x daugüxü̃rüxü̃ nu ne nanaxĩmare. Rü nibuxmüchire̱x natürü norü uanügüpe̱xegu naturae.

Ichaía 19:7

Rü ngẽma maxẽnecügü i taxtü i Níruxanacüwa rüxügüxü̃, rü guxü̃ma i nanetügü i Nírupechinüwa ngẽxmagüxü̃ rü tá narüñexgü rü nayue.

Ichaía 23:9

Rü Cori ya Tupana ya Guxãétüwa Ngẽxmacü nixĩ i namaxã naxuegucü i ngẽma ñu̱xma namaxã ngupetüxü̃ nax ngẽmaãcü naxãneexẽẽxü̃ca̱x i guxü̃ma i ngẽma duü̃xü̃gü i nügü írütagüxü̃ rü nüxna nax nayauxãxü̃ca̱x i norü pora i ngẽma duü̃xü̃gü i ñoma i naanewa nügü írüporaexü̃.

Ichaía 23:11

Rü nüma ya Cori ya Tupana rü márwa inanawe̱x i norü pora, rü nachixü̃anegüxü̃ namuü̃xẽxẽ. Rü nanamu nax nagu napogüexü̃ca̱x ya Canaáü̃arü ĩanegü ya meama ípoxegugüne.

Echequié 26:18

Rü ñu̱xma nax marü icuyarüxoxü̃ rü ngẽma togü i nachixü̃anegü i már arü ngaicamawa ngẽxmagüxü̃ rü nidu̱xruxe. Rü ngẽma nax marü cutauxchicaxü̃ rü ngẽma capaxũgü i márwa ngẽxmagüxü̃ rü muü̃maxã nanapagü”.