Ichaía 23:1 - Tupanaarü Ore

¹ Ñaa nixĩ i ore i ĩane ya Tíruca̱x ixĩxü̃: Rü yima wapurugü ya Tárchixwa ne ĩxü̃nearü yoragü rü nügümaxã naxauxe, erü ngẽma Tíruarü türe i nawa ínachoü̃xü̃ rü nachixe. Rü ngẽma türe i wapuruarü choü̃chica i nawa wapurugü íchoü̃xü̃xü̃ i ngẽxguma Chíprewa ne naxĩxgu rü marü poraãcü nachixe.

Ichaía 23:1 Referans Kwoze

Naanearü ügüchiga 10:4

Rü Yabáü̃ nanegü nixĩ ga Erichá, rü Tárchix, rü Quitíü̃ rü Rodaníü̃.

Yeremía 47:4

Erü marü nawa nangu i norü ngunexü̃ i nagu tá nayuexü̃ i ngẽma Firitéugü. Rü woo Tíruane rü Chidóü̃anexicatama nixĩ i nüxü̃ íyaxüxü̃ nax nüxü̃ nangü̃xẽẽxü̃, natürü taxũtáma nüxü̃ narüngü̃xẽxẽ. Rü ngẽmaãcü ya Cori ya Tupana rü tá inayanaxoxẽxẽ i ngẽma Firitéugü ga nũcüma capaxũ ga Crétawa ne ĩxü̃ —ñanagürü.

Yeremía 25:22

Rü yema copuwa chayaxaxexẽẽgü ga guxü̃ma ga Tíruanearü ãẽ̱xgacügü rü Chidóü̃anearü ãẽ̱xgacügü, rü norü ãẽ̱xgacügü ga yema nachixü̃anegü ga Már Mediteráneuwa ügüxü̃ ga Dedáü̃tanüxü̃, rü Temátanüxü̃, rü Búxtanüxü̃, rü ñu̱xũchi guxü̃ma ga yema duü̃xü̃gü ga nügü ibáixpü̱xüerugüxü̃.

Ichaía 2:16

Rü Tupana rü taxũtáma namaxã nataãxẽ i ngẽma nügü icua̱xüü̃güxü̃ rü nügügu rüxĩnüexü̃ nax ñoma Tárchixarü wapurugürüxü̃ yaporaxü̃ rü naigü ya wapurugü ya imexẽchínerüxü̃ yaporaxü̃.

Yeremía 2:10

¡Rü ẽcü ngẽma nachixü̃anegü i yáxü̃wa ngẽxmagüxü̃wa pexĩ, rü peyangugü rü aixcüma ngẽma nachixü̃anecüã̱xgü rü norü tupanachicüna̱xãxgüxü̃ naxoe, ngẽma pema choxü̃ nax pexoexü̃rüxü̃! Rü woo ngẽma capaxũgü i oéstewa ngẽxmagüxü̃wa pexĩxgu, rüe̱xna Quedáxarü chianexü̃ i éstewa ngẽxmaxü̃wa pexĩxgu, rü ngéma rü taxũtáma nüxü̃ ipeyangau nax ngẽma nachixü̃anecüã̱xgü norü tupanachicüna̱xãxgüxü̃ naxoexü̃ woo tama aixcüma Tupanaxü̃chi nax yixĩxü̃. Natürü i pema i chorü duü̃xü̃gü nax pixĩgüxü̃ rü woo perü Tupana ya üünecü nax chixĩxü̃ rü choxü̃ pexoe naxca̱x i ngẽma tupananetachicüna̱xãgümare i taxuwama mexü̃.

Ichaía 23:12

Rü ĩane ya Chidóü̃xü̃ ñanagürü: —¡Pa Ĩane ya ñoma wüxi i paxü̃ i chixri maxü̃xü̃rüxü̃ nax quixĩxü̃, rü marütama nax petagu icurüxã́ũxü̃! Rü woo tá Chíprewa naxĩ i curü duü̃xü̃gü nax ngẽxma nüxü̃ yanangümaexü̃ca̱x i norü guxchaxü̃gü, natürü ngẽxma rü ta rü tagutáma taãẽxü̃ nayangaugü —ñanagürü.

Nüxíraxü̃xü̃ ga popera ga ãẽ̱xgacügüchiga 22:48

Rü Yochapáx rü Tárchixcüã̱x ga wapurugü ínaxüxü̃ nax gumagügu úiruca̱x Ofíanewa naxĩxü̃ca̱x. Natürü tama yéma nangugü yerü Echióü̃-guébegu rü inayi ga guma wapurugü.

Nüxíraxü̃xü̃ ga popera ga ãẽ̱xgacügüchiga 10:22

Rü gumá norü wapurugü ga ãẽ̱xgacü ga Charomóü̃ rü Iráü̃arü wapurumaxã tomaepü̱x ga taunecüguwena wüxicanatama Tárchixwa naxĩĩxü̃. Rü yéma ne nananaxü̃ü̃xü̃ ga úiru rü diẽrumü rü marfí rü naeü̃gü ga õmegü rü pirugü.

Danié 11:30

Erü churaragü i wapurugu Oéstewa ne ĩxü̃ tá naxca̱x ínayaxüãchi i ngẽma Nórteanearü churaragü. Rü ngẽmamaxã tá naba̱i̱xãchie rü norü muü̃maxã tá nibuxmü. Rü ngẽmaca̱x i ngẽma Nórteanearü ãẽ̱xgacü rü norü numaxã tá chixexü̃ naxü namaxã i ngẽma Tupanaarü duü̃xü̃gü i Iraétanüxü̃. Natürü ngẽma Iraétanüxü̃ i Tupanana ixĩgachixü̃ rü tá ngẽma ãẽ̱xgacüétüwa naxügü.

Echequié 26:1

Rü yexguma 11 ga taunecü ínguxgu nax toxü̃ yagagüxü̃ ga Babiróniaanearü ãẽ̱xgacü, rü gumá nüxíraü̃cü ga tauemacüarü nüxíraxü̃ ga ngunexü̃gu rü Tupana rü chomaxã nidexa rü ñanagürü choxü̃: —Pa Yatüx, ngẽma Tírucüã̱xgü rü Yerucharéü̃cüã̱xgüxü̃ nacugüe rü ñanagürügü: “Yima ĩane ya taxü̃ne ya Yerucharéü̃ ya guxü̃ma nawa taxegüne rü guxchawa nangẽxma. Rü ngẽmaca̱x i ñu̱xmax i yixema rü tá yoxniẽgü nax idiẽruã̱xgüxü̃!” ñanagürügü.

Yeremía 25:15

Rü Cori ya Iraétanüxü̃arü Tupana rü choxü̃ ñanagürü: —Pa Yeremíax, dücax i ñaa copu i changexü̃ i bínumaxã ããcuxü̃. Rü yima bínu rü chorü nuchiga nixĩ. ¡Rü choxna nayaxu i ñaa copu i bínumaxã ããcuxü̃ rü yimá bínuwa yaxaxegüxẽxẽ i guxü̃ma i ngẽma nachixü̃anegü i natanüwa cuxü̃ chamuxü̃!

Ichaía 24:10

Rü yima ĩane ya duü̃xü̃gü noxri chixexü̃gu maxẽxü̃ nawa maxẽne rü ñu̱xma rü nangeãcu rü narüwãtagü ya ĩpatagü nax taxúema texe nagu ücuxü̃ca̱x.

Ichaía 15:8

Rü guxü̃ma i Moátanüxü̃arü naanewa rü nüxü̃ taxĩnü nax duü̃xü̃gü ngü̃xẽẽca̱x ínacagüxü̃. Rü ngẽma naga nax naxauxexü̃ i ngẽma duü̃xü̃gü rü ñu̱xmata ĩane ya Egraíü̃gu rü ĩane ya Beéx-eríü̃gu nüxü̃ taxĩnü.

Wiyaegü 48:7

Rü nüma ya Tupana rü wüxi ya tacü ya buanecü ya éstewaama ne namuãcümaxã nagu napogü ya yima Tárchixcüã̱xarü wapurugü.

Norü taxre ga to ga popera ga ãẽ̱xgacügüchiga ümatüxü̃ 9:21

Rü nüma ga ãẽ̱xgacü ga Charomóü̃ rü nüxü̃́ nayexma ga norü wapurugü ga Tárchixwa ĩĩxü̃ne. Rü Iráü̃arü duü̃xü̃gü nixĩ ga namaxã icua̱xgüxü̃. Rü wüxichigü ga tomaepü̱x ga taunecüguwena ínangugüxü̃ rü yéma ne nanana ga úiru, rü diẽrumü, rü marfí, rü naeü̃gü rü pirugü ga meruxü̃gü.

Nüxíraxü̃xü̃ ga popera ga ãẽ̱xgacügüchiga 5:1

Rü yexguma Iráü̃ ga ĩane ga Tíruarü ãẽ̱xgacü nüxü̃ cua̱xgux ga Charomóü̃ rü nanatü ga Dabíchicüxü ãẽ̱xgacü nax yixĩxü̃, rü nüma ga Iráü̃ rü yéma Charomóü̃xü̃tawa nanamugü ga norü ngü̃xẽẽruü̃gü nax nüxü̃ namoxẽxü̃ca̱x, yerü guxü̃guma Dabíxü̃ nangechaü̃.

Yochué 19:29

Rü yéma rü yexma ínayapo ga norü üyeane rü Ramáwaama nada ñu̱xmata ĩane ga Tíru ga meama ípoxegunewa nada. Rü yéma rü Ocháwaama nada rü Már Mediteráneuwa inayarügo. Rü namaxã nanangauxẽxẽ ga 22 ga ĩanegü namaxã ga norü ĩanexacügü. Rü yema ĩanegütanüwa nayexma ga Maaréx, rü Achíx, rü Umá rü Aféx rü Reóx. Rü yema nixĩ ga naane ga Achétücumüarü duü̃xü̃güna üxü̃ norü ĩanegümaxã rü norü ĩanexacügümaxã.

Iraétanüxü̃arü muxchiga 24:24

Rü Chípreanewa tá ne naxĩ ya wapurugü, rü guxü̃netáma ya Achíriaanearü ĩanegügu rü Ébeanearü ĩanegügu rü tá napogüe —ñanagürü.

Ore i mexü̃ ga Luca ümatüxü̃ 10:13

Rü wüxi i ngechaü̃ nixĩ i pexca̱x, Pa Corachíü̃cüã̱x rü Bechaídacüã̱x i Duü̃xü̃güx. Yerü yexguma chi Tíruarü ĩanewa rü Chidóü̃arü ĩanewa chanaxüxgu ga yema mexü̃gü ga cua̱xruü̃gü ga Tupanaarü poramaxã petanüwa chaxüxü̃, rü woo nax poraãcü yachixexü̃ ga yema Tírucüã̱x rü Chidóü̃cüã̱x ga duü̃xü̃gü rü nũxcümama chitama nüxü̃ narüxoe ga nacüma ga chixexü̃, rü poraãcü chi nügümaxã nangechaü̃gü rü naxauxe, yerü chi nügü nicua̱xãchitanü nax yapecaduã̱xgüxü̃.

Ichaía 23:6

Rü ngẽma Equítuanecüã̱xgü rü tá ngẽma duü̃xü̃gü i wapuruãcuxü̃ ñanagürügü tá: —Name nixĩ i Tárchixca̱x pewoegu nax ngéma peyaxauxexü̃ca̱x —ñanagürügü tá.

Echequié 27:6

Rü yima cuxẽ̱xmügü rü Bacháü̃wáü̃güxü̃ ga roblenaxca̱x nixĩgü. Rü ngẽma mürapewagü i namaxã cutüétüxü̃ rü Chíprewaü̃güxü̃ i nainaxca̱x nixĩ. Rü guxü̃ma i ngẽma rü marfíxmaxã nanga̱xãẽgü.

Echequié 27:30

Rü nümagü rü tá tagaãcü norü ngechaü̃maxã cuxca̱x naxauxe rü waixü̃müte̱xemaxã tá nügü nagüerugü. Rü tanimacate̱xegu tá nidixgü.

Yoná 1:3

Natürü nüma ga Yoná rü tama Tupanaga naxĩnü, rü naxca̱x nadau nax ñuxãcü naxcha̱xwa yaxũxü̃. Rü yemaca̱x Yópearü türewa naxũ, rü yexma nüxü̃ inayangau ga wüxi ga wapuru ga ixũãchichaxü̃ne ga Tárchixwa ũxũne. Rü gumawa nanaxütanü nax yexma yaxũxü̃ca̱x.