Ichaía 22:4 - Tupanaarü Ore

⁴ Rü ngẽmaca̱x i choma rü pemaxã nüxü̃ chixu rü ñachagürü: “¡Choxna pixĩgachitanü, erü chorü ngechaü̃maxã tá chaxaxu nagagu i ngẽma taxü̃ i guxchaxü̃ i chorü ĩanemaxã ngupetüxü̃! Rü tama chanaxwa̱xe nax texé choxü̃ taãẽxẽẽxü̃”, ñachagürü.

Ichaía 22:4 Referans Kwoze

Yeremía 9:1

Choma rü ngunecü rü chütacü naxca̱x chaxauxecha i ngẽma chorü duü̃xü̃gü i yuexü̃. Rü chierü ñoma wüxi i dexá i íchuxchuechaxü̃rüxü̃ yixĩxgu i chauxgüxü̃etü.

Ore i mexü̃ ga Matéu ümatüxü̃ 2:18

“Ramáwa nüxü̃ taxĩnü i wüxi i naga i poraãcü ngechaü̃gaãcüma axuxü̃. Rü Raqué iyixĩ i ngĩxacügüca̱x poraãcü axuxcü. Rü tama inaxwa̱xe nax texé ngĩxü̃ taãẽxẽẽxü̃, erü nayue i ngĩxacügü”, ñanagürü ga yema ore.

Miquéa 1:8

Rü Miquéa rü ñanagürü ta: —Ngẽmaca̱x taxü̃ i chorü ngechaü̃maxã tá chaxaxu, rü ngearü chapatuã́xẽ rü ngexchiruxe tá chixũ, rü airu i dauxchitacüã̱xrüxü̃ tá chaxaxu rü ngẽma abetrúxacürüxü̃ aita tá chaxü.

Yeremía 31:15

Rü nüma ya Cori ya Tupana rü ñanagürü: —Ĩane ya Ramáwa nüxü̃ taxĩnüe nax poraãcü naxauxexü̃ i duü̃xü̃gü. Rü ngẽma rü Raquétanüxü̃ nixĩ i naxacügüca̱x auxexü̃ erü marü nayue i nanegü rü naxacügü. Rü ngẽmaca̱x i ngẽma Raquétanüxü̃ rü tama nanaxwa̱xe nax texé nataãẽxẽẽgüxü̃.

Yeremía 13:17

Rü ngẽxguma taxũtáma ipexĩnüegu i ngẽma pemaxã nüxü̃ chixuxü̃, rü choma rü chaxica tátama chaxaxu nagagu nax pegü picua̱xüü̃güxü̃. Rü chauxetüwa tá inarüyaegü i ngẽma chauxgüxü̃etü, erü perü uanügü rü tá pexü̃ ínayauxü̃ rü tá pexü̃ nigagü i pemax nax Cori ya Tupanaarü duü̃xü̃gü pixĩgüxü̃ —ñanagürü ga Yeremía.

Wiyaegü 77:2

Rü ngẽma ngunexü̃ i guxchaxü̃wa changexmagu rü Tupanaca̱x chadau. Rü taguma nüxü̃ charüchau nax chaxunagüme̱xẽãcüma chütacü chayumüxẽxü̃. Natürü woo ngẽmaãcü chayumüxẽgu rü taguma chataãxẽ.

Ore i mexü̃ ga Luca ümatüxü̃ 19:41

Rü yexguma Yerucharéü̃arü ngaicamana nanguxgu ga Ngechuchu, rü gumá ĩaneca̱x naxaxu.

Ore i mexü̃ ga Matéu ümatüxü̃ 26:75

Rü nüma ga Pedru rü yexguma nüxna nacua̱xãchi ga yema ore ga Ngechuchu namaxã nüxü̃ ixuxü̃ ga ñaxü̃: “Rü naxü̃pa nax ota ica̱xaxü̃, rü cuma rü tomaepü̱xcüna tá cugü quixã nax chorü duü̃xü̃ quixĩxü̃”, ñaxü̃. Rü ínaxũxũ ga Pedru rü poraãcüxüchima naxaxu.

Yeremía 8:18

Rü ngẽma ngúxü̃ i chingexü̃ rü nangearü üxüxü̃ã̱x, rü yima chorü maxü̃ne rü natura.

Yeremía 6:26

Rü yexguma ga choma rü ñachagürü: —¡Pa Chorü Duü̃xü̃güx, ẽcü naxchiru i témüxü̃gu picu̱xgü nax ngẽmaãcü penawéxü̃ca̱x nax ngúxü̃ pingegüxü̃! ¡Rü tanimacate̱xegu pidixgü! ¡Rü pingechaü̃gü, rü taxü̃ i perü ngechaü̃maxã pexauxe ñoma nügümaxã wüxicáxü̃ i tane yu̱xgurüxü̃! Erü ngẽma tá tüxü̃ yadaixü̃ rü paxa tá nua tatanüwa nangugü —ñachagürü.

Yeremía 4:19

Rü ngúxü̃maxã chaugü íchaxã̱ũ̱x. Rü chorü maxü̃ne rü poraãcü nixĩã̱xcüxü. Rü choma rü chanaxĩ̱xãchiãxẽ, rü taxucürüwama changea̱xmare. Rü nüxü̃ chaxĩnü ya cornéta nax daica̱x duü̃xü̃güca̱x nangemaxü̃, rü nüxü̃ chaxĩnü nax tagaãcü nügü nada̱i̱xü̃.

Ichaía 33:7

Dücax, ñuxãcü ĩanearü namagüwa aita naxüexü̃ i ngẽma Iraétanüxü̃arü churaragüerugü, rü ñuxãcü norü ngechaü̃maxã naxauxexü̃ i ngẽma ãẽ̱xgacüarü orearü ngeruü̃gü i Achíriaanecüã̱xgüxü̃ rüngüxmüxẽẽchaü̃güxü̃.

Ichaía 15:3

Rü duü̃xü̃gü rü naxchiru i técharaxü̃maxã ĩanearü namagu naxĩ. Rü ĩpatagüétüwa rü duü̃xü̃gü rü taxü̃ i norü ngechaü̃maxã aixta naxüe. Rü ĩanearü plazagüwa rü guxü̃ma i duü̃xü̃gü rü norü ngechaü̃maxã poraãcü naxauxe.

Yeremía 9:18

¡Rü paxãma nua naxĩ, rü taxca̱x nua yaxauxe nax ngẽmaãcü i yíxema rü ta ixauxexü̃ca̱x rü taxgüxü̃xetümaxã napaxü̃ca̱x ya taxetügü rü tachipaxetügü!

Auxexü̃chiga 2:11

Rü poraãcüxüchima chaxaxu rü ngẽmaca̱x marü düxwa chagúxgüxü̃xetü. Rü ngẽma nax poraãcü changechaü̃xü̃ rü chauremüwa nangu̱x. Rü nataxuma i chorü taãxẽ yerü chorü ĩane rü marü nagu napogü. Rü woo ya õxchanagü ya maixe rü taiyamaxã yima ĩanearü namagügu tayue.

Echequié 27:31

Rü norü ngechaü̃maxã tá nügü nidüpü̱xüerugü. Rü tá ngechaü̃chirugu nicu̱xgü. Rü norü ngechaü̃maxã tá poraãcü cuxca̱x naxauxe.

Ester 4:1

Rü yexguma Maduquéu nüxü̃ cua̱xgu ga yema unagüxü̃ rü nügü narügáutechiru yerü poraãcü nangechaü̃. Rü yemaca̱x témüxü̃ ga naxchirugu nicu̱x rü tanimacamaxã nügü nagüeru. Rü guma ĩanegu ínayaxüegu rü tagaãcü aita naxü norü ngechaü̃maxã.

Echequié 21:11

Rü marü nawaixmagu rü marü nanaitachinü rü marü ínamemare nax ngẽma máetawa̱xexü̃na ngĩxü̃ chaxãxü̃ca̱x.