Ichaía 22:25 - Tupanaarü Ore

²⁵ Natürü wüxi i ngunexü̃ rü Eriaquíü̃ rü tá ta guxchaxü̃ naxca̱x ínangu rü tá ínamuxũchi i norü puracüwa. Rü ngẽxma tá inayarüxo i norü pora rü ngẽxma tá nayacua̱x i norü ngü̃xẽxẽ naxca̱x i guxü̃ma i ngẽma duü̃xü̃gü i nüxü̃́ yaxõgüxü̃” —ñanagürü ya Cori ya Tupana ya Guxãétüwa Ngẽxmacü.

Ichaía 22:25 Referans Kwoze

Ichaía 46:11

Rü choma rü éstewa naxca̱x chaca i Pérchiaarü ãẽ̱xgacü i Chíru. Rü nüma rü tá yáxü̃wa ne naxũ nax naxüaxü̃ca̱x i ngẽma choma nagu charüxĩnüxü̃. Rü nüma rü ñoma ĩyü i poraxüchixü̃rüxü̃ tá nixĩ. Rü choma rü ngẽma nüxü̃ chixuxü̃ãcü tá chanaxü.

Miquéa 4:4

Rü guxãtáma taxũtáma muü̃eãcü tamaxẽ. Rü wüxíechigü rü tá tümaarü úbapechitagu, rü tümaarü igunecüpechitagu tarüngü̃. Rü ñaa ore rü noxrütama nixĩ ya yimá Cori ya Tupana ya Guxãétüwa Ngẽxmacü.

Ichaía 22:23

Rü nüma rü nanatütanüxü̃ca̱x rü taxü̃ i ãẽ̱xgacü tá nixĩ rü namaxã tá nataãẽgü. Rü choma rü ngẽma norü puracüwa tá chanangexmaechaxẽxẽ, ñoma wüxi i itapua i mürapewawa ipocuchixü̃rüxü̃.

Wiyaegü 146:3

¡Rü taxṹ i nagu cuyaxõxü̃ i yatügü i nügü nüxü̃ cua̱xẽxẽxü̃! Erü nümagü rü duü̃xü̃gümare nixĩgü rü tama maxü̃ tüxna naxã.

Echequié 5:17

Rü aixcüma pexca̱x tá íchananguxẽxẽ i taiya rü da̱xaweane rü yu. Rü ngéma tá chanamugü i aigü i pexacügü tüxü̃ ngõ̱xcuxü̃. Rü ngẽxgumarüxü̃ ta ngéma tá chanamugü i perü uanügü nax daigu peyuexü̃ca̱x. Rü choma ya Cori ya Tupana nixĩ i chanaxunagüxü̃ i ngẽma’ ” —ñanagürü.

Echequié 5:15

Rü ngẽxguma chorü numaxã perü chixexü̃gagu taxü̃ i poxcumaxã pexü̃ chapoxcuegu, rü guxü̃ma i ngẽma togü i duü̃xü̃gü rü tá pemaxã naguxchigagü rü pexü̃ nacugüe. Rü guxü̃ma i ngẽma togü i nachixü̃anegü i pexna ngaicamaxü̃arü dauxcüraxü̃ruxü̃ tá pixĩgü. Rü choma ya Cori ya Tupana nixĩ i nüxü̃ chixuxü̃ i ngẽma.

Echequié 5:13

Rü choma rü chorü numaxã tá chanapoxcue, rü ngẽxgumaxica tá nixĩ i charüngüxmüxü̃. Rü nawena nax chorü numaxã ngẽma duü̃xü̃güxü̃ chapoxcuxü̃, rü tá nüxü̃ nicua̱xãchitanü nax choma ya Cori ya Tupana chixĩxü̃ ga chorü numaxã namaxã chanaxueguxü̃ ga yema poxcu.

Yeremía 4:28

Rü ngẽma naane rü ngechaü̃maxã tá nayapa, rü dauxü̃wa rü tá naxẽane. Rü ngẽma nixĩ i nüxü̃ chixuxü̃ i nagu charüxĩnüxü̃ rü ngẽmaca̱x taxũtáma nüxü̃ charüchau nax chayanguxẽẽxü̃ i ngẽma poxcu. Rü taxũtáma chanangexrü nax chanaxüxü̃ i ngẽma —ñanagürü.

Ichaía 48:15

Rü choma nixĩ i Chírumaxã nüxü̃ chixuxü̃ rü naxca̱x changemaxü̃ nax nua naxũxü̃ca̱x. Rü ngextá nüma ínaxũxü̃wa rü tá narüporamae.

Wiyaegü 52:5

Natürü nüma ya Tupana rü ngẽmaca̱x tá cuxü̃ inayanaxoxẽxẽ, rü tagutáma ngẽmawa ícunguxuchi. Rü tá cupatawa cuxü̃ ínata̱xüchi, rü tá cuxna nanayaxu i curü maxü̃.

Ichaía 22:24

Rü naxme̱xwa tá nangẽxmagü i guxü̃ma i ngẽmaxü̃gü i nanatütanüxü̃arü rü nataagüarü ixĩgüxü̃. Rü woo i naguxü̃raxü̃ i íxraxü̃ i naxpáü̃gü rü copugü rü ñu̱xmata naguxü̃raü̃xü̃ i baeruü̃gü rü naxme̱xwa tá nangẽxmagü.