Ichaía 22:21 - Tupanaarü Ore

²¹ Rü ngẽma naxchiru i máxpaxü̃gu tá chayacu̱xẽxẽ, rü namaxã tá chayagoye i ngẽma curü goyexü̃, rü nüxna tá chanaxã i ngẽma puracü i ñu̱xma cuxü̃́ ngẽxmaxü̃. Rü nüma i Eriaquíü̃ rü ñoma wüxi ya nanatürüxü̃ tá nixĩ naxca̱x i Yerucharéü̃arü duü̃xü̃gü rü guxü̃ma i Yudáanearü duü̃xü̃gü.

Ichaía 22:21 Referans Kwoze

Naanearü ügüchiga 45:8

Rü ngẽmaãcü Tupana nixĩ i ñaa nachicawa choxü̃ mucü, rü tama nixĩ i pema yixĩxü̃ i nua choxü̃ pemuxü̃. Rü nüma nixĩ i nua choxü̃ namuxü̃ nax Faraóü̃arü ucu̱xẽruxü̃ chixĩxü̃ca̱x, rü guxü̃ma i napatacüã̱xmaxã ichacuáxü̃ca̱x, rü ñu̱xũchi Equítuanearü ãẽ̱xgacü nax chixĩxü̃ca̱x.

Ester 8:15

Rü yema ngunexü̃ ga nagu naxunagüxü̃ ga yema mu, rü nüma ga Maduquéu rü nagu nicu̱x ga ãẽ̱xgacüchiru ga cómüxü̃ rü yáuxü̃. Rü nügü natüãtü namaxã ga wüxi ga tüãtüruxü̃ ga línuchinaxca̱x ga dauxracharaxü̃. Rü nügüeruwa nayanga̱xcuchi ga wüxi ga nga̱xcueruxü̃ ga úirunaxca̱x. Rü yemaacü ínaxũxü̃ ga ãẽ̱xgacüpatawa. Rü guxü̃ma ga duü̃xü̃gü ga Chúchacüã̱x rü tagaãcü nüxü̃ nicua̱xüü̃gü.

Ester 8:2

Rü yexguma ga nüma ga ãẽ̱xgacü rü ngĩxü̃ ínangoxochi ga norü ãnera ga Amáü̃na ngĩxü̃ nayaxu̱xcü. Rü Maduquéuna ngĩxü̃ naxã. Rü ngĩma ga Ité rü Maduquéuxü̃ ixuneta nax namaxã inacuáxü̃ca̱x ga yema yemaxü̃gü ga Amáü̃arüchire̱x ixĩxü̃.

1 Chamué 18:4

Rü ñu̱xũchi nüma ga Yonatáü̃ rü ínacuxuchi ga yema napa̱x ga nagu yacu̱xuuxü̃ rü Dabína nanaxã wüxigu namaxã ga yema norü tara rü norü würa rü norü goyexü̃.

Yox 29:16

Rü choma rü ñoma tümanatürüxü̃ chixĩ tümaca̱x ga guxema ngearü diẽruxã̱xgüe. Rü tümarü poxü̃ruxü̃ chixĩ tümaca̱x ga guxema to ga nachixü̃anewa ne ĩxẽ.