Ichaía 22:2 - Tupanaarü Ore

² Daa ĩane ga noxri ocaü̃maxã yapaxü̃ne rü ñu̱xma duü̃xü̃gü i yuexü̃maxã nanapa. Natürü tama taramaxã nanadai rü tama daigu nayue.

Ichaía 22:2 Referans Kwoze

Ichaía 32:13

Rü chauchixü̃anearü naanegüwa rü tá narüxügü i tuxugü rü chixexü̃ i maxẽgü. Rü yima ĩane ga noxri taãxẽ nawa yexmanewa rü guxü̃nema ya ĩpatagü ga noxri taãxẽ nawa yexmanewa rü tuxugü rü maxẽgü i chixexü̃ tá nawa narüxügü.

Auxexü̃chiga 2:20

¡Dücax, mea nagu rüxĩnü Pa Corix, nax cuma rü taguma texémaxã ngẽma cuxüxü̃! ¿Ẽ̱xna cunaxwa̱xe nax mamagü rü naxacügü ya tüxü̃ namaigüxemaxã naxãwemügüxü̃? ¿Ẽ̱xna cunaxwa̱xe nax curü chacherdótegü rü curü orearü uruü̃gü cupatagu nadaiaxü̃?

Yeremía 14:18

Rü ngẽxguma tá naanewa chaxũxgu, rü tá nüxü̃ chadau i ngẽma daigu yuexü̃ i duü̃xü̃gü. Rü ngẽxguma ĩanegu chaxücugu, rü tá nüxü̃ chadau i duü̃xü̃gü i taiyamaxã iyuetanüxü̃. Rü woo ngẽma orearü uruü̃gü, rü ngẽma chacherdótegü rü wüxi i nachixü̃ane i tama nüxü̃ nacua̱xgüxü̃wa tá nanagagü” —ñanagürü.

Ichaía 23:7

Rü ĩane ya Tíru nixĩ ga nũxcümaxü̃ne ga ĩane ga duü̃xü̃gü guxü̃guma taãẽgu nawa irüchoxü̃ne. Rü ngẽma ĩanecüã̱x ga duü̃xü̃gü nixĩ ga yáxü̃arü naanewa ne ĩxü̃ nax yexma yaxãpatagüxü̃ca̱x.

Yeremía 52:6

Rü gumá taunecüarü ãgümücüarü tauemacüarü 9 ga ngunexü̃gu rü poraãcü taiya ínangu ga guma ĩanewa. Rü duü̃xü̃gü rü nüxü̃́ nataxuma ga õna.

Yeremía 38:2

—Nüma ya Cori ya Tupana rü ñanagürü: “Texé ya ĩanegu rüxã́ũxe rü tá tayu nagu i dai, rüe̱xna taiyamaxã tayu, rüe̱xna da̱xaweanemaxã tayu. Natürü yíxema daa ĩanewa ixũxũxe rü Babiróniaanecüã̱xna tügü ãxe rü taxũtáma tayu”.

Ichaía 37:36

Rü yematama chütaxü̃gu rü wüxi ga daxũcüã̱x ga Tupanaarü orearü ngeruxü̃ rü nanadai ga 185,000 ga churaragü ga Achíriaanecüã̱x. Rü yexguma yangunegu rü guxü̃ma nayue.

Ichaía 37:33

Rü ñaa nixĩ ya Cori ya Tupanaarü ore i Achíriaanearü ãẽ̱xgacüchiga, rü ñanagürü: —Taxũtáma Yerucharéü̃gu naxücu rü bai tá wüxi i naxne tá inamaxü̃. Rü norü churaragü rü taxũtáma norü poxü̃ruü̃maxã naxca̱x ínayaxüãchi rü taxũtáma yima ĩanearü poxeguxü̃gütapü̱xwa waixü̃mü nügüca̱x nagünagü nax ngẽmawa nachocuxü̃ca̱x.

Ichaía 10:4

Rü ngẽxguma tama perü uanügüme̱xẽwa pegü pengexmaxẽẽgu nax to i nachixü̃anewa pexü̃ nagagüxü̃ca̱x, rü tá pexü̃ nadai. Rü woo ngẽmaãcü napoxcueãxü̃ ya Cori ya Tupana, natürü tama Iraétanüxü̃maxã inarüngü̃xmü, rü yexeraãcü nayaxãxũnechigüama.

Ichaía 32:14

Rü yima ãẽ̱xgacüpata rü ngéma tá nata̱xmare. Rü yima ĩane ga noxri muxü̃ma i duü̃xü̃gü nawa maxẽne rü tá nachianemare. Rü ngẽma norü poxeguxü̃tápü̱xgü rü guxü̃gutáma ngéma nawogümare. Rü ngéma rü taãẽãcü tá namaxẽ i búrugü i tama iyapuexü̃ rü ñu̱xũchi ngéma tá nachibüe i naxü̃nagü.

Auxexü̃chiga 1:1

Ñu̱xma rü nangeãcumare ya daa ĩane ya Yerucharéü̃ ga ü̃pa muãcuchiréne. Rü ñoma wüxi i ngexü̃ i yutexü̃rüxü̃ nixĩ ya daa ĩane ga guxü̃nema ga Yudáanearü ĩanegüétüwa üchiréne. Rü guma ĩane ga tachirénearü duü̃xü̃gü rü ñu̱xma rü norü uanügüme̱xẽwa nangẽxma nax ngẽmagü poraãcü napuracüexẽẽxü̃ca̱x.

Echequié 22:5

Rü ngẽma nachixü̃anegü i ngaixcamagüxü̃ rü yáxü̃gugüxü̃ rü tá cuxü̃ nacugüe, erü cutachiga namaxã nax naxchicüna̱xãgü quicua̱xüxü̃xü̃ rü guxü̃ma i ngẽma togü i chixexü̃ i cuxüxü̃.

Chofonía 2:15

Rü ngẽma tá nüxü̃ nangupetü ya yima ĩane ya nügü írütaxü̃ne rü norü poragu yaxõxü̃ne. Rü ngẽma duü̃xü̃gü i nawa maxẽxü̃ rü ñaãcü nidexagü rü ñanagürügü: “Taxuxü̃ma i nachixü̃ane i ñoma i naanewa ngẽxmaxü̃maxã nawüxigu i tochixü̃ane”, ñanagürügü. Natürü yima ĩane rü tá nangeãcu rü ngẽmaca̱x naeü̃gü i idüraexü̃ tá nawa namaxẽ. Rü ngẽma duü̃xü̃gü i norü ngaicamana chopetüxü̃ rü tá nüxü̃ nacugüe rü nanexáerugü.