Ichaía 22:18 - Tupanaarü Ore

¹⁸ Rü ñoma wüxi i perutarüxü̃ tá yáxü̃anewatama cuxü̃ nata̱x. Rü nümagü i ngémacüã̱x rü norü puracüruü̃mare tá cuxü̃ nixĩxẽxẽ rü chixri tá cumaxã inacua̱x rü norü naanewa tá cuxü̃ nata̱x. Rü ngẽxma tá cuyu, rü yimá curü carugü ya ñu̱xma namaxã cugü quicua̱xüxü̃ne rü taxuwatáma cuxü̃́ name. Rü curü ãẽ̱xgacüca̱x rü wüxi i ãne tá quixĩ.

Ichaía 22:18 Referans Kwoze

Ichaía 17:13

Natürü ngẽxguma Cori ya Tupana nüxna puragügu rü tá na̱xcha̱xwa nibuxmü, rü yáxü̃wama tá nabuxmü, ñoma wüxi i maxẽ i paxü̃ i buanecü ingexü̃ rü máxpü̱xanexü̃gu yanguxü̃rüxü̃ tá nixĩgü. Rü ñoma buanecü ya tacü rü íxã̱ũ̱xẽmacü i chuxchuxü̃ nawo̱xoxochicü rü yáxü̃wa ngexü̃rüüxü̃ tá nixĩgü.

Amúx 7:17

Natürü i ñu̱xma rü ñaa nixĩ i ngẽma ore i Cori ya Tupana cumaxã nüxü̃ ixuxü̃, rü ñanagürü: “Cuxma̱x rü daa ĩanewa tátama ngexü̃ i ngeãẽxü̃ tixĩ. Rü ngẽma cunegü i iyatüxü̃ rü ñu̱xũchi yíxema cuxacügü ya ingexe rü taramaxã tá tüxü̃ nadai. Rü ngẽma cuanegü rü ngẽma uanügü rü sortéuãcüma tá nügü nayanu. Rü cuma rü duü̃xü̃gü i tama Tupanaxü̃ cua̱xgüxü̃arü nachixü̃anegu tá cuyayu. Rü norü uanügü i ngẽma Iraétanüxü̃ rü Iraéanearü yáxü̃wa tá nanagagü” —ñanagürü ya Cori ya Tupana.

Yox 18:18

Rü ngóonexü̃wa rü tá ínanata̱xüchigü, rü waanexü̃gu tá nanata̱xcuchigü. Rü ñoma i naanewa rü tá ínanata̱xüchigü.

Wiyaegü 52:5

Natürü nüma ya Tupana rü ngẽmaca̱x tá cuxü̃ inayanaxoxẽxẽ, rü tagutáma ngẽmawa ícunguxuchi. Rü tá cupatawa cuxü̃ ínata̱xüchi, rü tá cuxna nanayaxu i curü maxü̃.

Ichaía 22:17

Rü woo cupora nax ãẽ̱xgacüpatamaxã nax cucuáxü̃, natürü Cori ya Tupana rü tá cuxü̃ niyaxu rü tá cuxü̃ ínata̱xüchi i curü puracüwa rü yáxü̃gu tá cuxü̃ naña.