Rü ñu̱xũchi ãẽ̱xgacü ga Echequíaca̱x nangemagü nax namaxã yadexagüxü̃ca̱x. Natürü nüma ga ãẽ̱xgacü rü tama yéma naxũ. Rü nachicüxü yéma nanamugü ga Eriaquíü̃ ga Irichía nane ga ãẽ̱xgacüpatamaxã icuáxü̃, rü Chéna ga ãẽ̱xgacüarü poperana daucü, rü Yoá ga Achá nane ga ãẽ̱xgacüarü ngü̃xẽẽruxü̃ ixĩcü. Rü yéma naxĩ nax yema Achíriaanearü churaragüerumaxã yanadexagüxü̃ca̱x.
Ichaía 22:15 - Tupanaarü Ore15 Rü Cori ya Tupana ya Guxãétüwa Ngẽxmacü rü chomaxã nidexa rü ñanagürü: —¡Naxü̃tawa naxũ i Chéna i ãẽ̱xgacüpatamaxã icuáxü̃ rü ñaa orexü̃ namaxã yarüxu! Gade chapit la |
Ichaía 22:15
12 Referans Kwoze
Rü ñu̱xũchi ãẽ̱xgacü ga Echequíaca̱x nangemagü nax namaxã yanadexaxü̃ca̱x. Natürü nüma ga ãẽ̱xgacü rü tama yéma naxũ. Rü nachicüxü yéma nanamugü ga Eriaquíü̃ ga Irichía nane ga ãẽ̱xgacüpatamaxã icuácü, rü Chéna ga ãẽ̱xgacüarü poperagüna daucü, rü Yoá ga Achá nane ga ãẽ̱xgacüarü ngü̃xẽẽruxü̃ ixĩcü. Rü yéma naxĩ nax yema Achíriaanecüã̱xgümaxã yanadexagüxü̃ca̱x.
Rü nüma ga ãẽ̱xgacü rü nanamu ga Eriaquíü̃ ga ãẽ̱xgacüpatamaxã icuácü rü Chéna ga ãẽ̱xgacüarü poperagüna daucü rü yema chacherdótegü ga rüyamaegüxü̃ nax nümagü rü ta naxchiru ga témüxü̃gu yacu̱xgüxü̃ca̱x. Rü yemaacü orearü uruxü̃ ga Ichaía ga Amú nanexü̃tawa nanamugü nax namaxã nüxü̃ yanaxugüexü̃ca̱x ga yema guxchaxü̃.
Rü nüma ga ãẽ̱xgacü rü nanamu ga Eriaquíü̃ ga ãẽ̱xgacüpatamaxã icuácü rü Chéna ga ãẽ̱xgacüarü poperagüna daucü rü yema chacherdótegü ga rüyamaegüxü̃ nax nümagü rü ta naxchiru ga yaxcüxü̃ rü témüxü̃gu yacu̱xgüxü̃ca̱x. Rü yemaacü orearü uruxü̃ ga Ichaía ga Amú nanexü̃tawa nanamugü nax namaxã yanadexagüxü̃ca̱x rü namaxã nüxü̃ yanaxugüexü̃ca̱x ga ãẽ̱xgacüarü ore ga ñaxü̃: —Ñu̱xma rü wüxi i taxü̃ma i ãũcümaxü̃wa tangexmagü, rü tórü uanügü rü tamaxã naguxchigagü rü tüxü̃ nacugüe. Rü poraãcü ngúxü̃ tingegü ñoma wüxi i ngexü̃ i ngu̱xacüxü̃ rü turaxü̃rüxü̃.
Rü yexguma ga Eriaquíü̃ ga Irichía nane ga ãẽ̱xgacüpatamaxã icuácü rü Chéna ga ãẽ̱xgacüarü poperagüna daucü rü Yoá ga Achá nane ga ãẽ̱xgacüarü ngü̃xẽẽruxü̃ ixĩcü rü nanaxĩ̱xãchiãẽgü rü nügü narügáutechirugü. Rü ãẽ̱xgacü ga Echequíaxü̃tawa naxĩ nax namaxã nüxü̃ yanaxugüexü̃ca̱x ga yema Achíriaanearü churaragüeruarü ore.
Rü yexguma ga Eriaquíü̃ ga Irichía nane ga ãẽ̱xgacüpatamaxã icuácü rü Chéna ga ãẽ̱xgacüarü poperagüna daucü rü Yoá ga Achá nane ga ãẽ̱xgacüarü ngü̃xẽẽruxü̃ ixĩcü rü nanaxĩ̱xãchiãẽgü rü nügü narügáutechirugü. Rü ãẽ̱xgacü ga Echequíaxü̃tawa naxĩ nax namaxã nüxü̃ yanaxugüexü̃ca̱x ga yema Achíriaanearü churaragüeruarü ore.
Rü Echequíaarü ngü̃xẽẽruü̃gü ga Eriaquíü̃, rü Chéna, rü Yoá rü yema Achíriaanearü churaragüeruxü̃ nangãxü̃gagü rü nüxü̃ ñanagürügü: —Cuxna naxca̱x taca nax Araméutanüxü̃gawa tomaxã quidexaxü̃, erü ngẽma nixĩ i nüxü̃ tacuáxü̃. ¡Rü taxṹ i Ebréugawa tomaxã quidexaxü̃ i cumax! Erü guxü̃ma i ngẽma duü̃xü̃gü i ĩanearü poxeguxü̃arü dauxü̃wa irüdaunüxü̃ rü nüxü̃ naxĩnüe —ñanagürügü.
Rü yema ãẽ̱xgacüarü diẽrumaxã icuáxü̃ nixĩ ga Amábe ga Adié nane. Rü Yonatáü̃ ga Uchía nane nixĩ ga namaxã icuácü ga guma ĩpatagü ga ãẽ̱xgacüarü yemaxü̃gü nagu nuxü̃ne ga naanewa yexmagüne, rü ĩanegüwa yexmagüne, rü ĩanexacügüwa yexmagüne, rü yema dauxü̃taechicagü ga Iraéanearü üyeanegüwa yexmagüne.
Rü Eriaquíü̃ ga Irichía nane rü Chéna rü Yoá nanangãxü̃gü ga yema Achíriaanearü churaragüeru rü nüxü̃ ñanagürügü: —Tanaxwa̱xe i Araméutanüxü̃gawa tomaxã quidexa i cumax, erü toma rü nüxü̃ tacua̱x i ngẽma Araméutanüxü̃ga. ¡Rü taxṹ i Ebréugügawa tomaxã quidexaxü̃ i cumax! Erü guxü̃ma i ngẽma duü̃xü̃gü i ĩanearü poxeguxü̃tápü̱xétüwa rüdaunüxü̃ rü nüxü̃ naxĩnüe —ñanagürügü.
Rü yexguma nüma ga ãẽ̱xgacüpataarü yemaxü̃güarü dauruxü̃, rü yema ãẽ̱xgacü ga ĩanemaxã icuáxü̃, rü yema ãẽ̱xgacügü ga iyaexü̃, rü yema Acáx nanegümaxã icua̱xgüxü̃ rü Yeúcax nimugagü rü ñanagürügü: —Toma rü ítamemare nax cuga taxĩnüexü̃. Rü tá tayanguxẽxẽ i guxü̃ma i ngẽma toxü̃ cumuxü̃. Natürü taxúexü̃táma taxuneta torü ãẽ̱xgacüxü̃. Rü ngẽma ta̱xacü i cuxca̱x mexü̃ ¡rü tomaxã naxü! —ñanagürügü.
Piblisite