Ichaía 22:10 - Tupanaarü Ore

¹⁰ Rü yima Yerucharéü̃wa ngẽxmagüne ya ĩpatagü rü nüxü̃ nidaugü, rü nümaxü̃ne ya yima ĩpatagü rü nagu nipogügü nax yima norü nutamaxã namexẽẽgüãxü̃ca̱x i ĩanearü poxeguxü̃tápü̱x.

Ichaía 22:10 Referans Kwoze

Ichaía 22:9

Rü nüxü̃ nadaugü nax muxü̃wama nawüxtexü̃ i Dabíarü Ĩanearü poxeguxü̃tápü̱x. Rü ngẽma dexáchiü̃ i ñaxtügu üxü̃ rü dexámaxã nanaxüãcu.

Ichaía 22:11

Rü ngẽma taxre i ĩanearü poxeguxü̃tapü̱xarü ngãxü̃gu nanaxügü i wüxi i dexápáxü̃ nax ngẽxma nabagüãxü̃ca̱x i ngẽma dexá i nüxíraxü̃xü̃ i dexápaxü̃wa ngẽxmaxü̃. Rü ngẽmaãcü nügü namexẽẽgü norü uanücha̱xwa. Natürü tama nüxna nacua̱xãchie nax Tupana yixĩxü̃ ga nũxcüma nagu rüxĩnücü i ngẽma poxcu i ñu̱xma ínguxü̃.

Wenaxarü naxümatü ga Tupanaarü mugü 32:18

Rü pema, Pa Iraétanüxü̃x, rü nüxü̃ perüngümae ya penatü ya Cori ya Tupana ya perü poxü̃ruxü̃ ixĩcü rü maxü̃ pexna ãcü.

Norü taxre ga to ga popera ga ãẽ̱xgacügüchiga ümatüxü̃ 11:11

Rü wüxichigü ga guma ĩanegüwa nanamexẽxẽ ga naxtapü̱xgü rü yéma nanamugü ga churaragüerugü nax nüxna nadaugüxü̃ca̱x. Rü yéma nanamugü ga nawemügü rü chíxü̃gü rü bínugü.

Ichaía 7:3

Rü yexguma ga Cori ya Tupana rü Ichaíamaxã nidexa rü ñanagürü: —¡Cune ya Cheá-yachúxü̃ igá nax ãẽ̱xgacü ya Acháxmaxã yanadexaxü̃ca̱x! Rü nüma ya Acháx rü yimá puchu ya dauxü̃wa ngẽxmacüwa ne daxü̃ i caxteanearü gu̱xwa nangẽxma. Rü ngẽma ínangexmaxü̃wa rü nüxna nangaicama i ngẽma nama i Naxchiru Íyauxgüxü̃anewa nadaxü̃.

Yeremía 33:4

Erü choma ya Cori ya Iraétanüxü̃arü Tupana rü ñachagürü: ‘Daa ĩanearü ĩpatagü rü yima Yudáanearü ãẽ̱xgacüpatagü rü tá nagu napogüe nax yimá norü nutagümaxã rü omütagümaxã daa ĩanearü poxegutapü̱x namaxã nacaxcugüxü̃ca̱x nax tama ngẽma uanügüarü günagüanexü̃maxã yawa̱xgüxü̃ca̱x i ngẽma norü poxeguxü̃, rü tama ngẽmaãcü ngẽma uanügü i Cadéugü taramaxã nachocuxü̃ca̱x.

Echequié 21:20

¡Rü naxüxchicüna̱xã i ngẽma nama i nagu tá yaxũxü̃ i Babiróniaanearü ãẽ̱xgacü norü taramaxã! ¡Rü naxümatü i naéga i ngẽma nama i Amóü̃tanüxü̃arü ĩane ya Rabáwaama nadaxü̃! ¡Rü ngẽxgumarüxü̃ ta naxümatü i naéga i ngẽma to i nama i Yudáanearü ĩane ya ípoxegune ya Yerucharéü̃waama nadaxü̃!