Ichaía 22:1 - Tupanaarü Ore

¹ Ñaa nixĩ i ore nachiga i Yerucharéü̃arü doxonexü̃ ya Tupana naxca̱x choxü̃ ngo̱xetüxẽẽxü̃ rü choxü̃ nanawe̱x i ngẽma tá ngéma ngupetüxü̃. ¿Ta̱xacüca̱x nixĩ i guxü̃ma i duü̃xü̃gü rü napataétügu naxĩgüxü̃?

Ichaía 22:1 Referans Kwoze

Yeremía 21:13

Rü Cori ya Tupana rü ñanagürü ta: “Pa Ĩane ya Yerucharéü̃x, cuma rü doxonexü̃maxã icucua̱x ñoma wüxi ya nuta ya taxüchicü ya doxonexü̃wa ngẽxmacürüxü̃. Natürü choma ya Cori ya Tupana rü poraãcü cumaxã chanu. Pemax rü ñapegürügü: ‘¿Rü ta̱xacü tá nüxü̃́ natauxcha nax taxca̱x íyaxüãchixü̃? ¿Rü ta̱xacü tá nüxü̃́ natauxcha nax nua tórü cu̱xchicaxü̃wa nangugüxü̃?’ ñaperügügü.

Wiyaegü 125:2

Rü yima ĩane ya Yerucharéü̃ ya ma̱xpǘnegümaxã íxümaeguãchine, rü ngẽxgumarüxü̃ ta i nüma ya Cori ya Tupana rü guxü̃gutáma norü poramaxã ínanapoxexü̃ i norü duü̃xü̃gü.

Joel 3:14

Rü marü muxü̃ma i duü̃xü̃gü ngẽma doxonexü̃gu nangutaque̱xegü, erü marü ningaica i ngẽma ngunexü̃ i nagu Cori ya Tupana tá namaxã naxueguxü̃ i ngẽma nachixü̃anegüarü poxcu.

Joel 3:12

¡Pegü pemexẽxẽgü, Pa Nachixü̃anegüx, rü Yochapáxarü doxonexü̃wa pexĩ! Erü ngéma tá nixĩ i Cori ya Tupana i norü chixexü̃güca̱x nüxna naca̱xaxü̃ i guxü̃ma i ngẽma nachixü̃anegü i Iraéanena ngaicamagüxü̃.

Ichaía 15:3

Rü duü̃xü̃gü rü naxchiru i técharaxü̃maxã ĩanearü namagu naxĩ. Rü ĩpatagüétüwa rü duü̃xü̃gü rü taxü̃ i norü ngechaü̃maxã aixta naxüe. Rü ĩanearü plazagüwa rü guxü̃ma i duü̃xü̃gü rü norü ngechaü̃maxã poraãcü naxauxe.

Romanos 3:2

Rü poraãcüxüchima tüxü̃́ name nax Yudíugü ixĩgüxü̃. Yerü nüma ga Tupana rü tüxnaxíra nixĩ ga naxããxü̃ ga norü ore.

Miquéa 3:6

Rü pemax i orearü uruü̃güneta rü chütacü rü marü taxũtáma pengo̱xetügü. Rü ngẽxguma rü marü taxũtáma nüxü̃ pecua̱x i ngẽma Tupana nagu rüxĩnüxü̃. Rü ñoma üa̱xcü rütaxuxü̃rüxü̃ tá inarütaxu nax pengo̱xetüxü̃ rü taxũtáma Tupana pexü̃ nüxü̃ nacua̱xẽxẽ i ngẽma tá ngupetüxü̃.

Yeremía 48:38

Rü Cori ya Tupana rü ñanagürü: —Guxü̃ma ya Moáanearü ĩxarü doxétügüwa rü guxü̃ma ga namagüwa rü ngẽma nüxü̃ ixĩnüxü̃ rü ngechaü̃ rü axuxicatama nixĩ. Erü choma rü íxraxü̃gu chanapo ya Moáanearü ĩanegü ñoma wüxi i tüxü̃ i taxuwama mexü̃gu ipogüxü̃rüxü̃. Rü choma ya Cori ya Tupana nixĩ i ngẽma ñachaxü̃ —ñanagürü

Ichaía 13:1

Ñaa nixĩ i ore i Cori ya Tupana Amú nane ya Ichaíaãẽwa ínguxẽẽxü̃ nachiga i ngẽma guxchaxü̃ i Babiróniaca̱x tá ínguxü̃:

Ucu̱xẽgüchiga 29:18

Wüxi ya ĩane i ngextá duü̃xü̃gü tama Tupanaga ínaxĩnüexü̃wa, rü taxuxü̃ma mea inixũ. Natürü ngextá Tupanaga íxĩnüexü̃wa rü mexü̃gu ínamaxẽ i duü̃xü̃gü.

Wiyaegü 114:5

¿Rü ta̱xacü cuxü̃ nangupetü, Pa Már i Dauchíüxü̃, nax quiyauxyexü̃chíüxü̃? ¿Rü ta̱xacü cuxü̃ nangupetü, Pa Natü Pa Yudáü̃ nax ícuyachaxãchixü̃chiüxü̃?

Norü taxre ga popera ga ãẽ̱xgacügüchiga 6:28

¿Rü ta̱xacü nixĩ i ngẽma curü guxcha? —ñanagürü. Rü yexguma ga ngĩma rü inangãxü̃ rü ngĩgürügü: —Ñaa nge rü choxna ica nax tüxü̃ ichamuxü̃ca̱x ya chaune nax ñu̱xma tüxü̃ tangõ̱xgüxü̃ca̱x rü moxü̃ rü tá inamu ya ngĩne nax tanangõ̱xgüxü̃ca̱x.

2 Chamué 14:5

Rü nüma ga ãẽ̱xgacü rü ngĩxna naca rü ñanagürü ngĩxü̃: —¿Ta̱xacü cuxü̃ nangupetü? —ñanagürü ngĩxü̃. Rü ngĩma rü inangãxü̃ rü ngĩgürügü: —Choma rü ngecü i yutecü chixĩ erü chaute rü marü nayu. Rü yema taxre ga chaunegü ga choxü̃́ yexmaxü̃ i choma nax curü puracütanüxü̃ chixĩxü̃, Pa Ãẽ̱xgacüx, rü naanegu nügü nadai. Rü tataxuma ga texé nax nüxna chogüxü̃ rü yemaacü ga wüxi rü naenexẽxü̃ nayapi̱xẽxẽ rü nayama̱xü̃chi.

1 Chamué 11:5

Rü nüma ga Chaú rü naanewa ne naxũ namaxã ga norü wocagü ga puracüruxü̃. Rü norü duü̃xü̃güna naca rü ñanagürü: —¿Ta̱xacü nüxü̃ nangupetü i duü̃xü̃gü? ¿Ta̱xacüca̱x naxauxe? —ñanagürü. Rü nüma ga norü duü̃xü̃gü rü Chaúmaxã nüxü̃ nixugüe ga yema ore ga yatügü ga Yabécüã̱x yéma ngẽgüxü̃.

1 Chamué 3:1

Rü nüma ga ngextü̱xücü ga Chamué rü Cori ya Tupanaaxü̃́ napuracü yema Erí namuxü̃ãcüma. Rü yexguma ga Tupana rü ñuxguacürica texémaxã nidexa. Rü ñuxguacürica texéca̱x nanango̱xẽxẽ ga ẽxü̃guxü̃.

Ãẽ̱xgacügü ga guxchaxü̃güarü mexẽxẽruü̃gü 18:23

Rü yexguma yema Dáü̃tanüxü̃ nüxü̃ ĩnüegu ga yema Micaíatanüxü̃ ga nawe ngẽgüxü̃ rü nawe icaetanüxü̃, rü nüma ga Dáü̃tanüxü̃ rü naxca̱x nawoegu. Rü Micaíana nacagüe rü ñanagürügü: —¿Ta̱xacü cuxü̃ nangupetü? ¿Tü̱xcüü̃ towe quicaechigü poraãcü? —ñanagürügü.

Wenaxarü naxümatü ga Tupanaarü mugü 22:8

Rü ngẽxguma texé ngexwacaxü̃ne ya tümapata taxü̱xgu rü name nax ítanapoxeguxü̃ i naétüwa ya tümapata nax ngẽmaãcü taxúema ngéma rünguxü̃ca̱x rü ngẽmaãcü tama yatümaguãchixü̃ca̱x ega ngürüãchi texé ngéma rünguxgu rü tayu̱xgu.

Naanearü ügüchiga 21:17

Natürü ga Tupana rü nüxü̃ naxĩnü ga gumá bucü nax naxaxuxü̃. Rü wüxi ga daxũcüã̱x i orearü ngeruxü̃ rü daxũwa Agána nacagü rü ñanagürü: —¿Ta̱xacü cuxü̃ nangupetü, Pa Agáx? ¡Taxṹ i cumuü̃xü̃! Erü Tupana rü marü nüxü̃ naxĩnü i norü axu ya yimá curü bucü i ngéma ínaxaxuxü̃wa.

Ore i mexü̃ ga Matéu ümatüxü̃ 10:27

Rü guxü̃ma i ngẽma bexma pemaxã nüxü̃ chixuxü̃, ¡rü mea duü̃xü̃güca̱x penango̱xẽxẽ! Rü guxü̃ma i ngẽma pemaxãxicatama nüxü̃ chixuxü̃, ¡rü tagaãcü guxü̃ i duü̃xü̃gümaxã nüxü̃ pixu!

Ichaía 22:5

Erü nüma ya Cori ya Tupana ya Guxãétüwa Ngẽxmacü rü marü nanaxuegu nax wüxi i ngunexü̃gu rü ngẽma Yerucharéü̃arü doxonexü̃ ya Tupana naxca̱x choxü̃ ngo̱xetüxẽẽxü̃wa tá ínanguxü̃ i taxü̃ i muü̃ rü taxü̃ i dai rü ĩ̱xãchiãxẽ. Rü yima ĩanearü poxeguxü̃tápü̱x rü nagu ínapogüe. Rü ngẽma nax yaxaixchaxü̃ i duü̃xü̃gü rü máxpü̱xanexü̃wa nangu i naga.

Yeremía 19:13

Rü ngẽma doxonexü̃ i Tóperüxü̃ rü chope̱xewa tá nixãũãchi ya yima ĩpatagü ya Yerucharéü̃cüã̱x rü yima Yudáanearü ãẽ̱xgacügüpatagü rü ngẽma ĩã̱xtügü ga nawa woramacurigüca̱x pumarate̱xe yagugüxü̃ rü bínu ga ãmarexü̃ nagu nabagüxü̃ naxca̱x ga yema tupananetagü” —ñanagürü ga Tupana.

Yeremía 32:29

Rü ngẽma Babiróniacüã̱x i ñu̱xma daa ĩaneca̱x íyaxüãchixü̃ rü tá nagu nachocu rü tá nawa nanangixichigü. Rü tá nixa ya yima ĩane wüxigu namaxã ya yima ĩpatagü ya idoxétüne ga nawa Baáca̱x pumarate̱xe yagugüxü̃ rü yema tupananetagüna nawa bínu naxãgüxü̃. Rü yemaacü choxü̃ nanuxẽẽgü.

Chofonía 1:5

Rü tá chanadai i ngẽma duü̃xü̃gü i napataétügu ĩgüxü̃ nax ngéma nüxü̃ yacua̱xüü̃güxü̃ca̱x ya üa̱xcü rü tauemacü rü woramacurigü. Rü ngẽxgumarüxü̃ tá ta chanadai i ngẽma choxü̃ icua̱xüü̃güxü̃ rü naétü norü tupananeta i Mircóü̃xü̃ icua̱xüü̃güxü̃