Ichaía 21:9 - Tupanaarü Ore

⁹ Rü nüxü̃ chadau i wüxi ya caru ya taxre i cowarugü itúchigüne —ñanagürü. Rü nüma i ngẽma carugu aunagüxü̃ rü tagaãcü nica rü ñanagürü: —Ĩane ya Babirónia rü marü nanguxuchi. Rü guxü̃ma i norü tupanachicüna̱xãgü rü niwa̱xgü rü íxraxü̃gu napoü̃gü —ñanagürü.

Ichaía 21:9 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 18:2

Rü tagaãcü ñanagürü: “Marü nagu narüchixe. Marü nagu narüchixe ya yima ĩane ya taxü̃ne ya Babirónia. Rü ñu̱xma rü ngo̱xogüchiü̃ nixĩ rü naguxü̃raü̃xü̃ i naãxẽ i chixexü̃güchiü̃ nixĩ. Rü ñu̱xma rü ngẽxma naxãchiü̃ i naguxü̃raü̃xü̃ i ngurucugü rü werigü i chixexü̃ i duü̃xü̃gü naxchi aiexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:8

Rü yemawena nango̱x ga to ga orearü ngeruxü̃ ga daxũcüã̱x, rü ñanagürü: “Marü nagu nayarüchixe ya yima ĩane ya taxü̃ne ya Babirónia, rü nagu napogüe ya norü ĩgü. Yerü nanachixexẽxẽ ga guxü̃ma ga yema togü ga nachixü̃anegü namaxã ga norü chixexü̃. Rü inanamu nax bínu yaxagüãxü̃, rü naxü̃nearü ngúchaü̃ naxügüxü̃”, ñanagürü.

Yeremía 51:8

Natürü Babirónia rü ngürüãchi norü uanügüme̱xẽgu tá nangu, rü nümagü rü tá nüxü̃ narüporamae. ¡Rü naxca̱x pexauxe ya yima ĩane! ¡Rü nua penange i üxüxü̃ naxca̱x i norü o̱xrigü rü bexmana tá naxca̱x yataane!

Yeremía 51:44

Rü Babiróniawa tá chanapoxcu i norü tupananeta i Béx. Rü choma rü tá nüxna chanapuxü̃ i guxü̃ma i ngẽma nachixü̃anegü i naxme̱xwa ngẽxmagüxü̃. Rü ngẽma nachixü̃anegü rü tagutáma wena Babiróniawa naxĩ nax ngẽma tupananeta i Béxü̃ yacua̱xüü̃güxü̃ca̱x. Rü Babiróniaanearü poxeguxü̃tápü̱xgü rü marü niwa̱xgü.

Ichaía 13:19

Pa Babiróniax, cuma nax guxü̃ i nachixü̃anegüarü yexera quixĩxü̃, rü cumaxã nixĩ i nügü yacua̱xüü̃güxü̃ i curü duü̃xü̃gü i Cadéugü. Natürü tá icuyarüxo yexguma Chodóma rü Gomóraxü̃ chayarüxoxẽẽxgurüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:21

Rü ñu̱xũchi wüxi ga Tupanaarü orearü ngeruxü̃ ga daxũcüã̱x rü nanangenagü ga wüxi ga nuta ga taxüchicü ga ñoma tríguarü caruü̃rüxü̃ ixĩcü. Rü yema orearü ngeruxü̃ rü márgü nanaña ga gumá nuta ga taxüchicü, rü ñanagürü: “Ngẽxgumarüxü̃ tá quixĩ nax icuyarüxoxü̃, Pa Ĩane ya Taxü̃ne ya Babiróniax, rü tagutáma texé wena cuxü̃ tadau.

Yeremía 51:64

¡Rü ñu̱xũchi rü ñacurügü tá: “Ngẽmaãcü tá nixĩ i nanguxü̃ ya Babirónia. Rü tagutáma wena ínarüda nawa i norü guxchaxü̃gü i Cori ya Tupana tá naxca̱x ngéma mugüxü̃”, ñacurügü tá! —ñanagürü ga Yeremía. Rü ngẽxma nixĩ i yaguxü̃ i Yeremíaarü ore.

Yeremía 51:52

Natürü nüma ya Cori ya Tupana rü ñanagürü: “Tá ínangu i ngunexü̃ i nagu tá chayanaxoxẽxẽ i Babiróniaanearü tupananetachicüna̱xãgü. Rü guxü̃ i Babiróniaanewa tá naxauxe i duü̃xü̃gü i napíexü̃.

Yeremía 51:47

Rü ngẽmaãcü tá ínangu i ngunexü̃ i nagu tá chayanaxoxẽxẽxü̃ i Babiróniaanearü tupananetachicüna̱xãgü. Rü guxü̃ma i ñaa nachixü̃anecüã̱x i duü̃xü̃gü rü tá namuü̃e. Rü guxü̃wama tá yuexü̃maxã nanapa.

Yeremía 51:27

¡Daiarü cua̱xruxü̃ ya wonera penawe̱x rü nachixü̃anegüwa peyacue i cornétagü nax Babiróniaanearü ĩaneca̱x ípeyaxüãchixü̃ca̱x i pema i togü i nachixü̃anegüarü ãẽ̱xgacügü i Araráanearü ãẽ̱xgacü, rü Miníanearü ãẽ̱xgacü, rü Aquenáanearü ãẽ̱xgacü! ¡Rü nüxü̃ pexuneta i wüxi i churaragüeru nax namaxã inacuáxü̃ca̱x i ngẽma churaragü i daiwa ĩxü̃! ¡Rü inaxĩãchi i ngẽma churaragü i cowaruétügu ĩxü̃ i ñoma munügü i guxü̃ i chixexẽẽxü̃rüxü̃ ixĩgüxü̃!

Yeremía 50:42

Rü würagümaxã rü wocaegümaxã naxãxne. Rü nidürae rü taxúema nüxü̃́ tangechaxü̃tümüü̃gü. Rü ngẽxguma aita naxüegu rü ñoma már arü yuapegügarüxü̃ nixĩ nax natagaxü̃. Rü cowarugüétügu naxĩ. Rü ínamemaregü nax Babiróniacüã̱xmaxã nügü nada̱i̱xü̃.

Yeremía 50:38

¡Rü penapotagü i norü natügü nax yapagüxü̃ca̱x! Erü Babiróniaane rü namaxã nanapa i tupananetachixüna̱xãgü i poraãcü chixexü̃. Rü ngẽmagagu i norü duü̃xü̃gü rü naechitamare namaxẽ.

Yeremía 50:29

Rü Cori ya Tupana rü ñanagürü: —¡Naxca̱x pengẽma i guxü̃ma i ngẽma churaragü i würaã́xü̃ nax Babiróniaca̱x íyaxü̃ãchixü̃ca̱x! ¡Rü nüxü̃ ínachomaeguãchi ya yima ĩane nax taxuxü̃ma iñaxü̃ca̱x! ¡Ngẽma nixĩ i norü natanü naxca̱x ga yema chixexü̃ ga naxügüxü̃! ¡Rü yema nümagü naigü ga ĩanegümaxã naxügüxü̃rüxü̃ namaxã penaxü i ngẽma Babiróniacüã̱x! Yerü nügü ínarüporae nax chomaxã nanuexü̃ i choma nax Cori ya Iraétanüxü̃arü Tupana ya üünecü nax chixĩxü̃.

Yeremía 50:9

Rü choma rü tá chanangutaque̱xexẽxẽ i ñuxre i nachixü̃anegü i poraxü̃ i nórtewa ngẽxmagüxü̃. Rü nümagü rü wüxigu tá Babiróniaca̱x ínayaxüãchi. Rü tá nügü namexẽẽgü rü tá Babiróniaxü̃ narüporamae. Rü norü churaragü rü nimexchinüxü̃chi rü yima naxnegü rü tama ngextámare naña.

Ichaía 2:18

Rü nüma rü tá inayanaxoxẽxẽ i guxü̃ma i ngẽma tupananetachicüna̱xãgü.

Ichaía 21:7

Rü ngẽxguma nüxü̃ nada̱u̱xgu i carugü ya taxre i cowarugü itúchigüne rüe̱xna duü̃xü̃gü i búruétügu aunagüxü̃ rüe̱xna caméyuétügu aunagüxü̃ rü meama nüxü̃ nadawenü —ñanagürü ga Tupana.

Ichaía 47:5

Rü nüma ya Cori ya Tupana rü ñanagürü ta: —¡Bexma iperücho, Pa Babiróniaanecüã̱xgüx, rü ẽanexü̃wa pebuxmü! Erü marü tagutáma wena ngẽma togü i nachixü̃anegüétüwa pexügü.

Ichaía 47:9

Natürü pemaxã nüxü̃ chixu rü ngürüãchi wüxitama i ngunexü̃gu tá pexca̱x ínangu i ngẽma taxre i chixexü̃ nax nayuexü̃ i perü ãẽ̱xgacügü i poraexü̃ rü nayuexü̃ i pexacügü. Rü ñoma wüxi i ngexü̃ i yutexü̃rüxü̃ tá pixĩgü rü woo nax peyuüechiréxü̃ rü naguxü̃raü̃xü̃ i ẽxü̃guxü̃ i chixexü̃xü̃ nax pecuáxü̃.

Ichaía 48:14

¡Rü guxãma i pemax, Pa Iraétanüxü̃x, rü pengutaque̱xegü rü choxü̃́ iperüxĩnüe! ¿Rü petanüwa texé tanaxunagü i ngẽma tá ngupetüxü̃? Rü yimá Tupana nüxü̃ ngechaxü̃cü rü tá nayanguxẽxẽ i ngẽma Tupana nagu rüxĩnüxü̃ rü tá Babiróniaxü̃ napoxcu. Rü tá nanapoxcu i guxü̃ma i ngẽma Cadéuanecüã̱xgü.