Ichaía 21:8 - Tupanaarü Ore

⁸ Rü ngẽma duü̃xü̃ i ngéma dauxü̃taexü̃ rü nica tagaãcü rü ñanagürü: —Pa Corix, guxü̃ma i ngunecü rü chütacü rü nua chauchicawa changexmaecha. Rü taguma chape rü ichadawenüẽcha.

Ichaía 21:8 Referans Kwoze

Nüxíraxü̃xü̃ ga popera ga Pedru ümatüxü̃ 5:8

Rü name nixĩ i guxü̃guma pegüna pedaugü rü ípexuãẽgü, erü perü uanü i Chataná rü ñoma wüxi ya leóü̃ ya idüraxüchicürüxü̃ nanañaane rü tümaca̱x nadau nax texéxü̃ tá chixexü̃gu nanguxẽẽxü̃.

Yeremía 50:44

Rü ngürüãchi tá ngéma changu ñoma wüxi i leóü̃ i natü i Yudáü̃arü naixnecüwa igoxochixü̃ nax maxẽnecüwa naeü̃na yuxuxü̃rüxü̃. Rü ngẽxgumarüxü̃ tá namaxã chanaxü i Babiróniacüã̱x, rü nachixü̃anewa tá chayabuxmüxẽxẽ. Rü ngéma tá nüxü̃ chaxuneta i ngẽma ãẽ̱xgacü i choma chanaxwa̱xexü̃ nax ngẽma naanemaxã inacuáxü̃ca̱x. ¿Rü texé chomaxã tawüxigu? ¿Rü texé tá chomaxã tügü tadaixchaü̃? ¿Rü ta̱xacürü dauruxü̃ tá chope̱xewa nügü ínapoxü̃?

Yeremía 49:19

Rü ngürüãchi tá ngéma changu ñoma wüxi i leóü̃ i natü i Yudáü̃arü naixnecüwa igoxochixü̃ nax maxẽnecüwa naeü̃na yuxuxü̃rüxü̃. Rü ngẽxgumarüxü̃ tá namaxã chanaxü i Edóü̃anecüã̱xgü, rü nachixü̃anewa tá chayabuxmüxẽxẽ. Rü ngéma tá nüxü̃ chaxuneta i ngẽma ãẽ̱xgacü i choma chanaxwa̱xexü̃ nax ngẽma naanemaxã inacuáxü̃ca̱x. ¿Rü texé chomaxã tawüxigu? ¿Rü texé tá chomaxã tügü tadaixchaü̃? ¿Rü ta̱xacürü dauruxü̃ tá chope̱xewa nügü ínapoxü̃?

Yeremía 25:38

Nüma ya Cori ya Tupana rü ñoma wüxi i leóü̃ i nuãcü naxmaü̃wa ixũxũxü̃rüxü̃ nixĩ. Rü yima nachixü̃ane rü wüxi i chianexü̃xü̃ nixĩ, erü Cori ya Tupana rü poraãcü nanu rü yemaca̱x dai naxca̱x ínanguxẽxẽ.

Yeremía 4:7

Rü ngẽma uanü rü ñoma leóü̃ i naxmaxü̃wa ixũxũxü̃rüxü̃ marü ínaxũxũ i nachixü̃anewa. Rü ngẽma uanü ga togü ga nachixü̃anegüxü̃ rüxoxẽẽxü̃ rü marü inaxũãchi nax pechixü̃aneca̱x íyagoõchixü̃ca̱x. Rü ngẽma uanü rü tá nagu napogüe i perü ĩanegü rü ngẽmaãcü nachitaxü̃güxica tá ngéma nayaxügüxẽxẽ.

Ichaía 62:6

Pa Yerucharéü̃cüã̱xgüx, choma rü perü ĩanearü poxeguxü̃tapü̱xétügu chanamugü i dauruü̃gü. Rü nümagü rü ngunecü rü chütacü tá pexü̃ ñanagürügü: —Pema ya Tupanaxü̃ icua̱xüü̃güxe, ¡rü taxṹ i perüchianegüxü̃! ¡Rü taxṹ i penangü̃xẽẽxü̃ ya Tupana ñu̱xmatáta wena naxü ya Yerucharéü̃ nax wüxi ya ĩane ya tachigane yixĩxü̃ca̱x! —ñanagürügü.

Ichaía 56:10

Rü pemax, Pa Chorü Duü̃xü̃güna Daugüxü̃x, rü ñoma pingexetüxü̃rüxü̃ pixĩgü, rü tama pexuãẽgü. Pema rü ñoma airugü i ngeã́xü̃rüü̃mare pixĩgü rü pipeechamare rü pixãnegügüechamare. Rü perü me nixĩ nax pepeexü̃.

Ichaía 5:29

Rü naga i ngẽma norü churaragü rü ñoma wüxi i leóü̃ i aexü̃xü̃ ingũ̱xunecüxüxü̃rüxü̃ nixĩgü. Rü nayange i naeü̃ rü taxúema tapora nax nüxna tanapuxü̃.

Wiyaegü 127:1

Rü ngẽxguma chi tama Tupanaarü ngü̃xẽẽmaxã yixĩxgu nax naxüxü̃ ya wüxi ya ĩpata rü natüca̱xmamare chi nixĩ i nawa napuracüexü̃ i ngẽma norü üruü̃gü. Rü ngẽxguma chi nüma ya Cori tama nüxna nada̱u̱xgu ya wüxi ya ĩane rü natüca̱xmamare chi nixĩ i nüxna nadaugüxü̃ i ngẽma norü dauruü̃gü.

Wiyaegü 63:6

Rü ngẽxguma ichacaxgu rü cuxna chacua̱xãchi, rü guxü̃ma i chütaxü̃gu cugu charüxĩnü.

Norü taxre ga to ga popera ga ãẽ̱xgacügüchiga ümatüxü̃ 20:24

Rü yexguma yema Yudátanüxü̃arü churaragü nawa ngugügu ga yema nachica ga nawa nüxü̃ idauxü̃ ga naxnecüanexü̃, rü norü uanügüca̱x nagu narüdaunü. Natürü duü̃xü̃gü ga yuexü̃xü̃ ga yexma naanegu nuquegüxü̃xicatama yéma nadaugü, rü bai ga wüxi ga maxü̃xü̃.