Ichaía 21:7 - Tupanaarü Ore

⁷ Rü ngẽxguma nüxü̃ nada̱u̱xgu i carugü ya taxre i cowarugü itúchigüne rüe̱xna duü̃xü̃gü i búruétügu aunagüxü̃ rüe̱xna caméyuétügu aunagüxü̃ rü meama nüxü̃ nadawenü —ñanagürü ga Tupana.

Ichaía 21:7 Referans Kwoze

Ichaía 21:9

Rü nüxü̃ chadau i wüxi ya caru ya taxre i cowarugü itúchigüne —ñanagürü. Rü nüma i ngẽma carugu aunagüxü̃ rü tagaãcü nica rü ñanagürü: —Ĩane ya Babirónia rü marü nanguxuchi. Rü guxü̃ma i norü tupanachicüna̱xãgü rü niwa̱xgü rü íxraxü̃gu napoü̃gü —ñanagürü.

Popera ga Yudíugü ga yaxõgüxü̃ca̱x ümatüxü̃ 2:1

Rü ñu̱xma nax nüxü̃ icuáxü̃ nax guxü̃ma i Tupanaarü orearü ngeruü̃gü i daxũcüã̱xarü yexera yixĩxü̃ ya Nane, rü ngẽmaca̱x name nax yexeraãcü mea naga ixĩnüexü̃ i ngẽma ore i Nanechiga nüxü̃ ixĩnüexü̃ nax tama nüxna ixĩgachixü̃ca̱x nax yaxõgüxü̃.

Ichaía 37:24

Rü ngẽma curü orearü ngeruü̃güwa rü chomaxã cuguxchiga rü ñacurügü: ‘Choma rü muxü̃nema ga chorü carugü ga daiwexü̃gümaxã ma̱xpǘnegüétügu chaxĩnagü ñu̱xmata yema pinunecüane ga Líbanuanewa yexmagünewa changu. Rü chayaye ga gumá ocayiwagü ga rümáchanemaegüne rü pinugü ga rümemaegüne. Rü ma̱xpǘnegü ga rümáchanemaegüneétügu chaxĩnagü nawa ga yema norü naixnecü ga mexẽchixü̃ ga ñoma putüraanecürüxü̃ ixĩxü̃.

Yeremía 17:24

Rü choma ya Cori ya Tupana rü ñachagürü: “¡Ẽcü aixcüma chauga pexĩnüe! ¡Rü taxṹ i ĩanearü ĩã̱xgüwa pexwetagümaxã pechocuxü̃ i ngü̃xchigaarü ngunexü̃gu! ¡Rü penaxaure i ngẽma ngunexü̃ rü taxuxü̃ma i ta̱xacürü puracü pexü!