Ichaía 21:5 - Tupanaarü Ore

⁵ Rü nüxü̃ chadau nax Babiróniawa napetaexü̃ rü taxü̃ i õna namexẽẽxü̃. ¡Pa Churaragüerugüx, paxa pegü pemexẽxẽ rü penade i perü poxü̃ruü̃gü nax perü uanümaxã pegü pedaixü̃ca̱x!

Ichaía 21:5 Referans Kwoze

Yeremía 51:57

Rü nüma ya Ãẽ̱xgacü ya Cori ya Tupana ya Guxãétüwa Ngẽxmacü rü ñanagürü: —Choma rü tá ñoma nangãxẽxü̃rüxü̃ chayaxĩgüxẽxẽ i ngẽma Babiróniaanearü ãẽ̱xgacügü, rü norü duü̃xü̃gü i cua̱x nüxü̃́ ngẽxmagüxü̃, rü norü ĩanegüarü ãẽ̱xgacügü, rü norü ngü̃xẽẽruü̃gü, rü norü churaragü. Rü guxü̃ma rü guxü̃gutáma napee rü tagutáma naba̱i̱xãchie.

Yeremía 51:39

Rü ngẽxguma nanaianegu rü tá chayaxaxegüxẽxẽ namaxã i axexü̃ i nawa nangaxexü̃ rü taxũtáma naãẽxü̃ nawa nacua̱xgüxü̃. Rü ngẽmaãcü tá napee, rü tagutáma naba̱i̱xãchie. Rü choma ya Cori ya Tupana nixĩ i ngẽma ñachaxü̃.

1 Corintios 15:32

Choma rü nua Epéchiuwa rü Tupanaarü orechigagu chorü uanügümaxã poraãcü togü tachoxü̃gagü. Rü ñoma naeü̃ i idüraexü̃maxã togü tadaixü̃rüxü̃ tixĩgü. ¿Natürü ta̱xacüwa choxü̃́ namexü̃ ga yema ega chorü maxü̃ i ñoma i naanewa choxü̃́ ngẽxmaxü̃ca̱xicatama yixĩxgu? Rü ngẽxguma chi aixcüma yixĩxgu nax tama wena namaxẽxü̃ i yuexü̃, rü marü name i ñatarügügü: “¡Ngĩxã tachibüe rü taxaxegü, erü paxa tá tayue!” ñatarügügü.

Yeremía 51:11

Nüma ya Cori ya Tupana rü nayanaxoxẽẽchaü̃ ya Babirónia. Rü ngẽmaca̱x naxca̱x nangema i Médiaanearü ãẽ̱xgacügü nax nümagü rü ta ngẽmagu naxĩnüexü̃ca̱x. Rü ngẽma nixĩ i Cori ya Tupanaarü poxcu i Babiróniaca̱x mexẽẽxü̃ nagagu ga yema Tupanapata ga taxü̃nemaxã naxügüxü̃.

Ichaía 13:2

—¡Ma̱xpǘne ya máchaneétüwa penawe̱xnagü ya wonera ya daica̱x ícacü! ¡Rü penamuãchitanü i churaragü nax nügü nada̱i̱xü̃ca̱x! ¡Rü pewe̱xnagüchacüügü nax ngẽmaãcü Babiróniaarü ĩanegu pechocuxü̃ca̱x nawa i ngẽma ĩã̱xgü i ãẽ̱xgacügü nawa ichocuxü̃!

2 Chamué 1:21

¡Rü tagutáma wena pegu napu rü woo i cherenaane pegu nangu, Pa Guibóaarü Ma̱xpǘnegü, erü pegu nixĩ i nayuexü̃ i ngẽma tama muü̃wa̱xegüxü̃! Yexma nixĩ ga nagu napúgüexü̃ ga norü poxü̃ruü̃gü ga yema daigu yuexü̃ rü yexma nixĩ ga yaxoxü̃ ga yema Chaúarü poxü̃ruxü̃arü yáuxratachinü.

Yeremía 46:3

Rü Cori ya Tupana rü ñanagürü: —¡Ípenamexẽxẽ i perü poxü̃ruü̃gü! ¡Rü naxca̱x ípeyaxüãchi i perü uanügü!