Ichaía 21:4 - Tupanaarü Ore

⁴ Rü choma rü tama nüxü̃ chacua̱xéga nax ta̱xacü tá chaxüxü̃. Rü chauxune rü muü̃maxã nidu̱xru. Rü ngẽma yáuanecüarü gáuanexü̃ rü noxri chorü me nixĩ, natürü i ñu̱xma nax naxẽanexü̃ rü taxü̃ i muü̃ choxna naxã.

Ichaía 21:4 Referans Kwoze

Naúü̃ 1:10

Rü pema i bínumaxã ngaxexe rü ñoma tuxu i wüxigu inutaque̱xexü̃rüxü̃ pixĩgü, rü ñoma maxẽ i pagüxü̃rüxü̃ tá pixae.

Danié 5:5

Rü yexguma ínaxaxegüyane rü yema ucapuarü ĩxtapü̱x ga cómüxü̃wa nango̱x ga wüxi ga naxme̱x ga omüema ĩxtapü̱xgu ínachixü̃wa iwǘãcüxü̃ne. Rü yexguma guma naxme̱x ga yéma iwǘãcüxü̃nexü̃ nada̱u̱xgu ga gumá ãẽ̱xgacü rü naba̱i̱xãchi rü nanacho̱xõchi rü norü muü̃maxã niyoyoxü̃ne.

Danié 5:1

Nüma ga Berchachá ga nüxí Babiróniaanearü ãẽ̱xgacü ixĩcü, rü nüxna naxu ga 1,000 ga ãẽ̱xgacügü ga yema nachixü̃anecüã̱xgü naxca̱x ga wüxi ga õna ga taxü̃. Rü yema chibüwa rü nüma ga ãẽ̱xgacü rü yema nüxna naxuxü̃ rü poraãcü bínu nayaxaxgü.

Yeremía 51:57

Rü nüma ya Ãẽ̱xgacü ya Cori ya Tupana ya Guxãétüwa Ngẽxmacü rü ñanagürü: —Choma rü tá ñoma nangãxẽxü̃rüxü̃ chayaxĩgüxẽxẽ i ngẽma Babiróniaanearü ãẽ̱xgacügü, rü norü duü̃xü̃gü i cua̱x nüxü̃́ ngẽxmagüxü̃, rü norü ĩanegüarü ãẽ̱xgacügü, rü norü ngü̃xẽẽruü̃gü, rü norü churaragü. Rü guxü̃ma rü guxü̃gutáma napee rü tagutáma naba̱i̱xãchie.

Yeremía 51:39

Rü ngẽxguma nanaianegu rü tá chayaxaxegüxẽxẽ namaxã i axexü̃ i nawa nangaxexü̃ rü taxũtáma naãẽxü̃ nawa nacua̱xgüxü̃. Rü ngẽmaãcü tá napee, rü tagutáma naba̱i̱xãchie. Rü choma ya Cori ya Tupana nixĩ i ngẽma ñachaxü̃.

Ester 5:12

Rü ñanagürü ta: —Rü chaxicatama nixĩ i choxna naxuxü̃ i Ité i ãẽ̱xgacü naxma̱x nawa i ngẽma õna i ñu̱xma ãẽ̱xgacüca̱x naxca̱x nangemaxü̃. Rü wenaxarü choxna ixu nawa i ngẽma õna i moxü̃ tá ãẽ̱xgacüca̱x naxüxü̃.

Wenaxarü naxümatü ga Tupanaarü mugü 28:67

Rü poraãcütama namuü̃e. Rü ngẽma ãũcümaxü̃gü i naxetümaxã nüxü̃ nadaugüxü̃gagu, rü pa̱xmama i ẽxü̃wa rü tá ñanagürügü: “¡Chierüx paxa nachütagu!” Rü ngẽxguma nachütagu rü ñanagürügü tá: “¡Chierüx paxa yangunegu!” ñanagürügü.

Danié 5:30

Rü yema chütaxü̃gu nixĩ ga yama̱xgüãxü̃ ga Berchachá ga Babiróniaanearü ãẽ̱xgacü ixĩcü.

Wenaxarü naxümatü ga Tupanaarü mugü 32:11

Rü nüma ya Cori ya Tupana rü ñoma wüxi i ĩyü i naxãcüxegüna nadauxü̃rüxü̃ pexna nadau. Rü ngẽma ĩyü rü naxchiãü̃wa tüxü̃ nayaxu nax tüxü̃ nangúexẽẽxü̃ca̱x nax tixüüxü̃ca̱x. Rü naca̱xawepe̱xatügu tüxü̃ nigagü. Rü yexgumarüxü̃ ta ga Tupana rü meama pexü̃ nigagü rü pexna nadau.

Wiyaegü 55:5

Rü poraãcüxüchi muü̃ choxna nangu rü muü̃maxã chidu̱xrux.

Nüxíraxü̃xü̃ ga popera ga ãẽ̱xgacügüchiga 1:49

Guxü̃ma ga yema Adonía nüxna uxü̃ rü baixãchiãẽmaxã nidu̱xruxe, rü ñu̱xũchi guxü̃ma inachigü rü wüxichigü rü noxrüwaama nixũchigü.

Wiyaegü 55:6

Rü ngẽmaca̱x chaugümaxã ñachagürü: —Chierüx muxtucurüxü̃ chaxãxpe̱xatügu, rü ngẽxguma rü chi chigoe ñu̱xmata nawa changu i wüxi i nachica i nagu charüngü̃xü̃.

Yeremía 4:19

Rü ngúxü̃maxã chaugü íchaxã̱ũ̱x. Rü chorü maxü̃ne rü poraãcü nixĩã̱xcüxü. Rü choma rü chanaxĩ̱xãchiãxẽ, rü taxucürüwama changea̱xmare. Rü nüxü̃ chaxĩnü ya cornéta nax daica̱x duü̃xü̃güca̱x nangemaxü̃, rü nüxü̃ chaxĩnü nax tagaãcü nügü nada̱i̱xü̃.