Ichaía 21:2 - Tupanaarü Ore

² Rü naxãũcümaxü̃chi nixĩ i ngẽma Cori ya Tupana choxü̃ wéxü̃. Rü ngẽma taechitawa̱xexü̃ rü nanaxü i ngẽma nagu naxĩnüxü̃. Rü ngẽma máxwa̱xexü̃ rü nayama̱x. ¡Pa Eráü̃cüã̱x, rü Pa Médiacüã̱x, paxa ipexĩãchi nax Babiróniaanearü ĩaneca̱x ípeyaxüãchixü̃! Rü choma rü tá chayacua̱xẽxẽ nax Babirónia ngúxü̃ nüxü̃ ingexẽẽgüxü̃ ya naigü ya ĩanegü.

Ichaía 21:2 Referans Kwoze

Yeremía 49:34

Rü yexguma Chedequía inaxügügu nax Yudáanearü ãẽ̱xgacü yaxĩxü̃ rü Cori ya Tupana Yeremíamaxã nüxü̃ nixu i ñaa ore i Eráü̃chiga. Rü ñanagürü nüxü̃:

Ichaía 33:1

Pa Achíriaanex, wüxi i ngechaü̃ tá nixĩ i cuxca̱x. Cuma rü cunadaiãcu i togü i ĩanegü, natürü taguma togü curü ĩane nadaiãcu. Cuma rü cutogüechitawa̱xe, natürü taguma togü nacuechitawa̱xegü. Natürü nawena nax togüxü̃ cuda̱i̱xü̃ rü cuma rü tá ta cuxü̃ nima̱xgü. Rü nawena nax cutogüechitawa̱xexü̃ rü cuma rü tá ta nacuechitawa̱xegü.

Ichaía 24:16

Rü guxü̃ma i ñoma i naanearü tagu nüxü̃ taxĩnü nax ñaxü̃gu nawiyaegüxü̃: —Name ya Tupana ya aixcüma mexü̃gu rüxĩnücü —ñaxü̃gu nawiyaegüxü̃. Natürü i choma rü ñachagürü: —Poraãcü chaugümaxã changechaü̃, erü ngẽma taechitawa̱xegüxü̃ rü taxü̃ i chixexü̃ naxügü rü taxúema nüxü̃́ tangechaü̃tümüxü̃ —ñachagürü.

Wiyaegü 60:3

Rü cuma rü taxü̃ i guxchaxü̃gü toxca̱x ícunguxẽxẽ. Rü ñoma wüxi ya bínu ya toxü̃ ãũãẽxẽẽcürüxü̃ toxü̃ quixĩgüxẽxẽ namaxã i ngẽma guxchaxü̃gü.

Danié 5:28

Pársin: Rü ngẽma cuchixü̃ane, Pa Ãẽ̱xgacüx, rü marü tá niyauxye rü tá Médiaanecüã̱xgüna rü Pérchiaanecüã̱xgüna nanaxã —ñanagürü ga Danié.

Danié 8:20

Rü ngẽma carnéru i taxrechata̱xcurexü̃ i nüxü̃ cudauxü̃ rü ngẽma rü Médiaanearü ãẽ̱xgacüchiga rü Pérchiaanearü ãẽ̱xgacüchiga nixĩ.

Auxexü̃chiga 1:22

Rü chanaxwa̱xe nax cuma nüxü̃ cudauxü̃ i guxü̃ma i ngẽma norü chixexü̃gü i cupe̱xewa naxügüxü̃. ¡Rü ngẽmagagu napoxcue yema chorü pecadugügagu nax choxü̃ cupoxcuxü̃rüxü̃! Erü choma rü poraãcü chaxaxu rü poraãcü ngúxü̃ chinge i chorü maxü̃newa”, ñanagürügü.

Yeremía 51:53

Rü woo Babirónia namáchanexẽẽãgu i norü ĩanearü poxeguxü̃tápü̱xgü ñu̱xmata dauxü̃wa nangu, natürü choma rü tá chanamu i norü uanügü nax yawa̱xgüxẽẽãxü̃ca̱x” —ñanagürü ya Cori ya Tupana.

Yeremía 51:44

Rü Babiróniawa tá chanapoxcu i norü tupananeta i Béx. Rü choma rü tá nüxna chanapuxü̃ i guxü̃ma i ngẽma nachixü̃anegü i naxme̱xwa ngẽxmagüxü̃. Rü ngẽma nachixü̃anegü rü tagutáma wena Babiróniawa naxĩ nax ngẽma tupananeta i Béxü̃ yacua̱xüü̃güxü̃ca̱x. Rü Babiróniaanearü poxeguxü̃tápü̱xgü rü marü niwa̱xgü.

Yeremía 51:11

Nüma ya Cori ya Tupana rü nayanaxoxẽẽchaü̃ ya Babirónia. Rü ngẽmaca̱x naxca̱x nangema i Médiaanearü ãẽ̱xgacügü nax nümagü rü ta ngẽmagu naxĩnüexü̃ca̱x. Rü ngẽma nixĩ i Cori ya Tupanaarü poxcu i Babiróniaca̱x mexẽẽxü̃ nagagu ga yema Tupanapata ga taxü̃nemaxã naxügüxü̃.

Yeremía 50:34

Natürü yima perü nguxü̃xẽẽruxü̃ rü napora. Rü naéga rü Cori ya Tupana ya Guxãétüwa Ngẽxmacü nixĩ. Rü nüma tá nixĩ i pemaxã inacuáxü̃ rü tá pexü̃ narüngü̃xẽxẽ nax nataxuxü̃ma i guxchaxü̃ i pechixü̃anewa. Natürü tá muü̃ naxca̱x ínanguxẽxẽ i ngẽma Babiróniacüã̱x —ñanagürü.

Yeremía 50:14

Pa Babiróniaanearü Uanügüx ya Würamaxã Ãxnegüxü̃x, ¡Pegü ipinu rü nüxü̃ ípechomaeguãchi ya Babirónia! ¡Rü yima ĩanegu penamaxgü ya guxü̃nema ya pexnegü! Yerü guma ĩane rü chope̱xewa taxü̃ ga chixexü̃ naxü.

Yeremía 31:25

Rü choma ya Cori ya Tupana rü mea tá chanachibüexẽxẽ rü chayaxaxegüxẽxẽ i guxü̃ma i ngẽma ipaexü̃ rü turaexü̃ —ñanagürü.

Yeremía 31:20

Rü Cori ya Tupana rü ñanagürü: —Ngẽma Efraíü̃tanüxü̃gü̃ rü chaunegü i nüxü̃ changechaü̃güxü̃ nixĩgü. Rü ngẽma nixĩ i chaunegü i yexera nüxü̃ changechaü̃güxü̃. Rü woo yexguma chanapoxcuegu, rü taguma nüxü̃ charüchau nax nüxna chacua̱xãchixü̃. Rü chorü maxü̃newa rü naxca̱x changechaü̃ rü poraãcü choxü̃́ nangechaü̃tümüxü̃gü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 47:6

Rü yexguma namaxã chanuxgu ga yema chorü duü̃xü̃gü ya Iraétanüxü̃ rü pexna chanawogü nax namaxã ipecuáxü̃ca̱x. Natürü ga pemax, Pa Babiróniaanecüã̱xgüx, rü tama pexü̃́ nangechaü̃tümüxü̃gü, rü woo ga guxema norü yaxguã̱xgü rü chixri tümamaxã ipecua̱x.

Ichaía 22:6

Rü ngẽma Eráü̃cüã̱xgü rü marü ínanamexẽẽgü ya naxnegü, rü ñu̱xũchi marü norü carugu nichoü̃ rü norü cowarugügu nitoü̃. Rü ngẽma Quírucüã̱xgü rü nanade i norü poxü̃ruü̃gü nax daiwa naxĩxü̃ca̱x.

Ucu̱xẽgüchiga 13:15

Ngẽma duü̃xü̃ i mexü̃ i ucu̱xẽ ixãxü̃, rü duü̃xü̃gü namaxã nataãẽgü. Natürü ngẽma duü̃xü̃gü i chixexü̃ i ucu̱xẽ ixãgüxü̃, rü nügütama yuwa nagagü.

Wiyaegü 79:11

¡Rü nüxü̃ naxĩnü i norü axu i ngẽma totanüxü̃ i poxcuexü̃! ¡Rü curü poramaxã ínanguxü̃xẽẽama i ngẽma totanüxü̃ i dai namaxã naxuegugüxü̃!

Wiyaegü 12:5

Natürü nüma ya Cori ya Tupana rü ñanagürü: —Choma rü tá tümaétüwa chachogü rü tá tüxü̃ charüngü̃xẽxẽ ya yíxema ngearü diẽruã̱xgüxe rü turaexe rü chixri tümamaxã inacua̱xgüxe. Erü ngẽma nixĩ i tanaxwa̱xegüxü̃ ya yíxema ngúxü̃ ingegüxe —ñanagürü.

1 Chamué 24:13

Ngẽma nũxcümaü̃xü̃ i dexa rü ñanagürü: “Ngẽma chixexü̃ rü chixexü̃arü uruü̃güwa ne naxũ”, ñanagürü. Rü ngẽmaca̱x i chomax, Pa Ãẽ̱xgacüx, rü tagutáma nagu charüxĩnü nax cuxü̃ chimáxü̃.

Norü taxre ga popera ga ãẽ̱xgacügüchiga 17:6

Rü yexguma 9 ga taunecü marü ãẽ̱xgacü yixĩxgu ga Ochéa, rü nüma ga Achíriaanearü ãẽ̱xgacü rü nanapu ga guma ĩane. Rü Achíriaarü naanewa nanagagü ga yema Iraéanecüã̱xgü. Rü ĩane ga Arágu nayanu ga natü ga Abócutüwa ga Gocháü̃anewa. Rü togü rü Médiatanüxü̃arü ĩanegügu nayanu.

Wiyaegü 25:3

Rü yíxema cuxü̃́ yaxṍxe rü tagutáma ãne tinge. Natürü ngẽma tama cuga ĩnüexü̃ rü natüca̱xma cumaxã nuexü̃, rü ãne tá ningegü.

Wiyaegü 119:158

Rü tama yáxna namaxã chaxĩnü i ngẽma taechitawa̱xegüxü̃ i tama naga ĩnüexü̃ i curü mugü.

Danié 5:9

Rü yexguma nüma ga ãẽ̱xgacü ga Berchachá rü poraãcü namuü̃ rü nanacho̱xõchi. Rü yema natanüxü̃ ga ãẽ̱xgacügü rü tama nüxü̃ nacua̱xgü nax ta̱xacü tá naxügüxü̃.

Naanearü ügüchiga 10:22

Rü Chéü̃ nanegü nixĩ ga Eráü̃, rü Achúx, rü Arpacháx, rü Lux rü ñu̱xũchi Aráü̃.

Ichaía 11:11

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü nüma ya Cori ya Tupana rü tá wena inanawe̱x i norü pora. Rü wena tá nanangutaque̱xexẽxẽ i norü duü̃xü̃gü i Achíriaanewa, rü Equítuanewa, rü Patróxanewa, rü Etiopíaanewa, rü Eráü̃anewa, rü Chináxanewa, rü Amáanewa rü nachixü̃anegü i márcutüwa ngẽxmagüxü̃wa. Rü tá wena Iraéaneca̱x nanawoeguxẽxẽ.

Ichaía 14:7

Rü ñu̱xma i guxü̃ma i naane rü taãẽwa nangẽxmagü rü taxuxü̃ma i ta̱xacü nawa nangupetü, rü duü̃xü̃gü rü norü taãẽmaxã tagaãcü Tupanaca̱x nawiyaegü.

Yeremía 25:25

Rü guma bínuwa chayaxaxexẽẽgü ga guxü̃ma ga Zimríanearü ãẽ̱xgacügü, rü Eráü̃anearü ãẽ̱xgacügü, rü Médiaanearü ãẽ̱xgacügü.

Yeremía 49:35

—Choma ya Cori ya Tupana ya Guxãxétüwa Ngẽxmaxe rü ñachagürü: “Choma rü tá chayabüyegü i Eráü̃arü würagü i naxne i meama nüxü̃ nacua̱xgüxü̃ nax namaxã nadaietaxü̃.

Danié 8:2

Rü yema chaunegüwa rü Chúchaarü ĩanewa chayexma ga Eráü̃anewa ga natü ga Uráipechinüwa.