Ichaía 21:17 - Tupanaarü Ore

¹⁷ Rü ngẽma norü churaragü i tama muü̃wa̱xegüxü̃ i würamaxã daixü̃ cuáxü̃ rü noxre tátama ínayaxü —ñanagürü. Rü Cori ya Iraétanüxü̃arü Tupana nixĩ ya ngẽma ñacü.

Ichaía 21:17 Referans Kwoze

Chacaría 1:6

Natürü yema chorü ore rü yema chorü mugü ga chorü orearü uruü̃güme̱xẽgu chaxüxü̃, rü perü o̱xigüwa nangu. Rü ñuxre ga nümagü rü cha̱u̱xca̱x nawoegu, rü naxca̱x ínicua̱xgü ga chixexü̃ nax naxügüxü̃, rü ñanagürügü: ‘Rü aixcüma nüma ya Cori ya Tupana ya Guxãétüwa Ngẽxmacü rü ngẽma tórü chixexü̃ãcütama tüxü̃ napoxcue’, ñanagürügü” —ñanagürü ga Tupana.

Ichaía 1:20

Natürü ngẽxguma taxũtáma penaxwa̱xegu nax chauga pexĩnüexü̃, rü daigu perü uanügüme̱xẽgu tá peyue —ñanagürü ga Tupana.

Iraétanüxü̃arü muxchiga 23:19

Rü Tupana rü tama duü̃xü̃gü nagu rüxĩnüxü̃gu narüxĩnü, rü taguma nidora rü taguma nanaxüchicüxü i norü ĩnü. Rü ngẽxguma ta̱xacüxü̃ yaxuxgu rü aixcümama nanaxü. Rü ngẽxguma ta̱xacüca̱x inaxunetagu rü aixcümama nayanguxẽxẽ.

Ore i mexü̃ ga Matéu ümatüxü̃ 24:35

Rü ñoma i naane rü ngẽma daxũwa nüxü̃ idauxü̃ rü tá nagu̱x. Natürü chorü ore rü tagutáma inayarüxo rü aixcüma tá ningu.

Yeremía 44:29

Rü choma ya Cori ya Tupana rü tá pexna chanaxã i wüxi i cua̱xruxü̃ nax nawa nüxü̃ pecuáxü̃ca̱x nax aixcüma tá yanguxü̃ i ngẽma pexü̃ namaxã chaxãxũnexü̃. Rü aixcüma tá pexü̃ chapoxcue i pemax i Iraétanüxü̃ i Equítuanewa pengẽxmagüxü̃’ ” —ñanagürü.

Wiyaegü 107:39

Rü ngẽxguma tümaarü uanügü chixri tümamaxã icua̱xgügu rü ngúxü̃ tüxü̃ yangexẽẽgügu rü ngẽmagagu tiyuetanü rü tinoxreetanü, natürü Tupana rü tá tüxü̃ naxütanü rü tá nüxü̃ naxõõ̱x i ngẽma tümaarü uanügü. Rü ínachianexü̃gu tá ínayatüexẽxẽ i norü uanügü nax nu ne naxĩmarexü̃ca̱x.

Yeremía 49:28

Ñaa nixĩ i Cori ya Tupanaarü ore nachiga i Quedáxtanüxü̃ rü Achóxtanüxü̃arü ãẽ̱xgacügü ga Nabucudonochó ya Babiróniaanearü ãẽ̱xgacü nüxü̃ rüporamaexü̃. Rü nüma ya Cori ya Tupana rü Nabucudonochóxü̃ ñanagürü: —¡Inaxũãchi rü naxca̱x íyagoõchi i ngẽma Quedáxtanüxü̃ i éstewa maxẽxü̃! ¡Rü nadai!

Ichaía 31:2

Natürü nüma ya Cori ya Tupana rü guxü̃xü̃ nacua̱x rü nüxü̃́ natauxcha nax guxchaxü̃ ínanguxẽẽxü̃. Rü ngẽxguma wüxi i ta̱xacü naxuegugu rü aixcüma nayanguxẽxẽ. Rü ngẽma duü̃xü̃gü i chixexü̃gu maxẽxü̃ rü nüma ya Tupana rü tá guxchaxü̃ naxca̱x ínanguxẽxẽ. Rü ngẽxgumarüxü̃ tá ta guxchaxü̃ naxca̱x ínanguxẽxẽ i ngẽma chixexü̃arü üruü̃güarü ngü̃xẽẽruü̃gü.

Ichaía 34:16

¡Rü ngẽma Cori ya Tupanaarü orewa pengúe! Rü taxũtáma wüxi i ngẽma naeü̃gü rü ngéma nangeéga, rü taxuxü̃táma nayangemücü i ngexewa. Erü nümatama ya Cori ya Tupana rü ngẽmaãcü nanaxwa̱xe, rü wüxi cue ñaxü̃maxã tá nixĩ i wüxiwa nagagüãxü̃.

Ichaía 45:23

Rü ngẽma chauégagu nüxü̃ chixuxü̃ rü aixcüma nixĩ rü ngẽma chorü ore rü aixcüma tá ningu. Rü guxü̃táma, rü chope̱xegu tá nacaxã́pü̱xügü rü chauégagu tá nüxü̃ nixu nax chauga tá naxĩnüexü̃.