Ichaía 21:13 - Tupanaarü Ore

^13-14 Pema i Arábiaanecüã̱x i taxetanüxü̃ i Dedáü̃wa ne ĩxẽ rü chianexü̃arü chuxchuxü̃necügu pegüxe ¡rü namawa tüxü̃ peyangu̱xẽxẽ ya yíxema duü̃xẽgü ya uanücha̱xwa ibuxmüxẽ, rü dexá tüxna pexã erü tita̱xawae! ¡Rü pemax, Pa Temácüã̱x, rü namawa tüxü̃ peyangu̱xẽxẽ ya yíxema duü̃xẽgü ya uanücha̱xwa ibuxmüxẽ rü õna tüxna pexã!

Ichaía 21:13 Referans Kwoze

Echequié 27:15

Rü yexgumarüxü̃ ta ga yema taxetanüxü̃ ga capaxũ ga Ródaxwa ne ĩxü̃ rü cuxü̃tawa nayataxegü. Rü muxü̃ma ga nachixü̃anegü ga márpechinüwa yexmagüxü̃ rü cuxü̃tawa nayataxegü. Rü nümagü rü marfíxmaxã rü mürapewagü ga ébanunaxca̱xmaxã cuxü̃́ nanaxütanügü ga curü yemaxü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:32

Rü Queturá ga Abraáü̃ naxma̱xaba ixĩcü ngĩnegü nixĩ ga Chimráü̃, rü Yoxcháü̃, rü Medáü̃, rü Madiáü̃, rü Ichibáx, rü Chúa. Rü Yoxcháü̃ nanegü nixĩ ga Chebá, rü Dedáü̃.

Naanearü ügüchiga 25:3

Rü Yoxcháü̃ nanegü nixĩ ga Chebá rü Dedáü̃. Rü Dedáü̃tanüxü̃ nixĩ ga Achuréugü, rü Retuchéugü, rü ñu̱xũchi Leuméugü.

Ichaía 13:20

Rü cuwa rü bai tá i ñuxgu wena duü̃xü̃gü cugu ãpatagüxü̃ rü tagutáma wena duü̃xü̃gü cuwa nangẽxmagü. Rü woo i ngẽma duü̃xü̃gü i nu ne naxĩmarexü̃ rü tagutáma cuwa nangugü. Rü woo i ngẽma carnérugüarü dauruü̃gü rü taxũtáma cugu norü carnérugüxü̃ narüngüexẽxẽ.

Ichaía 13:1

Ñaa nixĩ i ore i Cori ya Tupana Amú nane ya Ichaíaãẽwa ínguxẽẽxü̃ nachiga i ngẽma guxchaxü̃ i Babiróniaca̱x tá ínguxü̃:

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:9

Rü Cúx nanegü nixĩ ga Chebá, rü Abirá, rü Chaxtá, rü Raamá, rü Chaxtecá. Rü Raamá nanegü nixĩ ga Chebá, rü Dedáü̃.

Nüxíraxü̃xü̃ ga popera ga ãẽ̱xgacügüchiga 10:15

Rü yemaétü ngĩxü̃ nayaxu ga yema diẽru ga nüma ga ãẽ̱xgacü ngĩxü̃ unetacü nax naxütanügüãxü̃ca̱x ga taxepataxü̃arü yoragü rü yema togü ga taxetanüxü̃. Rü yexgumarüxü̃ ta ga guxü̃ma ga Arábiaanearü ãẽ̱xgacügü rü yema ãẽ̱xgacügü ga Iraéanearü üyechigümaxã icua̱xgüxü̃ rü ngĩxü̃ naxütanügü ga yema diẽru ga ãẽ̱xgacü ngĩxü̃ unetacü.

Naanearü ügüchiga 10:7

Rü Cúx nanegü nixĩ ga Chebá, rü Abirá, rü Chaxtá, rü Raamá rü Chaxtecá. Rü Raamá nanegü nixĩ ga Chebá rü Dedáü̃.

Ichaía 21:12

Rü nüma i dauxü̃taeruxü̃ rü nanangãxü̃ rü ñanagürü: —Marü yea ne naxũ i ngóonexü̃, natürü ngẽma chütaxü̃ rü wena tá ínangu. Rü ngẽxguma wena choxna pecachaü̃gu, rü marü name i wena chauxü̃tawa pexĩ —ñanagürü.

Yeremía 49:8

Pemax, Pa Ĩane ya Dedáü̃cüã̱x, ¡pibuxmü nax ãxmaxü̃gügu pegü peyarücu̱xgüxü̃ca̱x! Erü tá chanapoxcu i guxü̃ma i Edóü̃anecüã̱xgü i Echaútanüxü̃ ixĩgüxü̃. Rü marü nawa nangu i ngẽma ngunexü̃ i nagu tá chanapoxcuxü̃.