Ichaía 21:12 - Tupanaarü Ore

¹² Rü nüma i dauxü̃taeruxü̃ rü nanangãxü̃ rü ñanagürü: —Marü yea ne naxũ i ngóonexü̃, natürü ngẽma chütaxü̃ rü wena tá ínangu. Rü ngẽxguma wena choxna pecachaü̃gu, rü marü name i wena chauxü̃tawa pexĩ —ñanagürü.

Ichaía 21:12 Referans Kwoze

Echequié 7:12

Marü nawa nangu i ngẽma ngunexü̃, rü ínangu i ngẽma ora. Rü ngẽma taxetanüxü̃ rü taxuca̱xma ta̱xacüca̱x nataãxẽ, rü ngẽma naxca̱x taxexü̃ rü taxuca̱xma ta̱xacüca̱x nangechaxü̃. Erü chorü numaxã tá chanapoxcu i guxü̃ma i ngẽma Iraétanüxü̃ i ñu̱xma nügü icua̱xüü̃güxü̃.

Echequié 7:10

Rü ñaa nixĩ i ngẽma ngunexü̃, rü marü nawa nangu. Rü marü ínangu i ngẽma poxcu. Rü ngẽma chixexü̃ rü guxü̃wama i ñaa naanewa nangẽxma. Rü duü̃xü̃gü rü guxü̃wama nügü nicua̱xüü̃gü.

Ichaía 55:7

Rü ngẽma duü̃xü̃ i chixecümaxü̃, rü name nixĩ i nüxü̃ narüxo i ngẽma nacüma i chixexü̃. Rü ngẽma duü̃xü̃ i chixexü̃gu rüxĩnüxü̃, rü name nixĩ i nüxü̃ narüxo i ngẽma chixexü̃ i nagu naxĩnüxü̃. ¡Rü Cori ya Tupanaca̱x pewoegu! Rü tá nüxü̃́ pengechaü̃tümüxü̃gü. ¡Rü naxca̱x pewoegu ya tórü Tupana! Erü nüma rü ínamemare nax pexü̃́ nüxü̃ nangümaxü̃ i perü chixexü̃gü.

Ichaía 17:14

Rü yáuanecü rü poraãcü naxãũcüma i ngẽma uanügü, natürü naxü̃pa nax yangóonexü̃ rü marü nayue. Rü ngẽma tá nüxü̃ nangupetü i ngẽma duü̃xü̃gü i tórü ngẽmaxü̃gü dexü̃ rü tüxü̃ daixü̃.

Yeremía 50:27

¡Penadai i guxü̃ma i Babiróniaanearü churaragü! ¡Daichicawa penamugü! Rü wüxi i taxü̃ i ngechaü̃ nixĩ i naxca̱x i ngẽma duü̃xü̃gü. Marü nawa nangu i norü ngunexü̃ rü norü ora nax napoxcuexü̃ —ñanagürü.

Ichaía 21:11

Wüxi i duü̃xü̃ rü Edóü̃anewa tagaãcü choxna naca rü ñanagürü: —¿Pa Dauxü̃taeruxü̃x, ñuxgu tá ningune i ñaa chütaxü̃? ¿Pa Dauxü̃taeruxü̃x, ñuxre nataxu nax yangóonexü̃? —ñanagürü.

Ichaía 21:13

Pema i Arábiaanecüã̱x i taxetanüxü̃ i Dedáü̃wa ne ĩxẽ rü chianexü̃arü chuxchuxü̃necügu pegüxe ¡rü namawa tüxü̃ peyangu̱xẽxẽ ya yíxema duü̃xẽgü ya uanücha̱xwa ibuxmüxẽ, rü dexá tüxna pexã erü tita̱xawae! ¡Rü pemax, Pa Temácüã̱x, rü namawa tüxü̃ peyangu̱xẽxẽ ya yíxema duü̃xẽgü ya uanücha̱xwa ibuxmüxẽ rü õna tüxna pexã!

Abdía 1:1

Nango̱xetü ga Adía, rü Cori ya Tupana nüxü̃ nüxü̃ nacua̱xẽxẽ nax ta̱xacü tá nüxü̃ ngupetüxü̃ ga Edóü̃ane. Rü nüma ga Adía rü duü̃xü̃gümaxã nüxü̃ nixu rü ñanagürü: —Marü nüxü̃ taxĩnüe ga Cori ya Tupanaarü ore yerü guxü̃ ga nachixü̃anewa nanamu ga norü orearü uruxü̃ nax namaxã nüxü̃ yaxugüxü̃ca̱x: “¡Ngĩxã itaxĩãchi nax Edóü̃anecüã̱xmaxã yigü ida̱i̱xü̃ca̱x!” —ñanagürü.

Echequié 33:11

Natürü choma ya Cori ya Tupana rü chauégagu nüxü̃ chixu nax tama chanaxwa̱xexü̃ nax texe tümaarü pecadugu yuxü̃. Natürü ngẽma chanaxwa̱xexü̃ nixĩ nax nüxü̃ tarüxoxü̃ i tümacüma i chixexü̃ nax ngẽmaãcü tüxü̃́ nangẽxmaxü̃ca̱x i maxü̃. Pa Iraétanüxü̃x, ¡nüxna pixĩgachitanü i ngẽma chixexü̃ i nacüma i nagu pemaxẽxü̃! ¿Rü ta̱xacüca̱x yuwa pegü pexĩxẽxẽ?