Ichaía 21:1 - Tupanaarü Ore

¹ Ñaa nixĩ i Tupanaarü ore i chianexü̃ i márpechinüwa ngẽxmaxü̃chiga ixĩxü̃. Ñoma buanecü ya tacü ya íxã̱ũ̱xẽmacü ya súrwaama ne ũemacü rü chianexü̃waama ne ũcürüxü̃ tá ngẽma chianexü̃ i ãũcümaxü̃wa ne naxĩ i ngẽma churaragü.

Ichaía 21:1 Referans Kwoze

Ichaía 14:23

Rü ngẽma Babiróniaane rü tá ngóxü̃xü̃ chayaxĩxẽxẽ, rü ngẽma naane rü cüchanagürica tá nawa namaxẽ. Rü ñoma ta̱xacü ibixichixü̃rüxü̃ tá chayanaxoxẽxẽ i guxü̃ma i nawa ngẽxmaxü̃ —ñanagürü ya Cori ya Tupana ya Guxãétüwa Ngẽxmacü.

Yeremía 51:42

Rü Babiróniaanearü uanügü rü ñoma már arü yuaperüxü̃ guxü̃wama Babiróniaanegu nachocu, rü norü churaragümaxã nanapa i ngẽma nachixü̃ane.

Ichaía 13:1

Ñaa nixĩ i ore i Cori ya Tupana Amú nane ya Ichaíaãẽwa ínguxẽẽxü̃ nachiga i ngẽma guxchaxü̃ i Babiróniaca̱x tá ínguxü̃:

Chacaría 9:14

Rü nüma ya Cori ya Tupana rü tá norü duü̃xü̃gütanüwa nügü nawe̱x. Rü ngẽxguma nama̱xgüãgu i norü chuxchigü rü ñoma ãẽmacürüxü̃ tá nixĩgü. Rü nüma ya Cori ya Tupana rü tá nagu nicue i norü trompéta. Rü ñoma buanecü ya tacü ya súrwaama ne ũcügurüxü̃ tá nixũ.

Ichaía 17:1

Ñaa nixĩ i Tupanaarü ore ya ĩane ya Damácuchiga ixĩxü̃. Damácu rü tá inayarüxo nax ĩane yixĩxü̃. Rü natüchixica tátama ngéma nayaxǘ.

Danié 11:40

Rü ngẽxguma nawa nanguxgu nax nügü nada̱i̱xü̃ rü ngẽma súr-arü ãẽ̱xgacü rü tá ngẽma nórtearü ãẽ̱xgacüca̱x ínayagoõchi. Natürü ngẽma nórtearü ãẽ̱xgacü rü ñoma wüxi ya buanecü ya íxãũxẽmacürüxü̃ tá naxca̱x niñaama. Rü carugü i dairuxü̃ ixĩgüxü̃maxã, rü churaragü i cowarutagu ixĩxü̃maxã tá nayapaxẽxẽ i ngẽma nachixü̃ane. Rü tá namu ya norü wapurugü.

Echequié 31:12

Rü ngẽma duü̃xü̃gü i yexera chixecümagüxü̃ rü tá nanatuxgü rü nayawa̱xẽxẽgü. Rü tá ngéma nanata̱xgü rü tá nüxna ngéma nibuxmü. Rü ngẽma nachacüügü rü tá nabüü̃gü rü guxü̃ma i ma̱xpǘnegügu rü ngatexü̃gügu rü natüacügügü tá nayayi. Rü guxü̃ma i ngẽma duü̃xü̃gütücumügü ga norü gáuxpechitaxü̃ca̱x natüxü̃gu ãchiü̃güxü̃ rü tá nibuxmü rü tá ngéma nanata̱xgü.

Echequié 30:11

Rü nüma rü norü churaragü i guxü̃ma i togü i nachixü̃anegüarü yexera rüporamaegüxü̃ tá Equítuaneca̱x ínayachoõchi. Rü taramaxã tá Equítuanecüã̱xgüxü̃ nadai. Rü ngẽma nachixü̃ane rü tá yuexü̃maxã nayapa.

Yox 37:9

Rü súrwaama ne naxũ ya taxüchicü ya buanecü rü nórtewaama ne naxũ i gáuanexü̃.

Ichaía 5:28

Rü yima naxnegü rü meama nixãmagu, rü guxü̃nema ya norü würagü rü meama nipe̱xe̱xcunü. Rü norü cowaruarü nga̱xcueruü̃gü rü nutarüxü̃ nataixichi. Rü naga i nachicu i norü carugü rü ñoma wüxi ya buanecü ya taxüchicürüxü̃ nixĩgü.

Echequié 1:4

Rü to ga nüxü̃ chadauxü̃ nixĩ ga wüxi ga buanecü ga íxãũxẽmacü ga nórtewaama ne ũcü. Rü wüxi ga taxü̃ ga caixanexü̃wa nango̱x ga wüxi ga üxüema ga ãẽmacürüxü̃ ixĩxü̃. Rü norü guxü̃cüwawa rü poraãcü nangóone. Rü yema üxüemaarü ngãxü̃wa rü yéma nayexma ga wüxi ga ta̱xacü ga ñoma bróũcherüxü̃ iya̱u̱xracüüxü̃.

Echequié 38:9

Rü cumax, Pa Góx, rü ngẽma nachixü̃anewa tá cungu rü ñoma wüxi i caixanexü̃ i waemaxü̃rüxü̃ tá curü muxü̃ma i churaragü i muxü̃ma i nachixü̃anewa ne ĩxü̃maxã cuyapaxẽxẽ i ngẽma nachixü̃ane”, ñachagürü.

Ichaía 13:13

Rü ngẽxguma tá nawa nanguxgu i ngẽma ngunexü̃ rü choma rü chorü numaxã tá chayadu̱xruxẽxẽ i daxũguxü̃ i naane. Rü chorü nugagu rü ñoma i naane rü tá nixũgachi i nachicawa.

Ichaía 14:1

Rü nüma ya Cori ya Tupana rü tá Acóbutanüxü̃ nüxü̃́ nangechaü̃tümüxü̃ rü wena tá norü duü̃xü̃gü i Iraétanüxü̃xü̃ nade. Rü tá nüxü̃́ nanatauxchaxẽxẽ i Iraétanüxü̃ nax wena norü naaneca̱x nawoeguxü̃. Rü ngẽma duü̃xü̃gü i to i nachixü̃anewa ne ĩxü̃ rü Iraétanüxü̃ca̱x tá naxĩ rü wüxiwa Acóbuarü duü̃xü̃gütanüwa tá namaxẽ.

Ichaía 14:14

Rü ngẽma caixanexü̃arü yexeragu tá chaxĩnagü rü naxrüxü̃ tátama chixĩ ya yimá Tupana ya Guxãétüwa Ngẽxmacü”, ñacurügü i cugüãẽwa.

Ichaía 47:1

Rü ñanagürü ga Tupana: —Pa Babiróniacüã̱xgüx, noxri rü muxü̃ma ga nachixü̃anegümaxã ipecua̱xgü natürü i ñu̱xma rü marü peturae rü waixü̃müte̱xewa tá perütogü. Rü yima perü ĩane ga noxri wüxi i pacü i mexẽchicürüxü̃ ixĩxü̃ne rü duü̃xü̃gü rü marü tagutáma nüxü̃ nixugüe nax namexẽchixü̃.

Yeremía 51:1

Cori ya Tupana rü ñanagürü: —Choma rü tá ngẽma Babiróniaanearü duü̃xü̃gü i Cadéugüca̱x ngéma chanamugü i wüxi i norü uanü i ñoma buanecü ya ĩanegu pogücürüxü̃ ixĩgüxü̃.

Yeremía 51:51

Rü pema rü ñaperügügü: “Toma rü taxãnee i ngẽxguma nüxü̃ taxĩnüegu i ñuxãcü chixexü̃ tomaxã yaxugüexü̃ i duü̃xü̃gü. Rü ãnemaxã togü tidüchametügü, yerü yema to i nachixü̃anecüã̱xgü rü nagu nachocu ga yema nachicagü ga Tupanapatawa yexera üünexü̃”, ñaperügügü.