Ichaía 20:5 - Tupanaarü Ore

⁵ Rü ngẽma togü i nachixü̃anegü i Etiopíaaneaxü̃́ yaxõgüxü̃ nax ínapoxü̃ãxü̃ca̱x rü ngẽma Equítuanecüã̱xmaxã nügü icua̱xüü̃güxü̃ rü tá poraãcü namuü̃e rü naxãnee.

Ichaía 20:5 Referans Kwoze

Ichaía 30:3

Natürü nüma i Faraóü̃ rü taxũtáma ínanapoxü̃. Rü ngẽma nax Equítuaneaxü̃́ yaxõgüãxü̃ rü tá düxwa ngechaü̃ naxca̱x ínanguxẽẽgümare.

1 Corintios 3:21

Rü ngẽmaca̱x tama name i texé tügü ticua̱xüxü̃ ega duü̃xü̃güarü cua̱x tüxü̃́ ngẽxmagu. Erü Tupana rü marü pexna nanaxã i guxü̃ma nax pexrü yixĩxü̃ca̱x.

Yeremía 17:5

Rü nüma ya Cori ya Tupana rü ñanagürü: —Choma rü poxcu tümamaxã chaxuegu ya yíxema choxna ixũgachixe rü tümarüxü̃ duü̃xü̃güna rüyoexe rü ngẽmaarü ngü̃xẽẽca̱x dauxe.

Norü taxre ga popera ga ãẽ̱xgacügüchiga 18:21

Rü nüxü̃ chacua̱xama nax Equítuanearü ngü̃xẽẽna nixĩ i curüyoexü̃. Ngẽma Equítuane rü ñoma wüxi ya dexne ya ibüyenerüxü̃ nixĩ rü ngẽxguma texé nagu iyauxãchigu rü tá tümame̱xẽwa ningaxi. Rü nüma i Faraóü̃ i Equítuanearü ãẽ̱xgacü rü ngẽxgumarüxü̃ nixĩ naxca̱x i guxü̃ma i ngẽma nüxü̃́ yaxõgüxü̃.

Ichaía 36:6

Rü nüxü̃ chacua̱x nax Equítuanearü ãẽ̱xgacüaxü̃́ nixĩ i cuyaxõxü̃. Rü aixcümaxü̃chi i Equítuanearü ãẽ̱xgacü rü ñoma wüxi i dexnemena̱xã i büyexü̃rüxü̃ nixĩ. Rü ngẽxguma nagu iyauxãchigu rü nagu tangúxme̱x i natüchi. Rü ngẽxgumarüxü̃ nixĩ i Equítuanearü ãẽ̱xgacü i Faraóü̃, rü guxchaxü̃ tümaca̱x ínanguxẽxẽ ya guxãma ya yíxema nüxü̃́ yaxõgüxe.

Ichaía 30:7

Natürü natüca̱xma nixĩ i ngéma nanaãxü̃ i norü ngẽmaxü̃gü rü norü diẽrugü, erü Equítuane rü tama napora nax nüxü̃ nangüxẽẽxü̃ca̱x. Rü ngẽmaca̱x nixĩ i: —Ngo̱xo i natüca̱xma ixĩxü̃ i Taxuxü̃ma Üxü̃gu chanaxüégaxü̃ —ñanagürü ga Tupana.

Ichaía 2:22

Rü ngẽmaca̱x tama name i perüxü̃ i duü̃xü̃gügu peyaxõgü, erü duü̃xü̃güarü maxü̃ rü ñoma yáxna rüngü̱̃xü̃rüü̃mare nixĩ nax paxa iyacuáxü̃.

Ichaía 31:1

Wüxi i taxü̃ i ngechaü̃ nixĩ naxca̱x i ngẽma Iraétanüxü̃ i Equítuanegu ngü̃xẽẽca̱x yadaugüxü̃. Nümagü rü nagu nayaxõgü ya yima muxũchine ya Equítuanearü carugü rü muxũchixü̃ i churaragü i cowaruétügu ĩxü̃. Natürü tama naga naxĩnüechaü̃ ya yimá norü Tupana ya üünecü, rü tama norü ucu̱xẽca̱x nadaugü.

Ichaía 36:9

Cuma rü tama cupora nax cuyañaxẽẽxü̃ i woo i ngẽma Achíriaanearü churaragüeru i natüxü̃waama üxü̃. ¿Ẽ̱xna nagu curüxĩnü nax Equítuanewa naxca̱x ícuca̱xaxü̃ i cowarugü rü churaragü i ngẽma cowarugümaxã icua̱xgüxü̃?

Ichaía 37:9

Rü yexguma yéma nayexmayane ga nüma ga Achíriaanearü ãẽ̱xgacü rü yéma nüxü̃ naxĩnüchiga nax Etiopíaanearü ãẽ̱xgacü ga Tiráca rü naxca̱x nax ínayagoõchichaü̃xü̃. Natürü nüma ga ãẽ̱xgacü ga Achíriaanecüã̱x ga Chenáqueri rü wenaxarü norü duü̃xü̃güxü̃ namuama nax Yudáanearü ãẽ̱xgacü ga Echequíaxü̃tawa nangegüãxü̃ca̱x ga popera ga ñaxü̃: —Curü Tupana ya nüxü̃́ cuyaxõcü rü cumaxã nüxü̃ nixu ya yima ĩane ya Yerucharéü̃ rü taxũtáma cho̱xme̱xgu nax nanguxü̃. ¡Natürü taxṹ i cugü cunawomüxẽxẽxü̃ ya yimá curü Tupana!

Yeremía 46:25

Rü nüma ya Cori ya Guxãétüwa Ngẽxmacü ya Iraétanüxü̃arü Tupana rü ñanagürü: —Tá chanapoxcu i Amóü̃ ya ĩane ya Tébaarü tupananeta. Rü ngẽxgumarüxü̃ tá ta chanapoxcu i Equítuane wüxigu namaxã i norü tupananetagü. Rü tá chanapoxcu i Equítuanearü ãẽ̱xgacügü, rü nüma i Faraóü̃ rü guxü̃ma i ngẽma duü̃xü̃gü i nagu yaxõgüxü̃

Echequié 29:16

Rü ngẽma Iraétanüxü̃ rü marü taxũtáma wena Equítuanecüã̱xgügu narüxĩnüe. Erü marü tá nüxü̃ nicua̱xãchitanü nax poraãcü ínatüexü̃ ga yexguma Equítuanearü ngü̃xẽẽca̱x nadaugügu. Rü ngẽmaãcü tá nüxü̃ nicua̱xãchitanü nax choma yixĩxü̃ i Iraétanüxü̃arü Cori ya Tupana’ ” —ñanagürü.

Naúü̃ 3:9

Rü yema Etiopíaane rü Equítuane nixĩ ga yema Tébaarü poxü̃ruü̃gü ixĩgüxü̃. Rü yema Fúxane rü Líbiaane rü Tébaarü ngü̃xẽẽruü̃gü nixĩgü.

Chofonía 2:12

Rü ngẽxgumarüxü̃ tá ta i pemax, Pa Etiopíaanecüã̱xgüx, rü Cori ya Tupanaarü taragu tá peyue.