Ichaía 20:3 - Tupanaarü Ore

³ Rü yexguma ga Cori ya Tupana rü ñanagürü: —Chorü duü̃ ya Ichaía rü tomaepü̱x ya taunecü taguma chapatugu nicuaxi rü taguma naxchirugu nicu̱x. Rü ngẽma rü wüxi i cua̱xruxü̃ nixĩ naxca̱x i ngẽma Equítuanecüã̱xgü rü Etiopíaanecüã̱xgü nax ngẽmawa nüxü̃ nacuáxü̃ca̱x i ta̱xacü tá namaxã ngupetüxü̃.

Ichaía 20:3 Referans Kwoze

Ichaía 8:18

Rü nüma ya Cori ya Tupana ya Guxãétüwa Ngẽxmacü ya ma̱xpǘne ya Chióü̃gu ãchiü̃cü rü choxna nanamu i chaunegü nax wüxigu chaunegümaxã cua̱xruxü̃ tixĩgüxü̃ca̱x naxca̱x i Iraétanüxü̃.

Ichaía 43:3

Rü choma nixĩ i perü Cori ya perü maxẽxẽẽruxü̃ chixĩxü̃, Pa Iraétanüxü̃x. Rü choma nixĩ i perü Tupana ya Üünecü chixĩxü̃. Rü choma nixĩ ga ãẽ̱xgacü ga Chírume̱xẽgu chayixẽẽxü̃ ga perü uanügü ga Equítuanecüã̱xgü rü Etiopíaanecüã̱xgü rü Chabáanecüã̱xgü nax yemaacü naxme̱xwa ípenguxü̃xü̃ca̱x ga pemax.

Ichaía 37:9

Rü yexguma yéma nayexmayane ga nüma ga Achíriaanearü ãẽ̱xgacü rü yéma nüxü̃ naxĩnüchiga nax Etiopíaanearü ãẽ̱xgacü ga Tiráca rü naxca̱x nax ínayagoõchichaü̃xü̃. Natürü nüma ga ãẽ̱xgacü ga Achíriaanecüã̱x ga Chenáqueri rü wenaxarü norü duü̃xü̃güxü̃ namuama nax Yudáanearü ãẽ̱xgacü ga Echequíaxü̃tawa nangegüãxü̃ca̱x ga popera ga ñaxü̃: —Curü Tupana ya nüxü̃́ cuyaxõcü rü cumaxã nüxü̃ nixu ya yima ĩane ya Yerucharéü̃ rü taxũtáma cho̱xme̱xgu nax nanguxü̃. ¡Natürü taxṹ i cugü cunawomüxẽxẽxü̃ ya yimá curü Tupana!

Iraétanüxü̃arü muxchiga 14:34

Rü pemax rü 40 ga ngunexü̃ pinge nax penangugügüxü̃ i ngẽma nachixü̃ane. Rü ngẽmaca̱x rü 40 ya taunecü tá nixĩ i ñaa chianexü̃gu ipexĩĩxü̃ nax ngẽmaãcü peyangutanüxẽẽxü̃ca̱x i perü poxcu. Rü ngẽma 40 i ngunexü̃ca̱x rü 40 ya taunecü tá nixĩ. Rü ngẽmawa tá nixĩ i nüxü̃ picua̱xãchitanü nax ta̱xacü tüxü̃ nangupetüxü̃ ya yíxema tama chauga ĩnüxe.

Echequié 4:3

¡Rü ngẽmawena rü nayaxu i wüxi i fierutachinü! ¡Rü yima ĩanechicüna̱xãpe̱xegu rü ñu̱xũchi cugüpe̱xearü ngãxü̃gu naxǘ i ngẽma fierutachinü ñoma wüxi i naxtapü̱xrüxü̃! Rü cuma rü ñoma ĩaneca̱x ícuyagoõchixü̃rüxü̃ tá cugü quixĩxẽxẽ. Rü guxü̃ma i ngẽma rü Iraétanüxü̃ca̱x rü wüxi i cua̱xruxü̃ tá nixĩ.

Echequié 12:6

Rü ngẽxguma nachütagu rü tá cugüatügu cunanugü i curü ngẽmaxü̃gü. ¡Rü ñu̱xũchi guxü̃ma i duü̃xü̃güpe̱xewa namaxã ínaxũxũ! ¡Rü tá cugü quidüxchiwe nax ngẽmaãcü tama nüxü̃ cudauxü̃ca̱x i ngẽma waixü̃mü! Rü guxü̃ma i ngẽma cuxü̃ chamuxü̃ nax cunaxüxü̃ca̱x rü wüxi i cua̱xruxü̃ tá nixĩ naxca̱x i ngẽma Iraétanüxü̃ i Yerucharéü̃wa ngẽxmagüxü̃ —ñanagürü choxü̃.

Echequié 30:6

Rü ngẽmaca̱x i choma i Cori ya Tupana rü ñacharügü: ‘Guxü̃ma i ngẽma Equítuaneétüwa ügüxü̃ rü tá daigu nayue. Rü Midóxwa tá inaxügü rü ñu̱xmatáta Achuáü̃gu yacuá nax nayuexü̃. Rü ngẽma ngü̃xẽxẽ i nügü namaxã yacua̱xüxü̃ ga Equítuane rü tá ngẽxma narüxo. Rü choma ya Cori ya Tupana nixĩ i nüxü̃ chixuxü̃ i ngẽma.

Chacaría 3:8

¡Rü dücax, Pa Yochuéx, rü mea rüxĩnü i cuma nax chacherdótegüarü ãẽ̱xgacü quixĩxü̃! Rü ngẽxgumarüxü̃ ta i cumücügü rü name nax mea inaxĩnüexü̃, erü pema rü wüxi i cua̱xruxü̃ pixĩgü nachiga ya yíxema tá nua chanaxũxẽxẽcü. Erü paxa tá nua petanüwa chanamu i wüxi i choxrü duü̃xü̃ i Dabítaxa i perü ãẽ̱xgacü tá ixĩcü.

Ichaía 19:4

Natürü i choma rü wüxi i ãẽ̱xgacü i chixecümaxü̃ i tama norü duü̃xẽgüxü̃ ngechaü̃xü̃me̱xẽgu tá chananguxẽxẽ i Equítuane —ñanagürü ya Tupana ya Guxãétüwa Ngẽxmacü.

Yeremía 13:1

Rü nüma ga Cori ya Tupana rü ñanagürü choxü̃: —¡Naxca̱x yataxe i wüxi i goyexü̃ i línuchinaxca̱x! ¡Rü ñu̱xũchi cugü namaxã igoye! ¡Natürü taxũtáma cuyawaixẽxẽ! —ñanagürü choxü̃.

Echequié 4:1

Rü Cori ya Tupana rü ñanagürü: —Cumax, Pa Echequiéx, ¡rü nayaxu ya wüxi ya ladriyu rü cugüpe̱xegu naxǘ! ¡Rü yimagu naxüxchicüna̱xã ya yima ĩane ya Yerucharéü̃!

Echequié 30:4

Rü Equítuaneca̱x tá ínangu i dai. Rü ngẽxguma muxü̃ma nadaixgu rü norü ngẽmaxü̃gü napuxü̃gu rü guxü̃nema ya Equítuanearü ĩanegügu napogüegu, rü Etiopíaanearü duü̃xü̃gü rü tá nidu̱xruxe.

Chofonía 2:12

Rü ngẽxgumarüxü̃ tá ta i pemax, Pa Etiopíaanecüã̱xgüx, rü Cori ya Tupanaarü taragu tá peyue.