Ichaía 20:2 - Tupanaarü Ore

² Rü yexgumaü̃cüü ga Cori ya Tupana rü orearü uruxü̃ ga Ichaía ga Amú nanemaxã nidexa rü ñanagürü: —¡Ínacuxuchi i ngẽma cuxchiru i témüxü̃ i nagu quicúxü̃ rü ñu̱xũchi ngẽma curü chapatu i nagu quicuaxixü̃! —ñanagürü. Rü nüma ga Ichaía rü nayanguxẽxẽ ga yema Tupana namaxã nüxü̃ ixuxü̃ rü wixgutaa̱x nangexchiru rü nangearü chapatuã̱x rü yemaacü nixũ.

Ichaía 20:2 Referans Kwoze

Ore i mexü̃ ga Matéu ümatüxü̃ 3:4

Rü naxchiru ga Cuáü̃ rü caméyuta̱xanaxca̱x nixĩ, rü norü goyexü̃ rü naxcha̱xmünaxca̱x nixĩ. Rü munümaxã rü beruremaxã naxãwemü.

Miquéa 1:8

Rü Miquéa rü ñanagürü ta: —Ngẽmaca̱x taxü̃ i chorü ngechaü̃maxã tá chaxaxu, rü ngearü chapatuã́xẽ rü ngexchiruxe tá chixũ, rü airu i dauxchitacüã̱xrüxü̃ tá chaxaxu rü ngẽma abetrúxacürüxü̃ aita tá chaxü.

1 Chamué 19:24

Rü naétü ínacuxuchi ga naxchiru, rü guxü̃ma ga yema ngunexü̃ rü chütaxü̃ rü Chamuépe̱xewa ngexchiruãcü Tupanaarü oremaxã nidexa. Rü ngéma nixĩ i nangóxü̃ i ore i ñaxü̃: —¿Chaú rü ta ẽ̱xna Tupanaarü orearü uruxü̃ nixĩ? —ñaxü̃.

Chacaría 13:4

Rü ngẽma ngunexü̃gu rü ngẽma orearü uruü̃günetagü rü tá naxãnee nax nüxü̃ yaxugüxü̃ i ngẽma nanegüwa nüxü̃ nadaugüxü̃ erü doramare nixĩ. Rü taxũtáma Tupanaarü orearü uruü̃güchiru i carnérucha̱xmüü̃naxca̱xgu nicu̱x nax ngẽmaãcü doramare ixĩxü̃ i orexü̃ yaxuxü̃ca̱x.

Echequié 24:23

Rü taxũtáma ngepatexeãcü rü ngearü chapatuãcü ipexĩ. Rü taxũtáma pengechaxü̃gü rü tümaca̱x pexauxe. Rü ngẽma perü pecadugügagu rü tá pengearü poraã̱x. Rü pegümaxãxicatama tá pexauxe.

Miquéa 1:11

Pa Cháficüã̱xgüx, pema rü tá to i nachixü̃anewa pexü̃ nagagü rü ngéma ngexchirugüãcüma rü ãneãcüma tá pexü̃ nacugüe. Rü ngẽma Chaanáü̃cüã̱xgü rü taxũtáma ínachoxü̃ nax pexü̃ nangü̃xẽẽxü̃ca̱x. Rü ĩane ga Bex-échewa rü tá naxauxe i duü̃xü̃gü, natürü taxũtáma pexü̃ narüngü̃xẽxẽ.

Ichaía 13:1

Ñaa nixĩ i ore i Cori ya Tupana Amú nane ya Ichaíaãẽwa ínguxẽẽxü̃ nachiga i ngẽma guxchaxü̃ i Babiróniaca̱x tá ínguxü̃:

Yema Cuáü̃ nüxü̃ dauxü̃ i yixcüra tá ngupetüxü̃chiga 11:3

Rü choma rü tá chanamu i taxre i chorü orearü uruü̃gü i témüxü̃maxã ixãxchiruxü̃ nax 1,260 i ngunexü̃ duü̃xü̃gümaxã nüxü̃ yaxugüxü̃ca̱x i chorü ore”, ñanagürü choxü̃.

Ngechuchuarü ngúexü̃gü ga yamugüxü̃arü puracüchiga 19:16

Rü yexguma ga yema yatü ga ngo̱xoã́xü̃ rü yema duü̃xü̃gü ga ínata̱xüchigüchaü̃xü̃na nayuxu, rü nüxü̃ narüporamae ga guxü̃ma rü ínanagáuü̃xü̃negü. Rü yemaacü ngexchiruxü̃ma rü napíexü̃ma nibuxmü ga gumá ĩwa.

Ore i mexü̃ ga Cuáü̃ ümatüxü̃ 21:7

Rü yexguma ga yema ngúexü̃ ga Ngechuchu poraãcü nüxü̃ ngechaü̃xü̃ rü Chimóü̃ ga Pedruxü̃ ñanagürü: —Yimá nixĩ ya Cori ya Ngechuchu —ñanagürü. Rü yexguma yemaxü̃ naxĩnügu ga Pedru ga gumá nax yixĩxü̃ ga Cori, rü nicuxcuchi ga naxchiru yerü noxri rü ínacuxuchi. Rü natüchíüwa nayuxu, rü naxãnacüwa nawẽxẽ.

Ore i mexü̃ ga Matéu ümatüxü̃ 16:24

Rü yexguma ga Ngechuchu rü norü ngúexü̃güxü̃ ñanagürü: —Rü ngẽxguma texé chowe rüxũxchaü̃gu, ¡ẽcü nüxü̃ tarüxo i tümaarü ngúchaü̃, rü namaxã tapora i ngẽma guxchaxü̃gü i tümaca̱x ínguxü̃, rü ngẽmaétüwa chowe tarüxũ!

Echequié 4:5

Rü 390 i ngunexü̃ tá nixĩ i curü to̱xwecüwamaxã icucaxü̃. Rü ngẽma 390 i ngunexü̃ i nagu ngẽxma cucaxü̃ rü nachiga nixĩ ga guma 390 ga taunecü ga Iraéanecüã̱xgü pecadu nagu ügücü.

Norü taxre ga popera ga ãẽ̱xgacügüchiga 1:8

Rü nümagü nanangãxü̃gü rü ñanagürügü: —Wüxi i yatü i ngu̱xuxpümüxü̃maxã ãxchiruxü̃ nixĩ, rü ñu̱xũchi wüxi i goyexü̃ i naxcha̱xmünaxca̱xmaxã nigoye —ñanagürügü. Rü nüma ga ãẽ̱xgacü rü ñanagürü: —Ngẽma rü Ería i Tibécüã̱x nixĩ —ñanagürü.

2 Chamué 6:20

Rü nüma ga Dabí rü ta napataca̱x nataegu nax napatacüã̱xgümaxã mexü̃ naxueguxü̃ca̱x. Natürü ga Micá ga Chaúxacü, rü naxca̱x iyagó rü inayaxu rü ngĩgürügü: —Ñu̱xmawaxix nixĩ i nügü mea inawéxü̃ ya Iraéanearü ãẽ̱xgacü nape̱xewa i norü churaragüerugüarü naxü̃taxü̃gü rü ñoma ngexü̃rüüxü̃mare i duü̃xü̃rüxü̃ nügü nixĩxẽxẽ rü ãne inawe̱x —ngĩgürügü.

Yochué 5:15

Rü nüma ga yema Cori ya Tupanaarü churaragüeru rü Yochuéxü̃ nangãxü̃ rü ñanagürü: —¡Ẽcü ínacua̱xichi i curü chapatu erü ñaa nachica i nawa cungexmaxü̃ rü naxüüne! —ñanagürü. Rü nüma ga Yochué rü naga naxĩnü rü ínacua̱xichiarü chapatuã̱x.

Ínachoxü̃xü̃chiga 3:5

Rü yexguma ga Tupana rü ñanagürü nüxü̃: —¡Taxṹ i nüxna cungaicamaxü̃! ¡Rü ínacua̱xichi i curü chapatu! Erü ñaa nachica i nawa cungexmaxü̃ rü naxüüne —ñanagürü.

Ngechuchuarü ngúexü̃gü ga yamugüxü̃arü puracüchiga 21:11

Rü yexguma toxü̃tawa nanguxgu ga Agábu, rü nanayaxu ga Pauruarü goyexü̃. Rü namaxã nügü ninã̱ĩ̱xgücutü, rü nügü nináĩme̱x, rü ñanagürü: —Tupanaãxẽ ya Üünecü marü chomaxã nidexa rü ñanagürü: “Rü ñaãcü tá nayana̱i̱xgü i Yudíugü i Yerucharéü̃wa i ñaa goyexü̃arü yora. Rü ngẽma duü̃xü̃gü i tama Yudíugü ixĩgüxü̃na tá nanamugü” —ñanagürü.

2 Chamué 15:30

Dabí rü nawa ínaxüãchi ga guma ma̱xpǘne ga Oribunecügu ãégane rü nangearü chapatuã̱x rü nixaxünechigü rü nügü natüeru yerü ngúxü̃ ninge. Rü guxü̃ma ga yema duü̃xü̃gü ga íyaxümücügüxü̃ rü ta nügü nidüxgüeru, rü naxauxeãcüma ínachoõchi nawa ga guma ma̱xpǘne.

Wiyaegü 30:11

Rü ñu̱xma nax cha̱u̱xca̱x cuyataanexẽẽxü̃ rü ngẽma chorü ngechaü̃ rü taãẽxü̃ choxü̃́ cuyanguxuchixẽxẽ. Rü choxna cuyaxũgachixẽxẽ i ngẽma chorü ngechaü̃ rü taãxẽ choxna cuxã.

Ichaía 1:1

Ñaa nixĩ ga ore ga Amú nane ga Ichaíaãẽwa Tupana ínguxẽẽxü̃ ga yexguma Yudáanecüã̱xarü ãẽ̱xgacügü yixĩxgu ga Uchía, rü Yotáü̃, rü Acháx rü Echequía. Rü yema orewa nüxü̃ nixu nax ta̱xacü tá nüxü̃ ngupetüxü̃ ga Yudáane rü ĩane ga Yerucharéü̃.

Ichaía 37:2

Rü nüma ga ãẽ̱xgacü rü nanamu ga Eriaquíü̃ ga ãẽ̱xgacüpatamaxã icuácü rü Chéna ga ãẽ̱xgacüarü poperagüna daucü rü yema chacherdótegü ga rüyamaegüxü̃ nax nümagü rü ta naxchiru ga témüxü̃gu yacu̱xgüxü̃ca̱x. Rü yemaacü orearü uruxü̃ ga Ichaía ga Amú nanexü̃tawa nanamugü nax namaxã nüxü̃ yanaxugüexü̃ca̱x ga yema guxchaxü̃.

Yeremía 48:37

Rü guxü̃ma i duü̃xü̃gü rü norü ngechaü̃maxã nügü nidüerugü, rü nügü nidüxchinagugü, rü nügü nawixme̱xgü, rü naxchiru i témüxü̃gu nicu̱xgü.

Echequié 4:1

Rü Cori ya Tupana rü ñanagürü: —Cumax, Pa Echequiéx, ¡rü nayaxu ya wüxi ya ladriyu rü cugüpe̱xegu naxǘ! ¡Rü yimagu naxüxchicüna̱xã ya yima ĩane ya Yerucharéü̃!