Ichaía 2:9 - Tupanaarü Ore

⁹ Rü nügütama ãne ningexẽẽgü. Rü taxuwama nügü namexẽẽgü. Rü ngẽmaca̱x, Pa Tupanax, ¡taxṹ i nüxü̃ curüngü̃maxü̃ i ngẽma duü̃xü̃güarü chixexü̃! —ñanagürü ga Ichaía ga norü yumüxẽwa.

Ichaía 2:9 Referans Kwoze

Ichaía 5:15

Rü ngẽma duü̃xü̃gü i chixexü̃gu maxẽxü̃ rü Tupana tá nanaxãneexẽxẽ. Rü ngẽma duü̃xü̃gü i nügü írütagüxü̃ rü ãnemaxã tá inarüma̱xcu.

Romanos 3:23

Rü guxãma rü pecadu taxü rü ngẽmaca̱x nüxna tayáxü̃gugü ya Tupana ya üünecü.

Ore i mexü̃ ga Márcu ümatüxü̃ 3:29

Natürü texé ya chixexü̃ namaxã ixugüxe i Tupanaãxẽ ya Üünecü, rü Tupana rü tagutáma tüxü̃́ nüxü̃ narüngüma i ngẽma chixexü̃. Rü guxü̃gutáma chixexü̃wa tangexma —ñanagürü.

Ichaía 27:11

Rü ngẽma naixchacüxügü rü ngẽxguma yapagügu rü ngẽma ngexü̃gü rü norü üxüxü̃ nanade nax ngẽmamaxã naxãxü̃xü̃güxü̃ca̱x. Rü ngẽma duü̃xü̃gü rü nataxuma i norü cua̱x rü ngẽmaca̱x ya Tupana ya norü ngo̱xẽẽruxü̃ rü taxũtáma yáxna namaxã naxĩnü rü bai tá i namaxã yaxãũxãchixü̃.

Neemía 4:5

¡Rü taxṹ i nüxü̃́ nüxü̃ curüngü̃maxü̃ i ngẽma norü chixexü̃gü rü taxṹ i nüxü̃ curüngü̃maxü̃ i ngẽma norü pecadugü! Erü nümagü rü ngẽma ĩanearü poxeguxü̃tápü̱x ixügüxü̃maxã ta̱xacü nixugüe —yemaacü chayumüxẽ.

Yochué 24:19

Natürü ga nüma ga Yochué rü duü̃xü̃güxü̃ nangãxü̃ rü ñanagürü: —Pema rü taxũtáma pexü̃́ natauxcha nax Cori ya Tupanaarü ngúchaü̃ pexügüxü̃, erü nüma ya Tupana rü naxüüne rü poraãcü nüxü̃́ tachu̱xu. Rü taxũtáma pemaxã yáxna naxĩnü ega tama naga pexĩnüegu rü chixexü̃ pexügügu.

Colosenses 2:23

Rü guxü̃ma i ngẽma pexü̃ namuxü̃ rü pexca̱x namexcüraxü̃ erü pexü̃ naxucu̱xẽgü nax ta̱xacü pexauregüxü̃ca̱x, rü tama pegü picua̱xüü̃güxü̃ca̱x, rü ngúxü̃maxã pexenemaxã pecuáxü̃ca̱x. Natürü guxü̃ma i ngẽma mugü rü tama pexü̃ narüngü̃xẽxẽ nax nüxü̃ perüxoexü̃ca̱x i pexenearü ngúchaü̃gü.

Yeremía 18:23

Natürü i cumax, Pa Corix, rü nüxü̃ cucua̱x i ngẽma naãxẽwa nagu naxĩnüexü̃ nax choxü̃ yama̱xgüxü̃ca̱x. ¡Rü taxṹ i nüxü̃́ nüxü̃ cungechaxü̃xü̃ i ngẽma norü chixexü̃gü, rü taxṹ i nüxü̃́ nüxü̃ curüngü̃maxü̃ i ngẽma norü pecadugü! ¡Ẽcü cugüpe̱xegu yayixẽxẽ, rü curü numaxã napoxcue! —ñanagürü ga Yeremía.

Ichaía 57:9

Rü tupananeta i Molóxca̱x pibuxmü rü naxca̱x ngéma penana i oribuarü chíxü̃gü rü muxü̃ma i pumaragü, rü naxca̱x pedaugü i yuetaãẽgüarü ucu̱xẽgü.

Wiyaegü 62:9

¿Rü ta̱xacüwa name i ngẽma nax nadiẽruã̱xgüxü̃ i duü̃xü̃gü rü ngẽma nax nangearü diẽruã̱xgüxü̃? Rü nümagü rü ngẽxguma chi wüxigu yáruü̃wa nangugügu, rü ñoma buanecürüxü̃ tama nayá.

Wiyaegü 49:2

Rü guxãma i pema i diẽruã̱xgüxe, rü pema ya ingearü diẽruã̱xgüxe, rü pema i duü̃xü̃gümaxã icua̱xgüxe, rü pema i togüme̱xẽwa ngẽxmagüxe ¡rü mea iperüxĩnüe i ñaa ore!

Colosenses 2:18

¡Rü taxṹ i naga pexĩnüexü̃ i ngẽma duü̃xü̃gü i pepe̱xewa nügü írüxíxragüxü̃ rü daxũcüã̱x i orearü ngeruü̃güxü̃ icua̱xüü̃güxü̃! Nümagü rü nügü nixugüe nax yango̱xetügüxü̃, rü ngẽmaãcü noxrütama ĩnügümaxã nügü nicua̱xüü̃gü.

Wiyaegü 59:5

Pa Cori ya Guxãétüwa Ngẽxmacü ya Iraétanüxü̃arü Tupana Ixĩcüx, ¡írüda rü paxa napoxcue i guxü̃ma i ngẽma togü i nachixü̃anecüã̱x! ¡Rü taxṹ i cuxü̃́ nangechaü̃tümüxü̃güxü̃ i ngẽma chixexü̃ ügüxü̃ rü taechitawa̱xegüxü̃!

Ichaía 5:16

Rü Cori ya Tupana ya Guxãétüwa Ngẽxmacü rü tá nügü nango̱xẽxẽ nax aixcüma cua̱x nüxü̃́ ngẽxmaxü̃ i ngẽxguma duü̃xü̃güna nacaxgu naxca̱x i norü maxü̃. Rü ngẽxguma nüxna nacaxgu rü tá nango̱x nax aixcüma naxüünexü̃.