Ichaía 2:8 - Tupanaarü Ore

⁸ Natürü ñaa nachixü̃anewa rü ta namu i ngẽma tupananetachicüna̱xãgü. Rü duü̃xü̃gü rü nümagütama naxme̱xmaxã naxüxgüxü̃ i tupananetachicüna̱xãgüxü̃ nicua̱xüü̃gü.

Ichaía 2:8 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 9:20

Natürü ga yema togü ga duü̃xü̃gü ga tama yema poxcuruü̃gümaxã yuexü̃, rü tama nüxü̃ narüxoe ga yema chixexü̃gü ga naxügüxü̃. Rü tama nüxü̃ narüxoe nax nüxü̃ yacua̱xüü̃güxü̃ ga ngo̱xogü rü yema tupananetachicüna̱xãgü ga úirunaxca̱x rü diẽrumünaxca̱x rü cobrenaxca̱x rü nutagünaxca̱x rü nainaxca̱x. Rü yemaacü nüxü̃ nicua̱xüü̃güama ga yema norü tupananetachicüna̱xãgü ga ngearü maxü̃ã́xü̃ rü tama nüxü̃ daugüxü̃ rü tama nüxü̃ ĩnüexü̃ rü tama ixĩxü̃.

Yeremía 2:28

Pa Yudátanüxü̃x, ¿ngexü̃gü nixĩ i ngẽma tupananetachicüna̱xãgü ga pematama pexügüxü̃? Pema rü perü ĩanegüe̱xpü̱x nixĩ i ngẽma perü tupananetachicüna̱xãgü. ¡Ẽcü nua naxĩ i ngẽma naxchicüna̱xãgü nax nüxü̃ pedauxü̃ca̱x rü tá aixcüma pexü̃ yanangü̃xẽẽgü i ngẽxguma guxchaxü̃ pexca̱x ínguxgu!

Ngechuchuarü ngúexü̃gü ga yamugüxü̃arü puracüchiga 17:16

Rü yexguma Pauru rü Aténawa Chíraxü̃ rü Timutéuxü̃ nangu̱xẽẽgu, rü tama nataãẽcüraxü̃ yerü nüxü̃ nadau nax guxü̃wama ga guma ĩanewa rü poraãcü naxchicüna̱xãmaxãmare natupanaã̱xgüxü̃.

Ochéa 14:3

Rü marü nüxü̃ tacua̱x rü ngẽma Achíriaanecüã̱xgü rü tama aixcüma toxü̃ ínapoxü̃. Rü woo chi cowarumaxã tibuxmügu rü taxũchima tamaxẽ. Rü ngẽmaca̱x i ñu̱xma rü marü taxũtáma namaxã tatupanaã̱x i ta̱xacürü naxchicüna̱xã i tomatama taxüxü̃. Erü toma nax tangearü yoraáxü̃ rü cuxicatama nixĩ i aixcüma cuxü̃́ tangechaü̃tümüxü̃güxü̃ —ñaperügügü tá.

Ochéa 13:2

Rü pema rü ñu̱xma rü ta pecadu nixüetanüama. Rü ngẽma duü̃xü̃gü i naxchicüna̱xãarü üxü̃ cua̱xgüxü̃ namugü nax diẽrumüwa naxügüãxü̃ca̱x i wocachicüna̱xãgü. Rü nümagü i ngẽma naxchicüna̱xãarü üwa puracüexü̃ rü nümagü nanaxwa̱xegüxü̃ãcü nanaxügü. Rü ngẽma tupananetagüca̱x buxe tüxü̃ nigugü rü nüxü̃ nachúxgü ga yema wocaxacüchicüna̱xãgü.

Ochéa 12:11

Rü Garaáxanewa nangẽxma i muxü̃ma i tupananetagümare, natürü ngẽmagü rü natüca̱xmamare nixĩgü. Rü Guirigáwa rü tupananetagüca̱x nanadai rü nayagu ga muxü̃ma ga woca i yatüxü̃. Natürü ngẽma norü ãmarearü guruü̃güarü nutagü rü naanegügu tá nixãũxchitachigümare —ñanagürü.

Yeremía 11:13

Rü cumax, Pa Yudáanex, rü curü ĩanegürüxü̃ namu i curü tupananetachicüna̱xãgü. Rü ngẽma Yerucharéü̃arü namagü i muxü̃rüxü̃ namu i ngẽma ãmarearü guruü̃gü i nawa Baáca̱x pumarate̱xe yagugüxü̃.

Ichaía 57:5

Rü naigü i taxü̃tüxü̃wa rü guxü̃ma i naigü i metanüxü̃tüxü̃wa rü pegümaxã pemaxẽ nax ngẽmaãcü nüxü̃ picua̱xüü̃güxü̃ca̱x i ngẽma perü tupananetagü. Rü doxonexü̃güwa rü nutatanüarü ãxmagüxü̃wa perü tupananetagüca̱x tüxü̃ pidai rü tüxü̃ ípigu ya penegü rü pexacügü.

Ichaía 17:8

Rü taxũtáma nagu narüxĩnü i ngẽma ãmarearü guruü̃gü rüe̱xna ta̱xacü i to i nümatama naxme̱xmaxã naxüxü̃ nax norü tupanagüxü̃ yacua̱xüü̃güxü̃ca̱x. Rü taxũtáma nagu narüxĩnü i ngẽma naixmena̱xãgü i namaxã natupanaã́xü̃ rü ngẽma ãmarearü guruü̃gü i nawa norü tupananetagüca̱x yaguxü̃ i pumarate̱xe.

Norü taxre ga to ga popera ga ãẽ̱xgacügüchiga ümatüxü̃ 27:2

Rü nüma ga Yotáü̃ rü Tupanaga naxĩnü, nanatü ga Uchíarüxü̃, natürü tama nanatürüxü̃ Tupanapata ga taxü̃negu naxücu nax pumarate̱xe nawa yaguxü̃ca̱x. Natürü yema duü̃xü̃gü rü chixexü̃ naxügü yerü nüxü̃ nicua̱xüü̃güama ga yema tupananetachicüna̱xãgü.

Wenaxarü naxümatü ga Tupanaarü mugü 4:28

Rü ngéma tá nixĩ i nüxü̃ picua̱xüü̃güxü̃ i tupananetachicüna̱xãgü i duü̃xü̃gümare naiwa rü nutawa ügüxü̃ i tama tüxü̃ dauxü̃, rü tama tüxü̃ ĩnüxü̃, rü tama chibüxü̃, rü tama ingü̃ãcüüxü̃.

Ochéa 8:6

¡Pa Iraéanecüã̱xgüx, ngẽma wocaxacüchicüna̱xã i Chamáriawa ngẽxmaxü̃ rü tama aixcüma Tupana nixĩ. Rü wüxi i yatü i ngẽmaxü̃arü üruü̃xü̃ cuáxü̃ nanaxümare. Natürü i choma rü tá íraxü̃gu chanapuxãchixẽxẽ.

Nüxíraxü̃xü̃ ga popera ga ãẽ̱xgacügüchiga 16:7

Rü Cori ya Tupana rü norü orearü uruxü̃ ga Yeú ga Ananí nanewa Baachámaxã rü natanüxü̃maxã nanaxuegu ga poxcu, yerü Cori ya Tupanape̱xewa chixexü̃ naxü. Rü Baachá rü Cori ya Tupanaxü̃ nanuxẽxẽ, yerü yema chixexü̃ ga Baachá üxü̃ rü namaxã nawüxigu ga yema chixexü̃ ga naxüxü̃ ga Yeruboáü̃ rü natanüxü̃ ga Tupana daixü̃.

Ichaía 26:13

Pa Cori ya Torü Tupanax, togü ga nachixü̃anegüarü ãẽ̱xgacügü rü tomaxã inacua̱xgü, natürü i ñu̱xma rü cuxü̃xicatama nixĩ i tacuáxü̃ nax torü ãẽ̱xgacü quixĩxü̃.

Ichaía 40:19

Rü wüxi i naxchicüna̱xãarü üruxü̃ rü nanadexẽxẽ i ngẽma nawa naxüaxü̃ i ngẽma naxchicüna̱xã. Rü wüxi i nga̱xãẽruxü̃ rü úirumaxã nanatüxüne rü diẽrumüwa nanaxü i nachagü.

Ichaía 41:29

Rü wüxichigü ga yema tupananetachicüna̱xãgü rü taxuxü̃ma nixĩ. Rü taxuxü̃ma naxügü erü naxchicüna̱xãgümare nixĩgü rü nangearü maxü̃ã̱x —ñanagürü.

Yeremía 1:16

Rü ngẽma tá nixĩ i ngẽma poxcu i namaxã chaxueguxü̃ i ngẽma duü̃xü̃gü i chixexü̃ ügüxü̃ rü choxna ixĩgachixü̃. Erü nüxü̃ nicua̱xüü̃gü rü pumarate̱xe naxca̱x ínagugü i ngẽma togü i nachixü̃anegüarü tupanachicüna̱xãgü i nümatama ügüxü̃.

Norü taxre ga popera ga ãẽ̱xgacügüchiga 17:10

Rü yexgumarüxü̃ ta rü wüxichigü ga ma̱xpǘnegüetügu rü naigü ga meetaxü̃tüü̃gu nayanuã ga norü tupananetachicüna̱xãgü ga nutanaxca̱x rü Acheráchicüna̱xãgü.

Norü taxre ga popera ga ãẽ̱xgacügüchiga 17:16

Rü nüxü̃ narüxoe ga guxü̃ma ga norü Cori ya Tupanaarü mugü. Rü yemaca̱x nügüca̱x nanaxügü ga taxre ga wocaxacüchicüna̱xãgü ga úirunaxca̱x, rü nanaxügü ta ga tupananeta ga Acheráchicüna̱xãx. Rü naétü nüxü̃ nicua̱xüü̃gü ga üa̱xcü rü tauemacü rü woramacurigü rü ñu̱xũchi Baáchicüna̱xã rü ta.

Miquéa 5:12

Rü tá chanadai i ngẽma perü yuüexü̃ rü taxuxü̃táma i yuüxü̃ íchayaxüxẽxẽ.